مرکزی وزیر داخلہ اور کو آپریٹو کے وزیر جناب امت شاہ نے آج تریپورہ میں کوآپریٹو سیکٹر کو مضبوط کرنے کے لیے مختلف اقدامات کا آغاز کیا۔ اس موقع پر تریپورہ کے وزیر اعلیٰ پروفیسر (ڈاکٹر) مانک ساہا، اور کو آپریٹو کی وزارت کے سکریٹری ڈاکٹر آشیش کمار بھوتانی سمیت کئی دیگر معززین موجود تھے۔

اپنے خطاب میں جناب امت شاہ نے کہا کہ وزیر اعظم جناب نریندر مودی کی قیادت میں تریپورہ کے ہر کسان اور غریبوں کی فلاح و بہبود کے لیے کوآپریٹیو پر زور دیا جا رہا ہے۔ انہوں نے ذکر کیا کہ وزیر اعظم مودی کے ذریعہ قائم کردہ کو آپریٹو کی وزارت کا مقصد ’سہکار سے سمردھی‘ ہے۔ جناب شاہ نے روشنی ڈالی کہ وزیر اعظم مودی نے بھارت کی معیشت کو 11ویں سے 5ویں پوزیشن پر پہنچا دیا ہے اور 2027 تک ملک تیسری پوزیشن پر پہنچ جائے گا۔ انہوں نے مزید کہا کہ ہمارا مقصد نہ صرف تیسری پوزیشن حاصل کرنا ہے بلکہ اس عمل میں 140 کروڑبھارتیوں کی شرکت کو یقینی بنانا ہے۔ خوشحالی، خوشی، تعلیم اور صحت کی سہولیات ہر خاندان اور فرد تک پہنچنی چاہئیں۔ انہوں نے اس بات پر زور دیا کہ اس کے حصول کا واحد راستہکو آپریٹو ہے۔

مرکزی وزیر داخلہ اور تعاون کے وزیر نے کہا کہ ملک میں 8 لاکھ سے زیادہ کوآپریٹیو ہیں جن کے ذریعے 350 ملین سے زیادہ لوگ کوآپریٹیو سے وابستہ ہیں۔ امول،افکو،کربچو، اور نافیڈ جیسی کوآپریٹیو نے لوگوں کو کوآپریٹیو سے جوڑنے کا کام کیا ہے۔ انہوں نے کہا، آج، کوآپریٹیو تقریباً تمام شعبوں بشمول بینکنگ، زرعی فنانسنگ، طبی امداد، اور کھاد کی تقسیم میں موجود ہے۔

جناب امت شاہ نے کہا کہ ہم نے نابارڈ کے ذریعے موبائل رورل مارٹس شروع کیے ہیں، اور ان مارٹس کا مقصد نابارڈ کے ذریعے انڈیا برانڈ کے تحت پانچ اضلاع میں لوگوں کو سستی قیمتوں پر دال، چاول اور گندم کا آٹا فراہم کرنا ہے۔ انہوں نے بتایا کہ تریپورہ اسٹیٹ کوآپریٹیو بینک کی 50 بنیادی کوآپریٹو سوسائٹیوں کو مائیکرو اے ٹی ایم فراہم کیے گئے ہیں۔ آج تریپورہ میں ڈھلائی ضلع میں کوآپریٹو پٹرول پمپ اور ایک کنزیومر اسٹور کا بھی افتتاح کیا گیا ہے۔ جناب شاہ نے مزید بتایا کہکو آپریٹو کو فروغ دینے کے لیے آج آٹھ اقدامات کیے گئے ہیں، جن میں تریپورہ اسٹیٹ کوآپریٹویونین کا اسمارٹ ٹریننگ سینٹر، این سی سی ایف کے ذریعے 500 کسانوں کو منی سیڈ کٹس کی تقسیم، اور نیشنل کوآپریٹو آرگینکس لمیٹڈ (این سی او ایل) اوریپورہ اسٹیٹ آرگینک فارمنگ ڈیولپمنٹ ایجنسیکے درمیان ایم او یو شامل ہیں۔

