প্ৰধানমন্ত্ৰীৰ কাৰ্যালয়
ভাৰতৰ ৭৬ সংখ্যক গণৰাজ্য দিৱসৰ শুভেচ্ছা জনোৱাৰ বাবে প্ৰধানমন্ত্ৰীয়ে বিশ্বনেতাসকলক ধন্যবাদ জনাইছে
Posted On:
26 JAN 2025 5:56PM by PIB Guwahati
প্ৰধানমন্ত্ৰী শ্ৰী নৰেন্দ্ৰ মোদীয়ে আজি ভাৰতৰ ৭৬ সংখ্যক গণৰাজ্য দিৱসত বিশ্বনেতাসকলক অভিনন্দন আৰু শুভেচ্ছা জনোৱাৰ বাবে ধন্যবাদ জ্ঞাপন কৰে। নেপালৰ প্ৰধানমন্ত্ৰীয়ে এক্সত দিয়া এটা পোষ্টৰ উত্তৰত প্ৰধানমন্ত্ৰীয়ে কয়।
“আপোনাৰ উষ্ম শুভেচ্ছাৰ বাবে ধন্যবাদ প্ৰধানমন্ত্ৰী @kpsharmaoli। ভাৰতে নিজৰ গণৰাজ্যৰ ৭৫ বছৰ সম্পূৰ্ণ কৰাৰ লগে লগে আমি আমাৰ দুয়োখন দেশৰ জনসাধাৰণৰ মাজত বন্ধুত্বৰ ঐতিহাসিক বান্ধোনকো গভীৰভাৱে লালন-পালন কৰোঁ। মই নিশ্চিত যে আগন্তুক সময়তো ই বৃদ্ধি পাই থাকিব।”
মালদ্বীপৰ ৰাষ্ট্ৰপতিয়ে এক্সত দিয়া এটা পোষ্টৰ উত্তৰত প্ৰধানমন্ত্ৰীয়ে কয়, “ভাৰতৰ গণৰাজ্য দিৱসত আপোনাৰ শুভেচ্ছাৰ বাবে ৰাষ্ট্ৰপতি @MMuizzu ধন্যবাদ। ভাৰত আৰু মালদ্বীপৰ দীৰ্ঘদিনীয়া অংশীদাৰিত্ব সন্দৰ্ভত আপোনাৰ আৱেগক মই সম্পূৰ্ণৰূপে সন্মান কৰিছো। বন্ধুত্ব আৰু সহযোগিতাৰ এই বান্ধোন গভীৰ কৰিবলৈ আমি প্ৰতিশ্ৰুতিবদ্ধ।”
ভূটানৰ প্ৰধানমন্ত্ৰীয়ে এক্সত দিয়া এটা পোষ্টৰ উত্তৰত প্ৰধানমন্ত্ৰীয়ে কয়। “ভাৰতীয় গণৰাজ্যৰ ৭৫ বছৰ সম্পূৰ্ণ হোৱা উপলক্ষে আপোনাৰ উষ্ম শুভেচ্ছাৰ বাবে মোৰ বন্ধু পি এম @tsheringtobgay ধন্যবাদ। ভাৰত আৰু ভূটানৰ মাজত থকা অনন্য আৰু বিশেষ অংশীদাৰিত্বকো আমি অতিশয় মূল্য দিওঁ।”
নেপালৰ প্ৰাক্তন প্ৰধানমন্ত্ৰীয়ে এক্সত দিয়া এটা পোষ্টৰ উত্তৰত প্ৰধানমন্ত্ৰীয়ে কয়, “ভাৰতৰ ৭৬ সংখ্যক গণৰাজ্য দিৱসত @SherBDeuba আপোনাৰ সৌজন্যমূলক শুভেচ্ছাৰ বাবে ধন্যবাদ। আমাৰ জনসাধাৰণৰ মাজত যুগ যুগ ধৰি চলি অহা বন্ধুত্বৰ সম্পৰ্কবোৰ আগবাঢ়ি যাওক আৰু অধিক শক্তিশালী হওক।”
মালদ্বীপৰ প্ৰাক্তন ৰাষ্ট্ৰপতিগৰাকীয়ে এক্সত দিয়া এটা পোষ্টৰ উত্তৰত প্ৰধানমন্ত্ৰীয়ে কয়। “ভাৰতৰ গণৰাজ্য দিৱসত আপোনাৰ আন্তৰিক শুভেচ্ছাৰ বাবে @ibusolih ধন্যবাদ।”
*****
MJPS/SR/SKS/MS
(Release ID: 2096987)
Visitor Counter : 9
Read this release in:
Odia
,
English
,
Urdu
,
Hindi
,
Marathi
,
Manipuri
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam