গভর্নমেন্ত ওফ ইন্দিয়া (এল্লোকেসন ওফ ব্যুজিনেস) রুলস, ১৯৬১গী মতুংইন্না তোঙান-তোঙানবা থবকশিংদা লিগেল এফেয়ার্স দিপার্তমেন্তনা ২০২৪ দা অচৌবা মাইপাকপা কয়া পুরকপা ঙমখ্রে।

মতম অমতদা মীখলশিং পাংথোক্নবা অৱাংবা থাক্কী কম্মিতিগী রিপোর্ত:

ভারতকী হান্নগী রাস্ত্রপতি শ্রী রাম নাথ কোবিন্দনা লুচিংবা মতম অমতদা মীখলশিং পাংথোক্নবা অৱাংবা থাক্কী কম্মিতিনা সেপ্তেম্বর ২,২০২৩ দা মরী লৈনবশিং, অখঙ-অহৈশিং অমসুং থিজিল্লোয়শিংগা নুমিৎ ১৯১ কুপ্না খন্নরবা মতুংদা, কম্মিতি অসিনা মার্চ ১৪,২০২৪ দা ভারতকী রাস্ত্রপতি শ্রীমতি দ্রৌপতি মুর্মুদা লমায় ১৮,৬২৬ পাংনবা রিপোর্ত অমা পীশিনখ্রে।

কম্মিতিগী রিপোর্ত শেম্বা লোইদ্রিঙৈদা, মসিনা তোঙান-তোঙানবা মরী লৈনবশিংগী ৱাখল্লোনশিং খঙনবা য়াম্না কুপ্না খন্ন-নৈনবশিং পাংথোকখি। রাজনিতি দল ৪৭ না মখোয়গী পাউতাকশিং পীশিনখি অমসুং মসিগী মনুংদা দল ৩২ না মতম অমতদা মীখল পাংথোকপা শৌগৎখি। রাজনিতি দল কয়ানা ৱাফম অসিগী মতাংদা অৱাংবা থাক্কী কম্মিতি অসিগা খন্ন-নৈনখি। রাজ্যশিং অমসুং য়ু.তিশিংদা পাউ-চেশিংদা ফোঙখিবা মীয়ামগী নোতিস অমগী পাউখুম ওইনা, ভারত শীনবা থুংবগী মীয়ামদগী পাউখুম ২১,৫৫৮ পীরকখি। পাউখুম পীরকখিবশিংগী চাদা ৮০ না মতম অমতদা মীখল পাংথোকপা পামখি। হকথেংননা খন্ন-নৈনবা কম্মিতিনা শক্নাইরবা জজশিং, ভারতকী হান্নগী চীফ জসতিসশিং অমসুং অচৌবা হায় কোর্তশিংগী হান্নগী চীফ জসতিস ১২, ভারতকী হান্নগী চীফ ইলেক্সন কম্মিসন্নর মরি, স্তেৎ ইলেক্সন কম্মিসন্নর নিপাল, ভারতকী লো কম্মিসনগী চিয়ারমেন বার্তন তৌখি। ভারতকী ইলেক্সন কম্মিসনগী ৱাখল্লোনশিংশু লৌখি।

মতম অমতদা মীখলশিং পাংথোকপদা শেন-থুমগী খুদোংচাবশিংগী মতাংদা সি.আই.আই. এসোকামগুম্বা ললোন-ইতিক্কী মরুওইবা লুপশিং অমসুং শক্নাইরবা ইকোনোমিস্তশিংগা মখোয়গী ৱাখল্লোনশিং ফোঙদোক্নবা ৱা তানখি। তোঙান-তোঙান্না মীখলশিং পাংথোকপনা পোৎ-চৈগী মমল হেনগৎলকপা অমসুং শেন-থুম চাউখৎলকপা তপথহনবনা মরম ওইদুনা মতম অমতদা মীখলশিং পাংথোকপনা শেন-থুমগী খুদোংচাবা কয়া লৈবগী মতাংদা মখোয়না ফোঙদোকখি। তোইনা মীখলশিং পাংথোকপা অসিনা শেন-থুমগী ফিবম ফগৎলকপদা অপনবা পীবা, লৈঙাক্কী চাদিং হেনগৎহনবা, লাইরিক-লাইশু তম্বা অমসুং অতোপ্পা থবকশিংদা অপনবা পীবা অমসুং খুন্নাইগী নুংশিন্না হিংমিন্নবদা অপনবা পীবগী মতাংদা লুপশিং অসিনা কম্মিতিদা পাউদমখি। পাউতাকশিং অমসুং ৱাখল্লোনশিং কুপ্না খন্নরবা মতুংদা, মতম অমতদা মীখলশিং পাংথোক্নবা তাঙ্কক অনিগী থবক অমা পায়খৎনবা কম্মিতিনা পাউতাক পীখ্রে। অহানবা খোঙথাংদা, লোক সভা অমসুং রাজ্যশিংগী লেজিসলেতিপ এশেমব্লিশিংগী মীখলশিং মতম অমতদা পাংথোক্কনি। অনিশুবা খোঙথাংদা, লোক সভা অমসুং স্তেৎ লেজিসলেতিপ এশেমব্লিশিংগী মীখল পাংথোকখ্রবা নুমিৎ ১০০গী মনুংদা ম্যুনিসিপালিতিশিং অমসুং পঞ্চায়তশিংগী মীখলশিং পাংথোক্কনি। মথাং অহুমগী সরকারশিংদা মীখলশিংদা শীজিন্ননবা ইলেক্তোরেল রোল অমসুং ইলেক্তোরেল ফোতো আইদেন্তি কার্দশিং (ইপিক) অমা খক্ত শীজিন্ননবশু কম্মিতিনা পাউতাক পীখ্রে।

কেন্দ্রগী মন্ত্রীমন্দলনা অয়াবা পীরবা মতুংদা, মসি জোইন্ত পর্লিয়ামেন্তরি কম্মিতি অমদা শীন্নখ্রে।

অনৌবা ক্রিমিনেল লো অহুম চৎনরে:

চহি অসিগী মনুংদা, চহি চা কয়া শুরবা লোয়লম লৈঙাক মতমগী ক্রিমিনেল লো অহুমগী মহুৎশীন্দুনা অনৌবা ক্রিমিনেল লো অহুম হায়বদি ভারতিয় ন্যায়া সনহিতা ২০২৩, ভারতিয় নগরিক সুরক্ষা সনহিতা ২০২৩ অমসুং ভারতিয় সাক্ষ্যা অধিনিয়ম ২০২৩ চৎনরে। লোয়লম লৈঙাক্কী খুদোংচানবা শীজিন্নরম্বা হান্নগী লোশিং মখোয়না মহুৎশীল্লে। হায়রিবা লো অহুম অসি জুলাই ১,২০২৪ দগী চৎনবা হৌদ্রিঙৈ মমাঙদা, অনৌবা লো অহুম অসি চৎনহনবদা শরুক য়ারিবা মরী লৈনবা খুদিংমক্কী কনফরেন্সশিংগী পরিং অমা দিপার্তমেন্তনা শীন্দুনা পাংথোকখ্রে।

কনফরেন্সশিং অদু এপ্রিলদগী জুন ২০২৪ ফাওবা নিউ দিল্লি, গুৱাহাতি, কোলকাতা, চেন্নাই অমসুং মুম্বাইদা পাংথোকখি। মীফমশিং অদুদা ভারতকী চীফ জসতিস, লো অমসুং জসতিসগী রাজ্য মন্ত্রী(মনিংতম্বা), তোঙান-তোঙানবা রাজ্যশিংগী রাজ্যপালশিং অমসুং চীফ মিনিস্তরশিং, সুপ্রিম কোর্ত অমসুং হায় কোর্তশিংগী জজশিং, ভারতকী এত্তোর্নি জেনেরেল, ভারতকী সোলিসিয়েতর জেনেরেল, আই.তি.এ.তিগী প্রসিদেন্ত অমসুং ভাইস প্রসিদেন্ত অমসুং মেম্বরশিং, উকিলশিং, পন্দিৎশিং, লো ইনফোর্সমেন্ত এজেন্সিশিংগী মীহুৎশিং, পুলিস ওফিসিএলশিং, পব্লিক প্রোসিকুতরশিং, দিস্ত্রিক জজশিং অমসুং সবোর্দিনেত কোর্তসিং, অতোপ্পা ওফিসিএলশিং, লৈবাক অসিগী লো য়ুনিভর্সিতিশিংগী ওজাশিং অমসুং মহৈরোয়শিং অমসুং অতোপ্পা লো ইন্সতিতুৎশিং শরুক য়াখি। মীফমশিং অদুদা ভারতিয় ন্যায়া সনহিতা ২০২৩, ভারতিয় নগরিক সুরক্ষা সনহিতা ২০২৩ অমসুং ভারতিয় সাক্ষ্যা অধিনিয়ম ২০২৩গী মতাংদা তেক্নিকেল সেসন অহুম পাংথোকখি। সেসনশিং অদুদা অনৌবা মতমগী ক্রাইমশিংদা লো অসিগী শীজিন্নফম, থবকশিংদা অহোংবা লাকপদগী জুদিসিয়ারি অমসুং লো ইনফোর্সমেন্ত এজেন্সিশিংদা পীগদবা চৈথেং অমসুং আইনগী থবকশিংদা শাখিগী মরুওইবা থৌদাংগী মতাংদা খন্নখি। দিজিতেলগী যুগ অসিগী ক্রাইমশিং থেংন্নবা অনৌবা ভারতিয়া নগরিক সুরক্ষা সনহিতানা অফবা থবক অমা পীরে। ভারতিয়া নগরিক সুরক্ষা সনহিতানা হায়রি মদুদি চহি অহুমগী মনুংদা ৱায়েল চৎথবা লোইশিনগদবনি অমসুং রিজার্ব থমখিবা নুমিৎ ৪৫ গী মনুংদা ৱায়েলশিং লাউথোক্কদবনি। মসিনা কেস কয়া নমশিন্দুনা থম্বদগী কনবা ঙমগনি অমসুং অথুবা মতমদা অচুম্বা ৱায়েল ফংহনগনি। ভারতিয়া নগরিক সুরক্ষা সনহিতাগী সেক্সন ৫৩০ না ত্রাইয়েলশিং, থিজিনবশিং অমসুং প্রোসিদিংশিং হৌজিক মতমগী দরকার ওইবগী মতুংইন্না ইলেক্ত্রোনিক ওইনা পাংথোকপা য়াগনি। হায়রিবা কনফরেন্সশিং অসিনা মরী লৈনবশিং ৱাখল তাহনবদা মতেং পাংবা খক নত্তনা হায়রিবা লোশিং অসিগী খুদোংচাবা ফংগদৌরিবা মীয়ামদা ৱাখল তাহনগনি।

২২শুবা লো কম্মিসনগী তোঙান-তোঙানবা রিকমেন্দেসনশিং:

চহি অসিগী মনুংদা, নন-রেসিদেন্ত ইন্দিয়ান অমসুং মপান লৈবাকশিংদা লৈরিবা ভারতমচাশিংগা মরী লৈনবা য়ুমপানবগা মরী লৈনবা লো য়াওনা মরুওইবা রিপোর্তশিং ভারতকী ২২শুবা লো কম্মিসন্না পীশিনখ্রে। ইপিদেমিক দিজিজেস এক্ত,১৮৯৭, ত্রেদ সেক্রেদ অমসুং ইকোনোমিক ইস্পিওনেজগা মরী লৈনবা লোশিং, ওনলাইন্দা এফ.আই.আর রেজিস্তার তৌবা য়ানবা কোদ ওফ ক্রিমিনেল প্রোসিদ্যুর, ১৯৭৩ এমেন্দ তৌবা, সেদিসন লো শীজিন্নবগী মতাংদা অমুক হন্না য়েংশিনখ্রে। নন-রেসিদেন্ত ইন্দিয়ান অমসুং মপান লৈবাকশিংদা লৈরিবা ভারতমচাশিংগা মরী লৈনবা য়ুমপানবগা মরী লৈনবা লোগী মতাংদা, কেন্দ্র সরকারগী লো অসিনা ভারত্তগী হৌখিবা মপান লৈবাক্কী নাগরিকশিং ওইনা এন.আর.আইশিংগী লুহোংবগা মী লৈনবা খুদিংমক কোনশিনগনি। অসিগুম্বা লো অসি এন.আর.আই খক্তদা শীজিন্নবা খক নত্তনা সিতিজনসিপ এক্ত,১৯৫৫ গী সেক্সন ৭এগী মখাদা ‘ওভরসিজ সিতিজন্স ওফ ইন্দিয়া (ও সি আই)শিং মনুং চানবা লনাই মীওইশিংশু কোনশিনগনি। এন.আর.আইশিং/ও.সি.আইশিং অমসুং ভারতমচাশিংগী মরক্ত লুহোংবা শুকশোই শোইদনা ভারত্ত রেজিস্তার তৌনবা কম্মিসন অসিনা রিকমেন্দ তৌখ্রে।

