ہندوستان کے قومی کمیشن برائے انسانی حقوق(این ایچ آر سی) نے اپنے احاطے میں ‘ڈیجیٹل دور میں رازداری اور انسانی حقوق کو یقینی بنانا: کارپوریٹ ڈیجیٹل ذمہ داری پر توجہ ’ کے موضوع پر ہائبرڈ موڈ میں ایک  کھلی بحث کا انعقاد کیا ۔  اس کی صدارت ممبر جسٹس (ڈاکٹر) بدیوت رنجن سارنگی ، سکریٹری جنرل جناب بھرت لال ، سینئر افسران ،  اس شعبے کےماہرین ، صنعت کے نمائندوں سمیت دیگر کی موجودگی میں چیئرپرسن جسٹس جناب وی راما سبرامنین نے کی ۔

شرکاء سے خطاب کرتے ہوئے این ایچ آر سی ، انڈیا کے چیئرپرسن جسٹس  جناب وی راما سبرامنین نے زور دے کر کہا کہ ڈیجیٹل دنیا میں انسانی حق کے طور پر رازداری کا تحفظ ضروری ہے ۔  تکنیکی  پیش رفت کو بنیادی انسانی حقوق اور رازداری کے تحفظ کے ساتھ ہم آہنگ ہونا چاہیے ۔  ذمہ داری انفرادی صارف سے شروع ہونی چاہیے ۔  انہوں نے زور دے کر کہا کہ ڈیجیٹل  پاکیزگی کو برقرار رکھنا بہت ضروری ہے ۔  انہوں نےا قدار میں نمایاں  گراوٹ کی طرف بھی اشارہ کرتے ہوئے خبردار کیا کہ اس تبدیلی کے منفی نتائج ضرور مرتب ہوں گے۔

انہوں نے اختراع ، سلامتی اور انفرادی رازداری کو متوازن کرنے والے ایک  مستحکم ضوابط پر مبنی فریم ورک کو تیار کرنے کے لیے ڈیجیٹل حقوق اور کارپوریٹ جوابدہانہ پر جامع مباحثوں کو فروغ دینے کے لیے کمیشن کے عزم کا اعادہ کیا ۔

این ایچ آر سی ، انڈیا ممبر ، جسٹس (ڈاکٹر) بدیوت رنجن سارنگی نے ڈیجیٹل خواندگی کی کمی کے بارے میں خدشات کا اظہار کیا جس کی وجہ سے بہت سے لوگ دوسروں پر انحصار کرتے ہیں جو ان کے ساتھ دھوکہ د ہی کرسکتے ہیں ۔  انہوں نے کہا کہ ملک میں عام لوگوں کے ذریعے اس کا زیادہ سے زیادہ محفوظ استعمال کرنے کے لیے ڈیجیٹل ٹیکنالوجی کے عمل کو آسان بنایا جانا چاہیے ۔

اس سے قبل ، این ایچ آر سی ، انڈیا کے سکریٹری جنرل ، جناب بھرت لال نے بحث کے لیے ایجنڈا ترتیب دیتے ہوئے بتایا کہ اس بحث  کے اغراض و مقاصد  ایک ابھرتے ہوئے مسئلے یعنی‘‘ ڈیجیٹل دور میں رازداری اور انسانی حقوق کو یقینی بنانا: کارپوریٹ ڈیجیٹل ذمہ داری پر توجہ ’’ پر تبادلۂ خیال کرنا ہیں۔  انہوں نے تین ذیلی موضوعات: ‘ ضوابط کاایک مناسب فریم ورک اور تعمیل کا طریقہ کار قائم کرنا’ ،‘ڈیٹا پرائیویسی کی ثقافت کی تعمیر’ ، اور ‘خطرات اور بہترین طریقوں کی شناخت’ کا جائزہ پیش کیا۔2023 کے اعداد و شمار کا حوالہ دیتے ہوئے ، انہوں نے ذکر کیا کہ عالمی ڈیٹا کا 20 فیصد  سے زیادہ ہندوستان میں تیار کیا جاتا ہے  جب کہ اس کے پاس  ڈیٹا کوذخیرہ کرنے کی صلاحیت کا صرف 3 فیصد ہے جس میں ہندوستانی کارپوریٹس کے لیے اہم کردار کی ضرورت ہے ۔  انہوں نے کہا کہ جب کہ ڈیجیٹل پرسنل ڈیٹا پروٹیکشن ایکٹ 2023 اور دیگر ضابطے نافذ ہیں ، ڈیجیٹل دور میں چیلنجز بڑھ رہے ہیں ۔  قواعد کے مسودے کو مطلع کر دیا گیا ہے اور مشاورت کا عمل جاری ہے ۔  انہوں نے یہ بھی کہا کہ ذاتی ڈیٹا کو جمع کرنا ، ذخیرہ کرنا اور اس پر کارروائی کرنا اداروں کی بہت بڑی ذمہ داری  عائد ہوتی ہے اور وہ اس ڈیٹا کو بطور ‘ٹرسٹی’ رکھتے ہیں ۔  اس ٹرسٹی شپ میں اعتماد کی کوئی بھی خلاف ورزی ناقابل قبول ہے ۔  انہوں نے زور دے کر کہا کہ آن لائن لوگوں کی رازداری کا تحفظ ایک اجتماعی ذمہ داری ہے جس میں افراد ، نجی شعبے جو اہم کردار ادا کرتے ہیں اور حکومت اور اس کی ایجنسیوں کی مشترکہ کوششوں کی ضرورت  ہے ۔

اجلاس میں ڈیٹا کے غلط استعمال اور ڈیٹا کی خلاف ورزیوں کی وجہ سے پیدا ہونے والے مسئلے کی شدت پر تفصیلی تبادلہ خیال کیا گیا ۔ اس کے ساتھ ہی  ڈیجیٹل پرسنل ڈیٹا پروٹیکشن ایکٹ 2023 کی کئی اہم دفعات پر بھی تبادلۂ خیال کیا گیا ۔

ڈیٹا کے استعمال اور رازداری کے خدشات

شرکاء نے صارف کے ڈیٹا پر عالمی ٹیکنالوجی کمپنیوں کے وسیع کنٹرول پر خدشات کا اظہار کیا ، جو ضوابط کے نفاذ کو پیچیدہ بناتا ہے ۔  قانون نافذ کرنے والے اداروں کو اکثر غیر ملکی مراکز میں ڈیٹا کے ذخیرہ  کرنےکی وجہ سے اہم ڈیٹا تک رسائی میں چیلنجوں کا سامنا کرنا پڑتا ہے ۔  اس کے علاوہ، ڈیجیٹل پلیٹ فارمز پر بڑھتے ہوئے انحصار سے انفرادی رازداری کو برقرار رکھنا زیادہ مشکل ہو جاتا ہے ۔

سائبر قانون اور اس کے ضوابط سے متعلق فریم ورک

بات چیت میں ڈیٹا پروٹیکشن قوانین کے مسودے میں موجود خامیوں کا بھی انکشاف ہوا ، جن میں 72 گھنٹوں کے اندر ڈیٹا کی خلاف ورزیوں کی اطلاع دینے کی ضرورت اور ذاتی ڈیٹا کو سنبھالنے والے تحقیقی اداروں کی جواب دہی شامل ہے ۔ حکومتی نمائندوں نے  اعداد و شمار کے تحفظ کے ضوابط پر جاری مشاورت کرنے والے خاص طور پر ڈیٹا پرائیویسی کے حقوق کو بڑھانے کے لیے نامزدگی کے حق کو  متعارف کرنے پرروشنی ڈالی۔

کارپوریٹ ڈیجیٹل ذمہ داری

کارپوریٹ نمائندوں نے ڈیٹا کے تحفظ ، ڈیجیٹل فلاح و بہبود ، اور ڈیزائن -کے –ذریعے- تعمیل  کی حکمت عملی میں بہترین طریقوں کا اشتراک کیا ۔  تاہم ، وہ آپریشنل چیلنجز، بالخصوص پیچیدہ کثیر سطحی ڈیجیٹل کارروائیوں کو نیویگیٹ کرنے میں بھی پیش کرتے ہیں۔  کم ڈیجیٹل دخل کے ماحول سے ایک منظم ڈیٹا  کے حفاظتی فریم ورک میں منتقلی کرنے والی کمپنیوں نے یورپی یونین کے جنرل ڈیٹا پروٹیکشن ریگولیشن (جی ڈی پی آر) جیسے کاروباری ماڈلز اور عالمی تعمیل کی ضروریات کو  شامل کرنے کے لئے  ضوابط کی پائیداری کی ضرورت پر زور دیا ۔  ڈیجیٹل پرسنل ڈیٹا پروٹیکشن رولز ، 2025 کے مسودے کا حوالہ دیتے ہوئے کارپوریٹ  شراکت داروں نے کہا کہ اس میں عدم تعمیل کے لیے واضح تعزیراتی دفعات اور نابالغوں کے لیے قابل تصدیق والدین کی رضامندی کی ضرورت کے لیے رہنما خطوط شامل ہونے چاہئیں ۔

صارفین کے حقوق اور پالیسی کو آسان بنانا

شرکاء نے کہا کہ صارفین کے پاس ڈیٹا  یکجا کرنے کی رضامندی میں محدود انتخاب ہیں ، کیونکہ بہت سے کاروباری ماڈل ڈیٹا  کے اشتراک کو لازمی قرار دیتے ہیں ۔  ٹرائی کی طرف سے موجودہ ڈو- ناٹ -ڈسٹبر (ڈی این ڈی) میکانزم کو غیر موثر سمجھا گیا ۔

شرکاء میں  جناب شیلندرا تریویدی، چیف جنرل مینیجر انچارج، محکمہ اطلاعاتی ٹیکنالوجی، ریزرو بینک آف انڈیا، جناب دیپک گوئل، گروپ کوآرڈینیٹر (سائبر لا)، وزارت الیکٹرانکس اور اطلاعاتی ٹیکنالوجی،  جناب انکُر رستوگی، پرنسپل پروجیکٹ انجینئرنگ، ای جی ایس ٹی ایم، سنٹر فار ریل وے انفارمیشن سسٹمز (سی آر آئی ایس)،  جناب سنجوئے بھٹاچار جی، چیف ڈیٹا آفیسر، ایچ ڈی ایف سی بینک،  جناب اجے گپتا، ایگزیکٹو ڈائریکٹر، آئی سی آئی سی آئی بینک،  جناب سومندر مٹا گج سنگھ، گروپ چیف ہیومن ریسورسز آفیسر، آئی سی آئی سی آئی بینک،  جناب راجیو کمار گپتا،  پریزیڈینٹ، پی بی فِن ٹیک، پالیسی بازار، جناب سمیر بجاج، ہیڈ آف کمیونیکیشن اینڈ کارپوریٹ افیئرز، میک مائی ٹریپ،  جناب آشیش اگروال، وائس پریزیڈنٹ اینڈ ہیڈ آف پالیسی، ناسکام، ڈاکٹر مُکتیش چندر، این ایچ آر سی اسپیشل مانیٹر، سائبر کرائم اینڈ آرٹیفیشل انٹیلی جنس،  جناب تنویر حسن اے کے، ایگزیکٹو ڈائریکٹر، سنٹر فار انٹرنیٹ اینڈ سوسائٹی (سی آئی ایس) انڈیا اور جناب سمیر کوچھر، صدر ایس کے او سی ایچ ڈویلپمنٹ فاؤنڈیشن، این ایچ آر سی، انڈیا رجسٹرار ( لا)، جگندر سنگھ، ڈائریکٹر، لیفٹیننٹ کرنل ویرندر سنگھ سمیت دیگر شامل تھے۔

بحث سے سامنے آنے والی کچھ اہم تجاویز درج ذیل  ہیں ؛

• صارفین کی سمجھ بوجھ اور ذاتی ڈیٹا پر کنٹرول کو بڑھانے کے لیے صارف معاہدوں اور پالیسی کے ڈھانچوں کو آسان بنانا؛ 

• ڈیٹا کی خلاف ورزیوں کے لیے واضح ذمہ داری کے ڈھانچے خاص طور پر تحقیقی اداروں اور تیسری پارٹی کے ڈیٹا پروسیسرز کے لیے قائم کرنا، 

• صارف کی رضامندی کے ڈھانچوں کو مضبوط بنانا تاکہ زیادہ شفافیت اور آگاہی کی بنیاد پر فیصلے کیے جا سکیں؛ 

• مجوزہ ڈیٹا پروٹیکشن بورڈ کے  حتمی فیصلے اور ساخت کی وضاحت کرنا؛ 

• ڈیٹا پرائیویسی کے ضوابط کے لیے مقامی نقطہ نظر تیار کرنا تاکہ چھوٹے کاروباروں کی مدد کی جا سکے اور بھارت سے متعلق چیلنجز کا حل نکالا جا سکے؛ 

• کمپنیوں کو ڈیجیٹل آپریشنز میں پرائیویسی -بائی -ڈیزائن کے اصولوں کو ضم کرنے کی ترغیب دینا؛ 

• صارفین میں آگاہی بڑھانے کے لیے ہدف شدہ ڈیجیٹل پرائیویسی اور سائبر سیکورٹی کی خواندگی کے پروگرامز چلانا؛ 

• غیر تعمیل کے لیے واضح سزائیں متعارف کرانا؛ 

• سرحد پار سیکورٹی اور ڈیٹا  کے اشتراک کے مسائل کو حل کرنے کے لیے دو طرفہ معاہدوں کی ضرورت؛ 

• سخت ڈیٹا لوکلائزیشن کی ہدایات سے پیدا ہونے والے چیلنجز کو حل کرنا؛ اور 

• نابالغوں کے لیے قابل تصدیق والدین کی رضامندی حاصل کرنے کے لیے واضح رہنما اصول مرتب کرنا۔

******

ش ح۔ م ش۔ ش ب ن

U-NO.7331