نئی دہلی ریلوے اسٹیشن پر بھگدڑ کے المناک واقعے کے ایک دن بعد، شمالی ریلوے نے آنے والے دنوں میں اس طرح کے کسی بھی ناخوشگوار واقعے سے بچنے کے لیے متعدد اقدامات نافذ کیے ہیں۔ یہ فیصلہ کیا گیا ہے کہ پریاگ راج کی سمت میں جانے والی تمام خصوصی ٹرینیں پلیٹ فارم نمبر 16 سے چلائی جائیں گی۔ اس لیے تمام مسافر جو پریاگ راج جانا چاہتے ہیں وہ نئی دہلی ریلوے اسٹیشن کے اجمیری گیٹ کی طرف سے داخل ہوں گے۔ باقاعدہ ٹرینیں تمام پلیٹ فارموں سے چلتی رہیں گی جیسا کہ باقاعدہ عمل ہے۔ یہ مصروفیت کے اوقات میں بھیڑ کو ایک پلیٹ فارم پر جمع ہونے سے بچنے کی سمت میں ایک قدم ہے۔

اس کے علاوہ نئی دہلی ریلوے اسٹیشن میں آر پی ایف اور جی آر پی فورس کی تعیناتی میں اضافہ کیا گیا ہے۔ یہ اہلکار مسافروں کی اس پلیٹ فارم کی طرف رہنمائی کرنے میں مدد کر رہے ہیں جہاں سے ان کی ٹرین روانہ ہونے والی ہے۔ بھیڑ کے اوقات میں آپریشنل کارکردگی میں اضافہ پر توجہ دینے کے علاوہ، شمالی ریلوے نے پریاگ راج کی سمت جانے والی اضافی بھیڑ کو دور کرنے کے لیے شام 7 بجے تک تین خصوصی ٹرینیں چلائی ہیں۔ اس میں ایک اسپیشل ٹرین دربھنگہ سے براستہ پریاگ راج اور دو مزید اسپیشل ٹرینیں پریاگ راج کی طرف جانے والی ہیں۔ پریاگ راج کی طرف باقاعدہ ٹرینوں کے علاوہ ایک اور خصوصی ٹرین شام 9 بجے روانہ ہونے والی ہے تاکہ شام کے اوقات میں زیادہ مانگ کو پورا کیا جا سکے۔ پریاگ راج کی سمت جانے کے خواہش مند مسافروں کی بے مثال ہجوم کو دیکھتے ہوئے، ہندوستانی ریلوے نے مہا کمبھ کے عقیدت مندوں کے لیے کل، یعنی 17 فروری 2025 کو پانچ مزید خصوصی ٹرینیں چلائی ہیں۔

مستقبل میں کسی بھی ایسے ناخوشگوار واقعے سے بچنے کے لیے، ہندوستانی ریلوے بڑے پیمانے پر میڈیا آؤٹ لیٹ کے ذریعے عوام سے اپیل کرتا ہے کہ وہ افواہوں کا شکار نہ ہوں جیسا کہ کل نئی دہلی ریلوے اسٹیشن پر پیش آنے والے بدقسمت واقعے میں دیکھا گیا۔ تمام مسافروں سے گزارش ہے کہ افواہوں پر پلیٹ فارم تبدیل نہ کریں اور سرکاری اعلان پر سختی سے عمل کریں۔ ہندوستانی ریلوے ہندوستانی ریلوے کی آپریشنل منصوبہ بندی پر عمل کرتے ہوئے مسافروں سے تعاون چاہتا ہے۔ اس اقدام سے زونل ریلوے حکام کو مسافروں کے لیے منصوبہ بند باقاعدہ اور خصوصی ٹرین خدمات کو آسانی سے انجام دینے میں مدد ملے گی۔

ریلوے کی ہیلپ لائن نمبر 139 لوگوں کو کسی بھی قسم کی پوچھ گچھ اور رش کی موجودہ صورتحال کے دوران مسافروں کی مدد کے لیے خدمات فراہم کرتی رہتی ہے۔ ہندوستانی ریلوے کو آج شام 5 بجے تک اس ہیلپ لائن نمبر پر کل کے بدقسمت واقعے سے متعلق 130 سے ​​زیادہ کالیں موصول ہوئی ہیں۔ اس کے علاوہ، ہندوستانی ریلوے کے اہلکاروں نے ہر مرنے والے کے گھر والوں کے ساتھ ان کے گھر جا کر ان کی مدد کی اور ان کی آخری رسومات میں حصہ لیا۔

اس سے پہلے دن میں ہندوستانی ریلوے نے تمام 18 مرنے والوں کے لواحقین کو 10 لاکھ روپے کی معاوضے کی رقم دی تھی۔ شدید زخمی مسافروں کے لیے ڈھائی لاکھ روپے اور معمولی زخمی ہونے والے مسافروں کے لیے ایک لاکھ روپے کا معاوضہ دن کے وقت 15 زخمیوں میں تقسیم کیا گیا۔

گزشتہ روز ہونے والے نا خوشگوار واقعے کی تحقیقات کے لیے دو رکنی اعلیٰ سطحی کمیٹی نے اپنا کام شروع کر دیا ہے۔ اس کمیٹی میں جناب پنکج گنگوار، پرنسپل چیف سیکورٹی کمشنر اور جناب نار سنگھ، پرنسپل چیف کمرشل منیجر، شمالی ریلوے، دونوں اعلیٰ انتظامی گریڈ کے افسران شامل ہیں۔

فوت شدہ/زخمی ہونے والے مسافروں کی فہرست

*****

ش ح۔ ف ش ع

U: 7211