Ka Pariksha Pe Charcha (PPC), ka sienjam jong u Myntri Rangbah duh Narendra Modi ban pynkylla ia ka jingkhuslai jingmut ba iadei bad ka eksam sha ka tamasa jong ka jingnang jingstad, ka la sakhi ka jingkiew kaba kongsan ha ka bynta ba 8 jong ka. Naduh ba la sdang ia ka ha u snem 2018, ka PPC ka la kylla sha ka jingiakhih kylleng ka ri, kaba la khring haduh 3.56 klur ki jingkyntiew kyrteng ha ka bynta kaba 8 jong ka ha u 2025. Kane kalong ruh ka dak jong ka jingkiew kaba kongsan na ka bynta kaba 7, kaba la sakhi 2.26 klur ki jingkyntiew kyrteng, ka pyni ia ka jingkiew kaba 1.3 klur ki jingkyntiew kyrteng.

Ka Pariksha Pe Charcha ym tangba ka la long ka prokram kaba pawnam hynrei ka la kylla ruh kum ka “Jan Andolan” (Ka jingiakhih jong ki briew), kaba iahap bad ki samla pule, ki nonghikai bad ki kmie ki kpa ha kylleng ka ri. Ka jingphaikhmat ba kongsan jong kane ka sienjam kalong ban weng ia ka jingkhuslai jingmut ha ka por eksam bad pynshlur ia ki samla pule ban shim ia ki eksamin kum ka tamasa – “Utsav” – ka la saphriang bha ha ki briew kiba wan ki nongrim bapher bapher. Ka jingiashim bynta shitrhem ha ka PPC ka pyni ka jingkiew ka jingsngewthuh bad jingpdiang ia ka jingkongsan ka koit ka khiah ha ka bor pyrkhat bad ka pule puthi kaba pura. Ka jingiakren ha kane ka prokram, ba kynthup ka jingiakren hapdeng ki samla pule, ki nonghikai, bad u Myntri Rangbah duh, ka la nohsynniang shuh shuh sha ka jingjop jong ka.

Ban pynkhlain shuh shuh ia ka PPC kum ka “Jan Andolan”, la pynlong ia ki prokram bapher bapher naduh ka 12 tarik Kyllalyngkot 2025 (National Youth Day) haduh ka 23 tarik Kyllalyngkot 2025 (ka lyngkhuh sngi kha jong u Netaji Subhash Chandra Bose) ha ka kyrdan jong ki skul. Kine ki prokram ba la pynlong ha ki Jylla/ UT, ki thmu ban kynthup ia ki samla pule, ki kmie ki kpa bad ki nonghikai ha ka jingrakhe ia ka PPC kum ka tamasa. Baroh ki don 1.42 klur ki samla pule, 12.81 lak ki nonghikai, bad 2.94 lak ki skul kiba la iashim bynta. La saindur ia kine ki prokram ban pynduna ka jingkhuslai jingmut, kyntiew ka jingpynleit jingmut, bad kyntiew ia ka jingleh bha ha ka por eksam bad kiwei kiwei. La pynshlur ia ki samla pule ban iashim bynta ha ki prokram bapher bapher, ba kynthup ki jinglehkai tynrai kum ka Kho-Kho bad Kabaddi, ki short-distance marathon, ki jingiakop shna meme, ki jingiashim bynta ha ka Nukkad Natak, bad ka jingshna poster. La pynshlur ruh ia ki ban iasam ia ki jingshem jong ki lyngba ki khana jong ki samla pule, ka jingiashim bynta ha ki jingiamir jingmut ba ialam da ki samla pule, bad ka jingleh yoga bad ki bynta pylleit jingmut ban wanrah ia ka jing jaijai ha ka jingmut jingpyrkhat bad ka jingpylleit jingmut. Ki skul ki la pynlong ia ki prokram ba la pynkhreh da ki samla pule, pynlong ia ki workshop bad khot sngewbha ia ki briew ba kyrpang ban iasam ia ki jingsngewthuh jong ki.

Ha ka jingpynkut ia kine ki prokram, la pynlong ia ka jingpyni ia ki khana ai mynsiem jong ka jingshlur bad ka jinglenlade, ka "Bharat Hai Hum" series ha ka 23 tarik Kyllalyngkot 2025. Hadien kane, la pynlong ia ka jingiakop quiz katkum ka series “Bharat Hai Hum” ha 567 tylli ki Kendriya Vidyalaya ha kylleng ka ri. Baroh ki don 55, 961 ngut ki khynnah pule kiba la iashim bynta, kynthup 17,408 na ki Kendriya Vidyalaya, 4,567 na ki Jawahar Navodaya Vidyalaya, 5,542 na ki skul PM SHRI, 18,394 na ki skul ba iasoh bad ka CBSE, bad 10,050 na ki skul State Board. La sam ia ki khusnam sha ki lahduh, bad baroh ki nongiashim bynta ki la ioh ia kawei ka kot "Exam Warriors," ba la thoh da u Myntri Rangbah duh ka ri. Kane ka sienjam ym tangba ka peit ia ka jingstad jong u khynnah hynrei ka pynkhlain ruh ia ki jinghikai ba ioh lyngba ka "Bharat Hain Hum" series.

Sa shisien ka Pariksha Pe Charcha 2025 ka pyni ba kalong kaba jop, ka pynskhem ia ka kyrdan jong ka kum ka sienjam ba kongsan ban kyntiew ia ka rukom pule ba bha bad kaba iarap ia ki khynnah pule ha kylleng ka ri.

*****