মহৈ মশিংগী কেন্দ্র মন্ত্রী, শ্রী ধরমেন্দ্র প্রধান্না ঙসি নই দিল্লীদা, UGC না পাঙথোকপা নোংবগী ওইবা ৱর্কসোপ ফোর ৱুমেন লীদর্স: সেপিং একাদমিক এক্সেলেন্স ফোর VIKSIT ভারত @ 2047 হৌদোকখ্রে‍। এজুকেসন অমসুং দিভেলপমেন্ত ফোর নোর্থ ইস্তর্ন রিজনগী কেন্দ্রগী রাজ্য মন্ত্রী, দোক্তর সুকান্ত মজুমদারসু থৌরমদুদা শরুক য়াখি‍। সেক্রেতরী, এজুকেসন মন্ত্রালয়, শ্রী সঞ্জয় কুমার; চেয়রমেন, UGC, প্রোফ. এম. জগদেশ কুমার; দাইরেক্তর জেনেরেল, এরোনোতিকেল সিস্তেম, DRDO, দোক্তর রাজালক্সমি মেনোন; ভাইস চেয়রমেন, UGC, প্রোফ. দীপক কুমার স্রিভাস্তব; দাইরেক্তর, IIT দিল্লী, প্রোফ. রঙ্গন বেনর্জী; অমসুং লৈবাক শিন্বা থুংবদগী মমিং লৈরবা মীথুংশিংসু থৌরমদুদা শরুক য়াখি‍।

থৌরমদুদা শরুক য়াখিবশিংগী মফমদা ৱা ঙাংলদুনা, শ্রী ধরমেন্দ্র প্রধান্না NEP ২০২০ গী ভিজন পরিংদা পাঙথোক্লিবা ৱর্কসোপ অসিনা মতৌ করম্না মহৈ মশিংগী থাক খুদিংদা নুপীশিং মপাঙ্গল হাপ্পদা মীৎয়েঙ থম্লি হায়বগী মরমদা ৱাফম কয়া ফোঙদোকখি‍। ৱর্কসোপ অসিনা নুপীশিংনা হাইয়র এজুকেসনগী স্তেন্দর্দ ৱাংখৎহন্নবা অমসুং মখোয়দা লীদর্সিপকী থৌদাং লৌনবা মতিং হাপ্তুনা পুক্নিং থৌগৎনবা পান্দম থম্লি হায়নসু ফোঙদোকখি‍।

নারী শক্তি হায়বসি পাঙ্গল, খাঙবা কন্বা, অমসুং মঙলানগী খুদম অমনি, অদুগা নুপীশিংবু ইকায়খুম্নবা হায়বসিনা ভারতকী খুন্থোক্লোনগা লোয়নদুনা লাক্লবা মচৎ অমনি হায়না শ্রী প্রধান্না হায়খি‍। প্রধান মন্ত্রী শ্রী নরেন্দ্র মোদীগী মফমদা থাগৎপা ফোঙদোক্লদুনা, মহাক্না হৌখিবা চহি ১০ সিদা লৈঙাক অসিনা মতৌ করম্না নুপীশিংগী চাওখৎ থৌরাংদগী নুপীশিংনা লমজিংবা চাওখৎ থৌরাং হায়বসিদা অওন্বা পুরক্নবা মাঙজিল থানা হোৎনরকখিবগে হায়বগী মতাঙদা ফোঙদোকখি‍।

হৌজিক লাক্কদৌরিবা মালেমগী মচৎ অসি ৱাখল লৌশিংনা থৌদুনা পুগনি অমদি নুপীশিংনা কল কয়া নমখায়রি, জেন্দর রোলশিং শিংনরি অমদি STEM য়াওনা হীরম খুদিংদা মখোয়না শরুক য়াবগী চাং হেনগৎলক্লি হায়না মন্ত্রীনা ফোঙদোকখি‍। হীরম খুদিংদা নুপীশিংগী খল মান্নবা ফম্পাক ফংহনবা মরুওই হায়না মহাক্না মখা তাখি‍। ৱর্কসোপ অসিদা খন্ন-নৈনবা, ৱারী শানবা অমসুং থেংনরকপশিং তাথোক তাশিন তৌনবনা মদুগী লম্বী অমা য়াৎবা ঙমগনি হায়না মহাক্না থাজবা ফোঙদোকখি‍।

