عقیدت مندوں اور یاتریوں کو باخبر رکھنے کی ایک اہم پہل میں، آل انڈیا ریڈیو کے کمبھوانی نیوز بلیٹن اب اتر پردیش کے پریاگ راج کے مہاکمبھ  نگر میں پبلک ایڈریس سسٹم کے ذریعے براہ راست نشر کیے جا رہے ہیں۔ پہلا کمبھوانی نیوز بلیٹن آج یعنی 18 جنوری 2025 کو صبح 8:30 بجے پبلک ایڈریس سسٹم پر نشر کیا گیا۔

کمبھوانی نیوز بلیٹن دن میں تین بار، صبح 8:30-8:40، دوپہر 2:30-2:40 اور شام 8:30-8:40 پر نشر کیے جائیں گے، جو مہاکمبھ  میلہ سے متعلق مختلف سرگرمیوں کے بارے میں اپ ڈیٹ فراہم کرتے رہیں گے۔مزید برآں، عقیدت مند پریاگ راج میں 103.5 میگا ہرٹز فریکوئنسی پر کمبھوانی نیوز بلیٹن کو بھی سن  سکتے ہیں۔ وقف شدہ کمبھ نیوز بلیٹن نیوزون اے آئی آر ایپ، ویوز او ٹی ٹی پلیٹ فارم پر بھی نشر کیے جارہے ہیں اور آکاشوانی کے آفیشل یوٹیوب چینل نیوز پر اے آئی آر آفیشل پر دستیاب کرائے جارہے ہیں۔

اس پہل کو عقیدت مندوں اور یاتریوں کی طرف سے اچھی طرح سے پذیرائی مل رہی ہے ، بہت سے لوگوں نے اسے‘‘مہاکمبھ کے بارے میں معلومات حاصل کرنے کا ایک عمدہ اقدام’’ قرار دیا ہے۔ پریاگ راج کی رہنے والی تنو شرما کہتی ہیں، ‘‘آکاشوانی کے کمبھ بلیٹن بھروسہ مند، درست اور معلوماتی ہیں۔’’ مدھیہ پردیش کے اجین کے رہنے والے یوگراج سنگھ جھالا جو مہاکمبھ کا دورہ کرنے آئے ہیں کہتے ہیں، ‘‘میلہ کے احاطے میں آکاشوانی کے کمبھ بلیٹن کو سننا ایک خوشگوار لمحہ ہے۔ مہاکمبھ میں عقیدت مندوں کو معلومات کا ایک مستند ذریعہ ملا ہے۔’’

پرسار بھارتی کے چیئرمین نونیت کمار سہگل کہتے ہیں، ‘‘مہاکمبھ ایک بڑا روحانی سماجی اجتماع ہے اور پرسار بھارتی پوری صداقت کے ساتھ حقیقی وقت کی خبریں فراہم کرنے کے لیے پرعزم ہے۔ آکاشوانی اور دوردرشن کے پورے نیٹ ورک پر مہاکمبھ کی مسلسل کوریج کے لیے نامہ نگاروں، ایڈیٹرز اور نیوز ریڈرز کی ایک وقف شدہ  ٹیم پریاگ راج میں تعینات ہے۔’’

مہاکمبھ 2025 کے لیے وقف کردہ آکاش وانی کا کمبھوانی چینل، 10 جنوری کو اتر پردیش کے وزیر اعلیٰ یوگی آدتیہ ناتھ نے مرکزی وزیر مملکت برائے اطلاعات و نشریات ڈاکٹر ایل مروگن کی مجازی موجودگی میں شروع کیا تھا۔ چینل 26 فروری 2025 تک خبریں اور دیگر پروگرام نشر کرتا رہے گا۔

******

(ش ح ۔ش ت۔ج ا(

U. No.5412