প্রধানমন্ত্রীগী লোইশঙ
চেস চেম্পিয়ন গুকেস দি প্রধান মন্ত্রী উনখ্রে
Posted On:
28 DEC 2024 6:34PM by PIB Imphal
ঙসি চেস চেম্পিয়ন গুকেস দিনা প্রধান মন্ত্রী শ্রী নরেন্দ্র মোদী উনখ্রে। মহাক্কী অচেৎপা ফিরেপ অমসুং কৎথোকপা প্রধান মন্ত্রীনা থাগৎপা ফোক্লদুনা হায়খি মদুদি মহাক্কী থাজবা অসি তশেংনা পুক্নিং থৌগৎনিঙাইনি। য়োগ অমসুং ধ্যান তৌবগী কান্নবগী মতাংদা ঙসি ঐখোয়না খন্নখি।
এক্সতা থ্রিদ পোস্ত অমদা, প্রধান মন্ত্রীনা হায়খি’
“চেস চেম্পিয়ন অমসুং ভারতনা চাউথোকচরিবা @Dgukesh গা য়াম্না নুংঙাইনা উনরে!
ঐনা চহি খর অসিদা মহাক্কা নকশিন্ননা ৱারি শানদুনা লাক্লি অমসুং ঐনা য়াম্না অঙকপা ফাওরিবা অসি মহাক্কী অচেৎপা ফিরেপ অমসুং কৎথোকপনি। মহাক্কী থাজবা অসি তশেংনা পুক্নিং থৌগৎনিঙাইনি। তশেংনা, মহাক মালেমদা খ্বাইদগী নহা ওইবা ৱার্ল্দ চেম্পিয়ন অমা ওইগনি হায়না মহাক্না হায়খিবা ভিদিও অমা চহি খরগী মমাঙদা ঐনা উখ্রে- মাঙজৌননা লাউথোকখিবা অদু হৌজিক থবক ওইনা পাংথোক্লে, মহাক মশাগী থবকশিংগীদমক থাগৎপা ফোঙদোকচরি”।
“থাজবগা লোয়ননা, গুকেস ইং-তপ্পা অমসুং নোল্লুকপনা থল্লি। মাইপাকপদা, মহাক ইংনা লৈখি, ৱানা ফংবা মাইপাকপা অসি কমদৌগনি হায়বা মপুংফানা খঙবগা লোয়ননা মহাক্কী মাইপাকপা হরাওখি। য়োগ অমসুং ধ্যান তৌবগী কান্নবগী মতাংদা ঙসি ঐখোয়না খন্নখি”।
“শান্নরোয় খুদিংমক্কী মাইপাকপদা, মখোয়গী মমা-মপাশিংনা মরুওইবা থৌদাং অমা লৌরি। অৱা-অনা থিদনা মহাক শৌগৎপগীদমক ঐনা গুকেসগী মমা-মপা থাগৎপা ফোঙদোকচরি। মখোয়গী কৎথোকপা অসিনা শান্নবা অসি শীনফম অমা ওইনবা মঙ মঙলিবা নহারোলশিংগী মশিং থিঙমদ্রবা মমা-মপাশিংদা ইথিল পীরগনি”।
“মহাক্না মাইপাকখিবা গেমগী ওরিজিনেল চেসবোর্দ গুকেসনা পীরকপদা ঐশু হরাওরে। মহাক অমসুং দিন লাইরেন অনিনা ওতোগ্রাফ ইরবা চেসবোর্দ অসি মমল য়াম্লবা মেমোন্তো অমনি”।
***
(Release ID: 2088656)
Visitor Counter : 14
Read this release in:
Odia
,
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam