ഇന്ത്യയിലുടനീളം ടെലികോം ലഭ്യത, സുരക്ഷ, ശാക്തീകരണം എന്നിവ വര്‍ദ്ധിപ്പിക്കുന്നതിനുള്ള സുപ്രധാന നീക്കത്തിന്റെ ഭാഗമായി, കേന്ദ്ര വാര്‍ത്താ വിനിമയ മന്ത്രി ശ്രീ ജ്യോതിരാദിത്യ എം. സിന്ധ്യ ഒരുകൂട്ടം പൗരകേന്ദ്രീകൃത സംരംഭങ്ങള്‍ക്കു തുടക്കംകുറിച്ചു. സഞ്ചാര്‍ സാഥി മൊബൈല്‍ ആപ്പ്, നാഷണല്‍ ബ്രോഡ്ബാന്‍ഡ് മിഷന്‍ (NBM) 2.0 അവതരണം, 4G മൊബൈല്‍ സൈറ്റുകളില്‍ DBN ധനസഹായത്തോടെയുള്ള ഇന്‍ട്രാ സര്‍ക്കിള്‍ റോമിംഗ് സൗകര്യത്തിന്റെ ഉദ്ഘാടനം എന്നിവയാണ് ഇവയില്‍ പ്രധാനം.

ടെലികോം സുരക്ഷ ശക്തിപ്പെടുത്തുന്നതിനും പൗരന്മാരെ ശാക്തീകരിക്കുന്നതിനുമായി രൂപകല്‍പ്പന ചെയ്ത ഉപഭേക്തൃ-സൗഹൃദ പ്ലാറ്റ്‌ഫോം ആണ് സഞ്ചാര്‍ സാഥി മൊബൈല്‍ ആപ്പ്. ' ഈ സംരംഭം അവസരങ്ങൾ  ലഭ്യമാക്കുമെന്നു മാത്രമല്ല, എല്ലാ ഉപയോക്താക്കള്‍ക്കും സുരക്ഷിത സാഹചര്യം ഉറപ്പാക്കുകുയും ചെയ്യുന്നു' എന്ന് മൊബൈല്‍ ആപ്ലിക്കേഷന്‍ പുറത്തിറക്കിക്കൊണ്ട് മന്ത്രി എടുത്തു പറഞ്ഞു. എല്ലാവര്‍ക്കും ടെലികോം നെറ്റ്‌വര്‍ക്കുകളുടെ സുരക്ഷ, ഉറപ്പ്, വിശ്വാസ്യത എന്നിവ നിലനിര്‍ത്താന്‍ സഞ്ചാര്‍ സാഥി സമര്‍പ്പിക്കപ്പെട്ടിരിക്കുന്നുവെന്ന് അദ്ദേഹം ഊന്നിപ്പറഞ്ഞു.

ആന്‍ഡ്രോയിഡ്, ഐഒഎസ് പ്ലാറ്റ്‌ഫോമുകളില്‍ ലഭ്യമായ സഞ്ചാര്‍ സാഥി മൊബൈല്‍ ആപ്പ്, ഉപയോക്താക്കള്‍ക്ക് അവരുടെ ടെലികോം സംവിധാനങ്ങള്‍ സുരക്ഷിതമാക്കുന്നതിനും ടെലികോം തട്ടിപ്പുകളെ ചെറുക്കുന്നതിനുമുള്ള ഒരു ആയുധമാണ്. പ്രധാന സവിശേഷതകള്‍ ഇവയാണ്:

• ചക്ഷു (Chakshu)-സംശയാസ്പദവും വ്യാജവുമായ സന്ദേശങ്ങള്‍ (SFC) റിപ്പോര്‍ട്ട് ചെയ്യുന്നതിന് : സംശയാസ്പദവും വ്യാജവുമായ ഫോണ്‍ കോളുകളും എസ്എംഎസുകളും ഉപയോക്താക്കള്‍ക്ക് മൊബൈല്‍ ഫോണ്‍ ലോഗുകളില്‍ നിന്നും നേരിട്ടു റിപ്പോര്‍ട്ടു ചെയ്യാം.
• നിങ്ങളുടെ പേരിലുള്ള മൊബൈല്‍ കണക്ഷനുകൾ അറിയുക: പൗരന്മാര്‍ക്ക് അവരുടെ പേരില്‍ എടുത്തിട്ടുള്ള എല്ലാ മൊബൈല്‍ കണക്ഷനുകളും തിരിച്ചറിയാനും അനധികൃതമായി ഉപയോഗിക്കപ്പെടുന്നില്ലെന്ന് ഉറപ്പാക്കി  നിയന്ത്രിക്കാനും കഴിയും.
• നിങ്ങളുടെ നഷ്ടപ്പെട്ട/ മോഷ്ടിക്കപ്പെട്ട മൊബൈല്‍ ഹാന്‍ഡ് സെറ്റുകളുടെ ഉപയോഗം തടയുന്നു: നഷ്ടപ്പെട്ട/ മോഷ്ടിക്കപ്പെട്ട മൊബൈല്‍ ഹാന്‍ഡ് സെറ്റുകളുടെ ഉപയോഗം വേഗത്തില്‍ തടയാനും കണ്ടെത്താനും വീണ്ടെടുക്കാനും സഹായിക്കും.
• മൊബൈല്‍ ഹാന്‍ഡ് സെറ്റുകളുടെ ആധികാരികത: മൊബൈല്‍ ഹൈന്‍ഡ്‌സെറ്റുകളുടെ ആധികാരികത പരിശോധിക്കുന്നതിനും ഉപയോക്താക്കള്‍  ആധികാരിക വാങ്ങുന്നുവെന്നും ഉറപ്പാക്കാനുള്ള എളുപ്പവഴി ആപ്പ് പ്രദാനം ചെയ്യുന്നു.

രാജ്യത്തെ 90 കോടിയിലധികമുള്ള സ്മാര്‍ട്ട് ഫോണ്‍ ഉപയോക്താക്കള്‍ ഉള്ളതില്‍, ഓരോരുത്തര്‍ക്കും അവരുടെ സ്മാര്‍ട്ട്‌ഫോണിലൂടെ വളരെ ലളിതമായി ഈ സുപ്രധാന സേവനങ്ങള്‍ പ്രാപ്യമാകുന്നുവെന്ന് ഉറപ്പാക്കാന്‍ സഞ്ചാര്‍ സാഥി മൊബൈല്‍ ആപ്പ് ലക്ഷ്യമിടുന്നു.

 നാഷണല്‍ ബ്രോഡ്ബാന്‍ഡ് മിഷന്‍ (NBM) 2.0

നയ രേഖ പുറത്തിറക്കിക്കൊണ്ട്  നാഷണല്‍ ബ്രോഡ്ബാന്‍ഡ് മിഷന്‍ (NBM) 2.0 നു കേന്ദ്ര മന്ത്രി തുടക്കംകുറിച്ചു. ഏകദേശം എട്ടു ലക്ഷം ടവറുകള്‍ സ്ഥാപിക്കപ്പെട്ട (NBM) 1.0 യുടെ വിജയത്തെ ആധാരമാക്കിയാണ് (NBM) 2.0  ഉണ്ടാക്കിയിരിക്കുന്നതെന്ന് ശ്രീ ജോതിരാദിത്യ സിന്ധ്യ എടുത്തു പറഞ്ഞു. ' ബ്രോഡ്ബാന്‍ഡ് സബ്‌സ്‌ക്രിപ്ഷന്‍ 66 കോടിയില്‍ നിന്നും 94 കോടിയായി ഉയര്‍ന്നു. ഈ വളര്‍ച്ചയാണ് NBM 2.0 ന്റെ അടിത്തറയായി വര്‍ത്തിക്കുന്നത് ' കേന്ദ്ര മന്ത്രി അഭിപ്രായപ്പെട്ടു.

''ഇന്ന്, ടെലികോം, ഡിജിറ്റല്‍ മേഖലകളില്‍ ഇന്ത്യ ഒരു ആഗോള നേതൃനിരയിലേക്ക് ഉയര്‍ന്നു. 531 ദശലക്ഷത്തിലധികം ഇന്ത്യക്കാര്‍ ഇപ്പോള്‍ ഇലക്ട്രോണിക് ബാങ്കിംഗുമായി ബന്ധപ്പെട്ടിരിക്കുന്നു. നമ്മുടെ  ശക്തമായ ടെലികോം ശൃംഖല നല്‍കുന്ന യുപിഐ വഴി, കഴിഞ്ഞ വര്‍ഷം ഏകദേശം 247 ലക്ഷം കോടി രൂപയുടെ 172 ബില്യണ്‍ ഇടപാടുകള്‍ നമ്മള്‍ സുഗമമായി നടത്തി, രാജ്യത്തിന്റെ വളര്‍ച്ച നമ്മുടെ ടെലികോം ശൃംഖലയുടെ നൈസര്‍ഗ്ഗിക ശക്തിയുമായി ബന്ധപ്പെട്ടിരിക്കുന്നു. ഈ കാഴ്ചപ്പാടോടെയാണ് ദേശീയ ബ്രോഡ്ബാന്‍ഡ് മിഷന്‍ ആരംഭിച്ചത്.

4G മൊബൈല്‍ സൈറ്റുകളില്‍ DBN ധനസഹായത്തോടെയുള്ള ഇന്‍ട്രാ സര്‍ക്കിള്‍ റോമിംഗ്

നേരത്തെ USOF എന്നറിയപ്പെട്ടിരുന്ന ഡിജിറ്റല്‍ ഭാരത് നിധി (DBN), അതിന്റെ വിപുലമായ മൊബൈല്‍ ടവര്‍ പദ്ധതികളിലൂടെ ഗ്രാമീണ, വിദൂര പ്രദേശങ്ങളിലെ ടെലികോം അന്തരം നികത്തുന്നതില്‍ ഒരു പ്രധാന പങ്ക് വഹിച്ചിട്ടുണ്ട്. ഇത്തരം ദുഷ്‌കരമായ പ്രദേശങ്ങളില്‍ DBN ധനസഹായം നല്‍കുന്ന ടെലികോം ടവറുകള്‍, DBN ഫണ്ടിംഗ് ഉപയോഗിച്ച് മൊബൈല്‍ ടവര്‍ സ്ഥാപിച്ചിട്ടുള്ള നിര്‍ദ്ദിഷ്ട TSP-യുടെ വരിക്കാര്‍ക്ക് സേവനം നല്‍കുന്നു.  ഇതുവരെ, മറ്റ് TSP-കളുടെ വരിക്കാര്‍ക്ക് DBN സഹായത്തോടെയുള്ള ടവറിന്റെ പ്രയോജനം ലഭിച്ചിരുന്നില്ല.

രാജ്യത്തുടനീളമുള്ള ശേഷിക്കുന്ന 1.7 ലക്ഷം ഗ്രാമങ്ങളെ ബന്ധിപ്പിക്കുക എന്ന വലിയ നാഴികക്കല്ല് പിന്നിടുകയാണ് NBM 2.0 ന്റെ അടിസ്ഥാന ലക്ഷ്യം. ' ഓരോ 100  ഗ്രാമീണ കുടുംബങ്ങളില്‍ 60 പേര്‍ക്കെങ്കിലും ബ്രോഡ്ബാൻഡ്  കണക്ടിവിറ്റി ലഭ്യമാക്കുന്നത് ഉറപ്പാക്കുയാണ് ഞങ്ങളുടെ ലക്ഷ്യം. കൂടാതെ, 100 Mbps എന്ന കുറഞ്ഞ നിശ്ചിത ബ്രോഡ്ബാന്‍ഡ് ഡൗണ്‍ലോഡ് വേഗത കൈവരിക്കാനും ഞങ്ങള്‍ ലക്ഷ്യമിടുന്നു, ഇത് ഗ്രാമീണ ഇന്ത്യയില്‍ ശക്തമായ ഡിജിറ്റല്‍ അടിസ്ഥാന സൗകര്യങ്ങൾ സൃഷ്ടിക്കുന്നു,'' അദ്ദേഹം കൂട്ടിച്ചേര്‍ത്തു.

ഇ-ഗവേണന്‍സ് മുതല്‍  ദുരന്ത നിവാരണം വരെ, സമസ്ത മേഖലകളെയും നവീകരിക്കുമെന്ന് NBM 2.0  വാഗ്ദാനം ചെയ്യുന്നു, കൂടാതെ രാജ്യവ്യാപകമായി ഗുണപരമായ മാറ്റങ്ങള്‍ക്കു കാരണമാകുകയും ചെയ്യും. ഈ സംരംഭം കേവലം അടിസ്ഥാന സൗകര്യങ്ങള്‍ വിപുലീകരണം മാത്രമല്ല - കണക്റ്റിവിറ്റിയിലൂടെ  ഓരോ പൗരനെയും ശാക്തീകരിക്കുന്ന ഒരു ഡിജിറ്റല്‍ ഉള്‍ക്കൊള്ളലിനുള്ള  വിത്ത് പാകുക എന്നതുകൂടിയാണ്. ഈ ഡിജിറ്റല്‍ യാത്രയില്‍ ഇന്ത്യ മുന്നേറുമ്പോള്‍, ദൗത്യം വ്യക്തമാണ്: എല്ലാവരുടെയും അഭിവൃദ്ധിക്കായി സാങ്കേതികവിദ്യയും നൂതനത്വവും അഭിവൃദ്ധി പ്രാപിക്കുന്ന ഒരു കൈകോര്‍ക്കലിലൂടെ സുസ്ഥിരവുമായ ഇന്ത്യ സൃഷ്ടിക്കുക എന്നതാണ്.

ഡിജിറ്റല്‍ പരിവര്‍ത്തനത്തിന്റെ ഒരു പുതിയ യുഗത്തിലേക്ക് ഇന്ത്യയെ നയിക്കുകയാണ് NBM 2.0 ലക്ഷ്യമിടുന്നത്. "2047-ഓടെ ഒരു വികസിത് ഭാരത്" എന്ന ബഹുമാനപ്പെട്ട പ്രധാനമന്ത്രിയുടെ ദര്‍ശനവുമായി യോജിച്ച്, എല്ലാവര്‍ക്കും അതിവേഗ ബ്രോഡ്ബാന്‍ഡും അര്‍ത്ഥവത്തായ കണക്റ്റിവിറ്റിയും നല്‍കിക്കൊണ്ട് ഇന്ത്യയെ ഒരു ആഗോള വിജ്ഞാന സമൂഹമായി വിഭാവനം ചെയ്യുന്നു. NBM 1.0 (2019-2024) ന്റെ വിജയത്തെ അടിസ്ഥാനമാക്കി, NBM 2.0 ന്റെ പ്രധാന നേട്ടങ്ങള്‍ ഇനിപ്പറയുന്നതായിരിക്കും:

a. ഇപ്പോള്‍ 50000 ഗ്രാമങ്ങളില്‍ ലഭ്യമായ 2030 ഓടെ 2.70 ലക്ഷം 95 % ലഭ്യതയോടെ ഗ്രാമങ്ങളിലേക്ക് പ്രവര്‍ത്തനക്ഷമമായ ഒപ്റ്റിക്കല്‍ ഫൈബര്‍ കേബിള്‍ കണക്റ്റിവിറ്റി (OFC) വിപുലീകരിക്കുന്നു.

b.സ്‌കൂളുകള്‍, പിഎച്ച്സികള്‍, അങ്കണവാടികള്‍, പഞ്ചായത്ത് ഓഫീസുകള്‍ തുടങ്ങി 90% പ്രാഥമിക സ്ഥാപനങ്ങള്‍ക്കും 2030-ഓടെ ബ്രോഡ്ബാന്‍ഡ് കണക്റ്റിവിറ്റി ലഭ്യമാക്കുക.

c.നിശ്ചിത ബ്രോഡ്ബാന്‍ഡ് ഡൗണ്‍ലോഡ് വേഗത മെച്ചപ്പെടുത്തുക- 2024 നവംബറിലെ  63.55 Mbpsല്‍ നിന്ന് 2030-ഓടെ ഏറ്റവും കുറഞ്ഞ ദേശീയ ശരാശരിയാ 100 Mbps ആക്കുക .

d. പിഎം ഗതിശക്തി നാഷണല്‍ മാസ്റ്റര്‍പ്ലാന്‍ പ്ലാറ്റ്ഫോമില്‍ (പിഎംജിഎസ്) 2026-ഓടെ സര്‍ക്കാര്‍ പൊതുമേഖലാ സ്ഥാപനങ്ങളുടെ ഉടമസ്ഥതയിലുള്ള ഫൈബര്‍ നെറ്റ്വര്‍ക്കുകളുടെ 100% മാപ്പിംഗ് നേടാനും അധിക ഭാരത്നെറ്റ് പദ്ധതിയുടെ ആസൂത്രണത്തിനായി PMGS ഉപയോഗിക്കാനും.

e. ഈസ് ഓഫ് ഡൂയിംഗ് ബിസിനസ്സിനായി - റൈറ്റ് ഓഫ് വേ (RoW ) ആപ്ലിക്കേഷന്‍ ശരാശരി തീര്‍പ്പാക്കല്‍ സമയം 60 ദിവസത്തില്‍ നിന്ന് (ഇപ്പോള്‍) 2030-ല്‍ 30 ദിവസമായി കുറയ്ക്കുക. 2019-ല്‍ ഇത് 449 ദിവസമായിരുന്നു.

f. 2030 ഓടെ 100 പേരില്‍ ഗ്രാമീണ ഇന്റര്‍നെറ്റ് വരിക്കാരുടെ എണ്ണം നിലവിലെ 45 ല്‍ നിന്ന് 60 ആയി വര്‍ദ്ധിപ്പിക്കുക.

g. 2030-ഓടെ 30% മൊബൈല്‍ ടവറുകള്‍ സുസ്ഥിര ഊര്‍ജത്തോടെ പ്രവര്‍ത്തിപ്പിക്കുക എന്ന ലക്ഷ്യം കൈവരിക്കുക.

h. ഭൂഗര്‍ഭ ടെലികോം അടിസ്ഥാനസൗകര്യങ്ങളും മറ്റ് യൂട്ടിലിറ്റികളും പരിരക്ഷിക്കുന്നതിന്  പ്രധാനമന്ത്രി 2023 മാര്‍ച്ചില്‍ തുടക്കം കുറിച്ച 'കോള്‍ ബിഫോര്‍ യു ഡിഗ്' (CBuD) മൊബൈല്‍ ആപ്പിന്റെ ഉപയോഗം വര്‍ധിപ്പിക്കുന്നതു  പ്രാവര്‍ത്തികമാക്കുക.

