U Myntri Sorkar Pdeng ba dei khmih ia ki tnad Information and Broadcasting, Railways bad Electronics and Information Technology, Ashwini Vaishnaw mynta ka sngi u la plie paidbah ia ka Auditorium jong ka Film and Television Institute of India, Pune. U Vaishnaw u la leit jngoh nyngkong ia ka Film and Television Institute of India, ka jaka ai jinghikai kaba la kyntiew kyrteng kum ka Society hapoh ka tnad Information and Broadcasting. U Vaishnaw u la khap ia u ribon bad u la thang ia ka sharak bad ki samla pule.

Ha ka jingiakren bad ki samla pule bad ki nonghikai ha ka open forum hadien ba u la plie paidbah ia kane ka jaka, u Myntri Sorkar Pdeng u la kren shaphang ka jingthmu jong u ban kyntiew shuh shuh ia ka FTII. U la ong, “Ka histori bad ka dustur jong ngi ki ai ka nongrim kaba skhem ban iaid ha kane ka lynti sha ka jingtbit shuh shuh.” U Vaishnaw u la ai jubab ia ki jingkylli kiba bun na ki nonghikai bad ki samla pule bad u la batai shaphang ka jingtyrwa ban pynkylla sha ka skul bah.

U Ashwini Vaishnaw u la kren shaphang ka jingthmu jong u shaphang ka jingai jinghikai ha ki kam cinema ha ka ri. U la ban jur halor ka jingpynkhlain ia ka jingioh kam ki samla, ka jingpyniasoh kaba kham bha bad kane ka kam. U la ai nuksa da ka Gati Shakti Vishvavidyalaya kaba la pynbiang ia ki briew kiba tbit ha ka kam sha kito kiba treikam ha kylleng ka pyrthei ha ka por kaba sted bha.

U Myntri u la ong ba kane ka auditorium ba thymmai kan long ka bor na ka bynta ka jingai jinghikai ha ka FTII bad kan dei ka jaka na ka bynta ka deiriti jong ka Pune.

Kane ka auditorium kaba don 586 tylli ki jaka shong ka don ruh ia ki jingai jingshakri katkum ka juk mynta kum ka cinema projector, ka PA system bad ka Dolby Atmos surround sound system. Kawei na ki bynta ba kongsan jong kane ka auditorium ka dei ka screen kaba lah ban pynkynriah kaba don 50 phut ka jingiar bad 20 phut ka jingjrong. Kane ka screen ka dei kaba lah ban pynbeit da kaba suk da kaba pyndonkam ia u remote control, bad lyngba kane lah ban pynkylla ia kane ka auditorium sha ka cinema theatre. La ngeit ba kane ka bynta ka dei kaba nyngkong, kaba long ka nuksa jong ka jingtbit ha ka rukom saindur ia ki auditorium. Ka FTII ka la buh lypa ia ka patent na ka bynta kane.

Kum shi bynta ka prokram, u Myntri Sorkar Pdeng Viahsnaw u la leit peit ia ki bynta bapher bapher jong kane ka Institute bad u la iakren bad ki nonghikai. U Myntri u la kren shaphang ki jingsngew jong u shaphang ka ioh ka kot na ka jingsaindur bad u la ong, “Lyngba ki briew kiba don sap bad ka jinglong jingman jong ka FTII ngi lah ban don ka bynta kaba kham heh.”

* * *