প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা সম্বিধান চৎনখিবগী 75শুবা কুমওনগী অখন্নবা খন্ন-নৈনবগী থৌরমদা লোক সভাদা ৱা ঙাংখ্রে
ভারত অসি দেমোক্রেসীগী মমানি: পি.এম.
ঐখোয়গী সম্বিধান অসি ভারতকী অপুনবগী য়ুম্ফম ওইরি: পি.এম.
2014দা NDAনা সরকার শেম্বগী খুদোংচাবা ফংখিবা মতমদা দেমোক্রেসী অমসুং সম্বিধান মপাঙ্গল কনখৎহনখি: পি.এম.
লায়রববু মখোয়গী অৱাবদগী কোকহনবা অসি ঐখোয়গী খ্বাইদগী চাউবা পান্দম অমসুং ফিরেপনি: পি.এম.
করিগুম্বা ঐখোয়না ঐখোয়গী ফন্দামেন্তেল দ্যুতীশিং ঙাক্না চৎলবদি কনাগুম্বা অমত্তনা ঐখোয়না ভিকসিৎ ভারত ওইহনবদা অথিংবা পীবা ঙম্লোই: পি.এম.
Posted On:
14 DEC 2024 11:59PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি লোক সভাদা সম্বিধানগী 75শুবা চহিগী থৌরমদা অখন্নবা খন্ন-নৈনবগী থৌরমদা ৱা ঙাংখ্রে। হাউসতা ৱা ঙাংলদুনা শ্রী মোদীনা হায়খি মদুদি ঐখোয়না দেমোক্রেসীগী কুহ্মৈ অসি পাংথোক্লিবা অসি ভারতকী প্রজা খুদিংমক্কী অমসুং মালেম পুম্বগী দেমোক্রেসীবু ইকায় খুম্নবা মীওই খুদিংমক্কীদমক চাউথোকচনীংঙাই ওইবা ৱাফম অমনি। ঐখোয়গী সম্বিধানগী চহি 75গী অঙকপা খোঙচৎ অসিদা ঐখোয়গী সম্বিধান শেমগৎপশিংগী ৱাখল্লোন, মীৎয়েং অমসুং হোৎনরিবশিং অদুগীদমক থাগৎপা ফোংদোক্লদুনা মহাক্না হায়খি মদুদি চহি 75 মাই পাক্না মপুং ফারক্লবা মতুংদা হৌজিক্তি দেমোক্রেসীগী কুহ্মৈ পাংথোকপগী মতম ওইরে। শ্রী মোদীনা পার্লিয়ামেন্তকী মীহুৎশিং ফাওবনা থৌরম অসিদা শরুক য়াবা অমসুং মখোয়গী ৱাখল্লোনশিং ফোংদোকপদা নুংঙাইবা ফোংদোকখি।
চহি 75 মপুং ফারকপা অসি অখন্নবা মাইপাকপা অমনি হায়না পল্লদুনা, প্রধান মন্ত্রীনা নীংতম্বা হেক ফংবগা সম্বিধান্না ভারতকীদমক্তা থোলক্কনি পানরম্বা ওইথোকপা য়াবা পুম্নমক মায়োক্নখি অমসুং ঙসি ফাওবা য়ৌরকপদা থেংনরিবা শীংনবশিং মায়োক্নখিবদা চাউথোকচবা ফোংদোকখি। মসিগী অচৌবা মাই পাকপগীদমক মহাক্না সম্বিধান শেম্লিবশিং অমসুং লৈবাক অসিগী মীওই করোর কয়াদা থাগৎপা ফোংদোকখি। শ্রী মোদীনা হায়খি মদুদি ভারতকী প্রজাশিংনা সম্বিধান শেম্লবশিংনা শাগৎচম্বা ভেল্যুশিং মাই পাক্না ঙাক্না চৎপা অমসুং ঙাক্না হিংহিংবগী চাংয়েং খুদিংমক মাইপাকখি। মহাক্না হায়খি মদুদি মরম অসিনা তশেংনা থাগৎফম থোকপা অসি প্রজাশিংনি।
শ্রী মোদীনা হায়খি মদুদি সম্বিধান শেম্লিবশিংনা ভারত অসি 1947তা শেমখি নৎত্রগা সম্বিধান অসি 1950দগী চৎনবা হৌরগনি হায়বা ৱাখল্লোন অসি কৈদৌঙৈদসু শৌগৎখিদে মদুগী মহুত্তা ভারতকী চাউরবা চৎনবী অমসুং হেরিতেজ অমসুং মাগী দিমোক্রেসীদা থাজবা থমখি অমসুং চাউথোকচখি। মহাক্না হায়খি মদুদি ভারতকী দেমোক্রেসী অমসুং রিপব্লিক্কী মমাংঙৈগী মতম পুম্নমক্তা শীংথানিংঙাই ওইদুনা লাক্লি অমসুং মালেমগীদমক্তা ইথিল অমা ওইদুনা লাক্লি। মরম অদুনা, মহাক্না হায়খি মদুদি "ভারত অসি দেমোক্রেসীগী মমা হায়না খঙনৈ।" শ্রী মোদীনা হায়খি মদুদি ঐখোয়না চাউরবা দেমোক্রেসীগী লৈবাক্তা নত্তনা দেমোক্রেসীগী ক্রিএতরসু ওইরি।
সম্বিধানগী দিবেৎতা য়াওখিবা রাজর্শী পুরুশোত্তম দাস তন্দনগী ৱারোল পল্লদুনা প্রধান মন্ত্রীনা হায়খি মদুদি "চহি চা কয়াগী মতুংদা অসিগুম্বা অচৌবা মীফম অমা পাংথোক্লি মসিনা ঐঙোন্দা ঐখোয়গী অরিবা মতমগী অমসুং ঐখোয়না নীংতমলিঙৈগী মতমশিং অমসুং সভাশিংদা লৌশিং লৈবা মীওইশিংনা কান্নরবা হীরমশিংদা খন্ন-নৈনরমখিবশিং অদু নীংশিংহল্লি”। মহাক্না দা. এস. রাধাকৃষ্ণননা হায়খিবা অদু পনখি, "রিপব্লিক সিস্তেম অসি লৈবাক অসিগীদমক অনৌবা ৱাখল্লোন অমা নত্তে মরমদি ঐখোয়গী পুৱারীগী হৌরকপদগী ঐখোয়দা সিস্তেম অসি লৈদুনা লাকখি।" মতুংদা মহাক্না বাবাসাহেব দা. অম্বেদকরগী ৱারোলশিং পল্লদুনা হায়খি, "ভারতনা দিমোক্রেসীগী মতাংদা খঙলে হায়বা নত্তে, মতম অমদা ভারত্তা রিপব্লিক কয়া লৈরম্মি।"
প্রধান মন্ত্রীনা সম্বিধান শেম্বগী থৌওং অমসুং মদুবু হেন্না মপাঙ্গল কনখৎহন্নবা হোৎনবদা নুপীশিংগী থৌদাংবু থাগৎপা ফোংদোকখি। মহাক্না মখা তাখি মদুদি কন্সতিত্যুএন্ত এসেমব্লীদা ইকায় খুম্নরবা অমসুং এক্তিব ওইবা মেম্বর 15 লৈখি অমসুং মখোয়না মখোয়গী অশেংবা ৱাখল্লোন, মীৎয়েং অমসুং আইদিয়াশিং পীদুনা সম্বিধান শেম্বগী থৌওংবু হেন্না মপাঙ্গল কনখৎহনখি। মখোয় খুদিংমক তোঙান-তোঙানবা বেকগ্রাউন্দদগী লাকপনি হায়না পল্লদুনা শ্রী মোদীনা হায়খি মদুদি নুপী মেম্বরশিংনা পীরম্বা কান্নরবা ৱাফমশিংনা সম্বিধানদা য়াম্না চাউনা ইথিল পীরি। মালেমগী অতোপ্পা লৈবাক কয়ানা চহি কয়াগী মতুংদা নুপীশিংদা ভোৎ থাদনবগী হক ফংহনখিবা অদুগা চাংদম্নবদা মনীং তম্বা মতমদগী নুপীশিংদা ভোৎ থাদনবগী হক ফংহনখিবা অসিদা প্রধান মন্ত্রীনা চাউথোকচবা ফোংদোকখি। অসিগুম্বা ৱাখল্লোন অসিগা লোয়ননা G-20 সম্মিৎকী প্রসিদেন্সীগী মতমদা ভারতনা মালেমগী মমাংদা নুপীনা লুচিংবা দিবেলপমেন্তকী ভিজন পুথোকখি হায়না মহাক্না মখা তাখি। শ্রী মোদীনা পার্লিয়ামেন্তরী পুম্নমক্না মাই পাক্না নারিশক্তি বন্দন আধিনিয়ম চৎনহনখিবা অদুসু পনখি অমসুং নুপীশিংগী রাজনিতীগী থৌদাং হেনগৎহন্নবা সরকারনা খোংথাং লৌখৎলি হায়না মহাক্না মখা তাখি।
শ্রী মোদীনা মরুওইবা পোলিসীগী ৱারেপ খুদিংমক্কী ময়াইদা নুপীশিং লৈ হায়না অকনবা ৱাফম থমখি অমসুং সম্বিধানগী চহি 75 মপুং ফারকপা অসিদা, ভারতকী রাস্ত্রপতিগী পোস্ত অসি ত্রাইবেল নুপী অমনা পাইরিবা অসিদা নুংঙাইবা ফোংদোকখি। মহাক্না মখা তাখি মদুদি মসি ঐখোয়গী কন্সতিত্যুসনগী স্পিরিৎকী অশেংবা ৱাহন্থোক্নি। প্রধান মন্ত্রীনা হায়খি মদুদি পার্লিয়ামেন্ত অমসুং মন্ত্রীশিংগী কাউন্সিলদা নুপীশিংগী রিপ্রজেন্তেসন অমসুং কন্ত্রিব্যুসন লেপ্তনা হেনগৎলক্লি। শ্রী মোদীনা হায়খি, "সোসিএল, পোলিতিকেল, এজুকেসন, স্পোর্তস নৎত্রগা অতোপ্পা হিরম অমহেক্তদা নুপীশিংগী রিপ্রজেন্তেসন অমসুং কন্ত্রিব্যুসন অসিনা লৈবাক অসিদা চাউথোকচবা পোকহল্লি।" সাইন্স অমসুং তেক্নোলোজীগী লমদা, মরুওইনা স্পেস সেক্তরদা নুপীশিংনা কন্ত্রিব্যুসন পীরিবা অসিদা ভারত মচা খুদিংমক চাউথোকচৈ। মসিগীদমক্তা সম্বিধান অসিনা খ্বাইদগী চাউবা ইথিল পীবনি হায়না মহাক্না মখা তাখি।
ভারতনা খোঙজেল য়াংনা খুমাং চাউশিল্লি হায়না নৌহৌননা ফোংদোক্লদুনা শ্রী মোদীনা হায়খি মদুদি অথুবা মতমদা ভারত অসি মালেমগী খ্বাইদগী চাউবা অহুমশুবা ইকোনোমী ওইগনি। মহাক্না মখা তাখি মদুদি 2047 ফাওবদা ভারত অসি চাউখৎপা ওইহন্নবা ভারত মচা করোর 140গী অপুনবা ৱারেপ অদুনি। মহাক্না মখা তারদুনা হায়খি মদুদি ৱারেপ অসি ফংবা ঙম্নবগীদমক ভারতকী অপুনবা অসি খ্বাইদগী মরুওইবা মথৌ তাবনি। ঐখোয়গী সম্বিধান অসি ভারতকী অমত্তা ওইবগী য়ুম্ফমসুনি হায়না প্রধান মন্ত্রীনা ফোংদোকখি। সম্বিধান শেমগৎপগী থৌওং অসিদা অচৌবা নীংতম্বগী লান্মীশিং, অইবশিং, লৌশিং লৈবা মীওইশিং, সোসিএল এক্তিভিস্তশিং, এজুকেস্নিস্তশিং অমসুং অতোপ্পা তোঙান তোঙানবা লমশিংগী প্রোফেস্নেলশিং য়াওরম্মি হায়না পল্লদুনা শ্রী মোদীনা হায়খি মদুদি মখোয় পুম্নমক্না ভারতকী য়ুনিতীগী ফেক্ত অদুদা য়াম্না সেন্সিতিব ওইরম্মি।
প্রধান মন্ত্রী শ্রী নরেন্দ্র মোদীনা নুংঙাইতবা ফোংদোক্লদুনা মহাক্না হায়খি মদুদি নীংতম্লবা মতুংদা, সম্বিধান শেম্লিবশিংনা মখোয়গী থম্মোয় অমসুং ৱাখলদা অপুনবগী ৱাখল্লোন অমা লৈখি। অদুম ওইনমক, নীংতম্বগী মতুংদা, ফত্তবা ৱাখল্লোন নৎত্রগা মশাগী ওইজবা থীবনা মরম ওইদুনা লৈবাক অসিগী অপুনবগী মপুং ওইবা ৱাখল্লোন অদুদা খ্বাইদগী চাউনা অকাইবা পীখি। প্রধান মন্ত্রীনা হায়খি মদুদি য়ুনিতী ইন দাইভর্সিতী অসি ভারতকী মশক ওইরি অমসুং ঐখোয়না দাইভর্সিতী অসি সেলেব্রেৎ তৌরি, অমসুং লৈবাক অসিনা চাউখৎলকপা অসি মাগী দাইভর্সিতী অসি সেলেব্রেৎ তৌবদা য়ুম্ফম ওই। অদুম ওইনমক, কোলোনিএলগী ৱাখল্লোন লৈবা, ভারত্তা অফবা অমত্তা উবা ঙমদবা অমসুং ভারত অসি 1947তা শেমখি হায়না থাজবা মীওইশিংনা, মসিগী দাইভর্সিতী অসিগী ওন্ন-তৈনবা তৌখি। প্রধান মন্ত্রীনা হায়খি মদুদি দাইভর্সিতী মমল য়াম্লবা পুকৈ অসি থাগৎপগী মহুত্তা, লৈবাক অসিগী অপুনবা অসি শোকহন্নবা পান্দম থমদুনা মসিগী মনুংদা মহু চেনবা ৱাখল্লোন পোকহন্নবা হোৎনখি। শ্রী মোদীনা মীপুম খুদিংমক্তা হায়খি মদুদি দাইভর্সিতীগী কুহ্মৈ অসি ঐখোয়গী পুন্সিগী শরুক অমা ওইহন্নবা অমসুং মসিনা দা. বি.আর. অম্বেদকরদা অশেংবা ইকায় খুম্নবা ওইগনি।
প্রধান মন্ত্রী শ্রী নরেন্দ্র মোদীনা হায়খি মদুদি হৌখিবা চহি 10 অসিদা, সরকারগী পোলিসীশিংনা ভারতকী অপুনবা মপাঙ্গল কনখৎহন্নবা লেপ্পা লৈতনা পান্দম থম্লি। মহাক্না মখা তাখি মদুদি আর্তিকল 370 অসি লৈবাক্কী অমত্তা ওইবদা অপনবা অমা ওইখি অমসুং পল অমা ওইখি। শ্রী মোদীনা অকনবা ৱাফম থমখি মদুদি সম্বিধানগী ৱাখল্লোনগী মতুং ইন্না লৈবাক অসিগী অপুনবা অসি অখন্নবা মরুওইবা অমনি অমসুং মরম অদুনা আর্তিকল 370 মুত্থৎখি।
শেন্মিৎলোনদা খুমাং চাউশিলহন্নবা অমসুং গ্লোবেল ইনভেস্তমেন্ত লাকপা ঙমহন্নবগীদমক ভারত্তা খুদোংচাবা ফীভমশিং লৈহনবগী তঙাইফদবা অদু শ্রী মোদীনা ফোংদোকখি। মহাক্না মখা তাখি মদুদি লৈবাক অসিদা GSTগী মতাংদা খন্ন-নৈনবগী থৌওং অসি মতম শাংনা চত্থদুনা লাক্লি। প্রধান মন্ত্রীনা হায়খি মদুদি GSTনা ইকোনোমিক য়ুনিতীদা মরুওইবা থৌদাং অমা লৌরি। মহাক্না মমাংগী সরকারগী থৌদাংশিং অদু খঙখি অমসুং হৌজিক লৈরিবা সরকার অসিদা "ৱান নেসন, ৱান তেক্স"কী ৱাখল্লোন অসি মাংলোমদা পুখৎতুনা মসি চৎনহন্নবা খুদোংচাবা ফংখি হায়না পনখি।
ঐখোয়গী লৈবাক অসিদা লাইরবশিংগীদমক রেসন কার্দ অসি করম্না মমল য়াম্লবা দোক্যুমেন্ত অমা ওইরকপগে অমসুং লাইরবা অমনা রাজ্য অমদগী অতোপ্পা রাজ্য অমদা চৎপা মতমদা থেংনরিবা খুদোংচাদবশিংগী মতাংদা পল্লদুনা শ্রী মোদীনা হায়খি মদুদি মখোয়দা কান্নবা অমত্তা ফংহনখিদে। মহাক্না অকনবা ৱাফম থমখি মদুদি প্রজা খুদিংমক্না অচৌবা লৈবাক অসিদা কদায়দা লৈবগে হায়বগী খেন্নবা থমদনা চপ মান্নবা হকশিং ফংগদবনি। অমত্তা ওইবগী ৱাখল্লোন অসিবু মপাঙ্গল কনখৎহন্নবগীদমক সরকারনা "ৱান নেসন, ৱান রেসন কার্দ"কী ৱাখল্লোন অসিবু মপাঙ্গল কনখৎহল্লে হায়না মহাক্না মখা তাখি।
লায়রবশিং অমসুং মীচম প্রজাশিংদা লেম্না হেল্থকেয়র ফংহনবা অসিনা লায়রবা লান্থেংনবগী মখোয়গী তৌবা ঙম্বদা চাউনা মতেং পাংলি হায়না প্রধান মন্ত্রীনা অকনবা ৱাফম থমখি। মহাক্না হায়খি মদুদি মখোয়না থবক তৌরিবা মফমদা হেল্থকেয়র ফংলবসু, মখোয়না মপান্দা লৈরিঙৈ অমসুং পুন্সিদা খুদোংথীবা থোরকপা মতমদা মসি ফংহনগদবনি। প্রধান মন্ত্রীনা হায়খি মদুদি নেস্নেল য়ুনিতীগী প্রিন্সিপল ঙাক্নবা, সরকারনা আয়ুশ্মান ভারতকী খুত্থাংদা "ৱান নেসন, ৱান হেল্থ কার্দ" ইনিসিয়েতিব হৌদোকখি। মহাক্না হায়খি মদুদি বিহারগী অরাপ্পা মফমদগী পুনেদা থবক তৌরিবা মীওই অমা ফাওবা আয়ুশ্মান কার্দকী খুত্থাংদা মথৌ তাবা মেদিকেল সর্ভিসশিং ফংবা ঙমগনি।
শ্রী মোদীনা হায়খি মদুদি লৈবাক অসিগী শরুক অমদা মৈ ফংবা অদুগা সপ্লাইগী সমস্যা লৈবনা অতোপ্পা শরুক অমদা মৈ ফংদবগী মতম অমা লৈরমখি। মহাক্না হায়খি মদুদি মমাংগী সরকারশিংগী মতমদা, ভারত অসি মৈগী অৱাৎপা লৈতবগীদমক মালেম শিনবা থুংনা ক্রিতিসাইজ তৌখি। প্রধান মন্ত্রীনা অকনবা ৱাফম থমখি মদুদি সম্বিধানগী ৱাখল্লোন অমসুং অমত্তা ওইবগী মন্ত্র অসি ঙাক্না চৎনবগীদমক সরকারনা "ৱান নেসন, ৱান গ্রীদ" ইনিসিয়েতিব অসি চৎনহনখি। ঙসিদি ভারতকী মফম খুদিংমক্তা মৈ ফংহনবগী খুদোংচাবা লৈরে হায়না মহাক্না ফোংদোকখি।
লৈবাক অসিদা ইনফ্রাস্ত্রকচর দিবেলপমেন্তকী মতাংদা পল্লদুনা প্রধান মন্ত্রীনা হায়খি মদুদি সরকার অসিনা নেস্নেল য়ুনিতী মপাঙ্গল কনখৎহন্নবা তংদু লৈতাবা দিবেলপমেন্ততা মীৎয়েং থম্লি। অৱাং-নোংপোক, জম্মু অমসুং কাশ্মীর, হিমালয়গী মফমশিং নৎত্রগা মরুভুমিশিং ওইরো, সরকারনা ইনফ্রাস্ত্রকচরবু মপুং ফানা মপাঙ্গল কনখৎহন্নবা হোৎনরি হায়না মহাক্না মখা তাখি। মহাক্না পনখি মদুদি থৌরাং অসিনা চাউখৎপা ৱাৎপনা মরম ওইদুনা লাপথোক্না লৈবগী ৱাখল্লোন অমত্তা লৈহন্দনবা পান্দম থম্লি, মসিনা অমত্তা ওইবগী থৌনা হেনগৎহল্লি।
দিজিতেল ইন্দিয়াদা ভারতকী মাই পাকপগী ৱারী অসি মালেম পুম্বদা চাউথোকচনীংঙাইনি হায়না শ্রী মোদীনা হায়খি। তেক্নোলোজীগী দেমোক্রেতাইজেসন অসি মাই পাকপগী মরুওইবা মরম অমা ওইরি হায়না মহাক্না মখা তাখি। শ্রী মোদীনা ফোংদোকখি মদুদি সম্বিধান শেম্লম্বশিংগী মীৎয়েংদগী লমজিংদুনা, সরকারনা নেস্নেল য়ুনিতী মপাঙ্গল কনখৎহন্নবা ভারতকী পঞ্চায়ত খুদিংমক্তা ওপ্তিকেল ফাইবর শন্দোক্নবা থবক পায়খৎলি।
প্রধান মন্ত্রীনা হায়খি মদুদি সম্বিধান্না অমত্তা ওইবগী আশা তৌরি, অমসুং মসিগী ৱাখল্লোন্দা, মমা লোলগী মরুওইবা অদু খঙলে। মহাক্না পনখি মদুদি মমাগী লোলবু নমথবনা লৈবাক অসিগী মীয়াম্বু কলচরেল ওইনা চাউখৎহনবা ঙম্লোই। শ্রী মোদীনা হায়খি মদুদি অনৌবা এজুকেসন পোলিসী অসিনা মমাগী লোলদা মরুওইবা পীরি। মসিনা খ্বাইদগী লাইরবা অঙাংশিং ফাওবা মখোয়গী মশাগী লোলদা দোক্তর অমসুং ইঞ্জিনীয়র ওইহনবদা মতেং পাংলি। মহাক্না মখা তাখি মদুদি সম্বিধান্না মীপুম খুদিংমকপু মতেং পাংই অমসুং মখোয়গী মথৌ তাবশিং কোকহন্নবা থৌদাং লৌই। ক্লাসিকল লোল কয়াদা মখোয়গী হকচাংগী মফম অমসুং ইকাই খুম্নবা পীরি হায়না শ্রী মোদীনা ফোংদোকখি। মহাক্না হায়খি মদুদি "এক ভারত শ্রেস্থ ভারত" কেম্পেন অসিনা নেস্নেল য়ুনিতী মপাঙ্গল কনখৎহল্লি অমসুং অনৌবা জেনরেসনদা কলচরেল ভেল্যুশিংগী ইথিল পোকহল্লি।
কাশী তামিল সঙ্গমম অমসুং তেলুগু কাশী সঙ্গমম অসি মরুওইবা ইন্সতিত্যুস্নেল ইভেন্ত অমা ওইরে হায়না পল্লদুনা শ্রী মোদীনা হায়খি মদুদি কলচরেল ইনিসিয়েতিবশিং অসিনা খুন্নাইগী মরীশিং মপাঙ্গল কনখৎহল্লি। মহাক্না মখা তাখি মদুদি ভারতকী অমত্তা ওইবগী মরুওইবা অসি সম্বিধানগী মরুওইবা প্রিন্সিপলশিংদা মশক খঙলে, অমসুং মসিবু একনোলেজ তৌগদবনি।
প্রধান মন্ত্রীনা হায়খি মদুদি সম্বিধানগী চহি 75শুবা মপোক কুমওন থৌরম পাংথোক্লি। চহি 25, 50 অমসুং 60গী মাইলস্তোনশিং অসিসু মরু ওই। পুৱারীগী মতাংদা পল্লদুনা মহাক্না হায়খি মদুদি সম্বিধানগী 25শুবা চহি মপুং ফারকপদা, লৈবাক অসিদা সম্বিধান অসি কায়থরকখি। প্রধান মন্ত্রীনা হায়খি মদুদি ইমর্জেন্সী থমজিনখি, কন্সতিত্যুস্নেল এরেঞ্জমেন্তশিং অসি লৌথোকখি, লৈবাক অসি জেলদা ওন্থোকখি প্রজাশিংগী হকশিং মৎখি, অমসুং প্রেসকী নীংতম্বা অসি লোক তৌখি। প্রধান মন্ত্রীনা হায়খি মদুদি দেমোক্রেসী অসি তুহৎখি, অমসুং সম্বিধান শেম্লিবশিংগী কত্থোকপশিং অদু নমথনবা হোৎনবা হৌখি।
শ্রী মোদীনা হায়খি মদুদি অতল বিহারী বাজপায়ীগী লুচিং মখাদা লৈবাক অসিনা নবেম্বর 26, 2000দা সম্বিধানগী 50শুবা চহিগী থৌরম পাংথোকখি। প্রধান মন্ত্রীনা ফোংদোকখি মদুদি অতল বাজপায়ীজীনা প্রধান মন্ত্রী ওইরিঙৈদা লৈবাক মীয়ামদা অখন্নবা পাউজেল অমা পীখি। মহাক্না অমত্তা ওইবগী মরুওইবা, মীয়ামগী শরুক য়াবা অমসুং পার্তনরশিপকী মতাংদা পনখি। শ্রী বাজপায়ীগী হোৎনরিবশিং অসি সম্বিধানগী স্পিরিৎ অদু হিংনবা অমসুং মীয়াম্বু য়কাইহন্নবা পান্দম থম্লি হায়না মহাক্না ফোংদোকখি।
প্রধান মন্ত্রীনা হায়খি মদুদি সম্বিধানগী চহি 50শুবা মপোক কুমওনগী মনুংদা মহাক্না সম্বিধানগী ওইবা থৌওং অমগী খুত্থাংদা মুখ্য মন্ত্রী ওইবগী খুদোংচাবা ফংখি। মহাক্না হায়খি মদুদি মহাক্না মুখ্য মন্ত্রী ওইরিঙৈদা গুজরাত্তা সম্বিধানগী 60শুবা চহিগী থৌরম পাংথোকখি। মহাক্না মখা তাখি মদুদি পুৱারীদা ইহান হানবা ওইনা, সম্বিধান অসি অখন্নবা মওংদা শামু অমদা থমখি অমসুং সম্বিধান গৌরব যাত্রা পাংথোকখি। শ্রী মোদীনা হায়খি মদুদি সম্বিধান অসি য়াম্না মরু ওই অমসুং ঙসি, চহি 75 মপুং ফারকপদা মহাক্না লোক সভাদা চহি য়াম্লবা লুচিংবা অমনা জনুৱারী 26 অসি হান্ননা লৈরম্বা অদু য়েংলগা নবেম্বর 26তা সম্বিধান নুমিৎ পাংথোকপগী তঙাই ফদবগী মতাংদা ৱাহং হংখিবা থৌদোক অমা নীংশিংখি।
শ্রী মোদীনা অখন্নবা মীফম অদুদা নুংঙাইবা ফোংদোক্লদুনা হায়খি মদুদি সম্বিধানগী শক্তি অমসুং দাইভর্সিতী মতাংদা খন্ন-নৈনবা অসিনা কান্নবা ফংলগনি, মসিনা অনৌবা মীরোলগীদমক কান্নরবা অমা ওইরগনি। অদুম ওইনমক মীপুম খুদিংমক্না মখোয়গী মশাগী ওইবা অথিংবা, মখোয়গী মশাগী ওইবা তোঙান-তোঙানবা মওংদা লৈজবা, খরনা মখোয়গী অশোয়বা অদু উৎলি হায়না মহাক্না ফোংদোকখি। প্রধান মন্ত্রীনা অকনবা ৱাফম থমখি মদুদি করিগুম্বা খন্ন-নৈনবশিং অসি পার্তিসন সেন্তিমেন্তশিংগী ৱাংমদা চৎহল্লবা অমসুং অনৌবা মীরোলশিংবু মপাঙ্গল কনখৎহনগদবা, লৈবাক্কী কান্নবশিংদা মীৎয়েং থম্লবদি হেন্না ফগনি।
প্রধান মন্ত্রীনা সম্বিধানগীদমক অখন্নবা ইকাই খুম্নবা উৎলদুনা হায়খি সম্বিধানগী স্পিরিৎ অসিনা মহাক্কা মান্নবা মীওই কয়া অমা ঙসি থাক অসি য়ৌহনবা ঙমখি হায়না মহাক্না ফোংদোকখি। মহাক্না ফোংদোকখি মদুদি বেকগ্রাউন্দ অমত্তা লৈতনা, সম্বিধানগী শক্তি অমসুং মীয়ামগী য়াইফ-মঙ্গোলনা মখোয়বু মফম অসিদা পুরকখি। অসিগুম্লবা ফিভমদা লৈবা মীওই কয়ানা সম্বিধান্না মরম ওইদুনা মরুওইবা থাক্তা য়ৌরক্লি হায়না শ্রী মোদীনা ফোংদোকখি। মহাক্না মখা তারদুনা হায়খি মদুদি লৈবাক অসিনা অমুক্তা নত্তনা, অহুম্লক অচৌবা থাজবা অমা উৎখিবা অসি য়াম্না লাইবক ফবনি। মহাক্না হায়খি মদুদি মসি সম্বিধান য়াওদনা ওইথোকপা ঙম্লোই।
শ্রী মোদীনা হায়খি মদুদি 1947দগী 1952 ফাওবদা ভারত্তা মীখলগী খুত্থাংদা লৈঙাক অমা লৈখিদে অদুবু মতম খরগী ওইনা খনগৎলবা লৈঙাক অমা লৈখি অমসুং মীখল অমত্তা পাঙথোকখিদে। মহাক্না হায়খি মদুদি 1952গী মমাংদা রাজ্য সভা শেমখিদে অমসুং রাজ্যগী মীখল অমত্তা পাংথোকখিদে, মসিনা তাকপদি মীয়ামদগী মেন্দেত অমত্তা লৈখিদে। মহাক্না মখা তারদুনা হায়খি মদুদি মসি লৈজরবসু, 1951দা, মীখলগী মতুং ইন্না লৈঙাক অমা লৈত্রিঙৈদা, ফ্রীদম ওফ এক্সপ্রেসন শীংনদুনা সম্বিধান শেমদোক্নবা ওর্দিনান্স অমা থোকখি। প্রধান মন্ত্রীনা অকনবা ৱাফম থমখি মদুদি অসিগুম্বা ৱাফমশিং অসি কন্সতিত্যুএন্ত এসেমব্লীদা খন্নখিদবা অসিনা সম্বিধান শেম্লিবশিংবু খোঙ্গোইনবা অমনি। মহাক্না ফোংদোকখি মদুদি খুদোংচাবা লাকপা মতমদা, মখোয়না ফ্রীদম ওফ এক্সপ্রেসন নমথখি, মসি সম্বিধান শেম্লিবশিংবু খোঙ্গোইনবনি প্রধান মন্ত্রীনা হায়খি মদুদি কন্সতিত্যুএন্ত এসেমব্লীদা ফংবা ঙমখিদবা অদু মীখল তৌদনা খনবা প্রধান মন্ত্রী অমনা বেক দোরদগী তৌখি, মসিদি পাপ অমনি।
প্রধান মন্ত্রীনা হায়খি মদুদি 1971দা সুপ্রিম কোর্তকী ৱারেপ অমা সম্বিধান শেমদোক্তুনা ঙাকখিদে, জুদিসিয়রীগী মপাঙ্গল মাংহনখি। শ্রী মোদীনা হায়খি মদুদি এমেন্দমেন্ত অসিদা পার্লিয়ামেন্তনা কন্সতিত্যুসনগী আর্তিকল অমহেক্তবু জুদিসিএল রিভিয়ু য়াওদনা হোংদোকপা য়াই হায়না পনখি। মসিনা মতমদুগী সরকারদা ফন্দামেন্তেল রাইতশিং ককথৎপা অমসুং জুদিসিয়রী লাকশিনবা ঙমহনখি হায়না মহাক্না মখা তাখি।
প্রধান মন্ত্রীনা হায়খি মদুদি ইমর্জেন্সীগী মতমদা, সম্বিধানবু লান্না শীজিন্নখি, অমসুং দিমোক্রেসীবু থুগাইখি। মহাক্না অকনবা ৱাফম থমখি মদুদি, 1975দা 39শুবা এমেন্দমেন্ত পাস তৌখিবনা, রাস্ত্রপতি, উপ রাস্ত্রপতি, প্রধান মন্ত্রী অমসুং স্পিকরগী মীখলদা কোর্ত অমত্তনা চেলেঞ্জ তৌবা য়াহনখিদে অমসুং মসি হান্নগী থবকশিং কোনশিন্নবা রেত্রোস্পেক্তিব ওইনা চৎনখি।
ইমর্জেন্সীগী মতমদা মীয়ামগী হকশিং মাংহনখি, মীওই লিশিং কয়াবু জেলদা থমখি, জুদিসিয়রীবু খোঙ্গোইনখি অমসুং প্রেসকী নীংতম্বা থিংজিনখি হায়না শ্রী মোদীনা মখা তানা পনখি। মহাক্না হায়খি মদুদি কম্মিত তৌরবা জুদিসিয়রীগী ৱাখল্লোন অসি মপুং ফানা চৎনহনখি। প্রধান মন্ত্রীনা কোর্তকী কেস অমদা মতমদুগী প্রধান মন্ত্রীগী মায়োক্তা ৱায়েল পীখিবা জস্তিস ঐচ.আর. খান্না, মহাক্কী সেনিওরিতী লৈরবসু, ভারতকী চীফ জস্তিসকী পোজিসন ফংহনখিদে। মসি সম্বিধানগী অমসুং দেমোক্রেসীগী চৎনবীশিং লান্না চত্থবনি হায়না মহাক্না অকনবা ৱাফম থমখি।
শাহ বানোগী কেসতা সুপ্রিম কোর্তকী জজমেন্তনা সম্বিধানগী ইকাই খুম্নবা অমসুং ৱাখল্লোনদা য়ুম্ফম ওইদুনা ভারতকী নুপী অমবু অচুম্বা ৱায়েল পীখিবা অদু নীংশিংলদুনা শ্রী মোদীনা হায়খি মদুদি সুপ্রিম কোর্তনা চহি য়াম্লবা নুপী অমবু মহাক্কী হক ফংহনখি, অদুবু মতমদুগী প্রধান মন্ত্রীনা ৱাখল্লোন অসিবু য়ানীংখিদে সম্বিধানগী ইসেন্স মাংহনখি। প্রধান মন্ত্রীনা হায়খি মদুদি পার্লিয়ামেন্তনা সুপ্রিম কোর্তকী ৱারেপ অমুক হন্না ওন্থোক্নবা আইন অমা পাস তৌখি।
প্রধান মন্ত্রীনা হায়খি মদুদি পুৱারীদা অহানবা ওইনা, সম্বিধানবু য়াম্না চাউনা চৈনা পীখি। মহাক্না মখা তাখি মদুদি সম্বিধান শেম্লিবশিংনা মীখল তৌদুনা শেম্বা সরকার অমসুং প্রধান মন্ত্রীগী ৱাখল্লোন থমখি। অদুম ওইনমক, কন্সতিত্যুসনগী ৱাংমদা লৈবা এদভাইজরী কাউন্সিল অমা প্রধান মন্ত্রীগী ওফিস (PMO) গী মথক্তা থমখি। প্রধান মন্ত্রীনা পনখি মদুদি এন্তিতী অসিবু PMOগী মথক্তা ওফিসিএল ওইদবা থাক অমা পীরম্মি।
শ্রী মোদীনা হায়খি মদুদি ভারতকী সম্বিধানগী মখাদা, মীয়াম্না সরকারবু খনবনি, অমসুং সরকার অদুগী মকোক্তা মন্ত্রীমন্দল শেম্মী। মন্ত্রীমন্দলনা লৌখিবা ৱারেপ অমবু সম্বিধানবু ইকায় খুম্নদবা ফত্তবা মীওইশিংনা জর্নেলিস্তশিংগী মমাংদা শেগাইখিবগী থৌদোক অমবু নৌহৌননা নীংশিংলদুনা শ্রী মোদীনা হায়খি মদুদি মীওইশিং অসিনা সম্বিধানবু মহুৎতা পাইদুনা শান্নখি অমসুং ইকায় খুম্নখিদে। মহাক্না মখা তারদুনা হায়খি মদুদি মতমদুগী মন্ত্রীমন্দলনা মসিগী ৱারেপ অদু হোংদোকখিবা অসি য়াম্না নুংঙাইতবা অমনি।
প্রধান মন্ত্রীনা হায়খি মদুদি আর্তিকল 370 অসি মীয়াম্না খঙনরবসু আর্তিকল 35Aগী মতাংদা খঙবা মীওই কয়া লৈতে। আর্তিকল 35A অসি পার্লিয়ামেন্তকী অয়াবা য়াওদনা থমখিবনি, মসিদা অয়াবা লৌগদবনি হায়না মহাক্না ফোংদোকখি। প্রধান মন্ত্রীনা হায়খি মদুদি সম্বিধানগী মরুওইবা গার্জিয়ন ওইরিবা পার্লিয়ামেন্ত অসি বাইপাস তৌখি অমসুং আর্তিকল 35A অসি লৈবাক অসিদা থমখি, মসিনা জম্মু অমসুং কাশ্মীরগী ফীভম অসি ওইহনখি। মহাক্না হায়খি মদুদি মসি পার্লিয়ামেন্ত অসি অমমমবা মরক্তা থমদুনা পর্সিদেন্সিএল ওর্দর অমগী খুত্থাংদা পাংথোকখি।
শ্রী মোদীনা পনখি মদুদি অতল বিহারী বাজপায়ীগী সরকারগী মতমদা, দা. অম্বেদকরগী নীংশিং মমি ওইনা মেমোরিএল অমা শানবা ৱারেপ লৌখি অদুবু মসিগী থবক অসি হৌখিদে অমসুং মথংগী চহি 10 ফাওবা হৌবা য়াহনখিদে। প্রধান মন্ত্রীনা অকনবা ৱাফম থমখি মদুদি মহাক্কী সরকারনা লৈঙাক পায়রকপা মতমদা, দা. অম্বেদকরবু ইকায় খুম্নবা উৎতুনা, মখোয়না দা. অম্বেদকরগী মেমোরিএল অসি আলিপুর রোদতা শঙ্গাখ্রে।
1992দা শ্রী চন্দ্র শেখরগী মতমদা দিল্লীগী জনপথ মনাক্তা অম্বেদকর ইন্তর্নেস্নেল সেন্তর লিংখৎনবা ৱারেপ লৌখিবা অদু নীংশিংলদুনা শ্রী মোদীনা হায়খি মদুদি প্রোজেক্ত অসি চহি 40 ফাওবা পেপরদা লৈখি অমসুং থবক ওইনা পাংথোকখিদে। মহাক্না হায়খি মদুদি মহাক্কী সরকারনা লৈঙাক পায়রকপা 2015 খক্তদা থবক অসি লোইশিনখি। প্রধান মন্ত্রীনা হায়খি মদুদি ভারত রত্নগী মনা অসি দা. বি.আর. অম্বেদকরদা পীবগী থবক অসি নীংতম্লবা মতুংদা মতম কয়াগী মতুংদা পাংথোকখি।
শ্রী মোদীনা হায়খি মদুদি দা. বি. আর. অম্বেদকরগী 125শুবা মপোক কুমওনগী থৌরম অসি মালেমগী ওইনা লৈবাক 120দা পাংথোকখি অমসুং দা. অম্বেদকরগী চহি চাবা শুবা মপোক কুমওন্দা মহৌদা, দা. অম্বেদকরগী পোক্নফমদা মেমোরিএল অমা অমুক হন্না শাখি।
মীৎয়েং শান্না উবা ঙম্বা দা. বি.আর. অম্বেদকর অসি খুন্নাইগী শোত্থরবা কাঙলুপশিংবু মেনস্ত্রীমদা পুরক্নবা হোৎনবদা অচেৎপা মীৎয়েং থমখিবগীদমক শ্রী মোদীনা থাগৎলদুনা হায়খি মদুদি ভারতনা চাউখৎনবা, লৈবাক অসিগী শরুক অমত্তা শোত্থহল্লোইদবনি হায়না অম্বেদকরনা থাজখি। মহাক্না মখা তারদুনা হায়খি মদুদি হায়রিবা ৱাফম অসিনা রিজর্বেসন সিস্তেম লিংখৎপদা মতেং পাংলি। প্রধান মন্ত্রীনা হায়খি মদুদি ভোৎ বেঙ্ক পোলিসীদা চংশিল্লিবা মীওইশিংনা রিজর্বেসন সিস্তেমগী মনুংদা ধর্মগী ওইবা মীৎয়েংদগী তোঙান-তোঙানবা থৌরাং কয়া পায়খৎনবা হোৎনখি। মসিনা SC, ST, অমসুং OBC কাংলুপশিংদা চাউনা অকাইবা পীখি।
মমাংগী সরকারশিংনা রিজর্বেসন থম্বদা কন্না য়ানীংদবা ফোংদোকখি হায়না প্রধান মন্ত্রীনা ফোংদোকখি অমসুং বি.আর. অম্বেদকরনা ভারত্তা চপ মান্নবা অমসুং তংদু লৈতাবা চাউখৎ-থৌরাংগীদমক রিজর্ভেসনশিং হৌদোকখি। প্রধান মন্ত্রীনা হায়খি মদুদি মন্দল কম্মিসনগী রিপোর্ত অসি দিকেদ কয়াগী মমাংদগী থিংদুনা লাকখিবনা মরম ওইদুনা OBCগী রিজর্বেসনগী থবক পায়খৎপদা থিন্থহনখি। করিগুম্বা রিজর্বেসন অসি মমাংদা পীরম্লবদি, OBCগী মীওই কয়া অমা ঙসি তোঙান তোঙানবা পোজিসনশিংদা থবক তৌরমগনি হায়না প্রধান মন্ত্রীনা ফোংদোকখি।
সম্বিধান শেম্বা মতমদা ধর্মদা য়ুম্ফম ওইদুনা রিজর্বেসন পীগদরা হায়বগী মতাংদা পাক-শন্না খন্ন-নৈনখিবা অদুগী মতাংদা পল্লদুনা শ্রী মোদীনা হায়খি মদুদি সম্বিধান শেম্লিবশিংনা ভারতগুম্বা লৈবাক অমগী অপুনবা অমসুং অপুনবগীদমক ধর্ম নৎত্রগা কাংলুপতা য়ুম্ফম ওইদুনা রিজর্বেসন পীবা অসি ওইথোকপা য়ারোই হায়না য়ানখি। মহাক্না মখা তারদুনা হায়খি মদুদি মসি ৱাখল তানা খল্লবা ৱারেপনি। শ্রী মোদীনা হায়খি মদুদি মমাংগী সরকারশিংনা ধর্মদা য়ুম্ফম ওইবা রিজর্বেসনশিং হৌদোকখি, মসি সম্বিধানগী ইথিলগী মায়োক্তা চৎলি। মহাক্না হায়খি মদুদি থবক ওইনা পাংথোকপা খরা লৈরবসু, সুপ্রিম কোর্তনা অসিগুম্বা থৌরাংশিং অসি য়াখিদে। প্রধান মন্ত্রীনা হায়খি মদুদি ধর্মগী ওইবা য়ুম্ফমদা রিজর্বেসন পীনবা অপাম্বা লৈ হায়বা খঙলে। মসি সম্বিধান শেম্লিবশিংগী পুক্নিংবু শোকহন্নবা ইকাই খঙদবা থৌওং অমনি।