i. എല്ലാ പങ്കാളികളുമായും സഹകരിക്കുക, അതായത്. 2023ലെ ടെലികമ്മ്യൂണിക്കേഷന്‍ ആക്ട് പ്രകാരം പുറപ്പെടുവിച്ച പുതിയ RoW നിയമങ്ങൾ 2024 ഫലപ്രദമായി നടപ്പാക്കുന്നത് ഉറപ്പാക്കാന്‍ കേന്ദ്ര മന്ത്രാലയങ്ങളും വകുപ്പുകളും സംസ്ഥാനങ്ങളും കേന്ദ്ര ഭരണ പ്രദേശങ്ങളും മുനിസിപ്പാലിറ്റികളും സഹകരിക്കുക.

j. രാജ്യത്തിന്റെ മുക്കിലും മൂലയിലും 6G യുടെ അത്യാധുനിക നെറ്റ്വര്‍ക്കുകളിലും 5G നെറ്റ്വര്‍ക്കിന്റെ പുറത്തിറക്കല്‍ സുഗമമാക്കുന്നതിന്, രാജ്യത്തുടനീളം പാതയോര സംവിധാനങ്ങള്‍ ഉപയോഗിക്കാന്‍ തയ്യാറായ ശക്തമായ ഒരു അടിത്തറ സൃഷ്ടിക്കാന്‍ പ്രവര്‍ത്തിക്കുക.

k. ടെലികോം നെറ്റ്വര്‍ക്കുകളുടെയും മറ്റ് യൂട്ടിലിറ്റികളുടെയും പരിപാലനവും ചെലവ് കാര്യക്ഷമതയും മെച്ചപ്പെടുത്തുന്നതിന് എല്ലാ ലീനിയര്‍ പ്രോജക്റ്റുകളിലും പൊതുവായ/പങ്കിടാവുന്ന ടെലികോം ഡക്ടുകള്‍ക്കും യൂട്ടിലിറ്റി കോറിഡോറുകള്‍ക്കുമായി എല്ലാ പങ്കാളികളുമായും ചേര്‍ന്നു പ്രവര്‍ത്തിക്കുക.

l. ബ്രോഡ്ബാന്‍ഡ് കണക്റ്റിവിറ്റി മെച്ചപ്പെടുത്തുന്നതിനും, ദുരന്തങ്ങള്‍, യുദ്ധങ്ങള്‍, മറ്റ് അത്യാഹിതങ്ങള്‍ എന്നിവയില്‍ ബ്രോഡ്ബാന്‍ഡ് നെറ്റ്വര്‍ക്ക് വിശ്വാസ്യത, അതിജീവനം, പ്രതിരോധശേഷി എന്നിവ മെച്ചപ്പെടുത്തുന്നതിനും ഒപ്റ്റിക്കല്‍ ഗ്രൗണ്ട് വയര്‍ (OPGW) പോലുള്ള പവര്‍ സെക്ടര്‍ ആസ്തികള്‍ പ്രയോജനപ്പെടുത്തുന്നു, രാജ്യത്തിന്റെ വിദൂര, വിദൂര, മലയോര മേഖലകളില്‍ അടിസ്ഥാന സൗകര്യങ്ങള്‍ വിന്യസിക്കുന്നത് വെല്ലുവിളിയായേക്കാം.

4G മൊബൈല്‍ സൈറ്റുകളില്‍ DBN ധനസഹായത്തോടെയുള്ള ഇന്‍ട്രാ സര്‍ക്കിള്‍ റോമിംഗ്

നേരത്തെ USOF എന്നറിയപ്പെട്ടിരുന്ന ഡിജിറ്റല്‍ ഭാരത് നിധി (DBN), അതിന്റെ വിപുലമായ മൊബൈല്‍ ടവര്‍ പദ്ധതികളിലൂടെ ഗ്രാമീണ, വിദൂര പ്രദേശങ്ങളിലെ ടെലികോം അന്തരം നികത്തുന്നതില്‍ ഒരു പ്രധാന പങ്ക് വഹിച്ചിട്ടുണ്ട്. ഇത്തരം ദുഷ്‌കരമായ പ്രദേശങ്ങളില്‍ DBN ധനസഹായം നല്‍കുന്ന ടെലികോം ടവറുകള്‍, DBN ഫണ്ടിംഗ് ഉപയോഗിച്ച് മൊബൈല്‍ ടവര്‍ സ്ഥാപിച്ചിട്ടുള്ള നിര്‍ദ്ദിഷ്ട TSP-യുടെ വരിക്കാര്‍ക്ക് സേവനം നല്‍കുന്നു.  ഇതുവരെ, മറ്റ് TSP-കളുടെ വരിക്കാര്‍ക്ക് DBN സഹായത്തോടെയുള്ള ടവറിന്റെ പ്രയോജനം ലഭിച്ചിരുന്നില്ല.

