ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଡିସେମ୍ବର ୧୭ ତାରିଖରେ ରାଜସ୍ଥାନ ଗସ୍ତରେ ଯିବେ । ଏହି ଅବସରରେ ରାଜସ୍ଥାନ ସରକାରଙ୍କ ଏକ ବର୍ଷ ପୂର୍ତ୍ତି ଉପଲକ୍ଷେ ଆୟୋଜିତ କାର୍ଯ୍ୟକ୍ରମ ‘ଏକ ବର୍ଷ-ପରିଣାମ ଉତ୍କର୍ଷ’ରେ ସେ ସାମିଲ ହେବେ । ଗସ୍ତ କାଳରେ ସେ ରାଜସ୍ଥାନର ଜୟପୁରଠାରେ ୪୬,୩୦୦ କୋଟି ଟଙ୍କାର ଶକ୍ତି, ସଡ଼କ, ରେଲୱେ ଏବଂ ଜଳ ସମ୍ପର୍କିତ ୨୪ଟି ପ୍ରକଳ୍ପର ଉଦଘାଟନ କିମ୍ବା ଶିଳାନ୍ୟାସ କରିବେ ।

ପ୍ରଧାନମନ୍ତ୍ରୀ ୧୧,୦୦୦ କୋଟି ଟଙ୍କାର ୯ଟି ପ୍ରକଳ୍ପକୁ ଉଦଘାଟନ କରିବେ । ଏଥିରୁ ୭ଟି କେନ୍ଦ୍ର ସରକାରଙ୍କ ପ୍ରକଳ୍ପ ଏବଂ ୨ଟି ରାଜ୍ୟ ସରକାରଙ୍କ ପ୍ରକଳ୍ପ । ପ୍ରଧାନମନ୍ତ୍ରୀ ୩୫,୩୦୦ କୋଟି ଟଙ୍କାର ୧୫ଟି ପ୍ରକଳ୍ପର ଶିଳାନ୍ୟାସ କରିବେ । ଏଥିରୁ ଏଥିରୁ ୯ଟି କେନ୍ଦ୍ର ସରକାରଙ୍କ ପ୍ରକଳ୍ପ ଏବଂ ୬ଟି ରାଜ୍ୟ ସରକାରଙ୍କ ପ୍ରକଳ୍ପ ।

କାର୍ଯ୍ୟକ୍ରମରେ ଉଦଘାଟନ ହେବାକୁ ଥିବା ପ୍ରକଳ୍ପ ଗୁଡ଼ିକ ମଧ୍ୟରେ ନଭନେରା ବ୍ୟାରେଜ, ସ୍ମାର୍ଟ ଇଲେକ୍ଟ୍ରିସିଟି ଟ୍ରାନ୍ସମିସନ ନେଟୱର୍କ ଆଣ୍ଡ ଆସେନ ମ୍ୟାନେଜମେଣ୍ଟ ସିଷ୍ଟମ ପ୍ରକଳ୍ପ, ରେଲୱେ ଭିଲଡି-ସମଦାରି-ଲୁଣି-ଯୋଧପୁର-ମେର୍ତା ରୋଡ-ଦେଗାନା-ରତନଗଡ଼ ସେକ୍ସନର ବିଦ୍ୟୁତୀକରଣ, ଦିଲ୍ଲୀ-ଭଦୋଦରା ଗ୍ରୀନଫିଲ୍ଡ ଆଲାଇନମେଣ୍ଟ (ଏନଏଚ-୧୪୮ଏନ)(ମେଜ ନଦୀ ଉପରେ ଏସଏଚ-୩୭ମ ଜଂକସନ୍ ପର୍ଯ୍ୟନ୍ତ ଏକ ବୃହତ ପୋଲ) ଏବଂ ଅନ୍ୟାନ୍ୟ ପ୍ରକଳ୍ପ ରହିଛି । ଏହି ପ୍ରକଳ୍ପ ଗୁ୍‌ଡ଼ିକ ଲୋକଙ୍କ ଗମନାଗମନକୁ ସୁଗମ କରିବା ସହ ପ୍ରଧାନମନ୍ତ୍ରୀଙ୍କ ସବୁଜ ଶକ୍ତି ଦୃଷ୍ଟିକୋଣ ଅନୁସାରେ ରାଜ୍ୟର ଶକ୍ତି ଆବଶ୍ୟକତାକୁ ପୂରଣ କରିବ ।

ପ୍ରଧାନମନ୍ତ୍ରୀ ଶିଳାନ୍ୟାସ କରିବାକୁ ଥିବା ପ୍ରକଳ୍ପ ଗୁଡ଼ିକ ମଧ୍ୟରେ ରାମଗଡ଼ ବ୍ୟାରେଜ ଓ ମହଲପୁର ବ୍ୟାରେଜର ନିର୍ମାଣ କାମ ରହିଛି । ୯,୪୦୦ କୋଟି ଟଙ୍କା ବ୍ୟୟରେ ନିର୍ମାଣ ହେବାକୁ ଥିବା ଚମ୍ବଲ ନଦୀର ଜଳସେତୁ ଦେଇ ନଭନେରା ବ୍ୟାରେଜରୁ ବିଶାଳପୁର ଡ୍ୟାମ ଏବଂ ଇସାର୍ଦା ଡ୍ୟାମକୁ ଜଳ ପ୍ରବାହ ବ୍ୟବସ୍ଥାର ଶିଳାନ୍ୟାସ ମଧ୍ୟ କରିବେ ।

ସରକାରୀ କୋଠା ଗୁଡ଼ିକର ଛାତ ଉପରେ ସୌରଶକ୍ତି ପ୍ରକଳ୍ପ ସ୍ଥାପନ, ୨୦୦୦ ମେଗାୱାଟ ସୌରପାର୍କର ବିକାଶ, ପୁଗାଲ (ବିକାନେର)ଠାରେ ୧୦୦୦ ମେଗାୱାଟ ସୌରପାର୍କର ଦୁଇଟି ପର୍ଯ୍ୟାୟ, ସାଇପାଉ (ଢୋଲପୁର) ଠାରୁ ଭରତପୁର-ଦୀଗ-କୁମହେର-ନାଗର-କମନ ଏବଂ ପାହାରୀକୁ ପାନୀୟ ଜଳ ସରବରାହ ଲାଇନ ଏବଂ ଚମ୍ବଲ-ଢୋଲପୁର-ଭରତପୁର-ରେଟ୍ରୋଫିଟିଙ୍ଗ କାମର ପ୍ରଧାନମନ୍ତ୍ରୀ ଶିଳାନ୍ୟାସ କରିବେ । ଲୁଣି-ସମଦାରି-ଭିଲଡି ଡବଲ ଲାଇନ, ଆଜମେର-ଚାନ୍ଦେରିୟା ଡବଲ ଲାଇନ ଏବଂ ଜୟପୁର-ସୱାଇ ମାଧୋପୁର ଡବଲ ଲାଇନ ରେଳ ପ୍ରକଳ୍ପ ସହିତ ଅନ୍ୟାନ୍ୟ ଶକ୍ତି ପରିବହନ ସମ୍ପର୍କିତ ପ୍ରକଳ୍ପର ମଧ୍ୟ ସେ ଶିଳାନ୍ୟାସ କରିବେ ।

SR