য়ুনিফোর্ম সিবিল কোদ (UCC) অসি কন্সতিত্যুএন্ত এসেমব্লীনা কুপ্না য়েংশিনখিদবা মরুওইবা ৱাফম অমনি হায়না পল্লদুনা প্রধান মন্ত্রীনা হায়খি মদুদি কন্সতিত্যুএন্ত এসেমব্লীনা UCC মসি কন্সতিত্যুএন্ত এসেমব্লীগী দিরেক্তিবনি হায়না মহাক্না মখা তাখি। প্রধান মন্ত্রীনা হায়খি মদুদি দা. অম্বেদকরনা UCCগীদমক ৱা ঙাংখি, অমসুং মহাক্কী ৱাহৈশিং অসি লান্না ৱাহন্থোক পীরোইদবনি।
শ্রী মোদীনা হায়খি মদুদি দা. বি.আর. অম্বেদকরনা ধর্মদা য়ুম্ফম ওইবা পর্সনেল লোশিং লৌথোক্নবা অকনবা ৱাফম থমখি। কে.এম. মুনসি, কন্সতিত্যুএন্ত এসেমব্লীগী মেম্বর অমা ওইরিবা অসিনা হায়খি মদুদি য়ুনিফোর্ম সিবিল কোদ (UCC) অসি লৈবাক্কী অপুনবা অমসুং মোদর্নিতীগীদমক তঙাইফদবা অমনি। শ্রী মোদীনা হায়খি মদুদি সুপ্রিম কোর্তনা য়ু.সি.সি.গী UCCগী তঙাইফদবা অদু হন্না হন্না ফোংদোকখ্রে অমসুং সরকারশিংদা মদু অথুবা মতমদা ইমপ্লিমেন্ত তৌনবা খঙহনখ্রে। মহাক্না হায়খি মদুদি সম্বিধানগী ৱাখল্লোন অমসুং মদু শেমখিবশিংগী অপাম্বগী মতুং ইন্না সরকারনা সেক্যুলর সিবিল কোদ অমা শেম্নবা মপুং ফানা থৌরাং তৌরি।
মমাংদা থোকখিবা থৌদোক অমা পল্লদুনা, প্রধান মন্ত্রীনা হংখি মদুদি মশাগী পার্তীগী সম্বিধানবু ইকায় খুম্নদবা মীওইশিংনা লৈবাক অসিগী সম্বিধানবু করিগীদমক ইকায় খুম্নগনি।
শ্রী মোদীনা হায়খি মদুদি 1996তা BJPনা খ্বাইদগী চাউবা পার্তী ওইখি অমসুং রাস্ত্রপতিনা সম্বিধানবু ইকাই খুম্নবা উৎতুনা মখোয়বু সরকার শেম্নবা কৌখি। অদুম ওইনমক, সরকার অসিনা নুমিৎ 13 খক্তমক লৈখি মরমদি মখোয়না সম্বিধানবু ইকাই খুম্নবা উৎখি। শ্রী অতল বিহারী বাজপায়ীনা য়েৎনবা পামখিদে অদুবু সম্বিধানবু ইকাই খুম্নবা উৎখি অমসুং নুমিৎ 13গী মতুংদা রিজাইন তৌখি হায়না মহাক্না অকনবা ৱাফম থমখি। মহাক্না মখা তাখি মদুদি, 1998দা NDA সরকারনা অৱাবা মায়োক্নখি, অদুবু সম্বিধানগী ৱাখল্লোনদা থাজবা থম্লিবা বাজপায়ীগী সরকারনা ভোৎ অমগা মাংজিল থাবা অমসুং সম্বিধানগী ৱাংমদা লৈবা পোজিসনশিং লৌশিনবগী মহুত্তা রিজাইন তৌবা পামখি। মসিনা মখোয়গী পুৱারী, ভেল্যু অমসুং চৎনবীনি হায়না মহাক্না অকনবা ৱাফম থমখি। অতোপ্পা নাকল অমরোমদা, মহাক্না পনখি মদুদি শেলগীদমক ভোৎ থাদবগী কেসকী ৱাথোক্তা শেলনা মাইনোরিতী গভর্নমেন্ত অমা কন্নবা শীজিন্নখি, মসিনা ভারতকী দেমোক্রেসীগী স্পিরিৎ অসি ভোৎশিং লৈবা কৈথেল অমদা ওন্থোকখি।
শ্রী মোদীনা হায়খি মদুদি 2014গী মতুংদা, NDA দা সম্বিধান অমসুং গনতন্ত্রবু মপাঙ্গল কনখৎহন্দুনা থবক তৌবগী খুদোংচাবা পীখি। মহাক্না হায়খি মদুদি মখোয়না লৈবাক অসিদগী অরিবা লায়নাশিং মুত্থৎনবা কেম্পেন অমা হৌদোকখ্রে। প্রধান মন্ত্রীনা হায়খি মদুদি হৌখিবা চহি 10 অসিদা, লৈবাক অসিগী য়ুনিতী অমসুং ইন্তিগ্রিতীগীদমক, মাগী মঙাল লৈবা তুংলমচৎকীদমক অমসুং সম্বিধানগী ৱাখল্লোন অদুগীদমক মপুং ফানা কত্থোকপগা লোবননা মখোয়না সম্বিধানগী শেমদোক-শাদোকশিংসু তৌখি। প্রধান মন্ত্রীনা হায়খি মদুদি OBC কম্ম্যুনিতীনা OBC কম্মিসনগীদমক চহি তরাগী খুজিং অহুমগী মমাংদগী সম্বিধানগী ওইবা থাক অমা পীবীনবা দিমান্দ তৌদুনা লাক্লি। মহাক্না হায়খি মদুদি মখোয়না কন্সতিত্যুসন শেমদোক্তুনা মসিগী থাক অসি পীনবা হোৎনখি অমসুং মসিদা মখোয়না চাউথোকচখি। প্রধান মন্ত্রীনা অকনবা ৱাফম থমখি মদুদি খুন্নাইগী শোত্থরবা কাংলুপশিংগা লোয়ননা লেপমিন্নবা অসি মখোয়গী থৌদাংনি, মরম অসিনা সম্বিধান শেমদোকপগী থবক অসি পায়খৎলি।
প্রধান মন্ত্রীনা হায়খি মদুদি খুন্নাইগী কাংলুপ কয়া অমা লৈরি, মখোয়না কাংলুপকী খেন্নবা থমদনা লাইরবনা মরম ওইদুনা খুদোংচাবশিং ফংলমদে অমসুং চাউখৎপা ঙমদে। পেন্দবা অসি হেনগৎলক্লি অমসুং দিমান্দ কয়া তৌরবসু ৱারেপ অমত্তা লৌদ্রি হায়না পল্লদুনা শ্রী মোদীনা হায়খি মদুদি জেনরেল কেতেগোরীগী ইকনোমিকেল্লী ৱীকর ওইবা কাংলুপকীদমক 10% রিজর্বেসন পীনবা মখোয়না সম্বিধান শেমদোক্লে। মহাক্না হায়খি মদুদি মসি লৈবাক অসিদা য়েৎনবা অমত্তা লৈতবা রেজর্বেসনগী অহানবা এমেন্দমেন্তনি অমসুং মীপুম খুদিংমক্না নুংশিনা য়াখি, অমসুং পার্লিয়ামেন্তনা অমত্তা ওইনা অয়াবা পীখি। প্রধান মন্ত্রীনা হায়খি মদুদি মসিনা খুন্নাইগী অপুনবগী মপাঙ্গল কনখৎহল্লি অমসুং সম্বিধানগী ৱাখল্লোনগা চুনহল্লি।
শ্রী মোদীনা হায়খি মদুদি মখোয়না সম্বিধানগী শেমদোক-শাদোকশিংসু তৌখ্রে, অদুবু মখোয়শিং অসি নুপীশিংদা শক্তি পীনবনি। লৈবাক অসিগী অপুনবগীদমক মখোয়না সম্বিধান শেমদোকখি হায়না মহাক্না ফোংদোকখি। শ্রী মোদীনা হায়খি মদুদি দা. বি.আর. অম্বেদকরগী সম্বিধান অসি আর্তিকল 370না মরম ওইদুনা জম্মু অমসুং কাশ্মীরদা মপুং ফানা চৎনবা ঙমখিদে। ভারতকী মফম খুদিংমক্তা অম্বেদকরগী সম্বিধান চৎনহনগনি। মহাক্না মখা তাখি মদুদি মখোয়না জাতিগী অপুনবা মপাঙ্গল কনখৎহন্নবা অমসুং দা. অম্বেদকরবু ইকায় খুম্নবা উৎনবগীদমক সম্বিধান শেমদোকখি। প্রধান মন্ত্রীনা হায়খি মদুদি মখোয়না আর্তিকল 370 লৌথোকখি, অমসুং হৌজিক্তি ভারতকী সুপ্রিম কোর্তনা মসিগী ৱারেপ অসিবু ঙাক্না চৎলি।
আর্তিকল 370 লৌথোক্নবা সম্বিধান শেমদোকপগী মতাংদা পল্লদুনা শ্রী মোদীনা হায়খি মদুদি মখোয়না মহাত্মা গান্ধী অমসুং অতৈ মকোক থোংবা লুচিংবশিংনা লৈবাক খায়দোকপা মতমদা পীখিবা ৱাশক অদু মপুং ফাহনবগীদমক আইনশিং শেমখি। মহাক্না অকনবা ৱাফম থমখি মদুদি মখোয়না সিতিজনশিপ এমেন্দমেন্ত এক্ত (CAA) পুথোকখিবসি মসিগী অচেৎপা ফিরেপ অসিবু ইকায় খুম্নবা উৎনবগীদমক্তনি। মহাক্না হায়খি মদুদি মখোয়না মসিগী আইন অসিগী মায়কৈদা চাউথোক্না লেপ্লি, মরমদি মসিনা সম্বিধানগী স্পিরিৎকা চুনৈ অমসুং লৈবাক অসিবু মপাঙ্গল কনখৎহল্লি।
শ্রী মোদীনা হায়খি মদুদি মহাক্কী সরকারনা শেমখিবা সম্বিধানগী অহোংবশিং অসি মমাংগী অশোয়বশিং চুমথোক্নবা অমসুং হেন্না ফবা তুংলমচৎ অমগী লম্বী য়াৎনবা পান্দম থম্লি। মখোয়না মতমগী চাংয়েংদা থেংনবা ঙমগদ্রা হায়বদু মতমনা তাক্কনি হায়না মহাক্না ফোংদোকখি। প্রধান মন্ত্রীনা অকনবা ৱাফম থমখি মদুদি হায়রিবা শেমদোক-শাদোকশিং অসি ইশাগী ওইবা শক্তিগী ইন্তরেস্তনা মরম ওইদুনা শেমদোকপা নত্তে, লৈবাক অসিগী কান্ননবগীদমক অফবা থবকশিংনি। মহাক্না হায়খি মদুদি মসিনা মরম ওইদুনা মখোয়না হংলকপা ৱাহং খুদিংমক্তা কনফিদেন্ত লৈনা পাউখুম পীবা ঙমহনখি।
সম্বিধানগী মতাংদা ৱা ঙাংখিবশিং অমসুং হীরম কয়া অমা পুখৎলকপা উবদা প্রধান মন্ত্রীনা হায়খি মদুদি সম্বিধান অসি ভারতকী মীয়াম, "ঐখোয় প্রজাশিং"গীদমক য়াম্না সেন্সিতিব ওই অমসুং মখোয়গী য়াইফ-থৌরাং, ইকাই খুম্নবা অমসুং ৱেল-বিংগীদমক ওইরি। মহাক্না হায়খি মদুদি সম্বিধান্না ঐখোয়বু চাউখৎপা লৈবাক অমগী মায়কৈদা লমজিংলি, মসিনা প্রজা খুদিংমক্কীদমক ইকাই খুম্নরবা পুন্সি অমা ফংহল্লগনি।
নীংতম্বা ফংলবা চহি কয়াগী মতুংদা, ইমুং কয়াদা ইজৎ লৈবা তোইলেৎ অমত্তা লৈখিদে হায়না পল্লদুনা শ্রী মোদীনা হায়খি মদুদি, তোইলেৎ শাবগী কেম্পেন অসি লাইরবশিংগীদমক্তা মঙলান অমা ওইখি অমসুং মখোয়না মসি মপুং ফানা কত্থোকপগা লোয়নন থবক লৌখৎখি। মহাক্না মখা তাখি মদুদি করেম্নরবসু, মখোয়না লেপখি মরমদি মীচম প্রজাগী ইকাই খুম্নবসি মখোয়গী মরু ওইবনি। প্রধান মন্ত্রীনা হায়খি মদুদি নুপীশিংনা নুমিৎ থোক্ত্রিঙৈ নৎত্রগা নুমিৎ তারবা মতুংদা ওপন দেফিকেসন তৌনবা চৎপা তারম্মি অমসুং মসি] TVদা নৎত্রগা পাউচেগী হেদলাইনশিংদা লাইরবশিং খক্তা উরিবা মীওইশিংদা খেন্নবা লৈখিদে। প্রধান মন্ত্রীনা হায়খি মদুদি লাইরবশিংগী পুন্সিবু খঙবা মীওইশিংনা অসিগুম্বা অরানবা থবকশিং অসি তৌরোই। সম্বিধান্না মীপুম খুদিংমক্তা তঙাইফদবা মীওইবগী খুদোংচাবশিং ফংহন্নবা পান্দম থম্লবসু, লৈবাক অসিগী মীওই চাদা 80দি থক্নবা ঈশিং ফংদ্রি হায়না শ্রী মোদীনা হংখি।
প্রধান মন্ত্রীনা হায়খি মদুদি লৈবাক অসিদা মমা মিলিয়ন কয়ানা ত্রেদিস্নেল স্তোবশিংদা চাক থোংবগী চৎনবী লৈরম্মি মদুদগী থোরকপা মৈখুনা মখোয়গী মমিৎ অদু অঙাংবা ওনহনখি। মসি সিগরেৎ চাম্মরোমগী মৈখু হোঞ্জিনবগা মান্নৈ। মসিনা মখোয়গী মীৎয়েং শোকহনবতা নত্তনা মখোয়গী হকশেলসু শোকহল্লি হায়না মহাক্না ফোংদোকখি। শ্রী মোদীনা হায়খি মদুদি নীংতম্বগী চহি 70গী মতুংদা 2013 ফাওবদা, সিলিন্দর মাপন নৎত্রগা তরুক পীনবগী মতাংদা খন্ন-নৈনরম্মি, অদুবু মহাক্কী সরকারনা য়ুমথোং খুদিংদা গ্যাস সিলিন্দর পীনবা হোৎনখি মরমদি মসিনা প্রজা খুদিংদা মরুওইবা খুদোংচাবশিং ফংহনবদা মরুওইবা পীখি।
হেল্থকেয়র সেক্তরগী মতাংদা পল্লদুনা শ্রী মোদীনা হায়খি মদুদি লাইনা-লাইচৎ অমখক্তনা লায়রবা ইমুং অমা, মখোয়গী অঙাংশিং অমসুং মখোয়গী থৌরাংশিং অমসুং হোৎনরিবশিং অদু মাঙহল্লকপা ঙম্মি। মহাক্না হায়খি মদুদি মখোয়না সম্বিধানগী ৱাখল্লোনবু ইকাই খুম্নদুনা প্রজা করোর 50-60দা লেম্না লায়েংনবা আয়ুশ্মান ভারত স্কিম পায়খৎলে। প্রধান মন্ত্রীনা হায়খি মদুদি স্কিম অসিনা খুন্নাইগী সেক্সন অমহেক্তগী চহি 70গী মথক্তা লৈবা মীওইশিং য়াওনা মীপুম খুদিংমক্তা হেল্থকেয়র ফংহনগনি।
লায়রবশিংদা লেম্না পীরিবা রাশনগী মতাংদা পল্লদুনা শ্রী মোদীনা হায়খি মদুদি মীওই করোর 25না লায়রবা কোকহনবা ঙমখ্রে। মহাক্না মখা তাখি মদুদি লাইরবদগী থোরকপা মীওই খক্তনা মতেং পীনবগী মরুওইবা অদু খঙই। মহাক্না হায়খি মদুদি অনাবা অমনা হোস্পিতালদগী দিসচার্জ তৌরবা মতুংদা অমুক হন্না অনাবা ওইহন্দনবা চেকশিন থৌরাং লৌখৎনবা খঙহনবগুম্না, লাইরবশিংবু লাইরবা ওইহন্দনবা মতেং পাংবসি য়াম্না মরু ওই। প্রধান মন্ত্রীনা হায়খি মদুদি মসিনা মরম ওইদুনা মখোয়না লেম্না রাশন পীরিবসি, লাইরবদগী থোরকপা মীওইশিং অদু লাইরবগী মরক্তা অমুক হন্না লৈহন্দবা অমসুং লাইরবগী মরক্তা লৈরিবশিং অদু লাইরবগী মরক্তগী থোরকপদা মতেং পাংগনি। মহাক্না অকনবা ৱাফম থমখি মদুদি মসিগী খোঙথাং অসিবু করেম্নবা অসি অচুম্বা নত্তে, মরমদি মসিনা প্রজাশিংগী ইকাই খুম্নবা অমসুং য়াইফ-থৌরাং ঙাক-শেনবদা য়াম্না মরু ওই।
লাইরবশিংগী মমিংদা স্লোগানশিং খক্তমক লাউখি অমসুং মখোয়গী মমিংদা বেঙ্কশিং নেস্নেলাইজ তৌখি হায়না পল্লদুনা শ্রী মোদীনা হায়খি মদুদি 2014 ফাওবদা লৈবাক অসিগী প্রজা করোর 50না বেঙ্ক অমত্তা উবা ফংলমখিদে। মহাক্না মখা তাখি মদুদি মখোয়না লাইরবশিংগীদমক বেঙ্ককী থোঙ হাংদোক্তুনা প্রজা করোর 50গীদমক বেঙ্ক একাউন্তশিং হাংদোক্লে। হান্নগী প্রধান মন্ত্রী অমনা দিল্লীদগী থারকপা লুপা 1গী মনুংদা লুপা 0.15 খক্তমক লাইরবশিংদা ফংই হায়না হায়রম্মি হায়না প্রধান মন্ত্রীনা পনখি। মহাক্না হায়খি মদুদি মখোয়না দিল্লীদগী থারকপা লুপা 1গী মনুংদা শেনফম পুম্নমক লাইরবশিংগী একাউন্তশিংদা হকথেংননা দিপোজিৎ তৌবা ঙম্নবগী লম্বী তাক্লে। প্রধান মন্ত্রীনা হায়খি মদুদি মখোয়না বেঙ্কশিংবু মতিক চাবা মওংদা শীজিন্নবগী মওং উৎলে। মহাক্না মখা তাখি মদুদি হান্ননা বেঙ্ককী থোঙ ফাওবা চঙবা য়াদবা মীওইশিংনা হৌজিক গরেন্তী অমত্তা য়াওদনা লোন ফংবা ঙম্লে। মহাক্না হায়খি মদুদি লাইরবশিংবু শক্তি পীবা অসিনা সরকারনা সম্বিধানগীদমক কত্থোক্লিবা অসিগী খুদম্নি।
প্রধান মন্ত্রীনা হায়খি মদুদি "গারীবি হাতাও" (লাইরবা মুত্থৎপা) হায়বা স্লোগান অসি স্লোগান অমখক্তমক ওইদুনা লাকখি মরমদি লাইরবশিং অসি মখোয়গী অৱা-অনাশিংদগী কোকহল্লমখিদে। মখোয়গী মিসন অমসুং অচেৎপা ফিরেপ অসি লাইরবশিং অসি অৱাবা অসিদগী কোকপীবনি হায়না মহাক্না অকনবা ৱাফম থমখি। মসি ফংনবা মখোয়না নুমিৎ চুপ্পা থবক তৌরি। প্রধান মন্ত্রীনা হায়খি মদুদি মহাক্না মখোয়বু তেংবাংগদবা কনা অমত্তা লৈতবশিংগীদমক লেপ্লি।
দিব্যাংশিংনা থেংনরিবা অৱাবা অদুগী মতাংদা পল্লদুনা শ্রী মোদীনা হায়খি মদুদি হৌজিক্তি মখোয়না তোঙান তোঙানবা মওংদা খুদোংচাবা ফংলবা মীওইশিংগীদমক এক্সেসিবল ইনফ্রাস্ত্রকচর অমা শেম্লে, মসিনা মখোয়গী হ্বীল চেয়রশিংবু ত্রেনগী কম্পার্তমেন্তশিংদা য়ৌহন্নবগী খুদোংচাবা পীরি। মহাক্না মখা তাখি মদুদি মসিগী খোঙথাং অসি খুন্নাইগী শোত্থরবা কাংলুপশিংগীদমক খনবা অসিনা লমজিংখি। লোলগী মতাংদা য়ানিংদবা কয়া লৈরবসু, মীমান্নদ্রবা মীওইশিংদা চাউনা ইনজস্তিস তৌখি হায়না মহাক্না ফোংদোকখি। রাজ্যশিংগী মরক্তা সাইন লেংগ্বেজ সিস্তেমশিং খেন্নৈ, মসিনা দিসএবল ওইরবা মীওইশিংদা অৱাবা কয়া থোকহল্লি হায়না প্রধান মন্ত্রীনা ফোংদোকখি। মহাক্না হায়খি মদুদি মখোয়না লৈবাক অসিদা লৈরিবা মীমান্নদ্রবা মীওই পুম্নমক্তা কান্নবা পীরিবা কম্মন সাইন লেংগ্বেজ অমা শেম্লে।
প্রধান মন্ত্রীনা হায়খি মদুদি নোমেদ অমসুং সেমি-নোমেদ কম্ম্যুনিতীশিংদা মখোয়গী য়াইফনবা য়েংশিন্নবা মীওই অমত্তা লৈখিদে। মহাক্না মখা তাখি মদুদি মখোয়গী য়াইফ-থৌরাংগীদমক্তা মখোয়গী সরকারনা ৱেলফেয়র বোর্দ অমা লিংখৎখি, মরমদি হায়রিবা মীওইশিং অসি সম্বিধানগী মখাদা প্রাইওরিতী ওই। প্রধান মন্ত্রীনা হায়খি মদুদি লম্বীদা পোৎ য়োল্লিবশিংনা অয়ুক্তগী নুমিদাং ফাওবা লেপ্পা লৈতনা থবক তৌরি। মখোয়না অয়াম্বা মতমদা অৱাবা কয়া মায়োক্নরি। মখোয়না মখোয়গী কার্তশিং রেন্ত তৌরি অমসুং অৱাংবা শেন্দোইদা শেল লৌরি। মহাক্না অকনবা ৱাফম থমখি মদুদি সরকারনা লম্বীদা পোৎ য়োল্লিবশিংদা কোলেতরেল য়াওদনা লোন পীনবা পি.এম. স্বানিধি স্কিম হৌদোক্লে। প্রধান মন্ত্রীনা হায়খি মদুদি স্কিম অসিগী মতুং ইন্না লম্বীদা পোৎ য়োল্লিবশিংনা অহুমশুবা রাউন্দগী লোন ফংখ্রে, ইকাই খুম্নবা ফংখ্রে অমসুং মখোয়গী ললোন-ইতিক পাকথোক চাউথোকহল্লে।
লৈবাক অসিদা বিশ্বকর্মা আর্তিসানশিংগী সর্বিসশিং মথৌ তাদবা মীওই অমত্তা লৈতে হায়না পল্লদুনা শ্রী মোদীনা হায়খি মদুদি চহি চা কয়াগী মমাংদগী মশক থোকপা পথাপ অমা লৈরি, অদুবু বিশ্বকর্মা আর্তিসানশিংগী য়াইফনবা অমত্তা খন্নখিদে। প্রধান মন্ত্রীনা পনখি মদুদি মখোয়না বিশ্বকর্মা আর্তিসানশিংগী য়াইফনবা থৌরাং অমা শেম্লে। মসিগী মনুংদা বেঙ্ক লোন, অনৌবা ত্রেনিং, মোদর্ন তুলশিং অমসুং ইন্নোবেতিব দিজাইনশিংগী প্রোভিজন য়াওরি। মহাক্না অকনবা ৱাফম থমখি মদুদি মখোয়না বিশ্বকর্মা কম্ম্যুনিতীদা মতেং পাংনবা থৌরাং অসি মপাঙ্গল কনখৎহল্লে।
শ্রী মোদীনা হায়খি মদুদি ভারতকী সম্বিধানগী মখাদা সরকারনা ত্রান্সজেন্দরশিংগী হকশিং ফংহনখ্রে অমসুং মখোয়গী হকশিং ঙাকথোক্নবা অমসুং মখোয়বু ইকাই খুম্নরবা পুন্সি অমা ফংহন্নবা আইনশিং শেমখ্রে।
মহাক্না গুজরাতকী মুখ্য মন্ত্রী ওইরিঙৈ মতমদা, উমরগামদগী অম্বাজী ফাওবা ত্রাইবেল বেল্ত পুম্বদা সাইন্স স্ত্রিম স্কুল অমত্তা লৈরমদে হায়না নীংশিংলদুনা, প্রধান মন্ত্রীনা হায়খি মদুদি সাইন্স স্ত্রিম স্কুলশিং লৈতবা, ত্রাইবেল মহৈরোইশিংনা ইঞ্জিনীয়র নৎত্রগা দোক্তর ওইরকপা ঙম্লোই। ত্রাইবেল কম্ম্যুনিতীগী এজুকেস্নেলগী মথৌ তাবশিং কোকহন্নবা মখোয়না লমদম অসিদা সাইন্স স্ত্রিম স্কুলশিং অমসুং য়ুনিভর্সিতীশিং লিংখৎলে হায়না মহাক্না অকনবা ৱাফম থমখি।
প্রধান মন্ত্রীনা পি.এম. জন মন য়োজনা শেম্নবা লমজিং-লমতাকপীবগীদমক রাস্ত্রপতিদা থাগৎপা ফোংদোকখি। পি.এম. জন মন য়োজনা অসিনা খ্বাইদগী হন্থবা থাক্কী ত্রাইবেল কম্ম্যুনিতীশিংগী চাউখৎ থৌরাংদা মীৎয়েং থম্লি। মহাক্না হায়খি মদুদি ভোৎ পোলিসীদা থওইবীদ্রবা অপীকপা কাংলুপশিং অসি হৌজিক্তি স্কিম অসিগী খুত্থাংদা মীৎয়েং চংলি অমসুং মতেং ফংলি। প্রধান মন্ত্রীনা হায়খি মদুদি মহাক্না খ্বাইদগী শোত্থরবা মীওইশিং ফাওবা খঙদোক্নবা অমসুং মতেং পাংনবা ৱাশক্লি।
চহি 60গী মনুংদা, জিলা 100বু বেকৱার্দ ওইনা মশক খঙদোকখ্রে অমসুং হায়রিবা লেবেল অসি থৌদাং লৌরিবা ওফিসরশিংগীদমক পেনালিতী পোস্তিং অমা ওইখ্রে হায়না শ্রী মোদীনা ফোংদোকখি। মহাক্না অকনবা ৱাফম থমখি মদুদি মখোয়না এস্পিরেস্নেল দিস্ত্রিক্তকী ৱাখল্লোন হৌদোক্তুনা, ওনলাইনদা চাং নাইনা পেরামিতর 40 য়েংশিন্দুনা ফীভম অসি হোংদোক্লে। প্রধান মন্ত্রীনা হায়খি ঙসিদি এস্পিরেস্নেল দিস্ত্রিক্তশিং অসি মখোয়গী রাজ্যশিংদা খ্বাইদগী ফবা দিস্ত্রিক্তশিংগা মান্নরে অমসুং খরনা নেস্নেল এভরেজ ফাওবা য়ৌরে। মহাক্না হায়খি মদুদি লমদম অমত্তা শোত্থনা থম্লোইদবনি অমসুং মখোয়না হৌজিক ব্লোক 500বু এস্পিরেস্নেল ব্লোকশিং ওইনা শেমগৎপদা মীৎয়েং থম্লি।
ত্রাইবেল কম্ম্যুনিতী অসি রাম অমসুং কৃষ্ণগী মতমদা লৈরম্মি, অদুবু নীংতম্বা ফংলবা মতুং দিকেদ কয়াগী মতুংদসু মখোয়গীদমক তোঙানবা মন্ত্রালয় শেমখিদে হায়না পল্লদুনা প্রধান মন্ত্রীনা হায়খি মদুদি অতল বিহারী বাজপায়ীগী সরকারনা অহানবা ওইনা ত্রাইবেল এফিয়র্সকীদমক তোঙানবা মন্ত্রালয় অমা লিংখৎখি অমসুং মখোয়গী চাউখৎপা অমসুং পাকথোক চাউথোকপগীদমক বজেৎ অমমম থমখি। ঙামীশিংগী য়াইফ-থৌরাংগী মতাংদা ৱা ঙাংলদুনা শ্রী মোদীনা হায়খি মদুদি অহানবা ওইনা মখোয়গী সরকারনা তোঙানবা ঙামীশিংগী মন্ত্রালয় অমা শেমখি অমসুং মখোয়গী য়াইফ-থৌরাংগীদমক তোঙানবা বজেৎ পীখি। মহাক্না হায়খি মদুদি খুন্নাইগী শরুক অসিবু য়েংশিনবীরি।
লৈবাক অসিগী অপীকপা লৌমীশিংগী মতাংদা প্রধান মন্ত্রীনা হায়খি মদুদি কোওপরেসন অসি মখোয়গী পুন্সিগী মরুওইবা শরুক অমনি। অপীকপা লৌমীশিংগী অৱাবা অদু পল্লদুনা মহাক্না হায়খি মদুদি অপীকপা লৌমীশিংগী পুন্সিদা মপাঙ্গল হাপ্নবা কোওপরেতিব সেক্তরবু থৌদাং লৌবা, মপাঙ্গল কনখৎহনবা অমসুং শক্তি পীরবা তোঙানবা কোওপরেতিব মন্ত্রালয় অমা শেম্লে। স্কিল লৈবা শিন্মীশিংগী মরুওইবা অদু পল্লদুনা শ্রী মোদীনা হায়খি মদুদি ঙসিদি মালেম পুম্বনা শিন্মীশিংগী মথৌ তারি। মহাক্না হায়খি মদুদি ঐখোয়না লৈবাক অসিদা দেমোগ্রাফিক দিভিদেন্দ ফংহনবা পাম্লবদি, ঐখোয়গী থবক শুবা মীওইশিং অসি স্কিল লৈবা ওইগদবনি। মহাক্না মখা তাখি মদুদি লৈবাক অসিগী নহারোলশিংনা মালেমগী মথৌ তাবশিংগী মতুং ইন্না শেম-শারি অমসুং মালেমগা লোয়ননা মাংলোমদা চংশিল্লি হায়বগীদমক তোঙানবা স্কিল মন্ত্রালয় অমা শেমখ্রে।
অৱাং-নোংপোক লমদমগী মতাংদা পল্লদুনা প্রধান মন্ত্রীনা হায়খি মদুদি ঐখোয়গী অৱাং-নোংপোক লমদম অসি মফম অদুদা ভোৎ নৎত্রগা সিৎ মশিং হন্থবনা মরম ওইদুনা কান্নবা ফংদ্রি। অতল জীগী সরকারনা অহানবা ওইনা অৱাং-নোংপোক্কী য়াইফনবা দোনর মন্ত্রালয় শেমখি অমসুং মসিনা মরম ওইরগা অৱাং-নোংপোক্তা ঙসি রেলৱেজ, লম্বী-থোং, পোর্ত, এয়রপোর্ত শাবদা খুমাং চাউশিনবা উবা ফংলে হায়না মহাক্না হায়খি।
প্রধান মন্ত্রীনা লমগী রেকোর্দকী মরুওইবা অমসুং ঙসিসু খ্বাইদগী চাউখৎলবা লৈবাকশিংদা থেংনরিবা সমস্যাশিং অদু পনখি। মহাক্না হায়খি মদুদি লৈঙাক অসিনা লমগী মপু ওইবগী খুদোংচাবশিং ফংহন্নবা হোৎনরি। মসিনা মরম ওইদুনা খুঙ্গংগী মীপুম খুদিংমক্না মখোয়গী য়ুমগী লমগী রেকোর্দশিং, মখোয়গী য়ুমগী মপু ওইবগী চে-চাংশিং লৈহল্লগনি। মসিনা মরম ওইদুনা বেঙ্কতগী লোন লৌবা ঙম্লগনি।
অসিগুম্বা থবকশিং অসিনা মরম ওইদুনা হৌখিবা চহি 10দা হোৎনখিবশিং অসিনা লাইরবশিংদা অনৌবা মশা-মরোমদোম থাজবা পীনবা ঙমহল্লে অমসুং অতেনবা মতমগী মনুংদা মীওই করোর 25না লাইরবদগী থোরকপা ঙম্লে হায়না শ্রী মোদীনা হায়খি। মহাক্না হায়খি মদুদি মসি পুম্নমক অসি ওইথোকপা ঙম্বগী মরম অসি ঐখোয়না সম্বিধানগী লমজিং মখাদা থবক তৌবননি।
প্রধান মন্ত্রীনা হায়খি মদুদি সবকা সাথ, সবকা বিকাস অসি স্লোগান খক্তা নত্তে, মসি ঐখোয়গী থাজবগী ৱাফম্নি অমসুং মরম অসিনা ঐখোয়না সরকারগী স্কিমশিংবু খেন্নবা অমত্তা থমদনা পায়খৎলি। মহাক্না হায়খি মদুদি সরকারনা স্কিমশিং অসি মপুং ফাহন্নবা হোৎনরি। মসিনা বেনিফিসরীশিংগী 100%না কান্নবা ফংহল্লগনি। মহাক্না মখা তাখি মদুদি করিগুম্বা অশেংবা সেক্যুলরিজম অমা লৈরবদি মদু সেচুরেসনদা লৈগনি অমসুং করিগুম্বা অশেংবা সোসিএল জস্তিস অমা লৈরবদি মদু সেচুরেসন ওইগনি, হায়বদি 100%গী কান্নবা অদু, খেন্নবা অমত্তা লৈতনা, মদুগী হক ফংফম থোকপা মীওই অদুদা পীগদবনি। মহাক্না হায়খি মসিদি অশেংবা সেক্যুলরিজম অমসুং অশেংবা সোসিএল জস্তিসনি।
লৈবাক অসিদা লমজিং-লমতাক পীনবগী মেদিয়ম অমা ওইনা সম্বিধানগী স্পিরিৎকী মতাংদা পল্লদুনা প্রধান মন্ত্রীনা হায়খি মদুদি রাজনীতি অসি লৈবাক অসিগী দ্রাইভিং ফোর্সনি। লাক্কদৌরিবা দিকেদশিংদা ঐখোয়গী দেমোক্রেসী, ঐখোয়গী পোলিসীগী মায়কৈ করম্না ওইগদগে হায়বদু ঐখোয়না খন্থগদবনি হায়না মহাক্না হায়খি।
শ্রী মোদীনা পাতী খরদা মখোয়গী রাজনিতীগী কান্নবা অমসুং শক্তিগী ৱাখল্লোনগী মতাংদা ৱাহং হংখি মদুদি মখোয় মশামক্না করিগুম্বা মতমদা খল্লমগদ্রা অমসুং মহাক্না হায়খি মদুদি পার্তী পুম্নমক্কীদমক মহাক্না হায়রম্মি। মহাক্না হায়খি মদুদি মসি মহাক্কী ৱাখল্লোনশিংনি অমসুং মহাক্না হায়রিবা হাউস অসিগী মমাংদা পুখৎপা পাম্মি।
প্রধান মন্ত্রীনা অকনবা ৱাফম থমখি মদুদি রাজনিতী দল পুম্নমক্না লৈবাক অসিগী নহাশিংবু পুক্নিং চিংশিনবা, দেমোক্রেসী মপাঙ্গল কনখৎহনবা অমসুং লৈবাক অসিগী নহাশিংবু মাংলোমদা পুখৎনবা হোৎনগদবনি। মহাক্না হায়খি মদুদি নহারোলশিংবু রাজনিতীদা পুরকপা অসি লৈবাক অসিগী দেমোক্রেসীগী মথৌ তাই। মহাক্না অমুক হন্না হায়খি মদুদি রাজনিতীগা মরী অমত্তা লৈনদবা ইমুংগী নহারোল লাখ অমা লৈবাক অসিগী রাজনিতীদা পুরকপা মথৌ তাই। মহাক্না হায়খি লৈবাক অসিদা অনৌবা ইনর্জী অমসুং অনৌবা রিজোলুসনশিং অমসুং মঙলানশিংগা লোয়ননা লাকপা নহাশিং মথৌ তাই। ঐখোয়না ভারতকী সম্বিধানগী চহি 75 মপুং ফারকপদা ঐখোয়না মসিগী মাইকৈ অসিদা চংশিনগদবনি।
কনস্তিত্যুসন্দা ঐখোয়গী থৌদাংশিংগী মতাংদা মহাক্না লাল কিলাদগী ঙাংখিবা ৱাফমশিং অদু নৌহৌনা নীংশিংলদুনা শ্রী মোদীনা হায়খি মদুদি কনস্তিত্যুসন্না প্রজাশিংগী হকশিং অদু লেপথোক্লবসু মখোয়দগী থৌদাংশিংসু পাম্মি হায়বা খঙদ্রিবা অসি য়াম্না নুংঙাইতবা অমনি। মহাক্না হায়খি মদুদি ঐখোয়গী সিভিলাইজেসনগী মচাক অসি ধর্ম, ঐখোয়গী মথৌনি। মহাক্না মহাত্মা গান্ধীজীগী ৱাহৈশিং পল্লদুনা হায়খি মদুদি মহাত্মা গান্ধীজীনা হায়রম্মি মদুদি ঐখোয়গী থৌদাংশিং করম্না পাংথোকপগে হায়বা অসিগী হকশিং থোরকই হায়না মহাক্না মহাক্কী লাইরিক ময়েক চৎতবা অদুবু লৌশিং লৈবা মমাদগী তমজখি। শ্রী মোদীনা হায়খি মদুদি মহাক্না মহাত্মা জীগী ৱাহৈশিং অদু মাংলোমদা পুখৎপা পাম্মি অমসুং ঐখোয়না ঐখোয়গী ফন্দামেন্তেল দ্যুতীশিং অদু ঙাক্না চৎলবদি চাউখৎলবা ভারত অমা শেমগৎপদা ঐখোয়বু কনানসু থিংবা ঙম্লোই হায়না মহাক্না হায়খি। মহাক্না হায়খি মদুদি সম্বিধানগী চহি 75 অসিনা ঐখোয়গী থৌদাং, ঐখোয়গী ফিরেপ অমসুং লৈবাক অসিনা থৌদাং অদুগী ৱাখল্লোনগা লোয়ননা মাংলোমদা চংশিনবা অসি মতম অসিদা খ্বাইদগী মথৌ তাবনি।
প্রধান মন্ত্রীনা হায়খি মদুদি ভারতকী তুংলমচৎকীদমক সম্বিধানগী ৱাখল্লোন অসিনা ইথিল পীদুনা মহাক্না হাউস অসিগী মমাংদা ৱারেপ 11 পুখৎপা পাম্মি। অহানবা ৱারেপদি, প্রজা ওইগেরা নত্ত্রগা সরকার ওইগেরা, মীপুম খুদিংমক্না মখোয়গী মথৌশিং পাংথোক্কদবনি। অনিশুবা ৱারেপদি সেক্তর খুদিংমক্তা, খুন্নাই খুদিংমক্তা চাউখৎ-থৌরাংগী কান্নবা ফংহনগদবনি, সবকা সাথ সবকা বিকাস। অহুমশুবা ৱারেপ অসিদি করপ্সনগী মায়কৈদা জিরো তোলরেন্সী লৈগদবনি, করপ্সন তৌবশিংবু খুন্নাইনা লৌশিল্লোইদবনি। মরিশুবা ৱারেপদি লৈবাক অসিগী প্রজাশিংনা লৈবাক অসিগী আইনশিং, লৈবাক অসিগী কাংলোনশিং অমসুং লৈবাক অসিগী চৎনবীশিং ঙাক্না চৎপদা চাউথোকচবা পোক্কদবনি। মঙাশুবা ৱারেপ অসিদি মীখা পোনবগী ৱাখল্লোন অসি মুত্থৎনবা, লৈবাক অসিগী হেরিতেজ অসিদা চাউথোকচবা পোক্কদবনি। তরুকশুবা ৱারেপদি লৈবাক অসিগী রাজনিতী অসি নেপোতিজমদগী নীংতমগদবনি হায়বসিনি। সম্বিধান অসি ইকাই খুম্নগদবনি, সম্বিধান অসি রাজনিতীগীদমক খুৎলাই ওইনা শীজিন্নরোইদবনি। নিপালশুবা ৱারেপদি সম্বিধানগী স্পিরিৎ অদু ঙাক্না চৎতুনা, রিজর্বেসন ফংলিবশিংদগী রিজর্বেসন লৌথোক্লোইদবনি অমসুং ধর্মদা য়ুম্ফম ওইদুনা রিজর্বেসন পীনবা হোৎনবা খুদিংমক থিংগদবনি। মাপলশুবা ৱারেপ, ভারতনা নুপীশিংনা লুচিংবা চাউখৎ থৌরাংগী লমদা মালেমগীদমক খুদম অমা ওইগদবনি। তরাশুবা ৱারেপদি রাজ্যগী চাউখৎ থৌরাংগী থোংদা লৈবাক্কী চাউখৎ থৌরাং, মসি ঐখোয়গী চাউখৎ থৌরাংগী মন্ত্র ওইগদবনি। 11শুবা ৱারেপ, এক ভারত শ্রেস্থ ভারতকী পান্দম অসি খ্বাইদগী মরু ওইগদবনি।
প্রধান মন্ত্রীনা হায়খি মদুদি করিগুম্বা ঐখোয় পুম্নমক্না মসিগী ৱারেপ অসিগা লোয়ননা মাংলোমদা চংশিনবা তারবদি, মীপুম খুদিংমক্কী হোৎনবশিংগা লোয়ননা, ঐখোয়না, মীয়ামনা, চাউখৎলবা ভারত অমগী মঙলান অসি মপুং ফাহনবা ঙমগনি। মহাক্না হায়খি মদুদি লৈবাক অসিগী মীওই করোর 140গী মংলান অদু মপুং ফারকপা অমসুং লৈবাক অসিনা ৱারেপ অদুগা লোয়ননা খোঙজেল য়াঙখৎপা হৌরকপা মতমদা, মদুগী পাম্লিবা মহৈ অদু ফংলগনি। শ্রী মোদীনা হায়খি মদুদি মহাক্না লৈবাক অসিগী মীওই করোর 140বু য়াম্না ইকায় খুম্নৈ অমসুং মখোয়গী শক্তিদা থাজবা থম্লি। মহাক্না লৈবাক অসিগী য়ুবা শক্তি, লৈবাক অসিগী নারি শক্তিদা থাজবা থম্লি। মহাক্কী ৱারোল লোইশিল্লদুনা প্রধান মন্ত্রীনা হায়খি মদুদি 2047দা লৈবাক অসিনা নীংতম্বা চহি 100 শুরকপা মতমদা, ঐখোয়না ৱারেপ লৌদুনা মাংলোমদা চংশিন্দুনা ভিকসিৎ ভারত অমা ওইনা পালন তৌগদবনি।
***
(Release ID: 2084637)
Visitor Counter : 10
Read this release in:
English
,
Urdu
,
Hindi
,
Marathi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam