وزیراعظم کا دفتر
azadi ka amrit mahotsav

سابق وزیر اعظم جناب اٹل بہاری واجپئی کے 100 ویں یوم پیدائش کے موقع پر، وزیر اعظم 25 دسمبر کو مدھیہ پردیش میں کین-بیتوا ندی کو جوڑنے والے قومی پروجیکٹ کا سنگ بنیاد رکھیں گے


وزیر اعظم اومکاریشور فلوٹنگ سولر پروجیکٹ کا افتتاح کریں گے

وزیر اعظم 1153 اٹل گرام سوشاسن عمارتوں کا سنگ بنیاد بھی رکھیں گے

Posted On: 24 DEC 2024 11:46AM by PIB Delhi

سابق وزیر اعظم جناب اٹل بہاری واجپائی کے 100ویں یوم پیدائش کے موقع پر وزیر اعظم جناب نریندر مودی 25 دسمبر کو مدھیہ پردیش کا دورہ کریں گے۔ تقریباً 12:30 بجے، وہ کھجوراہو میں متعدد ترقیاتی منصوبوں کا افتتاح کریں گے اور سنگ بنیاد رکھیں گے۔

وزیر اعظم کین-بیتوا ندی کو جوڑنے والے قومی منصوبے کا سنگ بنیاد رکھیں گے، جو قومی نقطہ نظر کے منصوبے کے تحت ملک کا پہلا دریاؤں کو آپس میں جوڑنے کا منصوبہ ہے۔ یہ پروجیکٹ مدھیہ پردیش اور اتر پردیش کے مختلف اضلاع میں آبپاشی کی سہولیات فراہم کرے گا ، جس سے لاکھوں کسان کنبوں  کو فائدہ ہوگا۔ اس منصوبے سے علاقے کے لوگوں کو پینے کے پانی کی سہولت بھی حاصل ہوگی ۔  اس کے ساتھ ہی ہائیڈرو پاور پروجیکٹس گرین انرجی میں 100 میگاواٹ سے زیادہ توانائی حاصل ہوگی۔ یہ منصوبہ روزگار کے بہت سے مواقع پیدا کرنے کے ساتھ ساتھ دیہی معیشت کو بھی مضبوط کرے گا۔

وزیر اعظم نریندر مودی سابق وزیر اعظم جناب اٹل بہاری واجپئی کے 100 ویں یوم پیدائش کے موقع پر ایک یادگاری ڈاک ٹکٹ اور سکہ جاری کریں گے۔ وہ 1153 اٹل گرام سوشاسن عمارتوں کا سنگ بنیاد بھی رکھیں گے۔ یہ عمارتیں گرام پنچایتوں کے کام اور ذمہ داریوں کے عملی انعقاد میں ایک اہم کردار ادا کریں گی ، جس سے مقامی سطح پر اچھی حکمرانی میں مدد ملے گی۔

توانائی کے شعبے میں خود کفیل ہونے اور سبز توانائی کو فروغ دینے کے اپنے عزم کے مطابق، وزیر اعظم مدھیہ پردیش کے کھنڈوا ضلع کے اومکاریشور میں قائم اومکاریشور فلوٹنگ سولر پروجیکٹ کا افتتاح کریں گے۔ یہ منصوبہ کاربن کے اخراج کو کم کرے گا اور 2070 تک خالص صفر کاربن اخراج کے حکومت کے مشن میں معاون ہوگا۔ اس سے پانی کے تحفظ میں مدد ملے گی، کیونکہ  پانی کے بخارات میں تبدیل ہو کر اڑنا کم ہو جائے گا۔

***

ش ح۔ ک ا

U NO 4512


(Release ID: 2087527) Visitor Counter : 29


Read this release in: English , Hindi , Marathi , Bengali-TR , Bengali , Assamese , Manipuri , Punjabi , Gujarati , Odia , Tamil , Telugu , Kannada , Malayalam