പരിപാടിയില്‍ ഡിബിഎന്‍ ഫണ്ട് ചെയ്യുന്ന 4ജി മൊബൈല്‍ സൈറ്റുകളില്‍ ഇന്‍ട്രാ സര്‍ക്കിള്‍ റോമിംഗ് (ഐസിആര്‍) കേന്ദ്രമന്ത്രി ഉദ്ഘാടനം ചെയ്തു. ഈ സംരംഭത്തിന്റെ പ്രാധാന്യം അദ്ദേഹം ഊന്നിപ്പറഞ്ഞു, 'ഇത് ഒരു നിര്‍ണായക പിന്തുണയാണ്. നമ്മുടെ  മൂന്ന് TSPകള്‍ - BSNL, Airtel, Reliance - എല്ലാ DBN- ധനസഹായമുള്ള സൈറ്റുകളിലും പരസ്പരം അടിസ്ഥാന സൗകര്യങ്ങള്‍ പ്രയോജനപ്പെടുത്തുന്നതിന് അണിചേരുന്നു. അത്തരം 27,836 സൈറ്റുകള്‍ ഉള്ളതിനാല്‍, ഇത്  കണക്റ്റിവിറ്റി മാത്രമല്ല, രാജ്യത്തുടനീളമുള്ള ഉപഭോക്താക്കള്‍ക്ക് തിരഞ്ഞെടുക്കാനുള്ള സ്വാതന്ത്ര്യവും ഉറപ്പാക്കുന്നു.

DBN ധനസഹായം നല്‍കുന്ന 4G മൊബൈല്‍ സൈറ്റുകളിലെ TSP-കള്‍ക്കിടയിലുള്ള ICR, വിവിധ TSPകള്‍ക്കായി ഒന്നിലധികം ടവറുകള്‍ ഉണ്ടായിരിക്കുന്നതിനുപകരം ഒരു DBN ഫണ്ടഡ് ടവറില്‍ നിന്ന് 4G സേവനങ്ങള്‍ ആസ്വദിക്കാന്‍ ഒന്നിലധികം TSP-കളുടെ വരിക്കാരെ പ്രാപ്തമാക്കും. അതിനാല്‍, ഓപ്പറേറ്റര്‍മാരുടെയും സര്‍ക്കാരിന്റെയും കുറഞ്ഞ CAPEX നിക്ഷേപത്തിലൂടെ കൂടുതല്‍ വരിക്കാര്‍ക്ക് പ്രയോജനം ലഭിക്കും. ഏകദേശം 27,000 ടവറുകള്‍ നല്‍കുന്ന 35,400-ലധികം ഗ്രാമീണ, വിദൂര ഗ്രാമങ്ങള്‍ക്ക് തടസ്സമില്ലാത്ത 4G കണക്റ്റിവിറ്റി ഈ സംരംഭം വാഗ്ദാനം ചെയ്യുന്നു.


ടെലികമ്മ്യൂണിക്കേഷന്‍സ് വകുപ്പിന്റെ പൗരകേന്ദ്രിത സംരംഭങ്ങളെ എടുത്തുകാണിച്ചുകൊണ്ട്, സഞ്ചാര്‍ സാഥി മൊബൈല്‍ ആപ്ലിക്കേഷന്‍ വ്യക്തികളെ ശാക്തീകരിക്കുകയും അഴിമതിയെന്ന ഭീഷണിയെ തടയുന്നതിനുള്ള കൂട്ടായ ശ്രമങ്ങള്‍ വര്‍ദ്ധിപ്പിക്കുകയും ചെയ്യുമെന്ന് സെക്രട്ടറി (ടെലികോം) ഡോ.നീരജ് മിത്തല്‍ ഊന്നിപ്പറഞ്ഞു. DBN ഫണ്ട് ചെയ്യുന്ന സൈറ്റുകളിലെ ഇന്‍ട്രാ ഓപ്പറേറ്റര്‍ റോമിംഗ് രാജ്യത്തിന്റെ വിദൂര പ്രദേശങ്ങളിലുള്ളവര്‍ക്ക് പ്രത്യേകിച്ചും ഉപയോഗപ്രദമാകുമെന്ന് അദ്ദേഹം ചൂണ്ടിക്കാട്ടി.


