خواتین اور بچوں کی ترقی کی وزارت نے آج بیٹی بچاؤ بیٹی پڑھاؤ (بی بی بی پی) اسکیم کی 10 ویں سالگرہ منائی، جو حکومت ہند کی ایک اہم پہل ہے جس کا مقصد صنفی عدم توازن کو دور کرنا اور بچیوں کو بااختیار بنانا ہے۔

وگیان بھون، نئی دہلی میں منعقدہ افتتاحی تقریب میں صحت اور خاندانی بہبود اور کیمیکل اور کھاد کے مرکزی وزیر جناب جگت پرکاش نڈا، خواتین اور بچوں کی ترقی کی مرکزی وزیر محترمہ انپورنا دیوی اور خواتین و بچوں کی ترقی کی وزیر مملکت محترمہ ساوتری ٹھاکر سمیت معزز شخصیات نے شرکت کی۔

اس تقریب میں بی بی بی پی اسکیم کے تحت ہونے والی ایک دہائی کی پیشرفت پر روشنی ڈالی گئی، جو خواتین اور لڑکیوں کو بااختیار بنانے کے لیے حکومت ہند کے عزم کی عکاسی کرتی ہے۔ اس نے ملک کے وکست بھارت 2047 کے وژن کی بھی توثیق کی، جہاں صنفی مساوات نہ صرف پالیسی کی ترجیح ہے بلکہ ایک معاشرتی معمول ہے۔

صحت اور خاندانی بہبود اور کیمیکل اور کھاد کے مرکزی وزیر جناب جگت پرکاش نڈا نے اپنے خصوصی خطاب میں صحت اور تعلیم جیسے اہم شعبوں میں ہونے والی پیش رفت پر زور دیا۔ انہوں نے کہا کہ بیٹی بچاؤ بیٹی پڑھاؤ اسکیم کی کامیابی بچوں کے صنفی کے تناسب میں خاطر خواہ بہتری، ادارہ جاتی ڈیلیوری اور لڑکیوں کے لیے صحت کی دیکھ بھال کی خدمات تک رسائی میں واضح ہے۔

حکومت ہند اس بات کو یقینی بنانے کے لیے پرعزم ہے کہ ہر لڑکی کو وہ دیکھ بھال اور مواقع ملے جو وہ کل کی لیڈر بننے کے قابل بن سکے۔

اپنے کلیدی خطاب میں خواتین اور اطفال کی ترقی کی مرکزی وزیر محترمہ انپورنا دیوی نے بی بی بی پی کے تبدیلی کے اثرات کو تسلیم کرتے ہوئے اس بات پر زور دیا کہ یہ اسکیم سماجی تبدیلی کے لیے ایک اتپریرک بن گئی ہے۔ انہوں نے مزید کہا کہ بیٹی بچاؤ بیٹی پڑھاؤ پہل ایک سرکاری اسکیم سے ملک گیر تحریک میں تبدیل ہوگئی ہے۔ وزیر موصوف نے مزید کہا کہ اس 10 سالہ سفر نے بچیوں کی حالت کو بہتر بنانے اور اس بات کو یقینی بنانے میں اہم کردار ادا کیا ہے کہ اسے تعلیم، صحت اور مجموعی ترقی کے مساوی مواقع حاصل ہوں۔

خواتین اور بچوں کی ترقی کی وزیر مملکت محترمہ ساوتری ٹھاکر نے خصوصی خطاب کرتے ہوئے اس اسکیم کے ذریعے لائی گئی ثقافتی تبدیلی پر روشنی ڈالی۔’بیٹی بچاؤ بیٹی پڑھاؤ خواتین کی ترقی کے لیے ہماری اجتماعی وابستگی کا عکاس ہے۔‘ محترمہ ٹھاکر نے کہا کہ جب ہم اس سنگ میل کا جشن منا رہے ہیں، ہم ایک ایسا ماحول بنانے کے لیے اپنی لگن کا اعادہ کرتے ہیں جہاں ہر لڑکی کو تعلیم، صحت اور مواقع سے بھرے مستقبل کا حق حاصل ہو۔

اس موقع پر کئی اہم اقدامات کا آغاز کیا گیا جن میں بہترین طرز عمل کا مجموعہ، مشن وتسالیہ پورٹل، مشن شکتی پورٹل، اور مشن شکتی موبائل ایپ شامل ہیں، جو ملک بھر میں خواتین اور بچوں کو بااختیار بنانے کے لیے حکومت کے عزم کو مزید مضبوط کرنے کے لیے ڈیزائن کیے گئے ہیں۔

سافٹ کاپی

اس تقریب میں پرجوش طالبات کے ساتھ مسلح افواج، پولیس، نیم فوجی، طبی، سائنس، حکومت اور دیگر سمیت مختلف شعبوں سے تعلق رکھنے والی معزز خواتین افسروں کی موجودگی نے خوشی کا اظہار کیا۔

پچھلی دہائی کے دوران، بی بی بی پی اسکیم نےبھارت میں صنفی مساوات اور لڑکی کی حیثیت کو بہتر بنانے میں اہم پیش رفت کی ہے۔

پیدائش کے وقت قومی جنس کا تناسب 2014-15 میں 918 سے بڑھ کر 2023-24 میں 930 ہو گیا ہے۔ ثانوی سطح پر لڑکیوں کے اندراج کا مجموعی تناسب 75.51فیصدسے بڑھ کر 78فیصد ہو گیا ہے، اور ادارہ جاتی زچگی 61فیصد سے بڑھ کر 97.3فیصد ہو گئی ہے۔ مزید برآں، پہلی سہ ماہی قبل از پیدائش کی دیکھ بھال کے اندراجات 61فیصدسے بڑھ کر 80.5فیصد ہو گئے ہیں۔

بائیسجنوری 2015 کو، وزیر اعظم جناب نریندر مودی کے ذریعہ اپنے آغاز کے بعد سے، بی بی بی پی اسکیم نے بھارت میں صنفی امتیاز اور گھٹتے ہوئے بچوں کے جنسی تناسب سے متعلق اہم مسائل کو حل کیا ہے۔ یہ اسکیم ایک ثقافتی تبدیلی کو فروغ دینے میں اہم کردار ادا کرتی ہے جو بچیوں کی قدر کرتی ہے، اس کے حقوق اور مواقع کے تحفظ کو یقینی بناتی ہے اور خواتین کی قیادت میں ترقی کی راہ ہموار کرتی ہے۔

دسویں سالگرہ کی تقریبات 22 جنوری سے 8 مارچ 2025 تک جاری رہیں گی، جس کا اختتام خواتین کے عالمی دن پر ہوگا۔ بی بی بی پی اسکیم کے مقاصد کو فروغ دینے کے لیے ملک گیر سرگرمیوں کا ایک سلسلہ منعقد کیا جائے گا، جس میں ریلیاں، ثقافتی تقریبات، اور مہم شامل ہیں۔ مزید برآں، حکومت ہند کے جامع ترقی کے وسیع تر وژن کے مطابق پائیداری اور ماحولیاتی بیداری کو فروغ دینے کے لیے شجرکاری مہم چلائی جائے گی۔

خواتین اور اطفال کی ترقی کی وزارت اس بات کو یقینی بنانے کے لیے پرعزم ہے کہبی بی بی پی اسکیم مثبت تبدیلی کے لیے ایک ترغیب کے طور پر کام کرتی رہے، ملک بھر میں لڑکیوں اور خواتین کو بااختیار بنائے اور وکست بھارت کی تشکیل میں تعاون کرے۔

***

(ش ح۔اص)

UR No 5518