কেন্দ্রগী পোর্তস, শিপ্পিং অমসুং ৱাতরৱেজকী মন্ত্রী, শ্রী সর্বানন্দা সোনোৱালনা দাখা দেবি রাসিৱাসিয়া কোলেজ চাবুৱাগী গোল্দন জুবিলী সেলেব্রেশনদা শরুক য়াখি অমসুং গোলদন জুবিলী মেমোরিয়েল বিল্দিংগী উরেপ-উয়ুং তমখ্রে। মহাক্না DDR কোলেজ চাবুৱাদা শাগৎলক্কদৌরিবা অসি মালেমগী থাক্তা লৈবা ওইগনি হায়না থাজবা ফোংদোকখি, মহাক্না এউকেস্নেল ইনস্তিত্যুসন অমগী মাইপাক্নবগীদমক্তা ইনফ্রাস্ত্রকচর মতিকচানা লৈবগী তঙাইফদবা অদুগী মতাংদা পনখি।

থৌরম অদুদা ৱা ঙাংলদুনা, শ্রী সোনোৱালনা চাবুৱাগী থৌদোক-হেন্দোক্না অথাপ্পা মফম অমা ওইবা অমসুং ময়ামদগী খরা হেন্না শোত্থরবা মফম অমা ওইরিবা অসিগা মরি লৈননা লমদম অসিগী খুনাই অসিদা কোলেজ অসিনা হোৎনরিবশিং অমসুং লৌরিবা থৌদাং অদুগী মরু ওইবা অদুবু থাগৎপা ফোংদোকখি। মহাক্না হায়খি মদুদি, “চাবুৱা অসি ঐহাক ইশামক্কী আইদেন্তিতীগা শাগোন্নদুনা মরি লৈনৈ। মফম অসিগী চাউখৎপা হায়বসিনা ঐগী নুংঙাইজবনি অমসুং অসিগুম্না চাউথোকচবা ফাওবা হায়বসি মফম অসিদা তিল্লিবা মীপুম খুদিমক্কীদমক্তা য়াম্না মরু ওই”. মহাক্না মখাতানা হায়খি মদুদি, “ঐহাক্না ইনস্তিত্যুসন অসিগী চহই য়াংখৈ চুপ্না মাইপাক্না লৈরকখিবা মতমশিং অদুদা মায়োক্নরকখিবা শিংনবশিং অমসুং অৱাবশিং অদু য়াম্না ময়েক শেংনা খঙই। শিংনবা কয়া অমগী পাক্লবা ঈপাক্তা খক্তমক অৱাবশিং অদু কোক্নবগী পাম্বৈশিং অদুবু থিবা ফংগদৌরিবনি।”

ইকাইখুম্নরবা মন্ত্রী অসিনা মসিগা মরি লৈননা তুংগী মিৎয়েং ময়েক লানা উবা ঙম্বগী মরু ওইবা অদুগী মতাংদা পনখি অমসুং হায়খি, “তুংগীদমক্তা থম্লিবা মিৎয়েং অদু ময়েক শেংবা হায়বসি খ্বাইদগী হেন্না মরু ওই। মরম অদুনা ঐখোয়না DDR চাবুৱাবু হৌজিক্তগী চহি য়াংখৈগী মতুংদা করম্বা থাক্তা য়ৌহন্নিংবগে হায়বগী মতাংদা ঐখোয়না তুংগীদমক্তা থম্লিবা মিৎয়েংদা অহোংবা অমা পুরকপা হায়বসি য়াম্না মরু ওই”। মহাক্না ইকাইখুম্নরবা প্রধান মন্ত্রী, শ্রী নরেনদ্র মোদী জীনা লৈবাক অসিবু খুমাং চাউশিনহন্নবগীদমক্তা ময়েক শেংনা থম্লিবা তুংগী মিৎয়েং অদুদগী পুক্নিং থৌগৎখি অমসুং মসিনা ভারত অসিবু ২০১৪দা ১১শুবদা লৈরম্বদগী হৌজিক-হৌজিক ওইরিবা মালেম অসিগী ৫শুবা খ্বাইদগী চাউবা ইকোনোমী অমা ওইহল্লকপদা করম্না মতেং পাংলকখি হায়বগী মতাংদা ঙাংখি। অসিগুম্বা তুংগী মিৎয়েং শান্না ময়েক শেংনা উবা ঙম্বা অসিনা মালেম অসিগী ফাইনান্সিয়েল সিস্তেমদগী থাপ্না লৈরম্বা মী করোর ৫৪বু প্রধান মন্ত্রী জন ধন য়োজনাগী মখাদা বেঙ্ক একাউন্তশিং হাংবা ঙমহনখ্রে অমসুং অসিগুম্বা স্কীমশিং অসিনা লৈবাক অসিবু ২০৪৭ ফাওবদা মালেম অসিগী খ্বাইদগী চাউবা ইকোনোমী ওইহনগদৌরিবনি।