শ্রী প্রধান্না, ফিরেপ লৌবগী স্ত্রকচর অমসুং পুন্সিগী ফিরেপ পুম্বদা নুপীশিং য়াওহন্নবা নুপীশিং মপাঙ্গল হাপ্পগী ভারতকী ওইবা মোদেল অমা শেমগৎপা মথৌ তাই হায়খি‍। ঐখোয়না ভিক্সিত ভারতকী পান্দমশিং ফংনবা মাঙদা চঙশিনবগা লোয়ননা, নারী শক্তিনা ফিরেপ লৌবগী থৌদাং হেন্না লৌরক্কনি হায়না মহাক্না হায়খি‍।

নুপীশিং থোং মান্নবা ফীভমদা পুরকপা অমদি মপাঙ্গল হাপ্পখক্তনা ঐখোয়গী খুন্নাই অমসুং লৈবাকসিবু মপাঙ্গল কনখৎহন্বা ঙমগনি হায়না মন্ত্রীনা ফোঙদোকখি‍।

দোক্তর সুকান্ত মজুমদারনা, মহাক্কী ৱারোলদা, ভিক্সিত ভারতকী পান্দমশিং ফংনবগীদমক মহৈ মশিংগী লমদা নুপীশিংগী লীদর্সিপকী মরুওইবা ৱাফমশিং থমখি‍। মাইত্রেয়ী অমসুং গার্গিগুম্বা অরিবা মতমগী ৱাখল লৌশিং লৈবা লুচিংবীশিং, লোয়ননা দোক্তর সৌম্য স্বামিনাথনগুম্বা হৌজিক মতমগী সাইন্তিস্তশিংগী মফমদা কোক নোল্লদুনা, মহাক্না মতৌ করম্না নুপী লুচিংবীশিংনা একাদমিক এক্সেলেন্সকী মফম শেম্লি অমদি লৈবাক শেমগৎপগা থৌদাং লৌরি হায়বগী মরমদা ফোঙদোকখি‍। অপেন্বা পোক্নিংঙাই ওইবা নুপীশিংগী গ্রোস এনরোলমেন্ত রেসিওগী মতাঙদা পল্লদুনা, মসি তুংদা অসুম হেনগৎলকখিগনি হায়না মহাক্না ফোঙদোকখি‍। খুজিল থৌরাং য়াৎপদা জেন্দর ইনক্লুজিবিতীদা মীৎয়েঙ থম্লিবা PM-USHA গুম্বা থৌশিলশিংগী মরুওইবা, লোয়ননা WISE-KIRAN অমসুং DIKSHA (দিজিতেল ইনফ্রাস্ত্রকচর ফোর নোলেজ শেয়রিং) অমদি মতৌ করম্না লৈঙাক অসিনা একাদমিয়া অমসুং রিছর্চকী লমদা নুপীশিং মপাঙ্গল হাপ্নবা হোৎনরিবগে হায়বগী মতাঙদসু মহাক্না পনখি‍। খুন্নাই অসিবু উচেক অমগা চাংদম্নরদুনা, লৈবাকসিদা হীরম খুদিংদা চাওখৎপা পুরক্নবা অমসুং ভিক্সিত ভারতকী পান্দমশিং ফংনবগীদমক উচেক্কী মশা অনিমক – নুপা অমসুং নুপী – মপাঙ্গল কনখৎহন্বগী মথৌ তাবা ৱাফম ফোঙদোকখি‍।

শ্রী সঞ্জয় কুমারনা, মহাক্কী ৱারোলদা, লীদরসিপ লৈহন্নবগী খেন্নবা মশকশিংগী মরুওইবা ৱাফমশিং থমখি অমদি পুন্সিগী হীরম খুদিংদা, মরুওইনা সাইন্সকী লমদা, লৈবাক পুম্বদা নুপীশিং কোনশিন্দুনা লীদরসিপ্তা খেন্নবা শক্তম পুরকপগী মথৌ তাবশিং ফোঙদোকখি‍। ভারত্তা STEM এজুকেসন্দা নুপীশিংনা খ্বায়দগী চাং ৱাংনা শরুক য়ারি হায়রদুনা, মায় পাকপা অসি মখা তানা লৈহন্নবগীদমক খুজিল থৌরাংনা শৌগৎপা মথৌ তাই হায়না মহাক্না হায়খি‍। প্রধান মন্ত্রী শ্রী নরেন্দ্র মোদীগী ভিক্সিত ভারত অমগী মঙলানশিংগী মতাঙদা অমুক হন্না পল্লদুনা, ভারত নুপীশিংনা লমজিংবা চাওখৎপা লৈবাক অমা ওইরক্কনি হায়না মহাক্না থাজবা ফোঙদোকখি‍।

নুমিৎ চুপ্পা, শ্রীমতি লক্সমি ঐয়র, লার্সেন এন্দ তৌব্রোগী জোইন্ত জেনেরেল মেনেজর (ইন্দস্ত্রী একাদমিয়া পার্ত্নরসিপকী মরুওইবা অমদি হাইয়র এজুকেসন্দা লীদরসিপ পুরকপদা মখোয়গী থৌদাং); শ্রীমতি বন্দনা ভতনগর, IIM জম্মুগী বোর্দ ওফ গভর্নর্সকী মেম্নর (লীদরসিপ এক্সপিরিএন্স অমসুং ইন্সতিত্যুস্নেল গ্রোথ অমসুং দিভেলপমেন্ততা লৌরিবা থৌদাং); শ্রীমতি গীতা সিংহ রাথোর, দাইরেক্তর জেনেরেল, নেস্নেল সেম্পল সর্ভে, মিনিস্ত্রী ওফ স্তেতিস্তিক্স এন্দ প্রোগ্রাম ইম্প্লিমেন্তেসন (এজুকেসন্দা দেতা-দ্রিভন লীদর্সিপ অমসুং পোলিসী শেম্বদা মসিগী ইথিল); দোক্তর সোনাল মনসিংহ, পদ্ব বিভুসন এৱার্দী অমসুং মেম্বর ওফ পার্লিয়ামেন্ত, রাজ্য সভা (২০১৮-২০২৪); দোক্তর রাজালক্সমি মেনোন, দাইরেক্তর জেনেরেল, এরোনোতিকেল সিস্তেম, DRDO, (চাওখৎপা ভারত অমগী নুপীনা লমজিংবা রিছর্চ মখোঙ শোম্বিবা); প্রোফেস্নর নীলিমা গুপ্তা, ভাইস চান্সেলর, দোক্তর হরিসিংহ গৌর য়ুনিভর্সিতী, (ভিক্সিত ভারত @ ২০৪৭ গীদমক হাইয়র এজুকেসন লীদরসিপ্তা নুপীশিংগী তুংলমচৎ); প্রোফেসর প্রীতি অঘালয়ম, দাইরেক্তর ইন-চার্জ, IIT মদ্রাস, জঞ্জিবর কেম্পস, (সাইন্স, তেক্নোলোজী, ইঞ্জিনিয়রিং, এন্দ মেথমেতিক্স – STEM দা নুপী লীদরসিপ); শ্রী সঞ্জিব মেহতা, এদভাইজর অমসুং হেদ ওফ প্রোগ্রাম দিভেলপমেন্ত, IBM ইনোভেসন সেন্তর ফোর এজুকেসন, (অঅফবা থবক-পুন্সীগী খল থম্নবা লীদরসিপকী থৌদাং খল চানা থম্নবা লাল্লোং); অমসুং দোক্তর শমিকা রবি, মেম্বর, ইকনমিক এদভাইজরী কাউন্সিল তু দি প্রাইম মিনিস্তর, (লীদরসিপ রোলদা লৈবা নুপীশিংগী ফম্পাকশিং শেম্বা, লমজিং লমতাকপিবা, অমসুং নেতৱর্কিং তৌবা), হায়রিবা মশক নাইবা মীওইশিংনা শরুক য়ারিবা মীওইশিংগা ৱারী শানদুনা, মনুং হুৎনা ৱাখল্লোন তাথোক তাশিন তৌনদুনা মরুওইবা হীরমশিংদা খন্ন-নৈনগনি‍।

*****