افتتاحی ایپی سوڈ میں وزیر اعظم جناب نریندر مودی کی طرف سے شروع کی گئی بھرپور بات چیت پر روشنی ڈالتے ہوئے پریکشا پہ چرچا 2025 کا چھٹا ایپیسوڈ آج نشر ہوا، جس میں اداکار وکرانت میسی اور بھومی پیڈنیکر نے طلباء کے ساتھ تخلیقی صلاحیتوں کو فروغ دینے اور زندگی میں مثبتیت کو اپنانے پر تبادلہ خیال کیا۔

وکرانت نے ویژولائزیشن کی طاقت پر زور دیا اور طلباء کی حوصلہ افزائی کی کہ وہ اپنی روزمرہ کی سرگرمیوں  میں ایک  جریدہ رکھیں۔ ایک انٹرایکٹیو بحث میں حصہ لیتے ہوئے انہوں نے طلباء کو مشورہ دیا کہ وہ اپنے والدین کے سامنے کھل کر اپنے جذبات اور احساسات کا اظہار کریں۔  اس موقع پر دبئی، متحدہ عرب امارات کے انڈین ہائی اسکول کے ایک طالب علم نے ساتھیوں کے دباؤ کو سنبھالنے اور زندگی میں توازن برقرار رکھنے کے لیے ان کی رہنمائی طلب کی۔

اسکولوں میں ہنر مندی کی ترقی کو فروغ دینے کے لیے وزیر اعظم جناب نریندر مودی کا شکریہ ادا کرتے ہوئے وکرانت نے طلبہ کو مشورہ دیا کہ وہ اعلیٰ مقصد کے ساتھ میدان میں رہیں۔ انہوں نے امتحانات سے پہلے صحت مند رہنے کی اہمیت پر زور دیتے ہوئے جذبات کے نظم و نسق پر ایک دلکش سرگرمی بھی کی۔ طالب علموں کے لیے ان کا بنیادی پیغام یہ تھا-"اچھا کھاؤ، اچھی طرح آرام کرو، بہتری لاتے رہو، جاؤ، کھیلو، ان پلگ کرو۔"

شو کی دوسری مہمان اداکارہ بھومی پیڈنیکر نے اپنے بچپن کے تجربات بتائے کہ وہ ذاتی المیوں سے کیسے نمٹتی ہیں اور وہ اپنے پیشے سے کیوں کر لطف اندوز ہوتی ہیں۔ انہوں نے طلباء کو مشورہ دیا کہ وہ اپنی صلاحیتوں پر توجہ دیں۔ انہوں  نے لوگوں سے ملنے، سفر کرنے اور مقامی کھانوں کی تلاش کے لیے بھی اپنی محبت کا اظہار کیا، جو اس کے پیشے کو تفریحی بناتا ہے۔ انڈین ہائی اسکول، دبئی، یو اے ای کی ایک اور طالبہ نے ان سے بات کی اور انہوں نے مشورہ دیا کہ طالب علم اپنے والدین کے سامنے کھل کر اپنے جذبات کا اظہار کریں۔ ایک ماسٹر کلاس میں اس نے طلباء کو سکھایا کہ کس طرح اپنے طریقے سے سیکھا جائے اور کوئی بھی سبق آسانی سے یاد رکھا جائے۔ انہوں نے کہا کہ روحانی ہونے سے انسان کو بنیاد اور توجہ مرکوز رہنے میں مدد ملتی ہے۔

جامع ترقی کو یقینی بنانے کے لیے مختلف شعبوں سے تعلق رکھنے والی نامور شخصیات - بشمول کھیلوں کے لیجنڈز، ٹیک ماہرین، مسابقتی امتحانات میں ٹاپ کرنے والے، تفریحی صنعت کے پیشہ ور افراد اور روحانی پیشوا - طلبہ کو نصابی کتب سے باہر کی بصیرت سے مالا مال کر رہے ہیں۔ تین مزید اقساط پہلے ہی نشر ہونے کے ساتھ ہر سیشن طلباء کو ایسے اوزار اور حکمت عملی فراہم کرتا رہتا ہے جن کی انہیں تعلیمی اور ذاتی طور پر سبقت حاصل کرنے کی ضرورت ہوتی ہے۔

پریکشا پہ چرچا(پی پی سی)-2025 کا آٹھواں ایڈیشن اپنے نظر ثانی شدہ اور انٹرایکٹیو فارمیٹ میں ملک بھر میں طلباء، اساتذہ اور والدین کی جانب سے بھرپور پذیرائی حاصل کر رہا ہے۔ روایتی ٹاؤن ہال فارمیٹ سے ہٹ کر اس سال کے ایڈیشن کا آغاز 10 فروری 2025 کو سندر نرسری، نئی دہلی میں وزیر اعظم جناب نریندر مودی کے ایک پرکشش اجلاس کے ساتھ ہوا۔

افتتاحی تقریب میں وزیر اعظم نے ملک بھر کے 36 طلباء و طالبات سے بات چیت کی اور روشن خیال موضوعات جیسے کہ غذائیت اور صحت، تناؤ پر قابو پانا، خود کو چیلنج کرنا، لیڈر شپ کا فن، کتابوں سے آگے - 360º گروتھ، مثبتیت تلاش کرنا وغیرہ۔ ان کی قیمتی رہنمائی نے طلباء کو اعتماد کے ساتھ تعلیمی چیلنجوں سے نمٹنے کے لیے عملی حکمت عملی فراہم کی، ساتھ ہی ساتھ ترقی کی ذہنیت سیکھنے کو بھی فروغ دیا۔

جیسے جیسے پریکشا پہ چرچا 2025 آگے بڑھ رہا ہے یہ طلباء کے لیے تحریک کا ایک ذریعہ بنتا جا رہا ہے، جس سے انہیں تعلیمی اور زندگی کے چیلنجوں کا مثبت ذہنیت کے ساتھ سامنا کرنے کا اعتماد اور لچک ملتی ہے۔

پہلی قسط دیکھنے کے لئے لنک: https://www.youtube.com/watch?v=G5UhdwmEEls

دوسری قسط دیکھنے کیلئے  لنک https://www.youtube.com/watch?v=DrW4c_ttmew

تیسری قسط دیکھنے کیلئے لنک: https://www.youtube.com/watch?v=wgMzmDYShXw

چوتھی قسط دیکھنے  کیلئے لنک: https://www.youtube.com/watch?v=3CfR4-5v5mk

پانچویں قسط دیکھنے کیلئے لنک: https://www.youtube.com/watch?v=3GD_SrxsAx8

پانچویں قسط دیکھنے کیلئے لنک: https://www.youtube.com/watch?v=uhI6UbZJgEQ

*******

ش ح۔ ظ ا

UR No.7218