મૌની અમાવસ્યાના શુભ અવસર પર, ઉત્તર પ્રદેશ સરકારે ભક્તોની સલામતી અને આરોગ્યને ધ્યાનમાં રાખીને મહાકુંભ નગરમાં 1000થી વધુ તબીબી કર્મચારીઓ તૈનાત કર્યા છે. મહાકુંભના દરેક ક્ષેત્રમાં આધુનિક તબીબી સુવિધાઓ પૂરી પાડવામાં આવી છે, જેમાં નાના ઓપરેશનથી લઈને મોટા ઓપરેશનો માટે વ્યવસ્થા કરવામાં આવી છે.

મહાકુંભ નગરમાં, સુપર સ્પેશિયાલિટી હોસ્પિટલમાં 300 નિષ્ણાત ડોકટરો તૈનાત કરવામાં આવ્યા છે, જે કોઈપણ કટોકટીની પરિસ્થિતિને સંભાળવા માટે તૈયાર છે. અત્યાર સુધીમાં, સેન્ટ્રલ અને અન્ય હોસ્પિટલોમાં 2 લાખથી વધુ દર્દીઓએ OPD સેવાઓનો લાભ લીધો છે, અને 2.5 લાખથી વધુ પેથોલોજી પરીક્ષણો કરવામાં આવ્યા છે.

સરળતાથી સુલભ આરોગ્ય સેવાઓ

મહાકુંભ મેળાના નોડલ મેડિકલ ઓફિસર ડૉ. ગૌરવ દુબેએ જણાવ્યું હતું કે મહાકુંભ નગરમાં દેશ અને વિદેશથી આવતા ભક્તોને તબીબી સંભાળ મળી રહી છે. સરકારે આધુનિક તબીબી સુવિધાઓ સાથે મેળાને સુરક્ષિત અને સ્વસ્થ બનાવવા માટે તમામ શક્ય પગલાં લીધા છે.

વધુમાં, સરકારના સમર્થનથી, મઠો, મંદિરો અને અખાડાના સંતો પણ ભક્તોને દવાઓ અને પરીક્ષણોમાં મદદ કરી રહ્યા છે. આ સંતો વિવિધ શિબિરોનું આયોજન કરી રહ્યા છે, જેના દ્વારા ભક્તોને આયુર્વેદિક, હોમિયોપેથિક સારવાર અને દવાઓ પૂરી પાડવામાં આવી રહી છે.

AP/IJ/GP/JD