হায়রিবা কেন্দ্র সরকারগী লো অসিদা খায়নবা, চাকথাক পীবা, অঙাং য়োকপা অমসুং য়েংশিনবা, এন.আর.আইশিং/ও.সি.আইশিংদা সোমোনশিং, ৱারেন্তশিং নত্ত্রগা জুদিসিএল দোকুমেন্তশিং থাবা য়াওরি। লুহোংবগী মতাংদা খঙহন্নবা, মপুরোইবগী পাসপোর্তকা অতোপ্পগা শম্ননবা ৰঅমসুং মতৈ-মনাও অনিমক্কী পাসপোর্ততা মেরিএজ রেজিস্ত্রেসন নম্বর য়াওহন্নবগী মতাংদা পাসপোর্ত এক্ত,১৯৬৭ শেমদোকপগী মতাংদা কম্মিসন্না রিকমেন্দ তৌখ্রে। মখা তানা, সরকারনা ভারত্ত লৈরিবা নুপীশিংগী নেসনেল কম্মিসন অমসুং নুপীশিংগী স্তেৎ কম্মিসনশিং অমসুং এন.জি.ওশিং অমসুং মপান লৈবাকশিংদা লৈরিবা ভারতমচাশিংগী এসোসিএসনশিংগা খুৎশম্নদুনা, এন.আর.আইশিং/ও.সি.আইশিংগা লুহোংবগী মতাংদা নুপীশিং অমসুং মখোয়গী ইমুং-মনুংশিংদা ৱাখল তাহন্নবা থৌরমশিং পাংথোক্কদবনি।

ক্রিমিনেল দিফেমেসনগী মতাংদা, ২২শুবা লো কম্মিসন্না য়াম্না কুপ্না থিজিল্লে, দিফেমেসন লোগী পুৱারি, মসিগা মনিংতম্না ফোঙদোকপগী হক্কা লৈনবা মরী অমসুং লৈবাক শীনবগী থুংবগী কোর্তশিংদা তাখিবা ৱায়েলশিংগী মতাংদা নৈনরে। কম্মিসন্না, রাইত তু রিপুতেসন অমসুং রাইত তু ফ্রিদম ওফ এক্সপ্রেসনগা লৈনবা মরী অমসুং মসি কমদৌনা থোং মান্ননা থমগনি হায়বগী মতাংদা কম্মিসন্না নৈনরে। মখা তানা, ক্রিমিনেল দিফেমেসনশিং ৱায়েলবগী মতাংদা কম্মিসন্না য়েংশিল্লে। লৈবাক অসিদা ক্রিমিনেল লোশিংগী মনুংদা ক্রিমিনেল দিফেমেসন মখা তানা থম্নবা কম্মিসন্না পাউতাক পীরে। হিরম অসিগী মতাংদা, ভারত সংবিধানগী আর্তিকল ২১ দগী রাইত তু রিপুতেসন অসি লাকপনি হায়বা খঙজিনগদবনি অমসুং মসি পুন্সিগী অমসুং লনাই মীওই অমা মনিংতম্না হিংনবগী মরুওইবা অমনি অমসুং মিংচৎ থিবা য়াবা ৱাঙাংশিংদগী মতিক চানা ঙাকথোক্কদবনি।

“ইপিদেমিক দিজিজেস এক্ত, ১৮৯৭ হন্না য়েংশিনবা” গী মতাংদা রিপোর্ত:

ভারতকী ২২শুবা লো কম্মিসন্না “ইপিদেমিক দিজিজেস এক্ত, ১৮৯৭ হন্না য়েংশিনবা” গী মতাংদা মসিগী রিপোর্ত নম্বর ২৮৬ ভারত সরকারদা পীশিনখ্রে। কোবিদ-১৯ না অমুক্ত ওইখিদ্রিবা ফিবমদা ভারতকী হকশেলগী ইনফ্রাস্ত্রকচরদা শিংনবা ওইখি। ফিবম অদুদা সরকারনা খোঙলৈ থুনা থেংবগা লোয়ননা, অৱাবা অসি মায়োক্নবা ঙম্নবা, হকশেলগা মরী লৈনবা আইনগী ঙাক্লৌদা খুদোংচাদবা খর থেংনখি। দিজাস্তর মেনেজমেন্ত এক্ত, ২০০৫ গী মখাদা লোকদাউন থমদুনা খুদক্ত কোবিদ-১৯ লাকশিন্নবা হোৎনখি। মখা তানা, হকশেলগী মীওইশিংনা থেংনরিবা খুদোংচাদবশিংগী য়েংদুনা, সংসদনা ২০০০দা ইপিদেমিক দিজিজেস এক্ত, ১৮৯৭ অমুক হন্না শেমদোকখি। অমগা অমগা শম্নবা মালেম অসিদা, তুংদা লাইচৎশিং লাকপা য়াবগী ওইথোকপশিং লৈরি। সংবিধানগী আর্তিকল ২১ গী মতুংইন্না হকশেল অসি তঙাইফদনা ফংফম থোকপা হকনি অমসুং মসি মীয়ামদা সরকারনা ফংহনগদবনি, তুংদা লাক্কদবা হকশেলগী খুদোংচাদবশিং মপুংফানা থেংনবা ঙম্নবা আইন অমুক হন্না য়েংশিনবা অমসুং মপাঙ্গল কনখৎহনবা দরকার ওই। অনৌবা লৌনগনবা লায়নাশিং নত্ত্রগা হৌজিক লৈরিবা মহিকশিংগী অনৌবা স্ত্রেনশিং লাকপা য়াবনা লৈবাক অসিদা তুংদা লাক্কদবা লাইচৎশিং থেংন্নবা অমসুং লাকশিন্নবা হৌজিক চৎনরিবা আইন অসিনা মতিক চাদ্রে হায়বা ২২শুবা লো কম্মিসন্না খঙলে। হিরম অসিগী মতাংদা হৌজিক লৈরিবা আইনগী ঙাক্লৌ অসি লো কম্মিসন্না সো মোতো ওইনা থিজিল্লে। হৌজিক থেংনরিবা খুদোংচাদবশিং কোকহন্নবা হৌজিক চৎনরিবা লো অসি শেমদোকপা নত্ত্রগা হিরম অসিগী মতাংদা অনৌবা আইন অমা শেম্নবা কম্মিসন্না পাউতাক পীখ্রে।

