তথ্য আৰু সম্প্ৰচাৰ মন্ত্ৰালয়
ৱেভছ ট্ৰেইলাৰ নিৰ্মাণ প্ৰতিযোগিতা
Posted On:
18 FEB 2025 3:36PM by PIB Guwahati
সৃষ্টিশীলতা আৰু চিনেমাৰ সমন্বয় য’ত
পৰিচয়
সৃষ্টিশীলতাৰ দুৱাৰ মুকলি কৰি ৱেভছঃ ট্ৰেইলাৰ মেকিং প্ৰতিযোগিতা হৈছে নেটফ্লিক্সৰ বিস্তৃত সমলৰ ভঁৰাল ব্যৱহাৰ কৰি আকৰ্ষণীয় ট্ৰেইলাৰ প্ৰস্তুত কৰিবলৈ উচ্চাকাংক্ষী চলচ্চিত্ৰ নিৰ্মাতাসকলৰ বাবে এক উৎসাহপূৰ্ণ সুযোগ। বিশ্ব দৃশ্য-শ্ৰাব্য আৰু মনোৰঞ্জন শীৰ্ষ সন্মিলন (ৱেভছ)ৰ চাৰিটা স্তম্ভৰ (ফিল্মছ)ৰ অধীনত ভাৰতত নিৰ্মাণ কৰা শীৰ্ষক প্ৰত্যাহ্বানৰ অংশ হিচাপে এই প্ৰতিযোগিতাখনে অংশগ্ৰহণকাৰীসকলক ট্ৰেইলাৰ নিৰ্মাণ কলাৰ জৰিয়তে কালজয়ী দৃশ্যবোৰ পুনৰ কল্পনা কৰিবলৈ বা নতুন দৃষ্টিভংগী উপস্থাপন কৰিবলৈ উৎসাহিত কৰে। এই স্তম্ভটোৱে অংশগ্ৰহণকাৰীসকলক তেওঁলোকৰ সৃষ্টিশীল দক্ষতা প্ৰদৰ্শন কৰিবলৈ এক মঞ্চ প্ৰদান কৰি চলচ্চিত্ৰ নিৰ্মাণ, প্ৰযোজনা আৰু গোলকীকৰণৰ জগতখন অন্বেষণ কৰে। তথ্য আৰু সম্প্ৰচাৰ মন্ত্ৰালয় আৰু নেটফ্লিক্সৰ সৃষ্টিশীল অংশীদাৰ হিচাপে ফেডাৰেচন অৱ ইণ্ডিয়ান চেম্বাৰছ অৱ কমাৰ্চ এণ্ড ইণ্ডাষ্ট্ৰী আৰু ৰেছকিলৰ দ্বাৰা আয়োজিত এই প্ৰতিযোগিতাৰ লক্ষ্য হৈছে পৰৱৰ্তী প্ৰজন্মৰ সমল সৃষ্টিকৰ্তাসকলক অনুপ্ৰাণিত আৰু সাজু কৰা।
মুম্বাইৰ জিঅ’ ৱৰ্ল্ড কনভেনশ্যন চেণ্টাৰ আৰু জিঅ’ ৱৰ্ল্ড গাৰ্ডেনত ২০২৫ চনৰ ১-৪ মে’ৰ সময়ছোৱাত আয়োজিত ৱেভছ মিডিয়া এণ্ড এণ্টাৰটেইনমেণ্ট (এম এণ্ড ই) উদ্যোগৰ বাবে এক যুগান্তকাৰী অনুষ্ঠান হ’ব। উদ্যোগ ক্ষেত্ৰৰ কৰ্ণধাৰ, ক্ৰিয়েটৰ আৰু উদ্ভাৱকসকলক একত্ৰিত কৰি, ৱেভছে বিশ্ব পৰ্যায়ত ভাৰতৰ সৃষ্টিশীল সম্ভাৱনা প্ৰদৰ্শন কৰাৰ লগতে উদীয়মান প্ৰৱণতা, সুযোগ আৰু প্ৰত্যাহ্বান সন্দৰ্ভত আলোচনাৰ বাবে এক আন্তৰ্জাতিক মঞ্চ হিচাপে কাম কৰিব।
ৱেভছৰ কেন্দ্ৰত, ভাৰতত নিৰ্মাণ কৰা শীৰ্ষক প্ৰত্যাহ্বানে সৃষ্টিশীলতা আৰু উদ্ভাৱনৰ বাবে এক অনুঘটক হিচাপে আত্মপ্ৰকাশ কৰিছে। বিশ্বৰ পৰা ৭০,০০০ৰো অধিক পঞ্জীয়নৰ সৈতে, এই প্ৰত্যাহ্বানসমূহে সৃষ্টিকৰ্তাসকলক সীমা অতিক্ৰম কৰিবলৈ আৰু কাহিনী বৰ্ণনা পুনৰ সংজ্ঞায়িত কৰিবলৈ শক্তিশালী কৰি তুলিছে। তথ্য আৰু সম্প্ৰচাৰ মন্ত্ৰালয়ৰ এক মুখ্য পদক্ষেপ হিচাপে প্ৰত্যাহ্বানসমূহে বিষয়বস্তু সৃষ্টি আৰু সহযোগিতাৰ বাবে এক গতিশীল পৰিবেশতন্ত্ৰ গঢ়ি তুলিছে, ভাৰতক সৃষ্টিশীল উৎকৃষ্টতাৰ বাবে এক আন্তৰ্জাতিক কেন্দ্ৰ হিচাপে স্থাপন কৰিছে।
যোগ্যতা আৰু বিচাৰৰ মাপকাঠি
- এই প্ৰতিযোগিতা ভিডিঅ’ সম্পাদনা, চলচ্চিত্ৰ নিৰ্মাণ বা বিষয়বস্তু সৃষ্টিৰ প্ৰতি আগ্ৰহী শিক্ষাৰ্থী আৰু উচ্চাকাংক্ষী চলচ্চিত্ৰ নিৰ্মাতাসকলৰ বাবে মুকলি। অংশগ্ৰহণ কৰিবলৈ আবেদনকাৰীৰ বয়স কমেও ১৮ বছৰ হ’ব লাগিব।
- উদ্যোগৰ বিশেষজ্ঞসকলৰ এটা পেনেলে সৃষ্টিশীলতা, কাহিনী বৰ্ণনা, কাৰিকৰী কাৰ্য্যকৰীকৰণ আৰু সামগ্ৰিক প্ৰভাৱৰ ওপৰত ভিত্তি কৰি ট্ৰেইলাৰসমূহৰ মূল্যায়ন কৰিব। স্ক্ৰীণিং প্ৰক্ৰিয়াটো একাধিক ৰাউণ্ডত অনুষ্ঠিত হ’ব, অংশগ্ৰহণকাৰীসকলে তেওঁলোকৰ প্ৰস্তুতিসমূহ সংশোধন কৰাত সহায় কৰিবলৈ বিভিন্ন পৰ্যায়ত মতামত লাভ কৰিব।
সময়ৰেখা
মুকলিঃ ২৯ ছেপ্টেম্বৰ, ২০২৪
আবেদন প্ৰক্ৰিয়াঃ ২৯ ছেপ্টেম্বৰ, ২০২৪
ট্ৰেইলাৰ দাখিলৰ চূড়ান্ত সময়সীমাঃ ২০২৫ চনৰ ৩১ মাৰ্চলৈ
শীৰ্ষ ২০ টা বাছনিৰ ঘোষণাঃ ২০২৫ চনৰ এপ্ৰিল মাহৰ দ্বিতীয় সপ্তাহ
ট্ৰেইলাৰ প্ৰস্তুত প্ৰতিযোগিতাঃ ৱেভছ সন্মিলন (১-৪ মে’, ২০২৫)
পঞ্জীয়নৰ সবিশেষ
বৰ্তমান পঞ্জীয়ন মুকলি হৈ আছে আৰু ২০২৫ চনৰ ৩১ মাৰ্চত ইয়াৰ অন্ত পৰিব। ২০২৫ চনৰ ১৫ ফেব্ৰুৱাৰীলৈকে বিশ্বৰ মুঠ ৩,৩১৩ গৰাকী অংশগ্ৰহণকাৰীয়ে পঞ্জীয়ন কৰিছে। আগ্ৰহ অন্বেষণ কৰা তথা সম্পাদক বা ক্ৰিয়েটৰ হিচাপে তেওঁলোকৰ অভিজ্ঞতাক উন্নীত কৰিব বিচৰা কৰ্মৰত পেছাদাৰীসকল তথা কণ্টেণ্ট ক্ৰিয়েটৰ বা ভিডিঅ’ সম্পাদনা ক্ষেত্ৰখনলৈ মন মেলিব বিচৰা মহাবিদ্যালয়ৰ ছাত্ৰ-ছাত্ৰীকে ধৰি বিভিন্ন স্তৰৰ লোক প্ৰতিযোগিতাখনৰ প্ৰতি আকৰ্ষিত হৈছে।
ইয়াত পঞ্জীয়ন কৰক: https://reskilll.com/hack/wavesficci/signup
পুৰস্কাৰ আৰু বঁটা
সকলো অংশগ্ৰহণকাৰী- ট্ৰেইলাৰৰ বৈধ দাখিলকৰণৰ পাছত অংশগ্ৰহণৰ প্ৰমাণপত্ৰ
শীৰ্ষ ৫০- উৎকৰ্ষতাৰ প্ৰমাণপত্ৰ আৰু এফ আই চি চি আই তথা নেটফ্লিক্সৰ বিশেষ স্বীকৃতি
শীৰ্ষ ২০- বঁটা, বিশেষ উপহাৰ, মুম্বাইত হ’বলগীয়া ৱেভছ শীৰ্ষ সন্মিলনত অংশগ্ৰহণ কৰাৰ সুযোগ
ৰোড শ্ব’ : সৃষ্টিশীলতা আৰু প্ৰতিযোগিতালৈ বৰঙণি
ট্ৰেইলাৰ নিৰ্মাণ প্ৰতিযোগিতাৰ কেন্দ্ৰবিন্দু হৈছে ৰোডশ্ব’, যিয়ে সৃষ্টিশীল প্ৰতিভাৰ প্ৰেৰণা আৰু প্ৰতিপালনৰ মূল মঞ্চ হিচাপে কাম কৰে। গুৰু টেগবাহাদুৰৰ চতুৰ্থ শতবাৰ্ষিকী অভিযান্ত্ৰিক মহাবিদ্যালয় (জিটিবি৪চিইচি)ৰ শেহতীয়া অৱস্থান এই অভিযানৰ এক সাক্ষ্য, যি উচ্চাকাংক্ষী চলচ্চিত্ৰ নিৰ্মাতাসকলক হাতে হাতে শিকন আৰু উদ্যোগৰ অভিজ্ঞতা প্ৰদান কৰিছিল। এই ৰোড শ্ব’সমূহে গ্ৰেণ্ড ফিনালেৰ দিশত গতি বৃদ্ধি কৰে, অংশগ্ৰহণকাৰীসকলক আকৰ্ষণীয় ট্ৰেইলাৰ তৈয়াৰ কৰাৰ দক্ষতা আৰু আত্মবিশ্বাসৰে সাজু কৰে।
অংশগ্ৰহণকাৰীসকলৰ অভিজ্ঞতাঃ
- হস্তচালিত কৰ্মশালাঃ গ্ৰীণ স্ক্ৰীণ সম্পাদনা, ৰং সংশোধন আৰু উন্নত ভিডিঅ’ সম্পাদনা কৌশলৰ ব্যৱহাৰিক প্ৰশিক্ষণ।
- সৃষ্টিশীল প্ৰত্যাহ্বানঃ অংশগ্ৰহণকাৰীসকলে নিৰ্দিষ্ট বিষয়বস্তুৰ ওপৰত ভিত্তি কৰি আকৰ্ষণীয় ট্ৰেইলাৰ তৈয়াৰ কৰাৰ জৰিয়তে তেওঁলোকৰ কাহিনী আৰু কাৰিকৰী সামৰ্থ্য প্ৰদৰ্শন কৰে।
- উদ্যোগৰ অন্তৰ্দৃষ্টিঃ বিশেষজ্ঞসকলৰ এটা পেনেলে ট্ৰেইলাৰসমূহৰ মূল্যায়ন কৰে, অংশগ্ৰহণকাৰীসকলক তেওঁলোকৰ শিল্পকৰ্ম সংশোধন কৰাত সহায় কৰিবলৈ মূল্যৱান মতামত আগবঢ়ায়।
- প্ৰতিভাৰ প্ৰদৰ্শনীঃ উদীয়মান চলচ্চিত্ৰ নিৰ্মাতা আৰু সম্পাদকসকলৰ এক উদযাপন, প্ৰতিযোগিতাৰ সৃষ্টিশীল পৰিবেশতন্ত্ৰক শক্তিশালী কৰা।
প্ৰসংগঃ
Click here to see PDF:
Santosh Kumar/ Sarla Meena/ Saurabh Kalia/DD
(Release ID: 2104375)
Visitor Counter : 18