خواتین اور بچوں کی وزارت 26 دسمبر 2024 کو ویر بال دیوس اور پردھان منتری راشٹریہ بال پُرسکار کی تقریب اوریاد منائے گی۔

بھارتی حکومت فن اور ثقافت، شجاعت، اختراع، سائنس اور ٹیکنالوجی، سماجی خدمت، کھیل کود اور ماحولیات: سات زمروں میں غیر معمولی حصولیابیوں  کے لیے بچوں کو پردھان منتری راشٹریہ بال پرسکار (پی ایم آر بی پی) سے سرفراز کرتی ہے۔ 14 ریاستوں/ مرکز کے زیر انتظام علاقوں سے 17 بچوں (7 لڑکے اور 10 لڑکیوں) کو ایوارڈ کے لیے منتخب کیا گیا ہے۔ اس سال(26 دسمبر 2024) کوصدرجمہوریہ دروپدی مرمو ان بچوں کو ایوارڈز سے نوازیں گی۔ ہر ایوارڈ یافتگان کو ایک میڈل، سرٹیفکیٹ اور حوالہ جات سے متعلق کتابچہ دیا جائے گا۔

ویر بال دیوس کا یہ قومی پروگرام اسی دن (26 دسمبر 2024) کو نئی دہلی کے بھارت منڈپم میں منعقد ہوگا۔اس دن نوجوان ذہنوں کی پرورش، تخلیقی صلاحیتوں کو پروان چڑھانے، اور وکست بھارت کے وژن میں تحریک دینے والےمتاثر کن تعاون پر توجہ مرکوز کی جائے گی۔ وزیر اعظم جناب نریندر مودی اس تقریب میں شرکت کریں گے، سپوشت پنچایت اسکیم کا افتتاح کریں گے اور مارچ پاسٹ کاآغاز کریں گے، جبکہ خواتین اوربچوں کے فروغ کی مرکزی وزیر محترمہ انپورنا دیوی افتتاحی خطبہ دیں گی۔پی ایم راشٹریہ بال پرسکار( پی ایم آر بی پی) ایوارڈپانے والے بچوں کے ساتھ ساتھ تقریباً 3500 بچے اور معززشخصیات پروگرام میں شرکت کریں گی۔

اس تقریب میں ثقافتی کارکردگی پیش کی جائے گی جس میں ہندوستان کے ورثے اور مختلف ثقافتوں کی نمائندگی کرنے والے بچوں کی طرف سے مارچ پاسٹ پیش کیا جائے گا۔ مزیدیہ کہ ملک بھر کے اسکولوں اور بچوں کی دیکھ بھال کرنے والے اداروں، آنگن واڑی مراکزوغیرہ میں داستان گوئی ،تخلیقی تحریر، پوسٹر سازی، مضمون نگاری، شاعری اور کوئز جیسی سرگرمیاں، ہوں گی جن میں MyGov/MYBharat پورٹل پر آن لائن سرگرمیاں بھی شامل ہیں۔

********

( ش  ح ۔  ش  م  ۔  م  ا )

UNO: 4518