مرکزی وزیر برائے خزانہ اور کارپوریٹ امور  محترمہ نرملا سیتا رمن نے آج پارلیمنٹ میں اقتصادی جائزہ 25-2024  پیش کرتے ہوئے کہاکہ بنیادی ڈھانچے کے کلیدی شعبوں پر مرکزی حکومت کے سرمائے کے اخراجات میں 20-2019 سے24-2023 تک 38.8 فیصد کی شرح سے اضافہ ہوا ہے۔25-2024 میں، جولائی اور نومبر 2024 کے درمیان  سرمایہ اخراجات میں تیزی آئی ہے۔

 توانائی شعبے کےنیٹ ورک میں توسیع جاری ہے، نومبر 2024 تک تنصیب کی صلاحیت 7.2 فیصد سال بہ سال بڑھ کر 456.7 گیگا واٹ ہو گئی۔ اس سال تبدیلی کی صلاحیت کے اضافے نے بھی زور پکڑا۔ قابل تجدید توانائی کی طرف تبدیلی میں، بجلی کے شعبے کو بنیادی طور پر بڑے پیمانے پر شمسی اور ہواسے متعلق اقدامات سے تقویت ملی ہے۔ دسمبر 2024 کے آخر تک، ملک کی کل قابل تجدید توانائی کی تنصیب کی صلاحیت میں سال بہ سال  15.8 فیصد اضافہ ہوا، جو دسمبر 2023 میں 180.8  گیگا واٹ سے بڑھ کر 209.4  گیگا واٹ تک پہنچ گیا ہے۔

ری ویمپڈ ڈسٹری بیوشن سیکٹرا سکیم کے نفاذ کے ساتھ، یومیہ اوسط بجلی کی فراہمی مالی سال  2014میں 22.1 گھنٹے سے بڑھ کر  مالی سال  2024 میں شہری علاقوں میں 23.4 گھنٹے اور دیہی علاقوں میں مالی سال 2014 میں 12.5 گھنٹے سے بڑھ کر 21.9 گھنٹے ہو گئی ہے۔ توانائی کی طلب اور  ترسیل کے درمیان فرق بھی مالی سال 2014 میں 4.2 فیصد سے کم ہو کر دسمبر 2024 تک محض 0.1 فیصد رہ گیا ہے۔

دیہی علاقوں میں بنیادی ڈھانچے کی بات کریں تو جل جیون مشن (جے جے ایم) کا مقصد دیہی گھرانوں کے لیے پینے کے محفوظ پانی تک قابل اعتماد رسائی فراہم کرکے طویل مدتی پانی کی حفاظت کو یقینی بنانا ہے۔ جب اسے اگست 2019 میں شروع کیا گیا تھا، صرف 3.23 کروڑ (17 فیصد) دیہی گھرانوں کے پاس نل کے پانی کے کنکشن تھے۔ اس کے بعد سے، 12.06 کروڑ سے زیادہ خاندانوں کو شامل کیا گیا ہے، جو کہ 26 نومبر 2024 تک تقریباً 19.34 کروڑ دیہی گھرانوں میں سے کل بڑھ کر 15.30 کروڑ (79.1 فیصد) سے زیادہ ہو گیا ہے۔

سوچھ بھارت مشن- گرامین ( ایس بی ایم -جی) نے پہلے مرحلے میں کھلے میں رفع حاجت سے پاک ( او ڈی ایف) کا درجہ حاصل کر لیا۔ ایس بی ایم-جی کا دوسرا مرحلہ 2020-21 سے 25-2024 تک نافذ کیا گیا ہے، جس میں گاؤں کو او ڈی ایف سے او ڈی ایف پلس میں تبدیل کرنے پر توجہ دی گئی ہے۔ سوچھ بھارت مشن-گرامین کے دوسرے مرحلے کے تحت، اپریل سے نومبر 2024 کے دوران، 1.92 لاکھ دیہاتوں کو ماڈل زمرے کے تحت او ڈی ایف پلس کا اعلان کیا گیا، جس سے او ڈی ایف پلس گاؤں کی کل تعداد 3.64 لاکھ ہو گئی۔

