پریاگ راج میں جاری مہاکمبھ 2025 کے دوران 76ویں یوم جمہوریہ کے موقع پر آج ایک خصوصی تقریب کا اہتمام کیا گیا۔ عقیدے اور عقیدت کے اس منفرد تہوار پر، سنگم میں مقدس اسنان کے لیے عقیدت مندوں کی بڑی بھیڑ جمع ہوئی۔ اس یوم جمہوریہ پر مہا کمبھ میلہ کے علاقے اور اکھاڑے ہندوستانی قوم پرستی کے رنگ میں رنگے ہوئے نظر آئے۔ سنتوں کے اکھاڑوں، عقیدت مندوں کے کیمپوں اور یہاں تک کہ مختلف سرکاری محکموں کے قائم کردہ عارضی میلہ دفاتر میں پرچم کشائی کی تقریبات کا اہتمام کیا گیا۔

مہاکمبھ شہر میں بزرگ شہریوں کی شرکت نے یوم جمہوریہ کی تقریبات کو فخر سے بھر دیا۔ مزید برآں، حکومت نے مہا کمبھ میلہ کے علاقے میں قائم خصوصی کیمپوں اور اولڈ ایج ہومز میں پرچم کشائی کے پروگراموں کا اہتمام کیا۔ یہ کیمپ بزرگ شہریوں کے لیے پناہ گاہ کے طور پر کام کرتے ہیں، اور انہیں مہا کمبھ کا دورہ کرنے اور سنگم میں بغیر کسی پریشانی کے مقدس ڈبکی لینے کا موقع فراہم کرتے ہیں۔

اس موقع پر محکمہ سماجی بہبود کے کیمپ میں خصوصی منظر دیکھنے کو ملا۔ مرزا پور کے اولڈ ایج ہوم سے آئی ستر سالہ منی دیوی نے پرچم لہرایا۔ یہ لمحہ نہ صرف جذباتی تھا بلکہ اس بات کی علامت بھی تھا کہ مہا کمبھ صرف عقیدے اور عقیدت  کا تہوار نہیں ہے بلکہ سماج کے تمام طبقات کی شرکت کا جشن بھی ہے۔ منی دیوی جیسے بزرگ شہریوں کی موجودگی نے اس دن کو مزید خاص بنا دیا۔

اس سال اتر پردیش حکومت نے ایک خاص پہل سے متعارف کیا ہے۔ کمبھ کے علاقے میں اولڈ ایج ہومز  میں رہنے والے بزرگ شہریوں کے لیے 100 بستروں کی گنجائش والا آشرم بنایا گیا ہے۔ یہ آشرم خاص طور پر ان بزرگوں کے لیے بنایا گیا ہے جو سنگم میں مقدس غسل کرنا چاہتے ہیں لیکن انہیں سفر کرنے یا نہانے میں دشواری ہو سکتی ہے۔ اب تک ریاست کے مختلف حصوں سے تقریباً 450 بزرگ شہری مہاکمبھ پہنچ چکے ہیں اور سنگم میں ڈبکی لگا چکے ہیں۔

پروگرام کے دوران مہا کمبھ شہر کے مختلف اکھاڑوں، سرکاری دفاتر اور سماجی خدمت تنظیموں کے کیمپوں میں حب الوطنی کے گیت گائے گئے۔ یوگا سیشنز کا بھی اہتمام کیا گیا جس میں تمام شرکاء نے حصہ لیا۔ یوگا مشق نے مہا کمبھ ایونٹ کو جسمانی اور ذہنی طور پر توانائی بخش بنا دیا۔

مہاکمبھ میں یوم جمہوریہ کا جشن نہ صرف قومیت اور اتحاد کی علامت بن گیا بلکہ یہ بھی ثابت ہوا کہ مہاکمبھ صرف ایک مذہبی تہوار نہیں ہے بلکہ سماج کے تمام طبقات کو متحد کرنے کا ایک منفرد موقع ہے۔ اس تقریب نے نہ صرف ہم آہنگی کا پیغام دیا بلکہ یہ بھی دکھایا کہ کس طرح ایک سرشار معاشرہ اپنے بزرگوں کی عزت اور حقوق کا احترام کرتا ہے۔

مہاکمب میں یوم جمہوریہ کا جشن نہ صرف قومیت اور اتحاد کی علامت بن گیا بلکہ یہ بھی ثابت ہوا کہ مہاکمبھ صرف ایک مذہبی تہوار نہیں ہے بلکہ سماج کے تمام طبقات کو متحد کرنے کا ایک منفرد موقع ہے۔ اس تقریب نے نہ صرف ہم آہنگی کا پیغام دیا بلکہ یہ بھی دکھایا کہ کس طرح ایک سرشار معاشرہ اپنے بزرگوں کی عزت اور حقوق کا احترام کرتا ہے۔

*************

(ش ح ۔ش ت۔ج ا(

U. No.5686