مونی اماوسیہ کے مبارک موقع پر اتر پردیش حکومت نے عقیدت مندوں کی حفاظت اور صحت کو مدنظر رکھتے ہوئے مہاکمبھ نگر میں 1000 سے زیادہ طبی اہلکار تعینات کیے ہیں ۔ مہا کمبھ  کے ہر شعبے میں جدید طبی سہولیات فراہم کی گئی ہیں ، جس میں معمولی آپریشن سے لے کر بڑی سرجریوں تک کے انتظامات کیے گئے ہیں ۔

مہاکمبھ نگر میں سپر اسپیشلٹی اسپتال میں 300 ماہر ڈاکٹر تعینات کیے گئے ہیں ، جو کسی بھی ہنگامی صورتحال سے نمٹنے کے لیے  پوری طرح تیار ہیں ۔ اب تک 2 لاکھ سے زیادہ مریضوں نے مرکزی اور دیگر اسپتالوں میں او پی ڈی خدمات سے فائدہ اٹھایا ہے اور 2.5 لاکھ  سے زیادہافراد کے خون  کی جانچ  کی گئی ہے ۔

آسان اور قابل رسائی صحت خدمات

مہاکمبھ میلے کے نوڈل میڈیکل آفیسر ڈاکٹر گورو دوبے نے  کہا کہ ملک بھر اور بیرون ملک سے آنے والے عقیدت مند مہاکمبھ نگر میں طبی  خدمات حاصل کر رہے ہیں ۔ حکومت نے جدید طبی سہولیات کے ساتھ میلے کو محفوظ اور صحت مند بنانے کے لیے ہر ممکن اقدامات کیے ہیں ۔

مزید برآں ، حکومت کے تعاون سے  مٹھوں، مندروں اور اکھاڑوں کے سنت بھی عقیدت مندوں کو دوائیں اور جانچ کے ساتھ مدد  فراہم کر رہے ہیں ۔ یہ سنت مختلف کیمپوں کا انعقاد کر رہے ہیں ، جن کے ذریعے عقیدت مندوں کو آیورویدک ، ہومیوپیتھک علاج اور دوائیں بھی فراہم کی جا رہی ہیں ۔

***********

) ش ح – م ع   -ش ب ن   )

U.No. 5760