কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিৎ শাহনা ঙসি রাইপুরদা ছত্তিসগর পুলিসতা মহাক্কী রাজ্যগী খোঙচৎকী অহানবা নুমিৎতা ইকাই খুম্নরবা 'প্রসিদেন্তস কলর' খুৎশিন্নখ্রে। থৌরম অদুদা ছত্তিসগরগী মুখ্য মন্ত্রী শ্রী বিষ্ণু দেও সাই অমসুং উপ মুখ্য মন্ত্রী শ্রী বিজয় শর্মাগা লোয়ননা শক্নাইরবা মীওই কয়ানা শরুক য়াখি।

মহাক্কী ৱারোলদা, কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিৎ শাহনা আর্মদ ফোর্সেস অমহেক্তগীদমক অচৌবা ইকাই খুম্নবা অমা ওইরিবা 'প্রসিদেন্তস কলর' ফংবদা য়াম্না চাউথোকচবা পোকই হায়না ফোংদোকখি। মহাক্না ছত্তিসগর পুলিসপু আগী লিংখৎলকপা চহি 25গী মনুংদা মসিগী ইকাই খুম্নবা ফংখিবগীদমক থাগৎপা ফোংদোকখি। মসিনা রাস্ত্রপতিগী থাজবা অদু উৎলি। শ্রী শাহনা ছত্তিসগর পুলিসপু অসি মাগী থৱায় য়াওবা, থৌনা-লিংজেল অমসুং কত্থোকপগীদমক খঙনরিবা লৈবাক অসিগী খ্বাইদগী ফবা ফোর্সশিংগী মরক্তা অমা ওইবগীদমক থাগৎপা ফোংদোকখি।  মহাক্না অকনবা ৱাফম থমখি মদুদি সিলভর জুবিলী চহি অসিদা "প্রসিদেন্তস কলর" ফংলকপা অসি ফোর্স অসিগী লেপ্পা লৈতনা কন্না হোৎনবগী, থৌদাং লৌবগী, থৌনা লৈবগী অমসুং মীয়ামগা নক্নবা মরী লৈনবগী খুদম অমনি। মহাক্না মখা তানা ছত্তিসগর পুলিসপু লো এন্দ ওর্দর ঙাক্তুনা থম্নবা, নক্সেলিজম থেংননবা, দ্রগ ফ্রী ইন্দিয়াগী কেম্পেন অমা মাংলোমদা পুখৎনবা, পব্লিক সেফতী লৈহন্নবা অমসুং রাজ্য অসিগী প্রজাশিংগী পুন্সি মহিং ফগৎহন্নবা হোৎনরিবা অসিগীদমক থাগৎপা ফোংদোকখি। শ্রী শাহনা ফোর্স অসিগী হনবা লৈত্রবা থৌনা অমসুং ছত্তিসগরদা শান্তি অমসুং সেক্যুরিতী ফগৎহনবদা মরুওইবা থৌদাং লৌবগীদমক থাগৎপা ফোংদোকখি।

কেন্দ্রগী গৃহ মন্ত্রী শ্রী অমিৎ শাহনা হায়খি মদুদি ঙসি অসি সরদার বল্লভভাই পতেলগী মপোক কুমওননি। মহাক্না হায়খি মদুদি সরদার পতেলগী অতৈগা মান্নদবা থৌনা অমসুং অখাং কনবা অসিনা লৈবাক অসিবু অমত্তা ওইনা পুনশিনখি। শ্রী শাহনা মখা তানা হায়খি মদুদি প্রধান মন্ত্রী শ্রী নরেন্দ্র মোদীনা সরদার পতেলগী লোইশিল্লমদ্রবা মিসন অদু আর্তিকল 370 মুত্থৎতুনা মপুং ফাহনখি। মসিনা কাশ্মীরবু মতম পুম্নমক্তা ভারতকা পুনশিন্নহনখি। মহাক্না মখা তাখি মদুদি লৈবাক শিনবা থুংনা ঙসি সরদার পতেলবু তৌবীমল খঙবা উৎপগা লোয়ননা ইকাই খুম্নরি।

শ্রী অমিৎ শাহনা হায়খি মদুদি ছত্তিসগর শেম্নবা মতম শাংনা লাক্লবা দিমান্দ অসি শ্রী অতল বিহারী বাজপায়ীনা মপুং ফাহনখি। প্রধান মন্ত্রী শ্রী নরেন্দ্র মোদীগী লুচিং মখাদা ছত্তিসগর অসি 2026গী মার্চ 31 ফাওবদা নক্সালিজমদগী মপুং ফানা মুত্থৎলগনি হায়না গৃহ মন্ত্রীনা থাজবা থমখি। ছত্তিসগর খক্তা নত্তনা লৈবাক অসিগী অতোপ্পা রাজ্যশিংদসু নক্সেলিজম মুথৎনবা মোদী সরকারনা হোৎনরি হায়না মহাক্না অকনবা ৱাফম থমখি। মহাক্না ছত্তিসগর পুলিসনা পান্দম অসিগী মায়কৈদা চংশিল্লিবা অসিগীদমক থাগৎপা ফোংদোকখি অমসুং হৌখিবা চহিদা নক্সেলিজমগা লান্থেংনবদা মায় পাকখিবা কয়াগী মতাংদা পনখি।

কেন্দ্রগী গৃহ মন্ত্রী শ্রী অমিৎ শাহনা হায়খি মদুদি প্রধান মন্ত্রী নরেন্দ্র মোদীগী লুচিং মখাদা হৌখিবা চহি অমদা নক্সেলিজমগী মায়োক্তা লান্থেংনবদা চাউনা খুমাং চাউশিল্লে। সেক্যুরিতী ফোর্সশিংনা নক্সালাইৎ 287বু ন্যুত্রেলাইজ তৌখ্রে, 1000 ফারকখ্রে, অমসুং নক্সালাইৎ 837না সরেন্দর তৌবদা মতেং পাংখ্রে। মহাক্না পনখি মদুদি ন্যুত্রেলাইজ তৌরবা মীওইশিংগী মরক্তা, 14দি মকোক থোংবা নক্সাল লুচিংবশিংনি। শ্রী শাহনা হায়খি মদুদি চহি তরাগী মনুংদা অহানবা ওইনা, নক্সেলগী হিংসাদা শিবা মীশিং 100গী মখাদা হন্থরে। মহাক্না হায়খি মদুদি মসি মোদী সরকারনা নক্সেলগী মায়োক্তা চৎনরিবা অকনবা পোলিসীশিং অসিনা ওইহল্লি। মহাক্না মখা তারদুনা হায়খি মদুদি হৌখিবা চহি তরা অসিদা প্রধান মন্ত্রী মোদীগী লুচিং মখাদা, নক্সেলিজমবু মপুং ফানা থিংবা ঙম্লে। মসিনা মরম ওইদুনা মমাংগী চহি তরাগী চাংদম্নবদা সেক্যুরিতী পর্সনেলগী শীবা 73% হন্থরে অমসুং মীচম শীবা 70% হন্থরে। হৌখিবা চহি অমদা নক্সালিজমবু অকনবা মওংদা মায়োক্নবদা অতোপ্পা সেক্যুরিতী এজেন্সীশিংগা খুৎশম্নদুনা হোৎনখিবগীদমক গৃহ মন্ত্রীনা ছত্তিসগর পুলিসপু থাগৎপা ফোংদোকখি। মসিগী মথক্তা, প্রধান মন্ত্রী মোদীগী লুচিং মখাদা ছত্তিসগরদা চাউখৎ-থৌরাংগী প্রোজেক্ত কয়া অমা পায়খৎলি হায়না মহাক্না পনখি।

শ্রী অমিৎ শাহনা হায়খি মদুদি অহানবা 'প্রসিদেন্তস কলর' অসি ভারতকী নেভীদা 1951দা পীখি অমসুং ঙসিদি, খুৎলায় পায়বা ফোর্স অমহেক্তনা মসিগী ইকাই খুম্নরবা ইকাই খুম্নবা অসিগীদমক ইলিজিবল ওইনবগীদমক চহি 25গী সর্বিস মপুং ফাহনগদবনি। মহাক্না ছত্তিসগর পুলিসকী চহি 25গী সেবা, থৱায় য়াওবা, কত্থোকপা অমসুং অচেৎপা থাজবা অদু শকখঙবগীদমক ভারতকী রাস্ত্রপতিদা থাগৎপা ফোংদোকখি।

কেন্দ্রগী গৃহ মন্ত্রী অমসুং কোওপরেসন মন্ত্রীনা হায়খি মদুদি প্রধান মন্ত্রী শ্রী নরেন্দ্র মোদীগী লুচিং মখাদা, কেন্দ্র সরকার অমসুং রাজ্য সরকারনা 2026গী মার্চ 31 ফাওবদা ছত্তিসগরদগী নক্সালিজম মপুং ফানা মুত্থৎনবা ৱাশক্লি। মহাক্না নক্সালাইৎশিংবু হিংসাগী লম্বী থাদোক্নবা, খুন্নাইগী মেনস্ত্রীমদা চংনবা অমসুং চাউখৎপগী লম্বীদা মাংলোমদা চংশিন্দুনা ছত্তিসগরগী চাউখৎ থৌরাংদা শরুক য়ানবা তকশিনখি। মহাক্না হায়খি মদুদি ছত্তিসগর সরকারনা অফবা সরেন্দর পোলিসী অমা চৎনহল্লি। মসিদা সরেন্দর তৌরবা নক্সালাইৎ খুদিংমকপু রিহেবিলিতেসন তৌবগী থৌরাং লৈ।

শ্রী অমিৎ শাহনা হায়খি মদুদি ছত্তিসগর পুলিসনা থৌনা লৈনা ওর্গানাইজ ক্রাইম অমসুং দ্রগকী মায়োক্তা লান্থেংনবদা অচৌবা মায় পাকপা অমা ফংলে। মহাক্না পনখি মদুদি জনুৱারী 1, 2024 অমসুং সেপ্তেম্বর 30, 2024গী মরক্তা, নারকোতিক্সকী কেস 1,100 রোম রেজিস্তর তৌখি, মসিনা মরম ওইদুনা কাঞ্জা কেজি 21,000, ওপিয়ম কেজি 6,000 অমসুং ইলিসিৎ দ্রগকী তেব্লেত চাউরাক্না 195,000 ফাগৎপা ঙমখি। মসিগী মথক্তা, মীওই 1,400বু হায়রিবা কেসশিং অসিগা মরী লৈননা ফাজিনখি। মহাক্না মখা তারদুনা হায়খি ছত্তিসগরনা PITNDPS (প্রিভেন্সন ওফ ইলিসিৎ ত্রাফিক্কিং ইন নার্কোতিক্স দ্রগস এন্দ সাইকোত্রোপিক সবস্তেন্সেস) এক্ত নীংথিনা ইমপ্লিমেন্ত তৌবদা মাংজিল থারি।

কেন্দ্রগী গৃহ মন্ত্রীনা থাজবা থমখি মদুদি ছত্তিসগর পুলিসকী ওফিসর অমসুং পর্সনেল খুদিংমক্না চাউখৎলবা ছত্তিসগর অমসুং চাউখৎলবা বস্তর অমগী মঙলান অসি মংফাওনহনবদা মরুওইবা থৌদাং লৌগনি। প্রধান মন্ত্রী মোদীগী লুচিং মখাদা 2047 ফাওবদা চাউখৎলবা ভারত অমা শেমগৎনবা খোঙচৎ অসিদা ছত্তিসগরগী শিংথানীংঙাই ওইরবা থৌদাং অসি সনাগী ময়েক্না ইদুনা লৈহৌরগনি হায়না মহাক্না মখা তানা ফোংদোকখি।

কেন্দ্রগী গৃহ মন্ত্রীনা ছত্তিসগর পুলিসকী পর্সনেলশিংদা হায়খি মদুদি "প্রসিদেন্তস কলর" অসি লৈতেং অমা খক্তা নত্তে অদুবু মসি সেবা, কত্থোকপা অমসুং থৱায় য়াওবগী খুদম অমনি। মহাক্না হায়খি মদুদি মসিগী ইনসিগনিয়ানা রেসিলিয়েন্সকী মায়োক্তা থেংনগদবা মশিং থীঙমদ্রবা শীংনবশিং অদুগী নীংশিং খুদম অমা ওইরি। শ্রী অমিৎ শাহনা হায়খি মদুদি ‘প্রসিদেন্তস কলর’ অসি ইকাই খুম্নবা অমা ওইবতা নত্তনা থৌদাং অমসু ওইরি। ছত্তিসগর পুলিসকী ওফিসর খুদিংমক্না থৌদাং অসি ঙাক্না চৎকনি অমসুং মখোয়গী মথৌ পাংথোকপদা তুং হনবা তৌরোই।

*****