പരിപാടിയില്‍ ടെലികോം സെക്രട്ടറിയും ഡിജിറ്റല്‍ കമ്മ്യൂണിക്കേഷന്‍സ് കമ്മീഷന്‍ (ഡിസിസി) ചെയര്‍മാനുമായ ഡോ. നീരജ് മിത്തല്‍; അംഗം (സേവനങ്ങള്‍) ഡിസിസി ശ്രീ രോഹിത് ശര്‍മ, മെമ്പര്‍ (സാങ്കേതികവിദ്യ) ഡിസിസി, ശ്രീ സഞ്ജീവ് കെ ബിദ്വായ്, അഡീഷണല്‍ സെക്രട്ടറി (T) ശ്രീ ഗുല്‍സാര്‍ നടരാജന്‍ എന്നിവരും ഇന്ത്യാ ഗവണ്‍മെന്റിന്റെ വിവിധ മന്ത്രാലയങ്ങളിലെയും വകുപ്പിലെയും മറ്റ് വിശിഷ്ട വ്യക്തികളും സന്നിഹിതരായിരുന്നു.

സഞ്ചാര്‍ സാഥി ആപ്പിനെപ്പറ്റി

DoT യുടെ നിരവധി പൗര കേന്ദ്രീകൃത സംരംഭങ്ങളില്‍, സഞ്ചാര് സാഥി സംരംഭം  ശ്രദ്ധേയമായ വിജയം കൈവരിച്ചു. 2023 മെയ് മാസത്തില്‍ ആരംഭിച്ച സഞ്ചാര്‍ സാഥി പോര്‍ട്ടല്‍ (www.sancharsaathi.gov.in) സൈബര്‍ തട്ടിപ്പുകള്‍ തടയുന്നതിലും 9 കോടിയിലധികം സന്ദര്‍ശനങ്ങള്‍, 2.75 കോടി വഞ്ചനാപരമായ മൊബൈല്‍ കണക്ഷനുകള്‍ വിച്ഛേദിക്കല്‍, നഷ്ടപ്പെട്ടതോ മോഷ്ടിക്കപ്പെട്ടതോ ആയ 25 ലക്ഷത്തിലധികം ഉപകരണങ്ങള്‍  സുരക്ഷിതമാക്കല്‍ തുടങ്ങിയ ശ്രദ്ധേയമായ നാഴികക്കല്ലുകള്‍ കൈവരിക്കുന്നതിലും കാര്യമായ മുന്നേറ്റം നടത്തി. കൂടാതെ, സൈബര്‍ കുറ്റകൃത്യങ്ങളുമായി ബന്ധപ്പെട്ട 12.38 ലക്ഷം വാട്ട്സ്ആപ്പ് അക്കൗണ്ടുകള്‍ വിച്ഛേദിക്കുകയും സാമ്പത്തിക തട്ടിപ്പ് തടയുന്നതിനായി 11.6 ലക്ഷം അനധികൃത ബാങ്ക് അക്കൗണ്ടുകള്‍ മരവിപ്പിക്കുകയും ചെയ്തു. കൂടാതെ, DoT അന്താരാഷ്ട്ര ഇന്‍കമിംഗ് വ്യാജ  കോളുകള്‍ പ്രിവന്‍ഷന്‍ സിസ്റ്റം അവതരിപ്പിച്ചു, ഇത് വ്യാജ കോളുകള്‍ ഉള്‍പ്പെടുന്ന സൈബര്‍ കുറ്റകൃത്യങ്ങള്‍ കൈകാര്യം ചെയ്യുന്നതില്‍ വളരെ ഫലപ്രദമാണെന്ന് തെളിയിക്കപ്പെട്ടിട്ടുണ്ട്. കഴിഞ്ഞ വര്‍ഷം ആരംഭിച്ച ഈ സംവിധാനം രണ്ട് മാസത്തിനുള്ളില്‍ അവയുടെ എണ്ണം 1.35 കോടിയില്‍ നിന്ന് വെറും 6 ലക്ഷമായി കുറച്ച് 90% വ്യാജ കോളുകള്‍ തടഞ്ഞു. വ്യാജ ഡിജിറ്റല്‍ അറസ്റ്റുകള്‍, നികുതി തട്ടിപ്പ്, നിയമപാലകരുടെ ആള്‍മാറാട്ടം തുടങ്ങിയ അഴിമതികള്‍ തടയുന്നതിനും അതുവഴി പൗരന്മാരെ സൈബര്‍ ഭീഷണികളില്‍ നിന്ന് സംരക്ഷിക്കുന്നതിനും ഈ മുന്‍കരുതല്‍ നടപടികള്‍ വളരെയധികം മുന്നോട്ട് പോയി.

