নেস্নেল কঞ্জুমর হেল্পলাইন (NCH), দিপার্তমেন্ত ওফ কঞ্জুমর এফিয়র্সকী অনৌবা থৌরাং অসিনা ভারতকী অৱাং-নোংপোক লমদমদা য়াম্না শিংথানিংঙাই ওইবা মওংদা মাইপাকপা ঙমখ্রে।

লমদম অসিগী রাজ্যশিংগী মরক্তা, অরুনাচল প্রদেশনা কঞ্জুমর গ্রীভান্স রেজিস্ত্রেশন অমসুং রিজোল্যুশন পুরকপদা য়াম্না শিংথানিংঙাই ওইবা মওংদা হেনগৎলকপা থেংনখিবগা লোইননা ময়ামদগী থোইদোক-হেন্দোক্না পাংথোকপা ঙমখি। ২০২০দা গ্রীভান্স ৩১৮ ওইরম্বদগী, রাজ্য অসিদা চেনেল কয়া অমগী খুত্থাংদা NCHতা পাউ ফাওরকখিবা কঞ্জুমরশিংগী মশিংদা য়াম্না খঙহেন-হেনগৎলক্তুনা ২০২৪দা কঞ্জুমর গ্রীভান্স মশিং ১৫,৮৬০ রেজিস্তর তৌরকপা থেংনখি। অরুনাচলনা খুমাং চাউশিল্লক্লিবা অসি ইন্নোভেতিব ওইবা মীয়ামদা খঙহন্নবগী অনৌবা থৌরাংশিং অমসুং তেক্নোলোজী শিজিন্নবা হেনগৎলকপনা মরম ওইরগা কঞ্জুমরদা এৱেয়রনেস হেনগৎলকপা অমসুং NCH প্লেতফোর্মদা থাজবগী  হেনগৎলক্লি হায়বা অদু তাক্লিবনি।

মসিগী মাইপাকপা অসিনা লৈবাক অসিগী লম্মিৎলোন খ্বাইদগী হেন্না ফিভম চাদবা মফমশিংদা কঞ্জুমর এৱেরনেস প্রোমোত তৌনবা অমসুং খ্বাইদগী হেন্না ফবা গ্রীভান্স রিদ্রেসল মেকানিজমশিং ফংহন্নবা দিপার্তমেন্তনা পাইৎলকপা অনৌবা থৌরাং কয়া অমগী ফংলক্লিবা ফল অদু ময়েক শেংনা তাক্লি।

অৱাং-নোংপোক্কী রাজ্যশিংনা মখোয়গী তোপ-তোপ্পা দেমোগ্রাফিক্স অমসুং সোসিয়ো-ইকোনিমিক চেলেঞ্জশিং অদুগা লোইননা মহৌশাদগী হৌনা কঞ্জুমর গ্রীভান্স রিদ্রেসল মেকানিজমশিংগী খুদোংচাবা অসি ফংদদুনা লাকখি। NCHনা হায়রিবা রাজ্যশিং অসিদা য়াম্না কন্না হোৎনবদগী য়াম্না শিংথানিংঙাই ওইবা মওংদা ৩০০%দা হেনগৎলকখি, হায়রিবা অআসি ২০২০দা গ্রীভান্স ৯১৬২ লৈরম্বদগী ২০২৪দা গ্রীভান্স ৩৬,৬০৯দা হেনগৎলকখি। অরুনাচল প্রদেশনা মরুওইনা মসিগী মতাংদা ময়ামদগী থোইদোক-হেন্দোক্না হেনগৎলকপা থেংনখি, মসিদা ই-কমর্স, তেলিকোম সর্বিস, দিজিতেল পেমেন্তগুম্বা সেক্তরশিংগা মরি লৈনবা ইশুশিং অমসুং ফোল্তী গুদস অমসুং সর্বিসশিংগী কমপ্লেনশিংগী মশিংদা য়াম্না চাউনা হেনগৎলকপা থেংনখি।

অরুনাচল প্রদেশকী য়াম্না শিংথাংনিংঙাই ওইবা পর্ফোর্মেন্স অসি মরু ওইবা মরম কয়া অমদা পীবা য়াই:

লোকেলাইজদ অউৎরীচ প্রোগ্রামশিং: দিপার্তমেন্তনা লোকেলাইজদ ৱার্কশোপশিং, কম্যুনিতী ইভেন্তশিং পাংথোক্তুনা অমসুং  সেল্ফ-হেল্প গ্রুপশিং অমসুং লোকেল NGOশিংগা খুৎশম্নদুনা রাজ্য অসিগী অথাপ্পা অমসুং ত্রাইবল তাবা মফমশিংদা য়ৌশিনবদা খ্বাইদগী হেন্না মরু ওইবা থমখি।

মলতিলিংগ্বেল সপোর্ত ফোর গ্রেতর ইনক্লুসিবিতী: অৱাং-নোংপোক্কী লিগ্বিস্তিক দিভর্সিতীবু মশক খঙলদুনা, NCHনা মশাগী লেংগ্বেজ সপোর্ত অদু তোঙান-তোঙানবা রিজনেল দাইলেকশিং য়াওহনখি, মসিনা মী ময়াম অমবু মশাগী লোলদা কমপ্লেনশিং থাংগৎপা অমসুং মতেং নিবা ঙমহল্লে। মসিনা মরু ওইনা অরুনাচল কান্নহল্লি, মরমদি মফম অসিদা হান্না লৈরম্বা লোলগী পল অদুনা কম্জুমর কয়া অমবু মসিদা শরুক য়াবা ঙমহল্লমদে।

নুপীশিং শরুক য়াবা হেনগৎলকপা: কঞ্জুমর গ্রীভা্সশিং থাংগৎলকপদা নুপীশিংনা শরুক য়াবগী চাং য়াম্না শিংথানিংঙাই ওইবা মওংদা হেনগৎলকখি, মসিনা কঞ্জুমর রাইতসকী মতাংদা জেন্দর ইক্বালিতীগী চৎনবী অমা থৌগৎলি। মসিগী দোমেন অসিদা নুপীশিং শরুক য়াবা এনগৎলকপা অসি হেন্না চাউবা এমপাৱরমেন্ত অমসুং ওতোনোমী মাইকৈদা খুনাই অসিদা অহোংবা অমা পুরক্লি, মরু ওইনা জস্তিস অমসুং একাউন্তেবিলিতী লৈহনবগী মতাংদা তাক্লিবনি।

দিজিতেল এৱেরনেস কেমপেনশিং: ভারতকী দিজিতেল ত্রান্সফোর্মেশনগা মরি লৈননা, গ্রীভান্সশিংগী অয়াম্বা NCH ৱেব পোর্তলগী খুত্থাংদা রেজিস্তর তৌখি, মসিনা দিজিতেল এনগেজমেন্ত মাইকৈদা অহোংবা অমা পুরক্লি। কঞ্জুমর গ্রীভান্সকী মশিং অসি ২০২০দা ৯৮ ওইরম্বদগী ২০২১দা ৩৯৪, ২০২২দা ৮৫৫, ২০২৩দা ২,৯৪১ অমসুং ২০২৪দা ১৫,২৩০দা খঙহেন হেনগৎলকখি। য়াম্না মরু ওইবা ৱাফম অমনা, কঞ্জুমর গ্রীভান্সকী মশিং অসি মমাংগী চহি দা ৫১৭%দা হেনগৎলকখি। মসিগী অহোংবা অসিনা কঞ্জুমরশিংনা তেক্নোলোজী শিজিন্নবগী চাং য়াম্না হেনগৎলক্লৈ হায়বদু ময়েক শেংনা তাক্লি, মসিনা হেন্না য়াংনা, হেন্না ফবা মওংদা থবক পাংথোকপা ঙমহল্লে অমসুং দিজিতেল এমপাৱরমেন্তকী হেন্না চাউবা পান্দম অদুবু মাইপাক্নবা হোৎনবা শুক য়ারিবনি।

দিপার্তমেন্ত ওফ কঞ্জুমর এফিয়র্সনা “জাগো গ্রাহক জাগো”গী লমজিং-লমতাক মখাদা লৈবাক শিনথুংনা মলতিমীদিয়া এৱেরনেস কেমপেন কয়া পাইখত্তুনা কঞ্জুমর এৱেরনেস লৈহল্লি অমসুং অৱাং-নোংপোক্কী লমদম য়াওনা লৈবাক অসি শিনথুংনা কঞ্জুমরশিংদা য়ৌহন্নবা ‘জাগ্রিতি মাসকোত’ শিজিন্নরি। মহৌশাদগী লৈরক্লবা মীদিয়া খুদম ওইনা ওল ইন্দিয়া রেদিয়ো, দুর্দর্শন, মেলা অমসুং কুম্মৈ অসিনচিংবা কয়া অসিগা লোইন-লোইননা দিজিতেল মীদিয়া খুদম ওইনা সোসিয়েল মীদিয়া, য়ুত্যুব, সিনিমা থিয়েতরনচিংবশিং অসি শিজিন্নদুনা কঞ্জুমরশিংগী মরক্তা এৱেরনেস শাগৎলি। ইচম-চম্বা মেসেজশিং অমসুং জিঙ্গলশিংগী খুত্থাংদা কঞ্জুমরশিংদা কঞ্জুমরগী হক, লাল্লোল-ইতক্তা অরান-অথুপকী থবক তৌবা, কঞ্জুমরশিংগী ইশুশিং অমসুং মখোয়শিং অসিগী রিদ্রসল মেকানিজমশিংগী মতাংদা খঙহল্লি।

