মুম্বাই, ১৩ ফেব্ৰুৱাৰী ২০২৫

সংগীতৰ এক অসাধাৰণ যাত্ৰাৰ সূচনা হৈছে, কাৰণ ৱৰ্ল্ড অডিঅ’ ভিজুৱেল এণ্ড ইন্টাৰটেইনমেণ্ট ছামিট (ৱেভছ)-ৰ এক উল্লেখনীয় অনুষ্ঠান চিম্ফনি অৱ ইণ্ডিয়া চেলেঞ্জে দেশৰ সৰ্বশ্ৰেষ্ঠ সংগীত প্ৰতিভাসমূহক উপস্থাপন কৰিবলৈ সাজু হৈছে। প্ৰথমতে ২১২ জন সংগীতজ্ঞই এই চেলেঞ্জত নামভৰ্তি কৰিছিল, আৰু এক কঠোৰ নিৰ্বাচন প্ৰক্ৰিয়াৰ জৰিয়তে এতিয়া শীৰ্ষ ৮০ জন অসাধাৰণ শাস্ত্ৰীয় আৰু লোক সংগীত শিল্পীক বাছি উলিওৱা হৈছে, যিসকল গ্ৰেণ্ড গালা ৰাউণ্ডত প্ৰতিযোগিতা কৰিব।

একক প্ৰদৰ্শনৰ পৰা আৰম্ভ কৰি তেওঁলোকক চাৰিজনীয়া দলত বিভক্ত কৰা হৈছে, তাৰ পিছত আঠজনীয়া দলত, আৰু শেষত ১০ জনীয়া দলত একত্ৰিত কৰা হৈছে, যিয়ে মূল সংগীত সৃষ্টি কৰে আৰু পুৰণি লোকসংগীতক নতুন ৰূপ দি এক অসাধাৰণ সংগীত চিম্ফনি সৃষ্টি কৰে। চূড়ান্ত ১০ জনীয়া দলৰ শীৰ্ষ ৩ দলে মেগা চিম্ফনি গঠন কৰিব, আৰু তেওঁলোকে ৱেভছ-ৰ সন্মানজনক প্লেটফৰ্মত প্ৰদৰ্শন কৰাৰ সুযোগ পাব। এই শৃংখলাৰ তিনিটা বিজয়ী দলে এক উৎসাহী দৰ্শকৰ সন্মুখত প্ৰদৰ্শন কৰিব, যিয়ে তেওঁলোকক কেৱল প্ৰতিযোগিতাত অংশগ্ৰহণ কৰাৰ সুযোগ দিয়াই নহয়, নতুন শৈলী, শ্ৰেণী আৰু সংগীতৰ প্ৰভাৱৰ সৈতে পৰিচয় কৰাই দিব।

চিম্ফনি অৱ ইণ্ডিয়া চেলেঞ্জ হৈছে 'ক্ৰিয়েট ইন ইণ্ডিয়া চেলেঞ্জ - চিজন ১'ৰ ২৫টা চেলেঞ্জৰ ভিতৰত এটা, যিটো কেন্দ্ৰীয় তথ্য আৰু প্ৰচাৰ মন্ত্ৰী শ্ৰী অশ্বিনী বৈষ্ণৱে ৱৰ্ল্ড অডিঅ’ ভিজুৱেল এণ্ড ইন্টাৰটেইনমেণ্ট ছামিট (ৱেভছ)-ৰ বাবে আৰম্ভ কৰিছে।

সবিশেষ পঢ়ক: https://pib.gov.in/PressReleaseIframePage.aspx?PRID=2047812

চিম্ফনি অৱ ইণ্ডিয়া চেলেঞ্জে অংশগ্ৰহণকাৰীসকলক এক বহুমুখী আৰু বৃহৎ দৰ্শকৰ সন্মুখত তেওঁলোকৰ সংগীত প্ৰদৰ্শন কৰাৰ এক অমূল্য সুযোগ প্ৰদান কৰে, যাৰ জৰিয়তে তেওঁলোকে তেওঁলোকৰ কেৰিয়াৰ আৰম্ভ কৰিব পাৰে আৰু সংগীত আৰু বিনোদনৰ জগতত পৰিচিতি লাভ কৰিব পাৰে।

এই অনুষ্ঠানটো জনসাধাৰণৰ বাবে এক উত্তেজনাপূৰ্ণ অভিজ্ঞতা হ’ব, কাৰণ তেওঁলোকে বিভিন্ন শৈলীৰ সংগীত প্ৰদৰ্শনৰ সৈতে ইয়াত পৰিচিত হ’ব, যাৰ জৰিয়তে সংগীত প্ৰেমীসকলৰ বিভিন্ন ৰুচি উদযাপন কৰা হ’ব।

চিম্ফনি অৱ ইণ্ডিয়া চেলেঞ্জে সৃষ্টিশীলতা আৰু সংগীতৰ সীমা অতিক্ৰম কৰিবলৈ লক্ষ্য ৰাখিছে, আনহাতে সম্প্ৰদায়, অভিনৱতা আৰু উন্নতিৰ ভাৱনাক উৎসাহিত কৰিছে। ৱেভছ যুৱ প্ৰতিভাক সহায় কৰা আৰু বিশ্বজুৰি দৰ্শকক নতুন সংগীতৰ অভিজ্ঞতা প্ৰদান কৰাৰ এক অগ্ৰণী প্লেটফৰ্ম হিচাপে পৰিগণিত হ’ব।

এই চেলেঞ্জটো দূৰদৰ্শনৰ দ্বাৰা মহাবীৰ জৈন ফিল্মছ-ৰ সৈতে সমন্বয়ত প্ৰযোজনা কৰা হৈছে আৰু প্ৰবীণ শ্ব’ ডাইৰেক্টৰ শ্ৰুতী অনিন্দিতা বৰ্মাৰ দ্বাৰা পৰিচালিত হৈছে। প্ৰতিভাশালী গৌৰৱ দুবেয়ে এই চেলেঞ্জটোৰ সঞ্চালনা কৰিছে, আৰু বিচাৰক হিচাপে আছে পদ্মশ্ৰী সোমা ঘোষ, গায়িকা শ্ৰুতী পাঠক আৰু লোকগায়ক স্বৰূপ খান। এই চেলেঞ্জত আন্তৰ্জাতিক খ্যাতিসম্পন্ন ভাৰতীয় মেন্টৰসকল যেনে পাৰ্কুচনিষ্ট তৌফিক কুৰেছী, পদ্মশ্ৰী বাঁহী বাদক ৰোনু মজুমদাৰ, ভায়োলিনিষ্ট সুনীতা ভূঞা, পাৰ্কুচনিষ্ট পণ্ডিত দিনেশ, শ্ৰী তন্ময় বোস, লেছলি লুইছ আৰু বাঁহী বাদক ৰাকেশ চৌৰাসিয়া আদিয়ে অংশগ্ৰহণ কৰিছে।

চিম্ফনি অৱ ইণ্ডিয়া চেলেঞ্জ দূৰদৰ্শনত সোনকালেই সম্প্ৰচাৰিত হ’ব। অনুষ্ঠানৰ আপডেটৰ বাবে পঞ্জীয়ন কৰিবলৈ আৰু অধিক তথ্যৰ বাবে ৱেভছৰ অফিচিয়েল ৱেবছাইট www.wavesindia.org চাওঁক।

ৱেভছৰ বিষয়ে:

ৱৰ্ল্ড অডিঅ’ ভিজুৱেল এণ্ড ইন্টাৰটেইনমেণ্ট ছামিট (ৱেভছ)-ৰ প্ৰথম সংস্কৰণ ২০২৫ চনৰ ১ মে’ৰ পৰা ৪ মে’লৈকে মুম্বাইৰ জিঅ’ ৱৰ্ল্ড কনভেনচন চেণ্টাৰত অনুষ্ঠিত হ’ব। তথ্য আৰু প্ৰচাৰ মন্ত্ৰণালয়ে ৱেভছ-ক ব্ৰডকাষ্টিং, ডিজিটেল মিডিয়া, বিজ্ঞাপন, এনিমেশ্যন, ভিজুৱেল ইফেক্টছ, গেমিং, ই-স্পৰ্টছ, সংগীত খণ্ডৰ বাবে এক গ্লোবেল প্লেটফৰ্ম হিচাপে গঢ় দিছে। ৱেভছ ২০২৫-ত ভাৰতক মিডিয়া আৰু বিনোদন উদ্যোগৰ বাবে এক অগ্ৰণী বিনিয়োগ গন্তব্যস্থল হিচাপে প্ৰতিষ্ঠা কৰিবলৈ যুগান্তকাৰী ঘোষণা আৰু উদ্যোগসমূহ উপস্থাপন কৰা হ’ব।

*****

DL/PM/AA