ભારતના રાષ્ટ્રપતિ, શ્રીમતી દ્રૌપદી મુર્મુએ લોહરી (જે 13 જાન્યુઆરીએ આવે છે), મકરસંક્રાંતિ, પોંગલ અને માઘ બિહુ (જે 14 જાન્યુઆરીએ આવે છે) ની પૂર્વ સંધ્યાએ તેમના સાથી નાગરિકોને શુભેચ્છા પાઠવી છે.

રાષ્ટ્રપતિએ તેમના સંદેશમાં કહ્યું છે કે, “લોહરી, મકરસંક્રાંતિ, પોંગલ અને માઘ બિહુના શુભ પ્રસંગે, હું દેશ અને વિદેશમાં રહેતા તમામ ભારતીયોને હૃદયપૂર્વક શુભેચ્છાઓ પાઠવું છું.

આ તહેવારો આપણા સમૃદ્ધ સાંસ્કૃતિક વારસાના પ્રતીક છે અને તેમની સાથે ઉત્સાહ અને આનંદ લાવે છે. ભારતના વિવિધ પ્રદેશોમાં વિવિધ સ્વરૂપોમાં ઉજવાતા, આ તહેવારો પ્રકૃતિ સાથેના આપણા સુમેળભર્યા સંબંધને દર્શાવે છે. લોકો આ પ્રસંગોએ પવિત્ર નદીઓમાં પવિત્ર સ્નાન કરે છે અને દાન પણ કરે છે.

પાક સાથે સંકળાયેલા આ તહેવારો દ્વારા, આપણે રાષ્ટ્રને અન્ન પૂરું પાડવા માટે અથાક મહેનત કરતા મહેનતુ ખેડૂતો પ્રત્યે કૃતજ્ઞતા વ્યક્ત કરીએ છીએ.

આ તહેવારો દરેકના જીવનમાં ખુશી અને સમૃદ્ધિ લાવે અને આપણે ભારતને વિકસિત દેશ બનાવવા માટે વધુ ઉત્સાહ સાથે મળીને કામ કરીએ”.

રાષ્ટ્રપતિનો સંદેશ જોવા માટે કૃપા કરીને અહીં ક્લિક કરો-

AP/IJ/GP/JD