ਪਰਿਵਾਰ ਭਲਾਈ ਮੰਤਰਾਲੇ ਦੇ ਡੀਜੀਐੱਚਐੱਸ-DGHS ਦੀ ਪ੍ਰਧਾਨਗੀ ਵਿੱਚ ਪਿਛਲੇ ਕੁੱਝ ਹਫਤਿਆਂ ਵਿੱਚ ਚੀਨ ਵਿੱਚ ਸਾਹ ਸਬੰਧੀ ਬਿਮਾਰੀਆਂ ਦੇ ਵਧਦੇ ਮਾਮਲਿਆਂ ਦੀ ਰਿਪੋਰਟ ਦੇ ਮੱਦੇਨਜ਼ਰ ਸਿਹਤ ਅਤੇ ਸੰਯੁਕਤ ਨਿਗਰਾਨੀ ਸਮੂਹ (ਜੇਐੱਮਜੀ-JMG) ਦੀ ਅੱਜ ਬੈਠਕ ਹੋਈ। ਬੈਠਕ ਵਿੱਚ ਵਿਸ਼ਵ ਸਿਹਤ ਸੰਗਠਨ (ਡਬਲਿਊਐੱਚਓ-WHO), ਆਪਦਾ ਪ੍ਰਬੰਧਨ (ਡੀਐੱਮ-DM) ਸੇਲ, ਏਕੀਕ੍ਰਿਤ ਰੋਗ ਨਿਗਰਾਨੀ ਪ੍ਰੋਗਾਰਾਮ (ਆਈਡੀਐਸਪੀ-IDSP), ਰਾਸ਼ਟਰੀ ਰੋਗ ਕੰਟਰੋਲ ਕੇਂਦਰ (ਐੱਨਐੱਸਡੀਸੀ-NSDC), ਭਾਰਤੀ ਸਿਹਤ ਖੋਜ ਪਰਿਸ਼ਦ (ਆਈਸੀਐੱਮਆਰ-ISMR), ਐਮਰਜੈਂਸੀ ਸਿਹਤ ਰਾਹਤ (ਈਐੱਮਆਰ-IMR) ਵਾਰਡ ਅਤੇ ਆਲ ਇੰਡੀਆ ਇੰਸੀਟੀਟਿਊਟ ਆਫ ਮੈਡੀਕਲ ਸਾਇੰਸਿਜ਼, ਦਿੱਲੀ ਸਹਿਤ ਹਸਪਤਾਲਾਂ ਦੇ ਮਾਹਿਰਾਂ ਨੇ ਹਿੱਸਾ ਲਿਆ। 

ਵਿਸਤ੍ਰਿਤ ਚਰਚਾ ਦੇ ਬਾਅਦ ਅਤੇ ਵਰਤਮਾਨ ਵਿੱਚ ਉਪਲਬਧ ਜਾਣਕਾਰੀ ਦੇ ਅਧਾਰ ‘ਤੇ ਨਿਮਨਲਿਖਤ ਬਿੰਦੂਆਂ ‘ਤੇ ਸਹਿਮਤੀ ਬਣੀ:

• ਚੀਨ ਵਿੱਚ ਫਲੂ ਦੇ ਮੌਸਮ ਨੂੰ ਦੇਖਦੇ ਹੋਏ ਸਥਿਤੀ ਅਸਾਧਾਰਨ ਨਹੀਂ ਹੈ। ਰਿਪੋਰਟਾਂ ਇਹ ਵੀ ਦੱਸਦੀਆਂ ਹਨ ਕਿ ਮੌਜੂਦਾ ਵਾਧੇ ਦਾ ਕਾਰਨ ਇਨਫਲੂਐਂਜਾ ਵਾਇਰਸ (Influenza virus), ਆਰਐੱਸਵੀ- RSV ਅਤੇ ਐੱਚਐੱਮਪੀਵੀ- HMPV ਹੈ- ਜੋ ਇਸ ਮੌਸਮ ਵਿੱਚ ਹੋਣ ਵਾਲੇ ਆਮ ਰੋਗਾਣੂ ਹਨ।

• ਸਰਕਾਰ ਸਾਰੇ ਉਪਲਬਧ ਮਾਧਿਅਮ ਰਾਹੀਂ ਸਥਿਤੀ ‘ਤੇ ਸਖਤ ਨਜ਼ਰ ਰੱਖ ਰਹੀ ਹੈ ਅਤੇ ਵਿਸ਼ਵ ਸਿਹਤ ਸੰਗਠਨ ਨੂੰ ਵੀ ਚੀਨ ਦੀ ਸਥਿਤੀ ਦੇ ਬਾਰੇ ਵਿੱਚ ਸਮੇਂ ‘ਤੇ ਜਾਣਕਾਰੀ ਸਾਂਝੀ ਕਰਨ ਦੀ ਬੇਨਤੀ ਕੀਤੀ ਗਈ ਹੈ।

• ਇਹ ਵਾਇਰਸ ਭਾਰਤ ਸਹਿਤ ਵਿਸ਼ਵ ਭਰ ਵਿੱਚ ਪਹਿਲਾਂ ਤੋਂ ਹੀ ਮੌਜੂਦ ਹੈ।

• ਭਾਰਤ ਵਿੱਚ ਇਨਫਲੂਐਂਜਾ ਵਰਗੀ ਬਿਮਾਰੀ (ਆਈਐਲਆਈ-ILI) ਅਤੇ ਇਨਫਲੂਐਂਜਾ ਦੇ ਲਈ ਗੰਭੀਰ ਸਾਹ ਬਿਮਾਰੀ (ਐੱਸਏਆਰਆਈ- SARI) ਦੇ ਲਈ ਇੱਕ ਮਜਬੂਤ ਨਿਗਰਾਨੀ ਪ੍ਰਣਾਲੀ ਪਹਿਲਾਂ ਤੋਂ ਹੀ ਆਈਸੀਐੱਮਆਰ- ICMR ਅਤੇ ਆਈਡੀਐੱਸਪੀ- IDSP ਨੈੱਟਵਰਕ ਦੋਵਾਂ ਦੇ ਮਾਧਿਅਮ ਨਾਲ ਮੌਜੂਦ ਹੈ ਅਤੇ ਦੋਵਾਂ ਦੇ ਅੰਕੜਿਆਂ ਤੋਂ ਪਤਾ ਚੱਲਦਾ ਹੈ ਕਿ ਆਈਐੱਲਆਈ-ILI ਅਤੇ ਐੱਸਏਆਰਆਈ-SARI  ਮਾਮਲਿਆਂ ਵਿੱਚ ਕੋਈ ਅਸਾਧਾਰਨ ਵਾਧਾ ਨਹੀਂ ਹੋਇਆ ਹੈ। 

• ਹਸਪਤਾਲਾਂ ਦੇ ਡਾਕਟਰਾਂ ਨੇ ਵੀ ਪੁਸ਼ਟੀ ਕੀਤੀ ਹੈ ਕਿ ਅਨੁਮਾਨਿਤ ਮੌਸਮੀ ਬਦਲਾਅ ਦੇ ਇਲਾਵਾ ਕੁਝ ਹਫਤਿਆਂ ਵਿੱਚ ਸਾਹ ਸਬੰਧੀ ਬਿਮਾਰੀਆਂ ਦੇ ਮਾਮਲਿਆਂ ਵਿੱਚ ਕੋਈ ਵਾਧਾ ਨਹੀਂ ਹੋਇਆ ਹੈ। 

• ਆਈਸੀਐੱਮਆਰ- ICMR ਨੈੱਟਵਰਕ ਹੋਰ ਸਾਹ ਸਬੰਧੀ ਵਾਇਰਸ ਵਰਗੇ ਇਡੋਨੋਵਾਇਰਸ (Adenovirus), ਆਰਐੱਸਵੀ-RSV, ਐੱਚਐੱਮਪੀਵੀ-HMPV ਆਦਿ ਦੇ ਲਈ ਵੀ ਪ੍ਰੀਖਣ ਕਰਦਾ ਹੈ ਅਤੇ ਇਹ ਰੋਗਾਣੂ ਵੀ ਪ੍ਰੀਖਣ ਕੀਤੇ ਗਏ ਨਮੂਨਿਆਂ ਵਿੱਚ ਅਸਾਧਾਰਨ ਵਾਧਾ ਨਹੀਂ ਦਿਖਾਉਂਦੇ ਹਨ। ਸਾਵਧਾਨੀ ਉਪਾਅ ਦੇ ਰੂਪ ਵਿੱਚ, ਆਈਸੀਐੱਮਆਰ- ICMR ਦੁਆਰਾ ਐੱਚਐੱਮਪੀਵੀ-HMPV ਦੇ ਲਈ ਪ੍ਰੀਖਣ ਕਰਨ ਵਾਲੀਆਂ ਲੈਬਾਰਟਰੀਆਂ ਦੀ ਸੰਖਿਆ ਵਧਾਈ ਜਾਵੇਗੀ ਅਤੇ ਆਈਸੀਐੱਮਆਰ-ICMR ਪੂਰੇ ਸਾਲ ਐੱਚਐੱਮਪੀਵੀ-HMPV ‘ਤੇ ਨਿਗਰਾਨੀ ਕਰੇਗਾ।

• ਦੇਸ਼ ਭਰ ਵਿੱਚ ਹਾਲ ਹੀ ਵਿੱਚ ਆਯੋਜਿਤ ਐਮਰਜੈਂਸੀ ਅਭਿਆਸ ਅੰਕੜਿਆਂ ਤੋਂ ਪਤਾ ਚਲਿਆ ਹੈ ਕਿ ਦੇਸ਼ ਸਾਹ ਸਬੰਧੀ ਬਿਮਾਰੀਆਂ ਵਿੱਚ ਕਿਸੇ ਵੀ ਵਾਧੇ ਨਾਲ ਨਜਿੱਠਣ ਦੇ ਲਈ ਪੂਰੀ ਤਰ੍ਹਾ ਨਾਲ ਤਿਆਰ ਹੈ। 

• ਸਿਹਤ ਪ੍ਰਣਾਲੀ ਅਤੇ ਨਿਗਰਾਨੀ ਨੈੱਟਵਰਕ ਚੌਕਸ ਬਣੇ ਹਨ ਤਾਂਕਿ ਇਹ ਸੁਨਿਸਚਿਤ ਕੀਤਾ ਜਾ ਸਕੇ ਕਿ ਦੇਸ਼ ਕਿਸੇ ਵੀ ਸਿਹਤ ਚੁਣੌਤੀ ਨਾਲ ਨਜਿੱਠਣ ਦੇ ਲਈ ਪੂਰੀ ਤਰ੍ਹਾ ਤਿਆਰ ਹੈ। 

*********

ਐੱਮਵੀ