પ્રધાનમંત્રી શ્રી નરેન્દ્ર મોદીએ વિડિયો સંદેશ મારફતે કેન્દ્રીય બજેટ 2025-26 પર પોતાની પ્રતિક્રિયા આપી હતી. ભારતના વિકાસની સફરમાં આજનો દિવસ એક મહત્વપૂર્ણ સીમાચિહ્નરૂપ હોવાનું જણાવતાં શ્રી મોદીએ જણાવ્યું હતું કે, આ બજેટ 140 કરોડ ભારતીયોની આકાંક્ષાઓને પ્રતિબિંબિત કરે છે અને દરેક નાગરિકનાં સ્વપ્નોને સાકાર કરે છે. પ્રધાનમંત્રીએ જણાવ્યું હતું કે, યુવાનો માટે કેટલાંક ક્ષેત્રો ખોલવામાં આવ્યાં છે અને સામાન્ય નાગરિક વિકસિત ભારતનાં મિશનને આગળ વધારશે. પ્રધાનમંત્રીએ ભારપૂર્વક જણાવ્યું હતું કે, આ બજેટ પાવર મલ્ટીપ્લાયર છે, જે બચત, રોકાણ, વપરાશ અને વૃદ્ધિમાં વધારો કરશે. તેમણે કેન્દ્રીય નાણાં અને કોર્પોરેટ બાબતોનાં મંત્રી શ્રીમતી નિર્મલા સીતારમણ અને તેમની ટીમને આ 'પીપલ્સ બજેટ' માટે અભિનંદન પાઠવ્યાં હતાં.

પ્રધાનમંત્રીએ જણાવ્યું હતું કે, સામાન્ય રીતે બજેટમાં સરકારની તિજોરીને કેવી રીતે ભરી શકાય તેના પર ધ્યાન કેન્દ્રિત કરવામાં આવે છે. જો કે, તેમણે કહ્યું કે આ બજેટમાં નાગરિકોના ખિસ્સા કેવી રીતે ભરવા, તેમની બચતમાં વધારો કરવા અને તેમને દેશના વિકાસમાં ભાગીદાર બનાવવા પર ધ્યાન કેન્દ્રિત કરવામાં આવ્યું છે. આ અંદાજપત્ર આ લક્ષ્યાંકોનો પાયો નાખે છે.

શ્રી મોદીએ જણાવ્યું હતું કે, "આ બજેટમાં સુધારા તરફ નોંધપાત્ર પગલાં લેવામાં આવ્યા છે." શ્રી મોદીએ પરમાણુ ઉર્જામાં ખાનગી ક્ષેત્રને પ્રોત્સાહન આપવાના ઐતિહાસિક નિર્ણય પર પ્રકાશ પાડ્યો હતો. નાગરિક પરમાણુ ઉર્જા ભવિષ્યમાં દેશના વિકાસમાં નોંધપાત્ર યોગદાનની ખાતરી કરશે. પ્રધાનમંત્રીએ જણાવ્યું કે, બજેટમાં તમામ રોજગાર ક્ષેત્રોને પ્રાથમિકતા આપવામાં આવી છે. આવનારા સમયમાં નોંધપાત્ર ફેરફારો લાવશે તેવા બે મોટા સુધારાઓનો ઉલ્લેખ કરીને જહાજોનું નિર્માણ કરવા માટે માળખાગત સુવિધાનો દરજ્જો આપવાથી ભારતમાં મોટાં જહાજોનાં નિર્માણને વેગ મળશે, ભારત અભિયાનને વેગ મળશે અને માળખાગત સુવિધા કેટેગરી હેઠળ 50 પ્રવાસન સ્થળો પર હોટેલ સામેલ કરવાથી પ્રવાસનને નોંધપાત્ર પ્રોત્સાહન મળશે, જે હોસ્પિટાલિટી ક્ષેત્રને નવી ઊર્જા પ્રદાન કરશે.  જે રોજગારીનું સૌથી મોટું ક્ષેત્ર છે. પ્રધાનમંત્રીએ જણાવ્યું હતું કે, "વિકાસ ભી, વિરાસત ભી"ના મંત્ર સાથે દેશ પ્રગતિ કરી રહ્યો છે. તેમણે ઉલ્લેખ કર્યો હતો કે, આ બજેટમાં જ્ઞાન ભારતમ મિશન શરૂ કરીને એક કરોડ હસ્તપ્રતોનું જતન કરવા માટે મહત્ત્વપૂર્ણ પગલાં લેવામાં આવ્યાં છે. આ ઉપરાંત ભારતીય જ્ઞાન પરંપરાઓથી પ્રેરિત એક રાષ્ટ્રીય ડિજિટલ ભંડારનું પણ નિર્માણ કરવામાં આવશે.

ખેડૂતો માટે અંદાજપત્રમાં કરવામાં આવેલી જાહેરાતોથી કૃષિ ક્ષેત્ર અને સમગ્ર ગ્રામીણ અર્થતંત્રમાં નવી ક્રાંતિનો પાયો નખાશે એમ બોલતા શ્રી મોદીએ જણાવ્યું હતું કે, પ્રધાનમંત્રી ધન-ધાન્ય કૃષિ યોજના હેઠળ 100 જિલ્લાઓમાં સિંચાઈ અને માળખાગત વિકાસ થશે. તેમણે ભારપૂર્વક જણાવ્યું હતું કે, કિસાન ક્રેડિટ કાર્ડની મર્યાદા ₹3 લાખથી વધારીને ₹5 લાખ કરવાથી ખેડૂતોને વધુ સહાય મળશે.

અંદાજપત્રમાં રૂ. 12 લાખ સુધીની આવકને કરવેરામાંથી મુક્તિ આપવામાં આવી છે એ બાબત પર પ્રકાશ પાડતા પ્રધાનમંત્રીએ જણાવ્યું હતું કે, કરવેરામાં ઘટાડો તમામ આવક જૂથો માટે કરવામાં આવ્યો છે, જેનાથી મધ્યમ વર્ગ અને જેઓ નવી રોજગારી મેળવી છે તેમને મોટો લાભ થશે.

પ્રધાનમંત્રીએ જણાવ્યું હતું કે, "અંદાજપત્રમાં ઉદ્યોગ સાહસિકો, એમએસએમઇ અને લઘુ વ્યવસાયોને મજબૂત કરવા, નવી રોજગારીનું સર્જન કરવા ઉત્પાદન પર 360 ડિગ્રી ધ્યાન કેન્દ્રિત કરવામાં આવ્યું છે." તેમણે જણાવ્યું હતું કે, ક્લીન ટેક, લેધર, ફૂટવેર અને રમકડાં ઉદ્યોગ જેવા ક્ષેત્રોને રાષ્ટ્રીય ઉત્પાદન અભિયાન હેઠળ વિશેષ સાથસહકાર મળ્યો છે. વૈશ્વિક બજારમાં ભારતીય ઉત્પાદનોને ચમકાવવાનું લક્ષ્ય સ્પષ્ટ છે.

અંદાજપત્રમાં રાજ્યોમાં વાઇબ્રન્ટ અને સ્પર્ધાત્મક રોકાણ વાતાવરણ ઊભું કરવા પર વિશેષ ભાર મૂકવામાં આવ્યો હોવાનું જણાવતાં શ્રી મોદીએ એમએસએમઇ અને સ્ટાર્ટઅપ્સ માટે ધિરાણની ગેરન્ટી બમણી કરવાની જાહેરાત પર પ્રકાશ પાડ્યો હતો. તેમણે અનુસૂચિત જાતિ, અનુસૂચિત જનજાતિ અને મહિલા પ્રથમ વખત ઉદ્યોગસાહસિક માટે ગેરન્ટી વિના રૂ. 2 કરોડ સુધીની લોન આપવાની યોજના શરૂ કરવાનો ઉલ્લેખ કર્યો હતો. તેમણે ગિગ કામદારો માટે મહત્વપૂર્ણ જાહેરાત પર ભાર મૂક્યો હતો, જેમાં તેમણે પ્રથમ વખત ઇ-શ્રમ પોર્ટલ પર નોંધણી કરાવી હતી, જેથી તેઓ હેલ્થકેર અને અન્ય સામાજિક સુરક્ષા યોજનાઓ સુધી પહોંચી શકે. પ્રધાનમંત્રીએ જણાવ્યું હતું કે, આ શ્રમનાં ગૌરવ પ્રત્યે સરકારની કટિબદ્ધતાને પ્રતિબિંબિત કરે છે. તેમણે એ બાબત પર પ્રકાશ પાડ્યો હતો કે જન વિશ્વાસ 2.0 જેવા નિયમનકારી અને નાણાકીય સુધારાઓ લઘુતમ સરકાર અને વિશ્વાસ-આધારિત શાસન માટેની કટિબદ્ધતાને મજબૂત કરશે.

પોતાનાં સંબોધનનાં સમાપનમાં પ્રધાનમંત્રીએ જણાવ્યું હતું કે, આ બજેટ દેશની વર્તમાન જરૂરિયાતો પૂર્ણ કરવાની સાથે ભવિષ્ય માટે તૈયારી કરવામાં પણ મદદરૂપ થાય છે. તેમણે ડીપ ટેક ફંડ, જીઓસ્પેશ્યલ મિશન અને ન્યુક્લિયર એનર્જી મિશન સહિત સ્ટાર્ટઅપ્સ માટેની પહેલો પર પ્રકાશ પાડ્યો હતો. તેમણે આ ઐતિહાસિક બજેટ માટે તમામ નાગરિકોને અભિનંદન પાઠવ્યા હતા.

AP/IJ/SM/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com