سوچھ بھارت مشن -اربن کا اثر محسوس کیا گیا۔ این ایس ایس -15 کے 78 ویں دور کی رپورٹ کے مطابق،شہری علاقوں میں 97 فیصد گھرانوں کی ہی بیت الخلاء تک رسائی  تھی۔ دسمبر، 2024 تک، تعمیر کردہ انفرادی گھریلو لیٹرین کی تعداد 63.7 لاکھ ہے، تعمیر شدہ کمیونٹی اور عوامی بیت الخلاء کی تعداد 6.4 لاکھ ہے اور میونسپل ٹھوس فضلہ کے 100 فیصد وارڈوں کی تعداد 93,756 ہے۔

پردھان منتری آواس یوجنا - شہری ( پی ایم اے وائی-یو)، جو 2015 میں شروع کی گئی تھی، اس کا مقصد شہری علاقوں میں مستقل رہائش فراہم کرنا ہے۔ 25 نومبر 2024 تک، کل 1.18 کروڑ مکانات کی منظوری دی گئی ہے اور 89 لاکھ سے زیادہ مکمل ہو چکے ہیں۔ پی ایم اے وائی -یو 2.0 کو ستمبر 2024 میں ایک کروڑ اضافی گھرانوں کی مدد کے لیے شروع کیا گیا تھا۔ فی الحال، 29 ریاستوں اور مرکز کے زیر انتظام علاقوں نے پی ایم اے وائی-یو 2.0 کو لاگو کرنے کے لیے معاہدوں پر دستخط کیے ہیں، مالی سال2025 میں 6 لاکھ مکانات کے لیے منظوری دی گئی ہے۔

میٹرو ریل اور ریپڈ ریل ٹرانزٹ سسٹم پورے ہندوستان کے 29 شہروں میں کام کر رہے ہیں یا زیر تعمیر ہیں، فی الحال 23 شہروں میں 1010 کلومیٹر کام کر رہے ہیں اور اضافی 980 کلومیٹر چل رہے ہیں۔ 5 جنوری 2025 تک، مالی سال 2025 میں 62.7 کلومیٹر کام کیا گیا، اور روزانہ  مسافروں کی تعداد 10.2 ملین تک پہنچ گئی۔ ان کی وجہ سے اخراج، وقت، گاڑی چلانے کے اخراجات، حادثات اور بنیادی ڈھانچے کی دیکھ بھال میں خاطر خواہ بچت ہوئی ہے۔

اٹل مشن فار ریجووینیشن اینڈ اربن ٹرانسفارمیشن (اے ایم آر یوٹی) کے تحت جس نے 500 شہروں میں شہری پانی کے انتظام کو بہتر بنانے پر توجہ مرکوز کی تھی، نل کے پانی کی  فراہمی کا دائرہ بڑھ کر 70 فیصد ہو گیا ہے، اور سیوریج کی کوریج بڑھ کر 62 فیصد ہو گئی ہے۔ مشن نے روزانہ 4,649 ملین لیٹر پانی کی صفائی کی صلاحیت پیدا کی ہے یا اس میں اضافہ کیا ہے اور 2,439 پارک تیار کیے ہیں، جس سے 5,070 ایکڑ پر سبز جگہ کا اضافہ ہوا ہے۔ 2021 میں، اے ایم آر یو ٹی 2.0 کو تمام  منظور شدہ قصبوں اور شہروں تک پھیلانے کے لیے متعارف کرایا گیا تھا، جس کے  لیے 22-2021سے26-2025 کے دوران 2.77 لاکھ کروڑ روپے مختص کیے گئے تھے۔ اس مرحلے میں اب تک 1.89 لاکھ کروڑ روپے کے 8,923 پروجیکٹ شروع کیے گئے ہیں۔ اے ایم آر یو ٹی 2.0 فعال طور پر سیلف ہیلپ گروپس کو شامل کرتا ہے اور جدید ٹیکنالوجی کو فروغ دیتا ہے۔

اسمارٹ سٹی مشن کے تحت، 13 جنوری 2025 تک، 1.64 لاکھ کروڑ مالیت کے کل 8,058 منصوبے تجویز کیے گئے ہیں، جن میں 1.50 لاکھ کروڑ کے 7,479 منصوبے مکمل کیے گئے ہیں۔

