ସୂଚନା ଓ ପ୍ରସାରଣ ମନ୍ତ୍ରଣାଳୟ
ରିଲ୍ ନିର୍ମାତା ଓ ପେସାଦାର ବିଜ୍ଞାପନ ଚଳଚ୍ଚିତ୍ର ନିର୍ମାତାଙ୍କୁ ପ୍ରସିଦ୍ଧି ପାଇବାର ସୁବର୍ଣ୍ଣ ସୁଯୋଗ ଆଣିଛି ଓ୍ୱେଭ୍ସ
ଶୀଘ୍ର କରନ୍ତୁ, ମାତ୍ର ଦୁଇ ଦିନ ବାକି, ବିଶ୍ୱସ୍ତରରେ ନିଜର କାମକୁ ମାନ୍ୟତା ଦେବା ଲାଗି ସୁଯୋଗ ହାତଛଡ଼ା କରନ୍ତୁ ନାହିଁ, ଫେବୃଆରୀ ୧୫ ସୁଦ୍ଧା ନିଜର ଆବେଦନ କରନ୍ତୁ ଦାଖଲ
କ୍ରିଏଟ୍ ଇନ୍ ଇଣ୍ଡିଆ ପ୍ରତିଯୋଗିତାର ଅଂଶବିଶେଷ ଭାବେ ଓ୍ୱେଭ୍ସ ଉତ୍କର୍ଷତା ପୁରସ୍କାର ବିଶ୍ୱସ୍ତରୁ ଆବେଦନ ଆହ୍ୱାନ କରୁଛି, ୧୨ରୁ ଅଧିକ ଦେଶ ଏବଂ ଏନଆଇଡି, ଆଇଆଇଟି ଓ ଏସଆରଏଫଟିଆଇ ଭଳି ୫୨ଟି ଭାରତୀୟ ଶିକ୍ଷାନୁଷ୍ଠାନରୁ ନିର୍ମାତାମାନଙ୍କୁ କରିଛି ଏକାଠି
Posted On:
12 FEB 2025 6:46PM by PIB Bhubaneshwar
ଲେନ୍ସ ମାଧ୍ୟମରେ ଭାବନା ବ୍ୟକ୍ତ କରିବା ଏବଂ ପ୍ରତ୍ୟେକ ଫ୍ରେମରେ କାହାଣୀକୁ ପରିପ୍ରକାଶ କରିବାର ଦୃଷ୍ଟିକୋଣ ରହିଥିବା ପ୍ରତିଭାସମ୍ପନ୍ନ ତଥା ସୃଜନଶୀଳ ସ୍ରଷ୍ଟାମାନଙ୍କ ପାଇଁ ଓ୍ୱେଭ୍ସ ଆୱାର୍ଡ୍ସ ଅଫ୍ ଏକ୍ସଲେନ୍ସ ଏକ ଅପୂର୍ବ ସୁଯୋଗ ଆଣିଛି ।
ବହୁ ପ୍ରତୀକ୍ଷିତ ଛାତ୍ରଛାତ୍ରୀ ଶୋ’ ରିଲ୍ ଏବଂ ପେସାଦାର ବିଜ୍ଞାପନ ଚଳଚ୍ଚିତ୍ର ପ୍ରତିଯୋଗିତା ଆନୁଷ୍ଠାନିକ ଭାବରେ ଆବେଦନ ପାଇଁ ଖୋଲା ରହିଛି ! ଫେବୃଆରୀ ୧୫ ତାରିଖ ସୁଦ୍ଧା ଏଥିରେ ନିଜର ପ୍ରସ୍ତୁତି ସହିତ ଆବେଦନ ଦାଖଲ କରିବା ପାଇଁ ଆହ୍ୱାନ କରାଯାଇଛି ।
ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ଆନିମେସନକୁ ପ୍ରୋତ୍ସାହିତ କରୁଥିବା ୟୁନେସ୍କୋ ଦ୍ୱାରା ସ୍ୱୀକୃତିପ୍ରାପ୍ତ ବିଶ୍ୱସ୍ତରୀୟ ସ୍ୱେଚ୍ଛାସେବୀ ସଂସ୍ଥା ଆସିଫା ଇଣ୍ଡିଆ ସହଯୋଗରେ ‘କ୍ରିଏଟ ଇନ୍ ଇଣ୍ଡିଆ ଚ୍ୟାଲେଞ୍ଜ’ର ଅଂଶବିଶେଷ ଭାବେ ୱେଭସ୍ ଆୱାର୍ଡସ୍ ଅଫ୍ ଏକ୍ସଲେନ୍ସ ଆୟୋଜନ କରୁଛି। ଏହି ପୁରସ୍କାରଗୁଡ଼ିକ ଆନିମେସନ୍, ଭିଜୁଆଲ୍ ଇଫେକ୍ଟସ୍ ଏବଂ ଏକ୍ସଟେଣ୍ଡେଡ ରିଅଲିଟି (ଏକ୍ସଆର)ରେ ଅସାଧାରଣ ସଫଳତାକୁ ସମ୍ମାନ କରିଥାଏ, ଯାହା ବିଶ୍ୱ ସ୍ତରରେ ଭାରତର ସୃଜନଶୀଳ ନେତୃତ୍ୱକୁ ସୁଦୃଢ଼ କରିଥାଏ।
ପ୍ରତିଯୋଗିତାର ଦୁଇଟି ବର୍ଗ ରହିଛି । ଗୋଟିଏ ହେଉଛି ଛାତ୍ରଛାତ୍ରୀ ଶୋ ରିଲ୍ (କୌଣସି ସମୟସୀମା ନାହିଁ) ଏବଂ ପେସାଦାର ବିଜ୍ଞାପନ ଚଳଚ୍ଚିତ୍ର (୬୦ ସେକେଣ୍ଡର ସୀମା)। ଏଥିପାଇଁ ଆବେଦନର ବିଷୟବସ୍ତୁ ଭାରତର ସାମାଜିକ-ସାଂସ୍କୃତିକ ପରିଦୃଶ୍ୟ ଏବଂ ଆଧୁନିକ ପ୍ରଯୁକ୍ତି ଉପରେ ଆଧାରିତ ହେବା ଆବଶ୍ୟକ । ଏଥିରେ ଅଂଶଗ୍ରହଣକାରୀମାନେ ଆଧୁନିକ ପରିଦୃଶ୍ୟରେ ପୁରାଣ ଏବଂ ଲୋକକଥା, ଦୀର୍ଘସ୍ଥାୟିତ୍ୱ ଓ ଜଳବାୟୁ ପରିବର୍ତ୍ତନ ସଚେତନତା, ୱେଲନେସ ଓ ଯୋଗ, ଆର୍ଟିଫିସିଆଲ ଇଣ୍ଟେଲିଜେନ୍ସ ଏବଂ କାହାଣୀ ବର୍ଣ୍ଣନାର ଭବିଷ୍ୟତ, ଆନିମେସନ ଓ ଭିଏଫଏକ୍ସ ଜରିଆରେ ଭାରତର ଅକୁହା କାହାଣୀ, ସାମାଜିକ ପ୍ରଭାବ ପାଇଁ ଗେମିଂ, ଭର୍ଚୁଆଲ ପ୍ରଯୋଜନା ଓ ଏକ୍ସଆର ଇନୋଭେସନ, ଷ୍ଟପ୍ ମୋସନ୍ ଆନିମେସନ ବ୍ୟବହାର କରି ପରମ୍ପରା ଏବଂ ହନୁମାନ ଚାଳିଶା ଭଳି ପୌରାଣିକ କାହାଣୀର ଆନିମେସନ ପ୍ରସ୍ତୁତ କରିବା। ମହିଳା ସୁରକ୍ଷା ଏବଂ ବିଜ୍ଞାପନ ଦୁନିଆ ଓ ଏହାର ପରିବର୍ତ୍ତିତ ପରିଦୃଶ୍ୟ ଉପରେ କଣ୍ଟେଣ୍ଟ ପ୍ରସ୍ତୁତ କରିପାରିବେ।
ଆସିଫା ଇଣ୍ଡିଆ ଛାତ୍ରଛାତ୍ରୀ(୭୫ ପ୍ରତିଶତ), ପେସାଦାର (୨୫ ପ୍ରତିଶତ), ମହିଳା (୩୫ ପ୍ରତିଶତ) ଏବଂ ଉଦୀୟମାନ ସ୍ରଷ୍ଟାଙ୍କ (୫୦ ପ୍ରତିଶତ)ଙ୍କ ଠାରୁ ସମାପ୍ତ କାର୍ଯ୍ୟର ୧୨୩୮ଟି ଆବେଦନ ସହିତ ଏକ ଜବରଦସ୍ତ ପ୍ରତିକ୍ରିୟା ପାଇଛି। ମହିଳା ଏବଂ ଯୁବ ସ୍ରଷ୍ଟାଙ୍କ ଅଂଶଗ୍ରହଣ ଭାରତର ଏଭିଜିସି କ୍ଷେତ୍ରରେ ବିବିଧତା, ସମାବେଶୀତା ଏବଂ ନୂତନ ଦୃଷ୍ଟିକୋଣକୁ ପ୍ରୋତ୍ସାହିତ କରିବାରେ ପ୍ରତିଯୋଗିତାର ଭୂମିକାକୁ ରେଖାଙ୍କିତ କରେ।
ପ୍ରତିଯୋଗିତାକୁ ୬୦ଟି ଦେଶରେ ପ୍ରସାରିତ କରାଯାଇଥିବା ବେଳେ ସ୍ପେନ, ବ୍ରିଟେନ, ଆମେରିକା, ଗ୍ରୀସ, ଇରାନ, ଫିଲିପାଇନ୍ସ, ଜର୍ମାନୀ, ଶ୍ରୀଲଙ୍କା, ଚୀନ ମେକ୍ସିକୋ ଭଳି ୧୩ଟିଦେଶରୁ ଏଥିପାଇଁ ଆବେଦନ ମିଳିଛି। ବିଶ୍ୱସ୍ତରୀୟ ଆନିମେସନ ଚଳଚ୍ଚିତ୍ର ସଂଘ ଆସିବା ୪୦ଟି ଦେଶରେ ପ୍ରତିଯୋଗିତାର ପ୍ରଚାର କରୁଛି । ସେହିପରି ଭାରତ ଏବଂ ବିଦେଶରୁ ୫୨ଟି ଶିକ୍ଷାନୁଷ୍ଠାନରୁ ମଧ୍ୟ ଆବେଦନ ମିଳିଛି। ଏନଆଇଡି, ଆଇଆଇଯି ଭଳି ପ୍ରତିଷ୍ଠିତ ଭାରତୀୟ ଶିକ୍ଷାନୁଷ୍ଠାନରେ ପ୍ରତିଯୋଗିତାରେ ଅଂଶଗ୍ରହଣ ପାଇଁ ପ୍ରତିଯୋଗୀମାନେ ଆବେଦନ କରିଛନ୍ତି।
ବିଜେତାଙ୍କୁ ବିଶେଷଜ୍ଞମାନଙ୍କ ଦ୍ୱାରା ପୋର୍ଟଫୋଲିଓ ସମୀକ୍ଷା ପାଇଁ ବ୍ୟକ୍ତିଗତ ସମର୍ଥନ ମିଳିବ। ସେମାନଙ୍କୁ ମଧ୍ୟ ଆମେରିକା, ଗ୍ରୀସ୍ ଏବଂ ଭାରତର ବିଶ୍ୱସ୍ତରୀୟ ବିଚାରକ ମଣ୍ଡଳୀ ସହିତ ଭାବ ବିନିମୟ କରିବାର ସୁଯୋଗ ମିଳିବ। ସମ୍ଭାବ୍ୟ କ୍ୟାରିଅର ସୁଯୋଗ ପାଇଁ ସେମାନେ ଅନ୍ତର୍ଜାତୀୟ ଷ୍ଟୁଡିଓ, ନିର୍ମାତା ଏବଂ ସରକାରୀ ଅଧିକାରୀଙ୍କ ସମେତ ପ୍ରମୁଖ ଅଂଶୀଦାରମାନଙ୍କ ସହିତ ସିଧାସଳଖ ସମ୍ପୃକ୍ତି ଦ୍ୱାରା ନେଟୱର୍କିଂ ସୁଯୋଗ ମଧ୍ୟ ପାଇବେ। ଆନିମେସନ୍ ଷ୍ଟୁଡିଓ ଏବଂ ସ୍ୱାଧୀନ ବିକାଶକାରୀମାନେ ପାଣ୍ଠି, ଆଇପି ବିକାଶ ଏବଂ ବୃତ୍ତିଗତ ମାପନୀୟତା ଉପରେ ମାର୍ଗଦର୍ଶନ ପାଇବେ।
******
P.S.
(Release ID: 2102483)
Visitor Counter : 28