مرکزی وزیر کو آپریٹونے کہا کہ تریپورہ روایتی طور پر ایک ایسی ریاست ہے جو 70 فیصد سے زیادہ نامیاتیپیداوار تیار کرتی ہے، لیکنیہپیداوار سرٹیفائیڈ نہیں ہیں۔ انہوں نے ذکر کیا کہ تریپورہ کے کسانوں کو کوآپریٹو اداروں کے ذریعے این سی او ایل سے جڑنا چاہیے، تاکہ ان کی زمین اورپیداوار کی تصدیق کی جا سکے۔ جناب شاہ نے کہا کہ دو سے تین سالوں کے اندر،این سی اوایل کسانوں کو ان کیپیداوار کی کم از کم 30 فیصد زیادہ قیمتوں کو حاصل کرنے میں مدد کرے گا۔ انہوں نے مزید زور دیا کہ نامیاتی کاشتکاری نہ صرف ہماری زمین کو افزودہ اور محفوظ رکھتی ہے بلکہ ماحول کو بھی صحت مند رکھتی ہے اور ہمارے جسم کو مختلف بیماریوں سے بچاتی ہے۔ انہوں نے مزید کہا کہ نامیاتی کاشتکاری بہت سے مسائل کو حل کرتی ہے، کسانوں کی خوشحالی میں اضافہ کرتی ہے اور زیر زمین پانی کی سطح کو بلند رکھنے میں مدد دیتی ہے۔

جناب امت شاہ نے کہا کہ مرکزی حکومت نے معیاری بیج فراہم کرنے، آرگینک مصنوعات کی مارکیٹنگ اور کسانوں کی پیداوار کو عالمی منڈی سے جوڑنے کے لیے تین قومی سطح کی ملٹی پرپز کوآپریٹو سوسائٹیاں قائم کی ہیں۔ انہوں نے بتایا کہ تریپورہ کے 35 سے زیادہ کوآپریٹو اداروں نے ان تینوں سوسائٹیوں میں رکنیت کے لیے درخواست دی ہے۔ جناب شاہ نے مزید کہا کہ اس وقت تریپورہ میں 3,138 مختلف قسم کے کوآپریٹیو ہیں، جن میں ڈیری، فشریز، کنزیومر کوآپریٹیو، لائیو اسٹاک اور پولٹری کوآپریٹیو شامل ہیں۔ انہوں نے کہا کہ پچھلی حکومتوں نے کوآپریٹیو قائم کیں لیکن انہیں اپنے کیڈرز کو بھرتی کرنے کے لیے استعمال کیا جس سے انہیں نقصان اٹھانا پڑا۔ انہوں نے کہا کہ 2018 میں جب ان کی پارٹی نے ریاست میں حکومت بنائی تو تریپورہ کی کوآپریٹیو نے منافع کمانا شروع کیا، اور اب نریندر مودی حکومت کی کوششوں سے ان کے منافع میں اضافہ ہو رہا ہے۔

مرکزی وزیر داخلہ اور کو آپریٹوکے وزیر نے کہا کہ تریپورہ میں کسان اپنی اور اپنے خاندان کی خوشحالی کے لیے کوآپریٹیو کے ذریعے کام کر سکتے ہیں۔ انہوں نے ذکر کیا کہ وزیر اعظم مودی نے دنیا کی سب سے بڑی خوراک ذخیرہ کرنے کی اسکیم کا آغاز کیا ہے، جس کے تحت تریپورہ میں کوآپریٹو بنیادوں پر 2ہزارمیٹرک ٹن گنجائش والے گودام بنائے جائیں گے۔ انہوں نے یقین دلایا کہ ریاست میں ایک بھی تحصیل ایسی نہیں ہوگی جہاں ذخیرہ کرنے کی سہولت نہ ہو۔ جناب شاہ نے مزید کہا کہ تعاون کی وزارت کی طرف سے اٹھائے گئے 57 اقدامات میں سے تریپورہنے ان میں سے 41 کو نافذ کرنے میں اہم پیش رفت کی ہے، جو کہ ایک بڑی کامیابی ہے۔

(ش ح۔اص)

UR No 4441