കേന്ദ്ര സുരക്ഷാ ഏജന്‍സികള്‍, സംസ്ഥാന പോലീസ്, I4C, GSTN, ബാങ്കുകള്‍, ടെലികോം സേവനദാതാക്കള്‍, SEBI, CBDT, DGGI, IB, CBI, WhatsApp മുതലായവ ഉള്‍പ്പെടെ 520-ലധികം സംഘടനകളെ പിന്തുണയ്ക്കുന്ന DoTയുടെ ഡിജിറ്റല്‍ ഇന്റലിജന്‍സ് പ്ലാറ്റ്‌ഫോം സൈബര്‍ കുറ്റകൃത്യങ്ങളെ ചെറുക്കുന്നതില്‍ ഗണ്യമായ സംഭാവന നല്‍കി. നിയമ നിര്‍വ്വഹണ ഏജന്‍സികള്‍, ധനകാര്യ സ്ഥാപനങ്ങള്‍, ടെലികോം സേവന ദാതാക്കള്‍ എന്നിവരുമായുള്ള അതിന്റെ സഹകരണം ദേശീയ ടെലികോം സുരക്ഷയെ ശക്തിപ്പെടുത്തി.

ഈ സംരംഭങ്ങള്‍ ഡിജിറ്റല്‍ അന്തരം കുറയ്ക്കുന്നതിനും ഇന്ത്യയുടെ ആഗോള ഡിജിറ്റല്‍ നില മെച്ചപ്പെടുത്തുന്നതിനുമുള്ള DoT യുടെ സമര്‍പ്പണത്തെ പ്രതിഫലിപ്പിക്കുന്നു.


NBM 1.0 യെക്കുറിച്ച്

2018ലെ ദേശീയ ഡിജിറ്റല്‍ കമ്മ്യൂണിക്കേഷന്‍സ് നയത്തിന്റെ ഭാഗമാണ് ദൗത്യം. ഡിജിറ്റല്‍ കമ്മ്യൂണിക്കേഷന്‍സ് ഇന്‍ഫ്രാസ്ട്രക്ചറിന്റെ വളര്‍ച്ച വേഗത്തിലാക്കുക, ഡിജിറ്റല്‍ അന്തരം മറികടക്കുക, ഡിജിറ്റല്‍ ശാക്തീകരണവും ഉള്‍പ്പെടുത്തലും സുഗമമാക്കുക, എല്ലാവര്‍ക്കും താങ്ങാനാവുന്നതും സാര്‍വത്രികവുമായ ബ്രോഡ്ബാന്‍ഡ് ലഭ്യത നല്‍കുക എന്നിവയാണ് മിഷന്റെ കാഴ്ചപ്പാട്. .  വിദ്യാഭ്യാസം, ആരോഗ്യ സംരക്ഷണം, ഇ-ഗവേണന്‍സ് സേവനങ്ങള്‍ എന്നിവയിലേക്കുള്ള പ്രവേശനം മെച്ചപ്പെടുത്തുക, സാമ്പത്തിക അവസരങ്ങള്‍ പ്രോത്സാഹിപ്പിക്കുക, ഡിജിറ്റല്‍ കണക്റ്റിവിറ്റി വഴി സാമൂഹിക ഉള്‍പ്പെടുത്തല്‍ വര്‍ദ്ധിപ്പിക്കുക എന്നീ ഗവണ്‍മെന്റിന്റെ വിശാലമായ കാഴ്ചപ്പാടുമായി ഈ ദൗത്യം യോജിക്കുന്നു.


NBM 1.0-ന്റെ പ്രധാന നേട്ടങ്ങളില്‍ ഇവ ഉള്‍പ്പെടുന്നു:

• ഒപ്റ്റിക്കല്‍ ഫൈബര്‍ കേബിള്‍ (OFC) നെറ്റ്വര്‍ക്കുകള്‍ 2024 സെപ്റ്റംബറോടെ 41.91 ലക്ഷം കിലോമീറ്ററായി വികസിപ്പിച്ചു.
• ടെലികോം ടവറുകളുടെ വളര്‍ച്ച 8.17 ലക്ഷമായും ബ്രോഡ്ബാന്‍ഡ് വരിക്കാരുടെ എണ്ണം 941 ദശലക്ഷമായും വര്‍ദ്ധിച്ചു
• · 'ഗതിശക്തി സഞ്ചാര' പോര്‍ട്ടലിലൂടെ പ്രധാന റൈറ്റ് ഓഫ് വേ (RoW)  പ്രശ്‌നങ്ങള്‍ പരിഹരിക്കുകയും പ്രക്രിയകള്‍ കാര്യക്ഷമമാക്കുകയും ചെയ്തു.
• · ഭൂഗര്‍ഭ ടെലികോം ഇന്‍ഫ്രാസ്ട്രക്ചര്‍ പരിരക്ഷിക്കുന്നതിന് 'Call Before u Dig' (CBuD) മൊബൈല്‍ ആപ്ലിക്കേഷന്റെ അവതരണം.