جیسے ہی مکر سنکرانتی کی صبح قریب آئی، یہ تہوار جو موسم سرما کے اختتام کی نشاندہی کرتا ہے اور  پریاگ راج میں تروینی سنگم کے کنارے شان  و شوکت کا منظر پیش کرتا ہے، مہا کمبھ 2025 کا پہلا امرت اشنان (مقدس ڈبکی) مکر سنکرانتی کے مبارک موقع پر شروع ہوا، لاکھوں عقیدت مندوں اور سنتوں کو گنگا، جمنا اور سرسوتی کے مقدس سنگم کی طرف متوجہ کیا، جنہوں نے مقدس ڈبکی کے لیے سردی کی بھی پرواہ نہیں کی۔ پہلے امرت اشنان  کے دوران 3.5 کروڑ سے زیادہ عقیدت مندوں نے مقدس سنگم میں ڈبکی لگائی، جس سے پہلے دو دنوں میں عقیدت مندوں کی کل تعداد 5 کروڑ سے زیادہ ہوگئی۔ عقیدت  کا یہ گہرا عمل ہندوستانی ثقافت اور روایت کے جوہر کی عکاسی کرتا ہے۔

عقیدت مندوں نے مقدس اشنان  کرتے ہوئے پوترتا اور خوشحالی کے لئے دعا کی۔ بہت سے لوگوں نے سورج کو اراگھیا دی۔ جیسا کہ مکر سنکرانتی بھگوان سوریہ  کے لیے وقف ہے۔ سائنسی طور پر، یہ تہوار سورج کی شمالی نصف کرہ میں منتقلی کی نشاندہی کرتا ہے، جو طویل دن اور چھوٹی راتوں کا اشارہ دیتا ہے۔ مقدس ڈبکی کے بعد، عقیدت مندوں نے رسم ادا کی اور گھاٹوں پر پوجا ارچنا کی، تل، کھچڑی اور دیگر مقدس اشیاء پیش کیں۔ گنگا آرتی میں عقیدت مندوں نے بھی شرکت کی۔ روایت کو برقرار رکھتے ہوئے، عقیدت مندوں نے  دان  کیا اور کھچڑی کا عطیہ کئے۔

کیلیفورنیا سے تعلق رکھنے والے امریکہ کے شہری سدرشن نے کمبھ تہوار کے لیے اپنی عقیدت کا اظہار کیا۔ انہوں نے کہا، ‘‘میں چھ سال پہلے اردھ کمبھ میں آیا تھا اور مجھے یہاں ایک بہت اہم تجربہ ملا تھا۔ لہذا، میں اس مہا کمبھ میلے میں واپس آیا ہوں کیونکہ یہ کچھ ایسی توانائیوں سے جڑنے کا ایک بہت ہی خاص موقع ہے جو آپ کو کہیں اور نہیں ملے گا، اور اس لیے میں یہاں اپنے احترام کے لیے آیا ہوں اور دعاؤں کی درخواست کرتا ہوں کہ وہ اپنے کام کو جاری رکھیں۔جو  زندگی کا راستہ ہے’’۔ کمبھ کے تہوار میں لوگوں کی روحانی بیداری کی ایسی متعدد کہانیاں ہیں۔

مہا کمبھ کوئی عام تہوار نہیں ہے۔ یہ ایک ایسا موقع  ہے جو تروینی سنگم کے کناروں کو عقیدت کی زندہ مثال  میں بدل دیتا ہے۔ برہما مہرتا سے، جب سورج کی روشنی کی پہلی کرنیں پانیوں کو چھوتی ہیں، رات کی گہرائیوں تک، عقیدت مندوں کا ایک نہ ٹوٹنے والا سلسلہ بہتا ہے، ہر ایک مقدس ڈبکی کے ذریعے پوترتا اور ایشور کی تلاش میں ہے۔ جنوری کی سردی اجتماعی عقیدت کی گرمجوشی کے سامنے غیر معمولی لگ رہی تھی۔

لاکھوں کے اس اجتماع کے درمیان اکھاڑوں کا تماشا خاصا دلکش تھا۔ پنچایتی اکھاڑا مہانیروانی کے ناگا سادھوؤں نے شاہی شان میں امرت اشنان کیا۔ نیزوں، ترشولوں اور تلواروں سے مزین، وہ ایک جلوس میں بھیڑ کے درمیان سے گزرے جو شان و شوکت سے کم نہیں تھا۔ گھوڑوں اور رتھوں پر سوار، ان کی تپش نے ایک روحانی توانائی کا اظہار کیا جس نے تماشائیوں کو مسحور کر دیا۔ جیسے ہی بھجن گروپوں نے بھجن گائے اور عقیدت مندوں نے "ہر ہر مہادیو" اور "جئے شری رام" کے نعرے لگائے،ہوا میں ایک جوش بھرگیا۔

خاندانوں نے اس بھرپور موسیقی  میں ایک اور پرت کا اضافہ کیا۔ باپوں نے بچوں کو اپنے کندھوں پر لہرایا تاکہ انہیں مقدس سنگم کی پہلی جھلک مل سکے۔ بیٹوں نے اپنے بوڑھے والدین کی بھیڑ بھرے گھاٹوں کے ذریعے رہنمائی کی، اس بات کو یقینی بناتے ہوئے کہ وہ بھی مقدس پانیوں میں حصہ لے سکیں۔ یہ ہندوستانی ثقافت کی پائیدار اقدار کا زندہ ثبوت تھا - جو احترام، فرض اور اتحاد کا امتزاج تھا۔

یاتریوں  کے سراسر تنوع — مختلف زبانیں بولنے والے، متنوع روایتی لباس پہننے، اور منفرد ثقافتی طریقوں نے ایک شاندار ہم آہنگی پیدا کی۔ تنوع کے درمیان یہ اتحاد مہا کمبھ کے سب سے گہرے پہلوؤں میں سے ایک ہے۔ یہیں پر ہندوستان کا ثقافتی اور روحانی ورثہ زندہ ہوتا ہے، سناتن روایت کے زعفرانی جھنڈے ترنگے کے ساتھ ساتھ لہراتے ہیں، جو ملک کے اتحاد اور سالمیت کی علامت ہیں۔

انتظامیہ کی محتاط منصوبہ بندی نے اس بات کو یقینی بنایا کہ مہا کمبھ پرامن اور اچھی طرح سے منظم رہے۔ سنگم کی طرف جانے والی ہر سڑک پر رکاوٹیں کھڑی کی گئیں، اور حفاظت اور موثر ہجوم کے انتظام کو برقرار رکھنے کے لیے مکمل چیکنگ کی گئی۔ پولیس اور سیکورٹی فورسز نے میلے کے علاقے میں گشت کیا، ان کی موجودگی یاتریوں کے لیے مہا کمبھ نگر کے وسیع و عریض علاقے میں تشریف لے جانے کے لیے ایک اطمینان بخش منظر ہے۔ میلے کے سکون کو رضاکاروں کی کوششوں سے مزید محفوظ کیا گیا جنہوں نے عقیدت مندوں کی شفقت اور کارکردگی کے ساتھ رہنمائی کی۔

بہت سے لوگوں کے لیے، سنگم کا سفر تہوار سے بہت پہلے شروع ہوا تھا۔ یاتری ، جوان اور بوڑھے، اپنے سروں پر بنڈل اٹھائے میلوں پیدل چلتے تھے، جو اٹل آستھا  سے چلتے تھے۔ کچھ لوگوں نے اپنے مقدس اشنان  کا آغاز رات کے وقت ہی کیا، ستاروں کے آسمان کے نیچے ٹھنڈے پانیوں کی پرواہ کئے بغیر۔ جیسے جیسے سورج بلند ہوا، ناگواسوکی مندر اور سنگم کا علاقہ عقیدت کا مرکز بن گیا۔ بزرگ عقیدت مند، خواتین اور نوجوان پوجا  کرنے اور مقدس رسومات میں حصہ لینے کے لیے جمع ہوئے۔

مہا کمبھ ہندوستانی وراثت اور روحانیت کا عکاس ہے۔ مکر سنکرانتی پر امرت اشنان  کو زندگی میں برکات اور خوشحالی  لانے کے طریقے کے طور پر دیکھا جاتا ہے۔ مقدس سنگم کے پانیوں میں ڈبکی لگانے  سے، عقیدت مندوں کا خیال ہے کہ وہ گناہوں کو دھو سکتے ہیں اور نجات حاصل کر سکتے ہیں۔

جیسے جیسے دن ڈھلنے لگا، سنگم کے کنارے سرگرمی رہی۔ یاتری  دیے روشن کرتے ہیں اور انہیں دریا پر تیرتے ہیں، ان کی ٹمٹماہٹ شعلے امید کی علامت ہیں اور بھگوان کی آستھا کی طرف لے جاتی ہیں۔ گنگا، جمنا اور سرسوتی کا سنگم گودھولی میں چمکتا تھا، ایک مقدس جگہ جہاں آسمان زمین کو چھوتا دکھائی دیتا تھا۔ ان لوگوں کے لیے جنہوں نے پریاگ راج کا سفر کیا، مہا کمبھ 2025 میں مکر سنکرانتی محض حاضری  دینے کا ایک موقع  نہیں تھا بلکہ جینے، محسوس کرنے اور آستھا کا  ایک تجربہ تھا۔

ایک سنت کے الفاظ میں، ‘‘مہا کمبھ صرف ایک تہوار نہیں ہے؛ یہ ایشور  سے ہمارے رشتے  کی یاد دہانی ہے۔ یہ وہ جگہ ہے جہاں انسانیت کے لاتعداد دھاگے مل کر الوہیت اور اتحاد کے تانے بانے کو بُنتے ہیں۔’’

۔۔۔۔۔۔۔۔۔۔۔

ش ح۔ا م ۔ن م۔

U-5213