২০২৪-২৫তা, দিপার্তমেন্ত অসিনা NERদা এৱেরনেস পীনবগিদমক্তা মখাগী কেমপেনশিং অসি পাংথোকখি

-জুন থাদা T20 ৱার্ল্দ কপ মতমদা AIR কেমপেন।

- NFDCগী খুত্থাংদা NERদা কঞ্জুমরশিংগী ওইবা মেসেজশিং পীবা IVRS campaign।

- লোকেলগী থাক্তা কঞ্জুমর এৱেরনেস লৈহন্নবগীদমক্তা সিক্কিম অমসুং অরুনাচল প্রদেশতা গ্রান্ত-ইন-এদ পীবা।

- কঞ্জুমরগী ওইবা হক অমসুং ৱাফমশিংগী মতাংদা পঞ্চায়তশিংগী কেপাসিতী বিল্দিং প্রোগ্রামগী শরুক অমা ওইনা, দিপার্তমেন্ত অসিনা পঞ্চায়তি রাজ মন্ত্রালয়গা খুৎশম্নদুনা রাজ্যশিং/য়ু.তি.শিংদা পঞ্চায়তকী মীহুৎশিংগা লোইননা মখোয়দা কঞ্জুমর ইশুশিংগী মরমদা খঙহন্নবা ভরউৱল ইন্তরেক্তিব সেসনশিং পাংথোখি। অহান সেসন অদু ২০২৪গী দিসেম্বর ২০দা অসাম রাজ্যদা পাংথোকখি।

অরুনাচলদা মাইপাক্লকপা অসিদা য়ুমফম ওইরগা, দিপার্তমেন্ত ওফ কঞ্জুমর এফিয়র্সনা হৌজিক্তি অসাম, মেঘালয়া, মনিপুর, নাগালেন্দ, ত্রিপুরা, মিজোরাম অমসুং সিক্কিম য়াওনা অতোপ্পা অৱাং-নোংপোক্কী রাজ্যশিংদা NCHনা য়ৌশিনবা হেনগৎহনবদা মিৎয়েং থম্লি।

মথংগী তাঙ্কক অসিনা মরু ওইবা মিৎয়েং থমগদৌরিবা অসি:

• স্তেত গোবর্নমেন্ত এজেন্সীশিংগা ইন্তিগ্রেত তৌবা : গ্রীভান্স রিদ্রেসলদা হেন্না কোম্নবা লোকল ওথোরিতীশিংগা য়াম্না নক্না খুৎশম্নদুনা থবক তৌমিন্নবা।
• তেক্নোলোজী অপগ্রেদ তৌবা: কমপ্লেনশিংবু ক্বাইদগী হেন্না মরু ওইনা লৌনবা অমসুং হেন্না য়াংনা লোইশিন্নবা AI শিজিন্নবা ফীচরশিংগা লোইননা NCH প্লেতফোর্মবু হেন্না চাউথোকহনবা।
• য়ুথ এনগেজমেন্ত প্রোগ্রামশিং: দিজিতেল সর্বিসশিং অমসুং ই-কমর্সপু খ্বাইদগী হেন্না য়াম্না শিজিন্নবা মীশিংগী নহা ওইরিবা কাংলুপশিংবু মসিদা শরুক য়াহন্নবা অখন্নবা কেমপেন।
• ফীদবেক অমসুং মোনিতরিং সিস্তেমশিং। সর্বিসশিংবু লেপ্তনা ফগৎহন্নবা ফীদবেক মেকানিজমশিং অদুবু হেন্না কনখৎহনবা।

মসিগী স্ত্রেতেজিক ওইবা খোংথাংশিং আসিনা অরুনাচল প্রদেশতা তশেং-তশেংবা ফলশিং পুরকখ্রে। কঞ্জুমরশিংনা মখোয়গী কমপ্লেনশিং অদু খুদক্তা য়েংশিল্লগন হায়বা খঙবদা হৌজিক্তি মখোয়গী অৱাবশিং অদুবু হায়বদা হেন্না এমপাৱর তৌবগুম ফাওরে। মসিগী মথক্তা এৱেরনেস কেমপেনশিং অদুনা খুঙ্গংগী মীওইশিংদা মখোয়গী হকশিং অদুবু হেন্না ফজনা খঙহনবদা য়াম্না চাউনা মতেং পাংলি, মরু ওইনা ওনলাইন স্কেমশিং, নাথৈননা পুগদবা এদবর্তিসমেন্তশিং অমসুং স্তেন্দার্দ য়ৌদবা সর্বিসশিংগুম্বা লেপ্তনা হোংলক্লিবা শিংনবশিং অসিগী মরি লৈননা খঙহনবদা মতেং পাংলি।

অরুনাচল প্রদেশ অমসুং অৱাং-নোংপোক লমদম  অয়াম্বা য়াম্না খুমাং চাউশিল্লকখিবা অসিনা কঞ্জুমরশিংনা মশাগী হক মশক খঙবা, থাজবা য়াবা গ্রীভান্স রিদ্রেসল মেকানিজমশিং লৈবা  অমসুং বিজনেসশিংবু মথৌ মশক খঙহনবদা পুক্নিং হকচাং থৌগৎপগুম ফাওহনবা ইকোসিস্তেম অমা শেম্নবা দিপার্তেমন্ত অসিনা লৌরিবা ফিরেপ অদুবু য়াম্না ময়েক শেংনা তাক্লি।

দিপার্তমেন্ত ওফ কঞ্জুমর এফিয়র্স মখাদা নেস্নেল কঞ্জুমর হেল্পলাইন (NCH)না ভারত শিনথুংনা কঞ্জুমরশিংগী সেবা তৌনবগী মখোয়গী মিসন অদুদা ইন্নোভেতিব ওইবা খোংথাং অমা থাংজিল্লিবনি। মসিগী হৌজিক-হৌজিক চত্থরিবা প্রোজেক্ত অমগী শরুক অমা ওইনা NCHনা রিজনেল লেংগ্বেজ সপোর্ত তৌবা চেতবোত ফীচর অমা হাপচিন্নবগি মাইকৈদা কন্না থবক তৌরি, মসিনা লৈবাক অসিগী মফম খুদিংমক্তা লৈরিবা মীপুম খুদিংমক্তা কঞ্জুমর এসিস্তেন্স ফংবা ঙমহল্লি। মসিগী চেতবোত অসি হৌদোক্তুনা, দিপার্তমেন্ত অসিনা লৈরিবা লোলগী পল অদুবু লৌথোক্নবগী পান্দম থম্লি, মসিনা তোঙান-তোঙানবা লিংগ্বিস্তিক বেকগ্রাওউন্দশিংদগী লাকপা কঞ্জুমরশিংনা য়াম্না কোম্না ইনফোর্মেশনশিং লৌবা য়াগনি, কমপ্লেনশিং রেজিস্তর তৌবা, অমসুং পাউ ফাওদোক-ফাওজিনগীদমক্তা শিংনবশিং অমত্তা থেংনদনা ইশুশিং অদুবু লোইশিনবা ঙমহল্লগনি। মসিগী অনৌবা থৌরাং অসিনা সরকারগী দিজিতেল এক্সেসিবিলিতী হেনগৎহন্নবগী ফিরেপ অদুগা মরি লৈনবদা নত্তনা ইংলিশ অমসুং হিন্দি নিংথিনা খঙদবা খুঙ্গং অমসুং অথাপ্পা মফমশিংদগী মীওইশিংবু এমপাৱর তৌরি। তোঙান-তোঙানবা লোলশিংদা রিয়ল-তাইমেসিস্তেন্স পীদুনা, নেস্নেল কঞজুমের হেল্পলাইন অসিনা কঞ্জুমরগী হক পু ঙাক-শেন্দুনা থম্বদা অমসুং এৱেরনেস হেন্না লৈহন্নবা থাজবা পীরি, মসিনা মীপুম খুদিংমক্কীদমক্তা হেন্না ইনক্লুসিব ওইবা অমসুং হেন্না রেসপোন্সিব ওইবা সিস্তেম অমা লৈহল্লগনি।

***