ریئل اسٹیٹ کی ترقی کا حوالہ دیتے ہوئے، جائزہ میں بتایا گیا ہے کہ ریئل اسٹیٹ (ریگولیشن اینڈ ڈیولپمنٹ) ایکٹ، 2016 ( آرای آر اے) کے تحت قوانین ناگالینڈ کے علاوہ تمام ریاستوں اور مرکز کے زیر انتظام علاقوں میں نوٹیفائی کیے گئے ہیں، جن میں مختلف ریگولیٹری اتھارٹیز قائم ہیں۔ ریئل اسٹیٹ ریگولیٹری اتھارٹی کے تحت 6 جنوری 2025 تک تقریباً 1.38 لاکھ رئیل اسٹیٹ پروجیکٹوں اور 95,987 رئیل اسٹیٹ ایجنٹ کا اندراج کیا گیا ہے ۔ آر ای آر اے نے ملک بھر میں 1.38 لاکھ شکایات کا ازالہ کیا ہے۔

سیاحت کے بنیادی ڈھانچے کی ترقی کے بارے میں، جائزہ میں کہا گیا ہے کہ پلگریمیج ریجوونیشن اینڈ اسپریچول آگیو منٹیشن ڈرائیو( پی آر اے ایس ایچ اے ڈی) اسکیم کے تحت دسمبر 2024 تک کل 48 پروجیکٹوں کو منظوری دی گئی تھی اور ان میں سے کل 26 پروجیکٹ مکمل ہوچکے ہیں۔ سودیش درشن کے تحت، جس کا مقصد سیاحتی مقامات کی مربوط ترقی ہے،  جس میں تھیم پر مبنی سیاحتی سرکٹس شامل ہیں، کل 76 پروجیکٹوں کی منظوری دی گئی تھی اور ان میں سے 75 مکمل ہو چکے ہیں۔

 خلائی  بنیادی ڈھانچے کے ضمن میں اقتصادی جائزہ  میں کہا گیا  ہے کہ ہندوستان اس وقت 56 فعال خلائی اثاثوں کو چلاتا ہے، جن میں 19 مواصلاتی سیٹلائٹس، نو نیویگیشن سیٹلائٹس، چار سائنسی سیٹلائٹس، اور 24 زمینی مشاہداتی سیٹلائٹس شامل ہیں۔ اسرو نے اپنے بیڑے میں ایک چھوٹی سیٹیلائٹ لانچ وہیکل شامل کرکے اپنی صلاحیتوں میں اضافہ کیا ہے۔ نیو اسپیس انڈیا لمیٹڈ (این ایس آئی ایل) نے 72 ون ویب سیٹلائٹس کو زمین کے نچلے مدار میں لانچ کرنے کے اپنے معاہدے کو کامیابی کے ساتھ پورا کیا۔ حال ہی میں اس نے اسپیس ایکس کے تعاون سے جی ایس اے ٹی-20 سیٹلائٹ بھی لانچ کیا۔

جائزہ کے آخر میں کہا گیا ہے کہتمام اسٹیک ہولڈرز جیسے کہ مختلف حکومتی سطحوں سے تعلق رکھنے والے افراد، مالیاتی مارکیٹ، پروجیکٹ مینجمنٹ کے ماہرین اور منصوبہ سازوں کے ساتھ ساتھ نجی شعبے کو شامل کرنے کے لیے حکمت عملی وضع کی جانی چاہیے۔ منصوبوں کو انجام دینے کی صلاحیت کے لیے انہیں عملی طور پر بروئے کار لانے کے لیے سیکٹر کے لیے مخصوص جدید حکمت عملیوں کی ترقی کی ضرورت ہوتی ہے، اور انتہائی مخصوص شعبوں جیسے کہ رسک اور ریونیو شیئرنگ، کنٹریکٹ مینجمنٹ، تنازعات کے حل اور منصوبوں کی فراہمی میں مسلسل بہتری کی ضرورت ہوتی ہے۔ پورے ملک میں بنیادی ڈھانچے میں پبلک پرائیویٹ پارٹنرشپ کی ضرورت کو یقینی بنانے کے لیے مرکزی حکومت کی کوششوں کا سبھی کو اعتراف کرنا چاہیے۔

***********

UR-5853

(ش ح۔    ع و۔ش ب ن)