অৱাং নোংপোক লমদমগী চাউখৎ-থৌরাং মন্ত্রালয়
চেন্নাই রোদশোগী থৌরমগী মাংওইননা থোকপা প্রেস রিলিজ
Posted On:
04 FEB 2025 11:35AM by PIB Imphal
অৱাং-নোংপোক লমদমগী চাউখৎ-থৌরাংগী মন্ত্রালয় (MDoNER) না 2025গী ফেব্রুৱারী 5দা চেন্নাইগী গুইন্দীদা লৈবা হোতেল হিল্তনদা নুংথিলগী পুং 3:30দগী হৌদুনা চেন্নাইদা অৱাং-নোংপোক লমদমগী ত্রেদ অমসুং ইনভেস্তমেন্ত রোদশো পাংথোক্কনি। থৌরম অসি MDoNERগী কেন্দ্রগী মন্ত্রী শ্রী জ্যোতিরাদিত্য এম. সিন্ধিয়ানা হৌদোক্কনি।
MDoNERগী সেক্রেতরী শ্রী চঞ্চল কুমার অমসুং MDoNERগী জোইন্ত সেক্রেতরী শ্রী শান্তনু য়াওনা মরুওইবা ওফিসিএলশিং অমসুং অৱাং-নোংপোক্কী রাজ্য কয়াগী মকোক থোংবা মীহুৎশিংসু শরুক য়াগনি।
রোদ শো অসিদা B2G মীফমশিং পাংথোক্তুনা মসিনা পোতেন্সিএল ইনভেস্তরশিংদা রাজ্যগী মীহুৎশিংগা হকথেংননা ৱারী শানবগী অমসুং সেক্তর কয়াদা ইনভেস্তমেন্তকী খুদোংচাবশিং থিজিনবগী তোপ তোপ্পা খুদোংচাবা অমা পীগনি। থৌরম অসি অৱাং-নোংপোক্কী রাজ্যশিংগী রাজ্য সরকারশিং, FICCI (ইন্দস্ত্রী পার্তনর), অমসুং ইনভেস্ত ইন্দিয়া (ইনভেস্তমেন্ত ফেসিলিতেসন পার্তনর) গা খুৎশম্নদুনা পাংথোক্লি।
|
চেন্নাইগী রোদশো অসি হৌজিক চত্থরিবা সিরিজ অসিগী 8শুবা থৌরমনি, মসিদা অৱাং নোংপোক্কী রাজ্য 8: অরুনাচল প্রদেশ, অসাম, মনিপুর, মেঘালয়া, মিজোরাম, নাগালেন্দ, সিক্কিম অমসুং ত্রিপুরাগী প্রজেন্তেসনশিং উৎলি। রাজ্যশিং অসিনা মরুওইবা সেক্তরশিংদা তোঙান তোঙানবা ইনভেস্তমেন্তগী খুদোংচাবশিং শন্দোক্না তাক্কনি। মসিগী মনুংদা এগ্রি-ফুদ প্রোসেসিং, IT & ITES, এন্তর্তেনমেন্ত অমসুং স্পোর্তস, ইনর্জী, ইনফ্রাস্ত্রকচর অমসুং লোজিতিক্স, তুরিজম অমসুং হোস্পিতালিতী, এজুকেসন অমসুং স্কিল দিবেলপমেন্ত, হেল্থকেয়র, তেক্সতাইল, হেন্দলুম অমসুং হেন্দিক্রাফ্তশিং য়াওরি। মখোয় পুম্নমক অসি লমদম অসিগী শেন্মিৎলোন চাউখৎহনবদা মরু ওই।
|
ইকাই খুম্নরবা প্রধান মন্ত্রীগী 'ভিক্সিৎ ভারত অমসুং ভিক্সিৎ নোর্থ ইস্ত'কী মঙলান অসিনা হৌখিবা চহি তরা অসিদা লমদম অসিদা লম্বী, এয়রৱেজ, রেলৱেজ অমসুং ৱাতরৱেজ য়াওনা ইনফ্রাস্ত্রকচর চাউখৎহনবদা মতেং পাংলি। মসিগী খোঙথাং অসিনা লোকেল পোপুলেসনগী পুন্সি মহিংদা চাউনা ফগৎহল্লে, তুরিজম অমসুং শেন্মিৎলোনগী থবকশিং হেনগৎহল্লে।
নোর্থ ইস্ত ইনভেস্তর সম্মিৎ অসিনা ইনভেস্তমেন্তশিং পুক্নিং চিংশিন্দুনা অমসুং লমদম অসিগী শীজিন্নদ্রিবা পোতেন্সিএল অদু ফংহন্দুনা, চাউখৎপা অমসুং চাউখৎপগী মায়কৈদা মাংলোমদা চংশিল্লকপা অসিদা মতেং পাংলি।
মমাংদা মুম্বাই, হায়দ্রাবাদ, কোলকাতা, বেঙ্গালুরু অমসুং অহমেদাবাদতা পাংথোকখিবা রোদ শো অমসুং ভাইব্রান্ত গুজরাত্তা পাংথোকখিবা স্তেত সেমিনারনা পোতেন্সিএল ইনভেস্তরশিংগী পুক্নিং চিংশিনখি। মায় পাকপগী থৌওংশিং অসিদা য়ুম্ফম ওইদুনা, MDoNERনা নোর্থ ইস্ত ইনভেস্তর সম্মিৎকীদমক MoUশিং খুৎয়েক পীনবা অমসুং এক্সচেঞ্জ তৌনবা থৌরম অমা মার্চ 6, 2024দা ন্যু দিল্লীগী বিজ্ঞান ভবনদা মকোক থোংবা ওফিসিএলশিং অমসুং ইনভেস্তরশিংগী মরক্তা খন্ন-নৈন্নবগীদমক পাংথোকখি।
হৌখিবা অহমদাবাদ রোদ শোদা MDoNERগী MoS, দোক্তর. সুকান্তা মজুমদারনা পোতেন্সিএল ইনভেস্তমেন্তশিং পুক্নিং থৌগৎনবা B2G মীফম কয়া অমা পাংথোকখি।
লাক্কদৌরিবা চেন্নাই রোদশো অসিনা ইনভেস্তরশিংদা রাজ্যগী ওফিসিএলশিংগা হকথেংননা ৱারী শানবগী খুদোংচাবা পীদুনা মসিগী খোঙজেল অসি য়াংখৎহন্নবা পান্দম থম্লি। মমাংগী ইদিসনশিং মায় পাক্না পাংথোকখিবগী মতুং ইন্না, থৌরম অসিনা চেন্নাইবু অৱাং-নোংপোক্কী শেন্মিৎলোন চাউখৎনবা ফাইনান্সিএল হব অমা ওইনা মপাঙ্গল কনখৎহন্দুনা হেন্না চাউনা পুক্নিং চীংশিন্নবা অমসুং শরুক য়াবা ঙমহনগনি হায়না পানরি।
সেসন অসিদা MDoNERগী মন্ত্রীগী মমল য়াম্লবা ইনসাইৎশিং অমসুং তোঙান তোঙানবা রাজ্যশিংদগী প্রেজেন্তেসনশিং য়াওগনি, মসিনা ইনভেস্তমেন্তগী খুদোংচাবশিং উৎকনি অমসুং ইনভেস্তরশিংবু অৱাং নোংপোক ভারতকী দাইনামিক ইনভেস্তমেন্ত লেন্দস্কেপকী শরুক অমা ওইনবা শক্তি পীগনি।
*****
(Release ID: 2099585)
Visitor Counter : 30