অনৌবা নোতারি পোর্তেল হাংদোকপা:

সেপ্তেম্বর ৩,২০২৪ দা পাংথোকখিবা থৌরম অমদা লো অমসুং জসতিসগী রাজ্য মন্ত্রী(মনিংতম্বা) শ্রী অর্জুন রাম মেঘাৱালনা  অনৌবা নোতারি পোর্তেল (https://notary.gov.in) হৌদোকখ্রে।

নোতারি পোর্তেল অসিনা তোঙান-তোঙানবা থবকশিং হায়বদি নোতারিশিং উনবগী এপ্লিকেসনশিং পীশিনবা, প্রাকতিস তৌনবা সর্তিফিকেদশিং পীবা অমসুং রিন্যু তৌবা, থবক তৌফম হোংদোকপা, এন্নুয়েল রিতর্নশিং পীশিনবগীদমক নোতারিশিং অমসুং সরকারগী মরক্ত ওনলাইন্দা উনফম অমা ওইরে। নোতারি পোর্তেল হৌদোকপদগী, সেন্ত্রেল নোতারিশিং এপ্লিকেসনশিং পীশিনবা/হকথেংন্না চৎপা দরকার ওইদ্রে। মখোয়না ওনলাইন্দা এপ্লিকেসন পীশিনবা য়াগনি; মোনিতর তৌবা য়াগনি আমসুং মখোয়গী দিজি লোক্কর একাউন্তশিংদগী থবক তৌনবগী দিজিতেল ওইনা খুৎয়েক পীরবা সর্তিফিকেদশিং লৌথবা য়াগনি। নোতারি পোর্তেল হৌদোকপা অসিনা চে য়াওদনা, হকথেংননা চত্তনা অমসুং ফজনা থবক পাংথোক্তুনা ভারতকী প্রধান মন্ত্রীগী দিজিতেল ইন্দিয়াগী পান্দমগী মাইকৈদা থাংজিনবা খোঙথাং অমনি। শীজিন্নবদা নুংঙাইগদবা মওংদা পোর্তেল অসি শেম্লে অমসুং মসিনা মতমগী মতুংইন্না খুদোংচাবা কয়া থবক তৌরকপা মতমদা নোতারিশিং অমসুং মীয়ামদা মতেং পাংগনি। থবক অসিনা লৈবাক শীনবা থুংনা লৈবাক অসিদা নোতারিশিং খনবা অমসুং হাপ্পা য়াংনা অমসুং অরোন-অথুপ লৈতানা পাংথোকপদা মতেং পাংবতা নত্তনা মসিনা নোতারিগা মরী লৈনবা রেকোর্দশিং দিজিতেলদা থম্বদশু মতেং পাংগনি। অনৌবা নোতারি পোর্তেল অশিদা অনৌবা কয়া য়াওরে।

মীয়ামদা লাইনা খুদোংচাবা ফংহনবা:

মীয়ামদা নোতারিগী থবকশিং য়াম্না লাইনা ফংহন্নবা, ফেব্রুৱারি ২৪,২০২৪ দা কেন্দ্র সরকারনা নোতারিজ রুলস, ১৯৫৬ শেমদোক্লে, তোঙান-তোঙানবা রাজ্যশিং অমসুং য়ু.তিদা কেন্দ্র সরকারনা হাপ্পা নোতারি মশিং ১,০৪,৯২৫ য়ৌরে।

২০২৩-২৪ মনুংদা, প্রাকতিস তৌনবা সর্তিফিকেদ অনৌবা নোতারি ১৮৫ দা পীখ্রে। মখা তানা, নোতারিস এক্ত, ১৯৫২ অমসুং নোতারিস রুলস, ১৯৫৬ গী মতুংইন্না, রাজ্য অমসুং য়ু.তি ১৩ দা কেন্দ্র সরকারনা লিগেল প্রাকতিসন্নর ৩২৩৫০ নোতারিশিং ওইনা হাপখ্রে।

আইন অমসুং য়ানদবশিং ৱারোইশিন পুরক্নপগী মতাংদা ভারত-শিঙ্গাপুর এম.ও.য়ু খুৎয়েক পীনখিবা:

আইন অমসুং য়ানদবশিং ৱারোইশিন পুরক্নপগী মতাংদা লৈবাক অনিগী মরক্ত মতেং পাংন্নবা মার্চ ২০২৪ দা ভারত অমসুং শিঙ্গাপুর এম.ও.য়ু অমা খুৎয়েক পীনখ্রে। এম.ও.য়ু অদু ভারত সরকারগী লো অমসুং জসতিসগী রাজ্য মন্ত্রী (মনিংতম্বা) শ্রী অর্জুন রাম মেঘাৱালগী ভর্চুএল ওইবা মীফম অমদা খুৎয়েক পীনখিবনি।

লৈবাকশিংগী মরক্ত ললোন-ইতিক্কী য়ানদবশিং ৱারোইশিন পুরক্নবা অমসুং মাগী মাগী লৈবাকশিংদা য়ানদবশিং ৱারোইশিন পুরক্নবগী থবকশিং ফগৎহন্নবগী মতাংদা মখা তানা লৈবাক অনিগী  মরক্ত থবক তৌমিন্নবদা এম.ও.য়ু অসিনা মতেং পাংগনি।

মসি থবক ওইনা পাংথোক্নবা জোইন্ত কন্সলতেতিপ কম্মিতি অমা লিংখৎনবা এম.ও.য়ু অসিনা অয়াবা পীরে।