কোলেজ অসিগী তুংলমচৎকী মতাংদা পল্লদুনা মহাক্না হায়খি, “মহৈরোইশিং, মমা-মপাশিং অমসুং ওজাশিংনা এজুকেস্নেল ইনস্তিত্যুসন অমগী মরু ওইবা য়ুম্বী অহুম অদু শেম্লিবনি। হায়রিবা মখোয় অহুম অসিনা অমত্তা ওইনা চুংশিন্নদুনা অমসুং DDR কোলেজ চাবুৱাদগী থোরক্লিবা হ্যুমেন কেপিতল অদুনা মীওইবা জাতিগী চাউখৎ-থৌরাংদা য়াম্না মরু ওইবা মওংদা শরুক য়াবা ঙম্নবা স্ত্রেতেজী অমা পুথোকপা হায়বসিনা খ্বাইদগী হেন্না অথোইবা মথৌদাংনি”।

নুমিৎ অদুমক্তদা মতুং তারকপদা, ইকাইখিম্নরবা মন্ত্রী অসিনা চাবুৱা LACগী মখাদা বিন্ধাকোতা, বালিজান, খার্জান অমসুং পানিতোলাগী মফমশিংদা লৈরিবশিংদা কান্নগদবা অন্তাইদ ফন্দ স্কীম অমসুং MPLADS ফন্দগী মখাদা খার্জান তী এস্তেততা চাউখৎ-থৌরাংগী প্রোজেক্ত মরিগী উরেপ-উয়ুং তম্বগী থৌরমদা শরুক য়াখি। চা বগানদা লৈরিবা ফুরুপশিংগা মহাক্কা লৈনরিবা নক্নবা মরি অদুগী মতাংদা য়াম্না মরু ওইনা পল্লদুনা  মহাক্না হান্নগী মুখ্য মন্ত্রী ওইনা, এম.পি. ওইনা অমসুং হৌজিক্না কেন্দ্রগী মন্ত্রী ওইবা থৌ পুহল্লকখিবা চহি কয়া অসিদা মহাক্না ফংলকখিবা মীয়ামগী মীনুংশি, থৌজাল অমসুং সপোর্ত অদুবু তৌবীমল খঙবা উৎখি। মহাক্না হায়খি মদুদি ফুরুপ অসিগা মহাক্কা লৈনরিবা য়াম্না নক্নবা মরি অসিনা মখোয়দা মতম কুইনদগী ৱাহন্দুনা লাক্লবা অৱাবশিং কয়া অমবু মহাক্না ময়েক শেংনা খঙবা ঙমহল্লি। মহাক্না হায়খি, “কোংগ্রেস পাল্লিঙৈ মতমদা গারিবি হাতাওগী মতাংদা মচিনদা খক্তমক ফখিবা হান্নগী মতম অদুগী তাইওন্নবদা, ইকাইখুম্নরবা পি.এম. শ্রী নরেন্দ্র মোদী জীগী মখাদা হৌজিক-হৌজিক পাইখৎলিবা থবক-থৌরমশিং অসিনা চা বগানগী ইচিল-ইনাও অমসুং ইচে-ইচলশিংগী লাইর-অনং কোকহনবদা মতেং পাংনবা হকথেংননা থবক তৌরি”: কেন্দ্রগী মন্ত্রী সোনোৱাল। লম্বি-থোং শেম্ববু ওইরো, চা বগানগী স্কুলশিংদা ওজাশিং খনববু ওইরো, মীরোল্লবী নুপীশিংদা লুপা ১২,০০০ রোমগী ওইগদবা মেতর্নিতী বেনিফিতশিং পীবগা লোইন-লোইননা বেঙ্ক একাউন্ত লাখ ৮.৫তা  লুপা ১০,০০০ হাপচিনবগা লোইননা হৌজিক পাল্লিবা NDA সরকার অসিনা লাইর-অনংগী এসপেক্ত পুম্নমকপু য়েংশিনখি। মসি পুম্নমক অসি ইকাইখুম্নরবা পি.এম. নরেন্দ্র মোদী জীগী ভিজনগা লোইন-লোইননা লাইর-অনংবু য়াম্না নক্না হকথেংননা য়াম্না নক্না উরকখিবা চা য়োনবা অমা ওইনা হৌরকখিবা মহাক্কী য়াম্না চম্লবা পুনশি অদুনা মরম ওইরগা ওইথোকপা ঙম্লিবনি”। 

সরকারগী থবকশিং ফংখ্রবা চা বগানদগী হৌরকপা মীথৌ-মীহেন তারবা মহৈরোই মঙা অদুবু পল্লদুনা মহাক্না হায়খি, “মখোয়না মখোয়গী থবকশিং অদু য়াম্না কন্না অমসুং কত্থোকপা অমগা লোইননা হোৎনদুনা, শেঞ্জা-থুমজা পীজদনা ফংবা ঙমখ্রিবনি, হায়রিবা অসিমক চহি ৬০ হেন্না পাল্লম্বা কোংগ্রেনা মতমদদি য়াম্না মমিং চৎলম্মি। হায়রিবা অসি ২০১৬দগী রাজ্য অসিদা পাল্লকখিবা BJPনা লুচিংবা NDA সরকারনা হোৎনখিবশিং অদুনা ওইথোকপা ঙমহল্লিবনি। ব্রহ্মপুত্র অমসুং বারাক ভালীশিংদা শিনথুংনা লৈরিবা চা বগানশিং অদুনা মতম কুইরবগী তুংদা পক্কাগী য়ুমশিং, ইলেক্ত্রিসিতীগী খুদোংচাবশিং, চাক থোংনাবা গ্যাসকা লোইন-লোইননা তোইলেতশিং লৈহন্দুনা চাউখৎ-থৌরাংগী লম্বিদা খোং থাংজিল্লরে”।

*****