ਵਰਲਡ ਆਡੀਓ ਵਿਜ਼ੂਅਲ ਐਂਡ ਐਂਟਰਟੇਨਮੈਂਟ ਸਮਿਟ (WAVES) ਦੇ ਅਧੀਨ ਇੱਕ ਪ੍ਰਮੁੱਖ ਪ੍ਰੋਗਰਾਮ, ਸਿੰਫਨੀ ਆਫ਼ ਇੰਡੀਆ ਚੈਲੇਂਜ, ਇੱਕ ਅਸਾਧਾਰਣ ਸੰਗੀਤਕ ਯਾਤਰਾ ਲਈ ਤਿਆਰ ਹੈ, ਜੋ ਕਿ ਦੇਸ਼ ਭਰ ਤੋਂ ਸਭ ਤੋਂ ਵਧੀਆ ਸੰਗੀਤਕ ਪ੍ਰਤਿਭਾਵਾਂ ਨੂੰ ਪ੍ਰਦਰਸ਼ਿਤ ਕਰਨ ਲਈ ਤਿਆਰ ਹੈ। ਇਸ ਚੁਣੌਤੀ ਲਈ ਸ਼ੁਰੂਆਤੀ ਤੌਰ 'ਤੇ 212 ਸੰਗੀਤਕਾਰਾਂ ਨੇ ਰਜਿਸਟ੍ਰੇਸ਼ਨ ਕਰਵਾਇਆ ਸੀ, ਇੱਕ ਸਖ਼ਤ ਚੋਣ ਪ੍ਰਕਿਰਿਆ ਦੇ ਬਾਅਦ ਟੌਪ ਦੇ 80 ਅਸਧਾਰਣ ਸ਼ਾਸਤਰੀ ਅਤੇ ਲੋਕ ਕਲਾਕਾਰ ਗ੍ਰੈਂਡ ਗਾਲਾ ਰਾਊਂਡ ਵਿੱਚ ਮੁਕਾਬਲਾ ਕਰਨਗੇ।

ਸੋਲੋ ਪ੍ਰਦਰਸ਼ਨ ਨਾਲ ਸ਼ੁਰੂ ਕਰਦੇ ਹੋਏ, ਉਹਨਾਂ ਨੂੰ ਚਾਰ ਦੇ ਸਮੂਹਾਂ ਵਿੱਚ ਅਤੇ ਫਿਰ ਅੱਠ ਵਿੱਚ ਅਤੇ ਅੰਤ ਵਿੱਚ 10 ਸੰਗੀਤਕਾਰਾਂ ਦੇ ਸਮੂਹਾਂ ਵਿੱਚ ਮਿਲਾ ਦਿੱਤਾ ਗਿਆ ਹੈ ਜੋ ਅਸਲੀ ਸੰਗੀਤ ਦੀ ਰਚਨਾ ਕਰਦੇ ਹਨ ਅਤੇ ਸੰਗੀਤ ਦੀ ਪ੍ਰਤਿਭਾ ਦੀ ਇੱਕ ਸ਼ਾਨਦਾਰ ਸਿੰਫਨੀ ਬਣਾਉਣ ਲਈ ਪੁਰਾਣੇ ਲੋਕ ਗੀਤਾਂ ਨੂੰ ਮੁੜ ਤੋਂ ਨਵਾਂ ਰੂਪ ਪ੍ਰਦਾਨ ਕਰਦੇ ਹਨ। 10 ਸੰਗੀਤਕਾਰਾਂ ਵਿੱਚੋਂ ਆਖਰੀ ਟੌਪ ਦੇ 3 ਮੈਗਾ ਸਿੰਫਨੀ ਦਾ ਗਠਨ ਕਰਨਗੇ ਜਿੱਥੇ ਉਹਨਾਂ ਨੂੰ ਵੱਕਾਰੀ WAVES ਪਲੈਟਫਾਰਮ 'ਤੇ ਪ੍ਰਦਰਸ਼ਨ ਕਰਨ ਦਾ ਮੌਕਾ ਮਿਲੇਗਾ। ਲੜੀ ਦੀਆਂ ਤਿੰਨ ਜੇਤੂ ਟੀਮਾਂ ਇੱਕ ਉਤਸ਼ਾਹੀ ਦਰਸ਼ਕਾਂ ਦੇ ਸਾਹਮਣੇ ਪ੍ਰਦਰਸ਼ਨ ਕਰਨਗੀਆਂ, ਜਿਸ ਨਾਲ ਉਹਨਾਂ ਨੂੰ ਨਾ ਸਿਰਫ਼ ਮੁਕਾਬਲਾ ਕਰਨ ਦਾ ਮੌਕਾ ਮਿਲੇਗਾ ਸਗੋਂ ਨਵੀਆਂ ਸ਼ੈਲੀਆਂ ਅਤੇ ਸੰਗੀਤਕ ਪ੍ਰਭਾਵਾਂ ਨੂੰ ਵੀ ਪੇਸ਼ ਕਰਨ ਦਾ ਮੌਕਾ ਵੀ ਮਿਲੇਗਾ।

ਸਿੰਫਨੀ ਆਫ਼ ਚੈਲੇਂਜ ਬਾਰੇ ਕੇਂਦਰੀ ਸੂਚਨਾ ਅਤੇ ਪ੍ਰਸਾਰਣ ਮੰਤਰੀ (ਆਈ ਐਂਡ ਬੀ), ਸ਼੍ਰੀ ਅਸ਼ਵਿਨੀ ਵੈਸ਼ਣਵ ਦੁਆਰਾ ਵਰਲਡ ਆਡੀਓ ਵਿਜ਼ੂਅਲ ਐਂਡ ਐਂਟਰਟੇਨਮੈਂਟ ਸਮਿਟ (ਵੇਵਸ) ਲਈ ਲਾਂਚ ਕੀਤੇ ਗਏ 'ਕ੍ਰਿਏਟ ਇਨ ਇੰਡੀਆ ਚੈਲੇਂਜ - ਸੀਜ਼ਨ 1' ਦੇ ਹਿੱਸੇ ਵਜੋਂ 25 ਚੁਣੌਤੀਆਂ ਵਿੱਚੋਂ ਇੱਕ ਹੈ।

ਵਿਸਤਾਰ ਨਾਲ ਪੜ੍ਹੋ. https://pib.gov.in/PressReleaseIframePage.aspx?PRID=2047812

ਸਿੰਫਨੀ ਆਫ ਇੰਡੀਆ ਚੈਲੇਂਜ  ਭਾਗੀਦਾਰਾਂ ਨੂੰ ਆਪਣੇ ਸੰਗੀਤ ਨੂੰ ਵਿਭਿੰਨ ਅਤੇ ਵਿਸ਼ਾਲ ਦਰਸ਼ਕਾਂ ਸਾਹਮਣੇ ਪੇਸ਼ ਕਰਨ ਦਾ ਇੱਕ ਅਨਮੋਲ ਮੌਕਾ ਪ੍ਰਦਾਨ ਕਰਦਾ ਹੈ, ਜਿਸ ਨਾਲ ਸੰਭਾਵੀ ਤੌਰ 'ਤੇ ਉਹਨਾਂ ਦੇ ਕਰੀਅਰ ਦੀ ਸ਼ੁਰੂਆਤ ਹੋ ਸਕਦੀ ਹੈ ਅਤੇ ਸੰਗੀਤ ਅਤੇ ਮਨੋਰੰਜਨ ਦੀ ਗਤੀਸ਼ੀਲ ਦੁਨੀਆ ਵਿੱਚ ਉਹਨਾਂ ਦਾ ਤਜ਼ਰਬਾ ਵਧ ਸਕਦਾ ਹੈ।

ਇਹ ਪ੍ਰੋਗਰਾਮ ਜਨਤਾ ਲਈ ਇੱਕ ਦਿਲਚਸਪ ਅਨੁਭਵ ਸਿੱਧ ਹੋਵੇਗਾ, ਕਿਉਂਕਿ ਉਹਨਾਂ ਨੂੰ ਵੱਖ-ਵੱਖ ਸ਼ੈਲੀਆਂ ਵਿੱਚ ਫੈਲੇ ਕਈ ਤਰ੍ਹਾਂ ਦੇ ਸੰਗੀਤਕ ਪ੍ਰਦਰਸ਼ਨਾਂ ਦਾ ਅਨੁਭਵ ਕਰਨਾ ਪਵੇਗਾ, ਜਿਸ ਨਾਲ ਇਹ ਇੱਕ ਅਜਿਹਾ ਪ੍ਰੋਗਰਾਮ ਬਣ ਜਾਵੇਗਾ ਜੋ ਸੱਚਮੁੱਚ ਸੰਗੀਤ ਪ੍ਰੇਮੀਆਂ ਦੇ ਵਿਭਿੰਨ ਪਸੰਦਾਂ ਦਾ ਜਸ਼ਨ ਮਨਾਉਂਦਾ ਹੈ।

ਸਿੰਫਨੀ ਆਫ਼ ਇੰਡੀਆ ਚੈਲੇਂਜ ਦਾ ਉਦੇਸ਼ ਰਚਨਾਤਮਕਤਾ ਅਤੇ ਸੰਗੀਤ ਦੀਆਂ ਸੀਮਾਵਾਂ ਨੂੰ ਅੱਗੇ ਵਧਾਉਣਾ ਹੈ ਜਦੋਂ ਕਿ ਭਾਈਚਾਰੇ, ਨਵੀਨਤਾ ਅਤੇ ਵਿਕਾਸ ਦੀ ਭਾਵਨਾ ਨੂੰ ਉਤਸ਼ਾਹਿਤ ਕਰਨਾ ਹੈ। ਵੇਵਸ ਨੌਜਵਾਨ ਪ੍ਰਤਿਭਾ ਨੂੰ ਪੋਸ਼ਿਤ ਕਰਨ ਅਤੇ ਦੁਨੀਆ ਭਰ ਦੇ ਦਰਸ਼ਕਾਂ ਨੂੰ ਨਵੇਂ ਸੰਗੀਤਕ ਅਨੁਭਵ ਪ੍ਰਦਾਨ ਕਰਨ ਲਈ ਇੱਕ ਪ੍ਰਮੁੱਖ ਪਲੈਟਫਾਰਮ ਬਣਨ ਲਈ ਤਿਆਰ ਹੈ।

ਇਹ ਚੈਲੇਂਜ ਦਾ ਨਿਰਮਾਣ ਦੂਰਦਰਸ਼ਨ ਦੁਆਰਾ ਮਹਾਵੀਰ ਜੈਨ ਫਿਲਮਜ਼ ਦੇ ਸਹਿਯੋਗ ਨਾਲ ਕੀਤਾ ਜਾ ਰਿਹਾ ਹੈ ਅਤੇ ਇਸ ਦਾ ਨਿਰਦੇਸ਼ਨ ਵੈਟਰਨ ਸ਼ੋਅ ਡਾਇਰੈਕਟਰ ਸ਼ਰੂਤੀ ਅਨਿੰਦਿਤਾ ਵਰਮਾ ਦੁਆਰਾ ਕੀਤਾ ਜਾ ਰਿਹਾ ਹੈ। ਪ੍ਰਤਿਭਾਸ਼ਾਲੀ ਗੌਰਵ ਦੂਬੇ ਦੁਆਰਾ ਹੋਸਟ ਕੀਤੀ ਗਈ, ਇਸ ਚੁਣੌਤੀ ਨੂੰ ਪਦਮਸ਼੍ਰੀ ਸੋਮਾ ਘੋਸ਼, ਗਾਇਕਾ ਸ਼ਰੂਤੀ ਪਾਠਕ ਅਤੇ ਲੋਕ ਗਾਇਕ ਸਵਰੂਪ ਖਾਨ ਦੁਆਰਾ ਜਜ ਕੀਤਾ ਗਿਆ ਹੈ। ਇਸ ਚੈਲੇਂਜ ਵਿੱਚ ਤਾਲਵਾਦਕ ਤੌਫੀਕ ਕੁਰੈਸ਼ੀ, ਪਦਮਸ਼੍ਰੀ ਬੰਸਰੀ ਵਾਦਕ ਰੋਨੂ ਮਜੂਮਦਾਰ, ਵਾਇਲਨਿਸਟ ਸੁਨੀਤਾ ਭੂਯਾਨ, ਤਾਲਵਾਦਕ ਪੰਡਿਤ ਦਿਨੇਸ਼, ਸ਼੍ਰੀ ਤਨਮਯ ਬੋਸ, ਲੈਸਲੀ ਲੂਈਸ ਅਤੇ ਬੰਸਰੀ ਵਾਦਕ ਰਾਕੇਸ਼ ਚੌਰਸੀਆ ਵਰਗੇ ਅੰਤਰਰਾਸ਼ਟਰੀ ਪ੍ਰਸਿੱਧੀ ਪ੍ਰਾਪਤ ਭਾਰਤੀ ਮਾਰਗਦਰਸ਼ਕ ਸ਼ਾਮਲ ਹਨ।

ਸਿੰਫਨੀ ਆਫ਼ ਇੰਡੀਆ ਚੈਲੇਂਜ ਜਲਦੀ ਹੀ ਦੂਰਦਰਸ਼ਨ 'ਤੇ ਪ੍ਰਸਾਰਿਤ ਕੀਤਾ ਜਾਵੇਗਾ। ਹੋਰ ਜਾਣਕਾਰੀ ਲਈ ਅਤੇ ਈਵੈਂਟ ਅਪਡੇਟਸ ਲਈ ਰਜਿਸਟਰ ਕਰਨ ਵਾਸਤੇ, ਕਿਰਪਾ ਕਰਕੇ ਵੇਵਸ ਦੀ ਅਧਿਕਾਰਿਤ ਵੈੱਬਸਾਈਟ www.wavesindia.org  'ਤੇ ਜਾਓ।

ਵੇਵਸ  ਬਾਰੇ

 ਵਰਲਡ ਆਡੀਓ ਵਿਜ਼ੁਅਲ ਐਂਡ ਐਂਟਰਟੇਨਮੈਂਟ ਸਮਿਟ (WAVES) 1 ਤੋਂ 4 ਮਈ, 2025 ਤੱਕ ਜੀਓ ਵਰਲਡ ਕਨਵੈਨਸ਼ਨ ਸੈਂਟਰ, ਮੁੰਬਈ ਵਿੱਚ ਆਯੋਜਿਤ ਹੋਵੇਗਾ। ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਨੇ ਪ੍ਰਸਾਰਣ, ਡਿਜੀਟਲ ਮੀਡੀਆ, ਇਸ਼ਤਿਹਾਰਬਾਜ਼ੀ, ਐਨੀਮੇਸ਼ਨ, ਵਿਜ਼ੂਅਲ ਇਫੈਕਟਸ, ਗੇਮਿੰਗ, ਈ-ਸਪੋਰਟਸ, ਸੰਗੀਤ ਖੇਤਰਾਂ ਦੀ ਗੱਲਬਾਤ ਲਈ ਇੱਕ ਪ੍ਰਮੁੱਖ ਗਲੋਬਲ ਪਲੈਟਫਾਰਮ ਵਜੋਂ ਵੇਵਸ ਦੀ ਕਲਪਨਾ ਕੀਤੀ ਹੈ। ਮੀਡੀਆ ਅਤੇ ਮਨੋਰੰਜਨ ਉਦਯੋਗ ਦੇ ਇੱਕ ਮੋਹਰੀ ਨਿਵੇਸ਼ ਸਥਾਨ ਵਜੋਂ ਭਾਰਤ ਦੀ ਭੂਮਿਕਾ ਨੂੰ ਮਜ਼ਬੂਤ ​​ਕਰਨ ਲਈ ਵੇਵਸ 2025 ਵਿੱਚ ਮਹੱਤਵਪੂਰਨ ਐਲਾਨ ਅਤੇ ਪਹਿਲਕਦਮੀਆਂ ਕੀਤੀਆਂ ਜਾਣਗੀਆਂ।

***********

 ਡੀਐੱਲ/ਪੀਐੱਮ