ভারতনা ব্রিক্স জসতিস মিনিস্তরশিংগী মীফম শরুক য়াখ্রে, আইনগী অহোংবশিং অমসুং থবকশিং উৎখ্রে:

সেপ্তেম্বর ১৮,২০২৪ দা, ভিদিও কনফরেন্সকী খুৎথাংদা লো অমসুং জসতিস মিনিস্ত্রিগী লিগেল এফেয়াসড দিপার্তমেন্তনা ব্রিক্স জসতিস মিনিস্তরশিংগী মীফম শরুক য়াখ্রে। লিগেল এফেয়ার্স দিপার্তমেন্তগী এদিসনেল সেক্রেতরি, দোক্তর অঞ্জু রাতি রানানা ভারতকী মীহুৎকাংবু লুচিংখি। জসতিস দিপার্তমেন্ত, লেজিসলেতিপ দিপার্তমেন্ত অমসুং এক্সতরনেল এফেয়ার্স মিনিস্ত্রিগী মীহুৎশিং মীফম অদুদা শরুক য়াখি।

ভারতকী আইনগী লমদা লাক্লিবা অহোংবশিং অমসুং আইনগী লমদা লৈবাক অসিগী শিংথাবা য়ানা মাইপাকপশিংনা মীফম শরুক য়াখিবশিংগী পুক্নিং চিংশিনখি। আইনগী ঙাক্লৌ অমুক হন্না শেমদোক্নবা অমসুং ব্রিক্স লৈবাকশিংগী মনুংদা মতেং পাংনবা হেনগৎহন্নবা পান্দমগা লোয়ননা অওনবা থবকশিং পায়খৎলক্তুনা ভারতকী আইনগী থবকশিং য়েংশিন্নবা লৈবা কেন্দ্রগী এজেন্সি অমা ওইনা লো অমসুং জসতিস মিনিস্ত্রিগী থৌদাং লৈবাক অসিনা অমুক হন্না ফোঙদোকখি।

অলতর্নেতিপ দিসপুত রিজোলুসন (এ দি আর) গী থবকশিংগী খুৎথাংদা কেস শোক্নরিবশিং অমসুং মীয়ামদা অচুম্বা ৱায়েল ফংবা হেনগৎহন্নবা অমসুং লিগেলগী ইনফ্রাস্ত্রকচরশিং ফগৎহন্নবা মিনিস্ত্রিনা পুক্নিং চঙলে। অচৌবা অওনবা অমা ওইনা মেদিএতেসন এক্ত চৎনবা হৌখিবা অসিনা য়ানদবশিং ৱারোইশিন পুরক্নবা  মওং-মরিল তারবা, শেন য়াম্না চঙদবা লম্বী অমা পীরে। ব্রিক্স লৈবাকশিংগী ওইনা, মেদিএসতেসন এক্তগী কান্নবা অমা ওইনা, জুদিসিএলগী পোৎলুমশিং হন্থহন্নবা অমসুং মতম চানা অমসুং মরম চানা ৱারোইশিন পুরক্নবগী খুদোংচাবা পীনবা এ.দি.আর অসি মরুওইবা খুৎলায় অমনি হায়বা খঙলে।  ব্রিক্স লৈবাকশিংগী সরকারশিংগী মরক্ত মতেং পাংনবা হেনগৎহনবা খক নত্তনা হায়রিবা লৈবাকশিং অসিগী মশিং য়াম্লবা মীয়াম্না মায়োক্নরিবা মীওইবগী হকশিংগা মরী লৈনবা খুদোংচাদবশিং কোকহন্নবা অসিগুম্বা ফোরমশিংদা আইনগী মতেং পাংনবা হেনগৎহন্নবগী মরুওইবা অদু ব্রাজিল, ইজিপ, ইরান অমসুং য়ু.এ.ইগুম্বা অতোপ্পা শরুক য়াখিবা লৈবাকশিংনা ফোঙদোকখি। হেন্না মরম চাবা মালেমগী চৎন-কাংলোন অমা ফগৎহন্নবা, মীগা মীগা লৈনবা মরীশিং মপাঙ্গল কনখৎহন্নবা, স্তেনেবল দিবলপমেন্ত এজেন্দা খুমাঙচাউশিন্নবা অমসুং আইন্দা য়ুম্ফম ওইবা লৈঙাক লৈহন্নবা হিরমশিংদা মতেং পাংনবগী মরুওইবা অদু চাইনা, রুসিয়া অমসুং খা অফ্রিকাগী লৈবাকশিংগী জসতিস মিনিস্তরশিংনা ফোঙদোকখি। অচুম্বা অমসুং আইন্দা য়ুম্ফম ওইদুনা মতেং পাংনদুনা সাইবর ক্রাইম, এ.আই লান্না শীজিন্নবা অমসুং এক্সত্রাদিসনগী ৱাফমশিংগুম্বা নৌবা লাকপা খুদোংচাদবশিং থেংন্নবগী মতাংদা মখোয়না তকশিনখি।

ভারত সরকারগী লো অমসুং জসতিসগী রাজ্য মন্ত্রী (মনিংতম্বা) অমসুং পর্লিয়ামেন্তরি এফেয়ার্সগী রাজ্য মন্ত্রী শ্রী অর্জুন রাম মেঘাৱালনা লুচিংবা ভারতকী মীহুৎকাংবু য়ুনাইতেদ কিংদমদা চৎখ্রে:

ভারত সরকারগী লো অমসুং জসতিসগী রাজ্য মন্ত্রী (মনিংতম্বা) অমসুং পর্লিয়ামেন্তরি এফেয়ার্সগী রাজ্য মন্ত্রী শ্রী অর্জুন রাম মেঘাৱালনা লুচিংবা ভারতকী মীহুৎকাংবু অমা সেপ্তেম্বর ৩০ দগী ওক্তোবর ২,২০২৪ ফাওবা য়ুনাইতেদ কিংদমদা চৎখ্রে। য়ু.কে খোঙচৎ অদুদা রাজ্য মন্ত্রীগা লোয়ননা লিগেল এফেয়ার্স দিপার্তমেন্ত অমসুং লেজিসলেতিপ দিপার্তমেন্তগী সেক্রেতরি দোক্তর রজিব মনি অমসুং লিগেল এফেয়ার্স দিপার্তমেন্তগী চীফ কন্ত্রোল্লর ওফ একাউন্তস শ্রী ব্রুব কুমার সিংহ শরুক য়াখি। মরুওইবা খন্ন-নৈনবা থৌরমশিংদা য়ু.কেদা লৈবা ভারতকী হায় কম্মিসন্নর শ্রী বিক্রম দোরাইশ্বামী অমসুং কম্মিসনগী অতোপ্পা সেনিয়ার ওফিসারশিং শরুক য়াখি। য়ু.কেগী লোর্দ চান্সেল্লর অমসুং জসতিসগী স্তেৎ সেক্রেতরি সাবানা মেহমুদগা লোয়ননা পাংথোকখিবা লৈবাক অনিগী মীফমদা লো অমসুং জসতিসগী মিনিস্তর অমসুং ভারতকী মীহুৎকাংবুগী অতোপ্পা মেম্বরশিং শরুক য়াখি। খন্ন-নৈনবা অদু নিংথিনা পাংথোকখি অমসুং আইনশিং লাইথোকহনবা অমসুং আইনগী থবকশিংদা অচম্বা লোলশিং শীজিন্নবা অমসুং শন্তাইনবা অমসুং মেদিএতেসন্দা খ্বাইদগী ফবা এ.দি.আরগী থবকশিং শীজিন্নবগী মতাংদা মতেং পাংন্নবা নাকল অনিমক্না মীৎয়েং চঙখি। অথুবা মতমদা য়ানদবশিং ৱারোইশিন পুরক্নবা, শেন-থুম চাউখৎনবা অমসুং শেন থাদবগী মতাংদা আইনশিং অমসুং থৌশিলগী লমদা ভারতনা পায়খৎলিবা তোঙান-তোঙানবা অনৌবা থবকশিংগী ফিবম খঙহনখি।

ভারতকী চিয়ারমেন বার কাউন্সিল অমসুং ইংলেন্দ অমসুং ৱেলসকী লো সোসাইতিগী প্রসিদেন্তগী মরক্ত পাংথোকখিবা মীফমদা খন্নখিবগী মতুংইন্না য়ু.কেগী উকিলশিং অমসুং লো ফার্মশিং ভারত্ত থবক তৌবা য়ানবা খুমাঙচাউশিল্লে। ওক্তোবর ১, ২০২৪ দা, ইতালি, জর্মনি অমসুং য়ুরোপিয়ান য়ুনিয়ন লৈবাকশিংগী মীহুৎশিং অমসুং লো/জসতিস মিনিস্তরশিংগা লোয়ননা, লন্দনগী ৱেস্তমিনিস্তর অব্বেদা য়ু.কে লিগেল ইয়র থৌরম হৌদোকপদা লো অমসুং জসতিসগী রাজ্য মন্ত্রীশু শরুক য়াখি।

সিবিল লোগী মতাংদা মপান লৈবাকশিংগা ত্রিতিশিং অমসুং এগ্রিমেন্তশিং লৈনবা:

মপান লৈবাকশিংগা এগ্রিমেন্তশিং পুরক্নবা হোৎনবদা লো অমসুং জসতিস মিনিস্ত্রিগী লিগেল এফেয়ার্স দিপার্তমেন্তনা নোদেল মিনিস্ত্রি ওইরি। মসিগী মথক্ত, অতোপ্পা লৈবাকশিংগা সিবিল লোগী মতাংদা মতেং পাংন্নবা লো অমসুং জসতিস মিনিস্ত্রিগী লিগেল এফেয়ার্স দিপার্তমেন্তনা তোঙান-তোঙানবা এগ্রিমেন্তশিং থবক ওইনা পাংথোক্লে। থবক অসিগী মখাদা, সিবিল অমসুং ললোন-ইতিক্কী ৱাফমশিংদা নাকল অনি আইনগী মতেং পীন্নবা ভিয়েতনামগা ত্রিতিশিং লৈন্নবা অরোইবা তাঙ্কক্ত লৈরে।

সোমোনশিংগী থবকশিং (ম্যুচুয়েল লিগেল এসিস্তেন্স ত্রিতিশিং/য়ানচেশিং) অমসুং লৈবাকশিংগী ত্রিতিশিং (১৯৬৫/১৯৭১ গী হগ কনভেন্সন) গী মতাংদা লৈবাকশিংগী ত্রিতিশিংগী হায়জরকপশিং য়েংশিনবা অমসুং থবকশিং :

সিবিল অমসুং ললোন-ইতিক্কী ৱাফমশিংদা মপান লৈবাকশিংগী জুসিসিএল অমসুং এক্সত্রা জুদিসিএল দোকুমেন্তশিংগীদমক হগ কনভেন্সন, ১৯৬৫ গী মখাদা লো অমসুং জসতিস মিনিস্ত্রিগী লিগেল এফেয়ার্স দিপার্তমেন্তনা সেন্ত্রেল ওথোরিতি ওইরি। য়ানবা অসিগী মখাদা, হায়রিবা মতম অসিগী মনুংদা, হায়জরকপা ৩৮২৯ প্রোসেস তৌখ্রে।

ভারত সংবিধানগী ওনলাইন হিন্দি কোর্স হৌদোক্লে:

নবেম্বর ২৬,২০২৪ দা, লো অমসুং জসতিস মিনিস্ত্রিগী লিগেল এফেয়ার্স দিপার্তমেন্তনা সংবিধান নুমিৎ অমসুং ভারত সংবিধান চৎনবা হৌখিবগী ৭৫শুবা কুমওন থৌরম পাংথোকখ্রে। সংবিধান নুমিৎ থৌরমদা, লো অমসুং জসতিস মিনিস্ত্রিগী লিগেল এফেয়ার্স দিপার্তমেন্তনা লৈবাক অসিগী নাক রেঙ্ক খ্বাইদগী ৱাংবা লো য়ুনিভর্সিতি অমা ওইরিবা নালসার য়ুনিভর্সিতি ওফ লো, হায়দ্রবাদগা খুৎশম্নদুনা হিন্দীদা ভারত সংবিধানগী কোর্স অমা হৌদোকখ্রে। ওনলাইন কোর্স অদুদা ভিদিও ১৫ দা ঐখোয়গী সংবিধানগী মরুওইবা ৱাফমশিং কোনশিনগনি। সংবিধানগী ফজবশিং, মসিগী পুৱারিগী খোঙচৎ অমসুং অনৌবা ভারত শেম্বদা মসিনা লৌখিবা থৌদাং লনাই মীওইশিংদা নিংথিনা খঙহন্নবা কোর্স অসি শেমখিবনি। হিন্দীদা কোর্স অসি ফংহন্নবা ৱারেপ অসি মীওই খুদিংমক শরুক য়াহন্নবা অমসুং মীয়াম পাক-শন্না য়ৌহন্নবা মাইকৈদা থাংজিনবা মরুওইবা খোঙথাং অমনি। ঐখোয়গী সংবিধানগী ফজবশিং খঙনবা হোৎনবদা লোলনা কৈদৌঙৈদা অপনবা অমা ওইহল্লোইদবনি। মরম অদুনা, ঐখোয়গী সংবিধানগী অশেংবা ৱাখল্লোন অমসুং অচুম্বা ফিদমশিং মীওই খুদিংমক্ত খঙহনবা হায়বসি তঙাইফদে। লোলগী খুদোংচাদবশিং কোকহন্দুনা, লৈবাক শীনবা থুংবগী মীয়ামগী পুক্নিং অমসুং থম্মোয়দা ঐখোয়গী সংবিধানগী ঙাক্লৌ হেন্না নকশিন্নহন্নবা কোর্স অসিনা পান্দম থম্লি। থবক অসি মীয়ামদা খঙহন্নবা খক নত্তনা, মসি  মীয়ামদা শক্তি পীনবা অমশুনি। ঐখোয়গী গনতন্ত্রগী য়ুম্ফমশিং মশক খঙনবা, মখোয়গী হকশিং অমসুং থৌদাংশিং খঙনবা অমসুং মপাঙ্গল কনবা অমসুং মীওই খুদিংমক কোনশিনবা ভারত অমা শেমগৎদা থৱায় য়াওনা শরুক য়ানবা কোর্স অসিনা মীওই খুদিংমক্ত খুদোংচাবা অমা পীরে।

দিজিতেলগী থবকশিং অমসুং সাইবর সেকুরিতি:

শুপ্নগী চহি ১০ গী মনুংদা লৈবাক অসিগী অপুনবা মীশিংগী তঙ্খায় অমা কোনশিন্দুনা লৈবাক অসিগী মীয়াম শক্তি পীদুনা ভারতকী দিজিতেলগী থবকশিং শিংথাবা য়ানা চাউখৎলে। দিজিতেলগী অওনবা মরক অসিদা, চে য়াওদনা থবকশিং পাংথোক্নবা হিরমদা লিগেল এফেয়ার্স দিপার্তমেন্তনা শিংথাবা য়ানা থবকশিং পায়খৎলে। মসিগী অহোংবা অসিনা মখা তানা দিজিতেলগী থবকশিং পায়খৎলে অমসুং সরকারগী থবকশিং ফজনা পাংথোকপা হেনগৎহল্লে।

ভারতকী কোর্ত কেসশিং খোঙ্গুল লিনবা দিজিতেল প্লেতফোর্ম অমা ওইনা থবক তৌরবা লিগেল ইনফোর্মেসন মেনেজমেন্ত এন্দ ব্রিফিং সিস্তেম ( এল আই এম বি এস) হৌদোকখিবা অসি শিংথাবা য়াবা থবক অমনি। লিগেল ইনফোর্মেসন মেনেজমেন্ত এন্দ ব্রিফিং সিস্তেমনা কেসশিং খুদক্ত খোঙ্গুল লিবা অমসুং লো ওফিসারশিং, পেনেল কাউন্সেলশিং অমসুং উকিলশিংনা ফি পীবা য়াহল্লে। ওর্দরশিংগী ফিবম খঙনবা কোর্ততা লাকপা দরকার ওইরম্বা ওফিসিএলশিং, হৌজিক খুদক্ত মসিদগী ওনলাইন্দা ই-পাউ খঙবা য়ারগনি। শীজিন্নবদা লাইবা হেনগৎহন্নবা পান্দম থমদুনা, প্লেতফোর্ম অসি ফগৎহন্নবা দিপার্তমেন্তনা লেপ্তনা থবক পায়খৎলি। মসিগী মথক্ত, নোতারি এপ্লিকেসনগী থবকশিং দিজিতেল ওন্থোকপা অসি শিংথাবা য়ানা ফগৎলে, মীয়াম নোতোরাইজেসনগী থবক ওনলাইন্দা পাংথোকপা য়ারে, য়ুমদগী য়াম্না লাইনা নোতোরাইজেসনগী থবকশিং দিজিতেল প্লেতফোর্ম অমদা পাংথোকপা য়াহন্নবা পান্দম থম্লি। ফজবা দিজাইন, ময়েক শেংবা তেক্স অমসুং মরী লৈনবা লুপশিংগী অকুপ্পা মরোলশিং হয়পরলিঙ্কশিংগা লোয়ননা হাপতুনা মীয়ামদা মপুংফাবা ই-পাউ ফংহন্নবা লিগেল এফেয়ার্স দিপার্তমেন্তনা মসিগী ৱেবসাইত ফগৎহল্লে। মসিনা তোঙান-তোঙানবা ৱেব ব্রাউজরশিং, ওপরেতিং সিস্তেমশিং অমসুং মোবাইল ফোনশিং য়াওনা ইন্তরনেত স্পিৎশিংদা শীজিন্নবা ঙমহল্লে। ‘মীখল অমা, লৈবাক অমা’ থবক অসিদা কৎথোক্লবা অনৌবা ৱেবসাইত অমদা দিপার্তমেন্তনা হৌদোক্লে। মসিগী প্লেতফোর্ম অসি মীয়ামদা ৱাখল তাহন্নবা য়াম্না মরুওইবা খুৎলায় অমনি। মসিদা অৱাংবা থাক্কী কম্মিতিগী রিপোর্তশিং ফংলে।

চে-চাংশিং অমসুং থবকশিং দিজিতেল ওন্থোক্তুনা দিপার্তমেন্ত অসি চে শীজিন্নদবা ওফিস অমা ওন্থোক্লে, অরোন-অথুপ লৈতবা হেনগৎহল্লে অমসুং ৱারেপ লৌবগী থবকশিং পাকথোক-চাউথোকহল্লেল ই-ওফিস ৭.০ প্লেতফোর্মগী খুৎথাংদা ফাইল শেম্বা, নোত তৌশিনবা, তোঙান-তোঙানবা থাকশিংদা ৱারেপশিং লৌবা অমসুং নোতিস থোকপগী থবকশিং পাংথোক্লে।

দিপার্তমেন্তনা মসিগী দিজিতেলগী থবকশিং পাকথোক-চাউথোকহনবগা লোয়ননা, মসিগী সাইবর সেকুরিতিগী থবকশিং মপাঙ্গল কনখৎহল্লে। হায়রিবা থবকশিং অসিনা মসিগী দিজিতেল ইনফ্রাস্ত্রকচর অমসুং মসিগী দেতা ঙাকথোক্নবা পান্দম থম্লি। ইলেক্ত্রোনিক্স অমসুং ইনফোর্মেসন তেক্নোলোজিনা পীবা পাউতাকশিংগী ঙাক্তুনা, সাইবর সেকুরিতিগী থবকশিং অমুক হন্না ফগৎহন্নবা দিপার্তমেন্তনা এক্সন প্লানশিং হৌদোক্লে। সাইবর সেকুরিতি মেনেজমেন্ত প্লান অমা শেম্বা, চীফ ইনফোর্মেসন সেকুরিতি ওফিসার অমা হাপ্পা, দিপুতি চীফ ইনফোর্মেসন ওফিসার অমা হাপ্পা অমসুং প্লান শেম্বা অমসুং থবক ওইনা পাংথোকপা অখঙ-অহৈ কাংবু অমনা য়েংশিনবা অসি অহানবা তাঙ্কক্কী থবকশিংনি।

ওফিসারশিং অমসুং ওফিসিএলশিংদা সাইবরসেকুরিতি অমসুং মসিগা মরী লৈনবা শিংনরকপশিংগী মতাংদা ৱাখল তাহন্নবা, চহি চুপ্পা সেসনশিং, সর্কুলারশিং অমসুং সোসিএল মেদিয়াগী খুৎথাংদা দিপার্তমেন্তনা ৱাখল তাহনবগী থৌরমশিং পাংথোকখ্রে। হায়রিবা থবকশিং অসিদা সাইবরসেকুরিতিগী খ্বাইদগী ফবা থবকশিং, সাইবরগী অকিবশিংগী অরুবা ফিবমশিং অমসুং মখোয় থেংননবা থবকশিং কোনশিনখি। সাইবরসেকুরিতিগী থবকশিং ফগৎনবা শেন-থুম মতিক চানা কাইথোক্তুনা অমসুং নোদেল ওফিসারশিংনা মরুওইবা থবকশিং পাংথোক্তুনা চহি অসিদা সাইবরসেকুরিতিগী লমদা দিপার্তমেন্ত অসিনা শিংথাবা য়াবা থবকশিং পায়খৎলে। মীয়ামদা সাইবরসেকুরিতিগী অহোবশিং অমসুং তোঙান-তোঙানবা সাইবরগী নমথাকশিং ঙাকথোক্নবা ৱাখল তাহন্নবা সাইবরসেকুরিতিগী লমদা থাগী ওনলাইন চেফোঙ অমা দিপার্তমেন্তনা হৌদোক্লে।

ত্রেনিং অমসুং কেপাসিতি বিল্দিংগী লমদা মাইপাকপশিং:

অনৌবা তেক্নোলোজিশিং, মেথোদশিং অমসুং কৈথেলগী চৎনবীশিং চুশিন্নবা ঙঁম্নবা লুপশিংনা মখা তানা খুদোংচাদবা কয়া মায়োক্নরি। দিপার্তমেন্ত অমা লেপ্তনা চাউখৎনবা অমসুং মাইপাক্নগী খ্বাইদগী মরুওইবা থৌদাং লৌরিবদি অখন্নবা ত্রেনিং দিভিজন অমা লিংখৎপনি।

শেনবা চহি ২০২৩-২৪ মনুংদা কেপাসিতি বিল্দিংগীদমক পাংথোকখিবা থবকশিং:

i. কেপাসিতি বিল্দিং কম্মিসনগা তানদুনা এন্নুয়েল কেপাসিতি বিল্দিং প্লান (এ সি বি পি) শেমগৎপা।

ii. এ.সি.বি.পিগী মখাদা ত্রেনিং কেলেন্দর শেমগৎপা।

iii. দিপার্তমেন্তগী ওফিসারশিং/ওফিসিএলশিংগী ত্রেনিংশিং/ৱার্কশোপশিং/ৱেবিনারশিং পাংথোকপা।

iv. আই-গোত (i-GoT) কর্মায়োগী প্লেতফোর্মদা দিপার্তমেন্তগী ইমপ্লোইয়িশিং ওনলাইন ত্রেনিং শরুক য়ারে অমসুং ইমপ্লোইয়িশিংগী ত্রেনিং কোর্সশিং মোনিতর তৌরে।

v. ইন্দিয়ান ইন্সতিতুৎ ওফ পব্লিক এদমিনিস্ত্রেসনগা ত্রেনিংগী এম.ও.য়ু খুৎয়েক পীনরে।

য়াইফ-থৌরাংগী থবকশিং:

১০শুবা মালেমগী য়োগ নুমিত্ত দিপার্তমেন্তনা য়োগ অমসুং ধ্যান সেসনশিং পাংথোকখি:

মসিগী স্তাফশিংগী পুক্নিং-ৱাখল অমসুং হকচাং ফনা থম্নবা পান্দমগা লোয়ননা, দিপার্তমেন্তনা ১০শুবা মালেমগী য়োগ নুমিত্ত দিপার্তমেন্তনা য়োগ অমসুং ধ্যান সেসনশিং পাংথোকখি। সেসন অসি চহি অসিগী পান্দম “ইশাগী অমসুং খুন্নাইগী য়োগ” হায়রিবা অসিগা ইরোইন্না দিপার্তমেন্তগী মীওইশিংগী হকচাং অমসুং পুক্নিং-ৱাখল ফগৎনবা পান্দম থমখি। পুং অমগী সেসন অদুদা ধ্যান তৌবা, তিংলি-য়াংলিবগী শাজেলশিং, চিয়ার য়োগশিং অমসুং প্রানায়ামা অসনশিং পাংথোকখি।

******