فوڈ سیفٹی اینڈ اسٹینڈرڈز اتھارٹی آف انڈیا (ایف ایس ایس اے آئی – فسائی ) نے پریاگ راج میں جاری مہا کمبھ 2025 میں لاکھوں عقیدت مندوں کے لیے محفوظ اور صحت بخش کھانے کی دستیابی کو یقینی بنانے کے لیے بڑے پیمانے پر مضبوط اقدامات نافذ کیے ہیں۔ فوڈ سیفٹی آفیسرز کی تعیناتی، موبائل فوڈ ٹیسٹنگ لیبز (پہیوں پر فوڈ سیفٹی)، اور بیداری مہم کے ذریعے، فسائی مہا کمبھ میلے کے دوران کھانے کی حفاظت کو یقینی بنانے میں سب سے آگے ہے۔

فسائی نے فوڈ سیفٹی اینڈ ڈرگ ایڈمنسٹریشن، اتر پردیش حکومت کے ساتھ مل کر، مہا کمبھ کے مختلف شعبوں کو پورا کرنے کے لیے فوڈ تجزیہ کاروں کے ساتھ ساتھ 10 موبائل فوڈ ٹیسٹنگ لیبز کو تعینات کیا ہے۔ یہ موبائل فوڈ ٹیسٹنگ لیبز کھانے کی اشیاء میں ملاوٹ اور خرابی کے لیے موقع پر ہی جانچ کر رہی ہیں، اور فوڈ بزنس آپریٹرز (ایف بی اوز)، خوانچہ فروشوں  اور عوام میں بیداری پیدا کر رہی ہیں، جس سے کھانے کے محفوظ ماحول کو یقینی بنایا جا رہا ہے۔

میلے کو پانچ زونز اور 25 سیکٹرز میں تقسیم کیا گیا ہے، ہر سیکٹر میں فوڈ سیفٹی آفیسرز (ایف ایس او) کو باقاعدگی سے حفظان صحت اور حفاظتی معیارات کی نگرانی کے لیے تعینات کیا گیا ہے۔ نگرانی کو مضبوط بنانے کے لیے، پورے علاقے میں کل 56 فوڈ سیفٹی آفیسرز (ایف ایس او) کو تعینات کیا گیا ہے، جن میں پانچ چیف فوڈ سیفٹی آفیسرز (سی ایف ایس او ) بھی شامل ہیں۔ جبکہ ہر سیکٹر میں دو ایف ایس او کو تعینات کیا گیا ہے، ہر زون کی نگرانی ایک سی ایف ایس او کر رہا ہے، جس سے جامع کوریج اور فوڈ سیفٹی کے معیارات کے موثر نفاذ کو یقینی بنایا جا رہا ہے۔ میلے میں فوڈ سیفٹی آپریشنز کا انتظام مرکزی طور پر شہر کے سیکٹر 24 میں سنکٹ موچن مارگ کے ایک وقف دفتر سے کیا جاتا ہے۔

میلے کے احاطے میں ہوٹلوں، ڈھابوں اور کھانے پینے کے چھوٹے اسٹالز کا بھی باقاعدگی سے معائنہ کیا جا رہا ہے تاکہ کھانے کے معیار کی تصدیق کی جا سکے۔ گراؤنڈ میں موجود ٹیم کو ہدایت کی گئی ہے کہ وہ فوڈ سیفٹی کی شکایات کو فوری طور پر دور کرے اور کھانا پکانے کے طریقوں بشمول استعمال شدہ خام مال کے معیار کی سخت جانچ کے ذریعے فوری کارروائی کو یقینی بنائے۔

چاول، چینی، گندم کا آٹا، اور مہا کمبھ میلہ کے علاقے کے لیے مقرر کردہ دیگر ضروری اشیائے خوردونوش کے نمونے باقاعدگی سے جانچ کے لیے جمع کیے جا رہے ہیں۔ ان ٹیسٹ کے نمونوں کو جمع کرنے کے لیے تقسیم اور ذخیرہ کرنے کے دونوں مقامات کی نشاندہی کی گئی ہے، جن کا وارانسی میں ریجنل پبلک ہیلتھ لیبارٹری میں ٹیسٹ کیا جا رہا ہے۔

نگرانی اور نفاذ کے علاوہ، فسائی نے عقیدت مندوں اور دکانداروں کے ساتھ مشغول ہونے کے لیے ایک انٹرایکٹو پویلین قائم کیا ہے۔ یہ اسٹال محفوظ کھانے کے طریقوں کی اہمیت کو اجاگر کرنے والے نکڑ ناٹک پرفارمنس اور فوڈ سیفٹی اور نیوٹریشن پر لائیو کوئزز کی میزبانی کریں گے۔ اسٹال پر ایف ایس ایس اے آئی کے اہلکار ملاوٹ، لائسنسنگ، تربیت اور دیگر جیسے اہم مسائل کے بارے میں بھی بیداری پیدا کر رہے ہیں۔ ان مہمات کے ذریعے، فسائی کا مقصد عوام کو محفوظ اور صحت بخش خوراک کی اہمیت کے بارے میں مؤثر طریقے سے آگاہ کرنا ہے۔

یہ جامع انتظامات، جن کی سربراہی فسائی کرتی ہے، صحت عامہ اور خوراک کی حفاظت کے لیے حکومت کی غیر متزلزل عزم کی عکاسی کرتی ہے۔

************

ش ح۔ ام ۔ م ص

 (U:5401