حکومت تیزی سے بینکنگ ایکو سسٹم کی حمایت کر رہی ہے اور استحکام، شفافیت اور ترقی کو برقرار رکھنے کے لیے کاروبار اور ملازمین کی بہبود کا خیال رکھتی ہے۔ پچھلی دہائی کے دوران، حکومت کی جانب سے اس سمت میں متعدد شہری اور عملے پر مبنی اصلاحی اقدامات کیے گئے ہیں۔ بینکنگ کے شعبے میں ہونے والی اصلاحات کا ایک مختصر خاکہ درج ذیل ہے:

بینکنگ کے شعبے میں اصلاحات اور سرکاری شعبے کے بینکوں (پی ایس بی ایس) کی کارکردگی:

آر بی آئی نے 2015 میں اثاثہ معیار کا جائزہ (اے کیو آر) شروع کیا تاکہ بینکاری نظام میں تناؤ کے مسئلے کی نشاندہی اور اس کو حل کیا جا سکے، جس کے تحت، بینکوں کی جانب سے شفافیت کے ساتھ تسلیم کئے جانے اور از سر نو لئے گئے قرضوں کے خصوصی ازالہ کے بعد،ناکارہ کھاتوں کو غیر فعال اثاثوں کے طور پر دوبارہ درجہ بند کیا گیا۔ (این پی اے) اور ناکارہ قرضوں پر امکانی نقصانات کے پیش نظر، جو پہلے خصوصی ازالہ کے نتیجے میں فراہم نہیں کیے گئے تھے، فراہم کیے گئے، جس کے نتیجے میں زیادہ این پی اے میں جو2018 میں سب سے زیادہ تھا۔ زیادہ این پی اے اور ضروری فراہمی نے بینکوں کے مالیاتی پیرامیٹرز پر گہرا اثر ڈالا اور معیشت کے پیداواری شعبوں کو ترقی اور قرض دینے کی ان کی صلاحیت کو روکا۔

2015 سے، حکومت نے سرکاری شعبے کے بینکوں کو درپیش چیلنجوں سے نمٹنے کے لیے این پی اے کو شفاف طریقے سے تسلیم کرنے، ریزولوشن اور ریکوری، سرکاری شعبے کے بینکوں کی دوبارہ سرمایہ کاری، اور مالیاتی نظام میں اصلاحات کی ایک جامع 4آر کی حکمت عملی کو نافذ کیا۔ اور حکومت کی جامع پالیسی اصلاحات کے نتیجے میں، سرکاری شعبے کے بینکوں سمیت بینکنگ شعبے کی مالی صحت اور مضبوطی میں نمایاں بہتری آئی ہے۔ قابل ذکر بہتری مندرجہ ذیل دکھائی گئی ہے: -

1. اثاثوں کے معیار میں بہتری -

• سرکاری شعبے کے بینکوں کا مجموعی این پی اے تناسب 24 ستمبر میں 3.12فیصد تک گر گیا جو مارچ-15 میں 4.97فیصد تھا اور مارچ-18 میں 14.58فیصد۔

2. سرمائے کی مناسبت میں بہتری-

• سرکاری شعبے کے بینکوں کا سی آر اے آر میں 393  بی پی ایس کی بہتری ستمبر-24 میں 15.43فیصد تک پہنچ جائے گی جو مارچ-15 میں 11.45فیصد تھی۔

3. مالی سال 2023-24 کے دوران، سرکاری شعبے کے بینکوں نےمالی سال2022-23 میں 1.05 لاکھ کروڑ روپئےکے خالص منافع کے مقابلے میں 1.41 لاکھ کروڑ روپئے کا اب تک کا سب سے زیادہ مجموعی خالص منافع ریکارڈ کیا ہے، اور مالی سال2024-25 کی پہلی ششماہی میں 0.86 لاکھ کروڑروپئے ریکارڈ کیا ہے۔
4. پچھلے 3 سال کے دوران، سرکاری شعبے کے بینکوں نے 61,964 کروڑ روپئےکا کل ڈویڈنڈ ادا کیا ہے۔

سرکاری شعبے کے بینکوں کی مالی شمولیت میں اضافہ کے لیے ملک کے کونے کونے تک اپنی رسائی کو بڑھا رہے ہیں۔ ان کے سرمائے کی بنیاد مضبوط ہوئی ہے اور ان کے اثاثوں کا معیار بہتر ہوا ہے۔ اب وہ وصولی کے لیے حکومت پر انحصار کرنے کے بجائے بازار جا کر سرمائے تک رسائی حاصل کر سکتے ہیں۔

• ملک میں مالی شمولیت کو مزید بڑھانے کے لیے، 54 کروڑ جن دھن اکاؤنٹس اور 52 کروڑ سے زیادہ بلاضمانت قرضوں کو مختلف فلیگ شپ مالی شمولیت اسکیموں (پی ایم مدرا، اسٹینڈ اپ انڈیا، پی ایم-سواندھی، پی ایم وشوکرما) کے تحت منظور کیا گیا ہے۔ مدرا اسکیم کے تحت استفادہ کنندگان میں 68فیصد خواتین ہیں اورپی ایم-سواندھی اسکیم کے تحت 44فیصد مستفید خواتین ہیں۔
• بینک کے برانچوں کی تعداد مارچ 14 میں 1,17,990 سے بڑھ کر ستمبر 24 میں 1,60,501 ہوگئی ہے۔ 1,60,501 شاخوں میں سے 1,00,686 شاخیں دیہی اور نیم شہری (آر یو ایس یو) علاقوں میں ہیں۔
• کے سی سی اسکیم کا مقصد کسانوں کو قلیل مدتی فصل قرض فراہم کرنا ہے۔ ستمبر 2024 تک آپریٹو کے سی سی کھاتوں کی کل تعداد 7.71 کروڑ تھی جس پر کل بقایا رقم 9.88 لاکھ کروڑ روپے ہیں۔
• حکومت ہند (جی او آئی) نے مختلف اقدامات کے ذریعے سستی شرحوں پر قرض کی آمد کے سلسلے میں  ایم ایس ایم ای شعبے کی مسلسل مدد کی ہے۔ ایم ایس ایم ای ایڈوانسز نے پچھلے 3 سال کے دوران 15فیصد کا سی اے جی آر درج کیا ہے۔ 31.03.2024 تک کل ایم ایس ایم ای ایڈوانسز 28.04 لاکھ کروڑ روپے رہی،جو 17.2 فیصد کی سالانہ ترقی ہے۔
• 2004-2014 کے دوران شیڈولڈ کمرشل بینکوں کی مجموعی پیش قدمی 8.5 لاکھ کروڑ روپئےسے 61 لاکھ کروڑ روپے ہوگئی، جو مارچ-2024 میں نمایاں طور پر بڑھ کر 175 لاکھ کروڑ روپے تک پہنچ گئی ہے۔

سرکاری شعبے کے بینکوں میں انسانی حقوق کی پالیسیاں اور فلاح و بہبود کے اقدامات

سرکاری شعبے کے بینکوں میں منتقلی:

مزید شفافیت کو فروغ دینے اور یکساں، غیر صوابدیدی منتقلی کی پالیسی کی تشکیل کو یقینی بنانے کے مقصد کے ساتھ، جامع ایڈوائزری جاری کی گئی ہے جسے سرکاری شعبے کے بینکوں کو ان کی متعلقہ ٹرانسفر پالیسیوں میں شامل کرنا ہے۔

خاتون ملازمین کے سلسلے میں، سرکاری شعبے کے بینکوں کو، دیگر باتوں کے ساتھ، مشورہ دیا گیا ہے کہ:

1. خاتون ملازمین کو قریبی مقامات / اسٹیشنوں / علاقے میں تعینات کیا جائے گا۔
2. اسکیل3 تک کے افسران کو ان کے متعلقہ لسانی علاقے میں جگہ دی جائے گی تاکہ یکساں کسٹمر سروس کو یقینی بنایا جا سکے۔
3. منتقلی کی دستیاب بنیادوں کے علاوہ، شادی / شریک حیات / طبی / زچگی / بچے کی دیکھ بھال / دور کی پوسٹنگ کی بنیادوں کو بھی مناسب طریقے سے شامل کیا جائے۔
4. ٹرانسفرز کو ایک آن لائن پلیٹ فارم تیار کر کے خودکار بنایاجائے گا جس میں ٹرانسفر/پروموشنز کی صورت میں مقام کی ترجیحات دینے کا بندوبست ہو گا۔

پی ایس بی ملازمین کے لیے فلاحی اقدامات:

1. 12واں دو طرفہ تصفیہ:

12ویں بی پی ایس کے نفاذ کے ذریعے، بینک ملازمین کو تنخواہ اور الاؤنس (12,449 کروڑ روپے) میں 17فیصد اضافہ ہوا جس میں 3فیصد (1,795 کروڑ روپے) کا بوجھ بھی شامل ہے۔

اہم جھلکیاں:

1. ایم او یو اور لاگت شیٹ کے مطابق تمام کیڈرز کے لیے نئے پے اسکیلز۔
2. موجودہ بیس سال یعنی 1960 کو بدل کر ڈی اے/ڈی آر (بیس 2016 پر صنعتی کارکنوں کے لیے اے آئی سی پی آئی) کام کرنے کے لیے بیس سال کو 2016 میں تبدیل کریں، اور ان سروس اسٹاف اور پنشنرز/ فیملی پنشنرز کے لیے ڈی اے/ ڈی آر کی شرحوں کا حساب لگانے کے لیے نظر ثانی شدہ فارمولہ .
3. اعلیٰ وفود کے ذریعے بہتر کسٹمر کے تجربے کے لیے ایوارڈ اسٹاف کی بطور‘کسٹمر سروس ایسوسی ایٹس’ دوبارہ نامزدگی اور خصوصی تنخواہ کے ساتھ توسیع شدہ کردار۔
4. نظرثانی شدہ روکے جانے والے نرخ/رہائش کے اخراجات، ڈیپوٹیشن الاؤنس اور سڑک پر سفر کے اخراجات کی ادائیگی کے لیے نظرثانی شدہ نرخ۔
5. خواتین ملازمین کے لیے خصوصی چھٹیوں کے انتظامات بشمول ماہواری کے دوران چھٹی، بانجھ پن کا علاج، دوسرا بچہ گود لینے اورمردہ بچے کی پیدائش کے واقعات۔

2. پنشنرز کو ماہانہ ایکس گریشیا رقم:

موجودہ دو طرفہ مدت کے لیے پنشنرز اور فیملی پنشنرز کے لیے ماہانہ ایکس گریشیا رقم شروع کی گئی ہے۔

3. 1986 سے پہلے کے ریٹائر ہونے والوں کے لیے معافی:

1986 سے پہلے کے ریٹائر ہونے والوں اور ان کےکنبوں کی رقم4946 روپئے اور2478روپئے سے بڑھا کر دونوں صورتوں میں بالترتیب10,000 ماہانہ کردی گئی ہے۔ اس سے 105 ریٹائرڈ اور 1382 رفقائے حیات کو فائدہ ہوگا۔ کل اضافی خرچ 4.73 کروڑ روپے سالانہ ہے۔ اس پر فروری 2023 سے عمل کیا جارہا ہے ۔

4. ڈی اے نیوٹرلائزیشن:

2002 سے پہلے کے ریٹائر ہونے والوں کو 100فیصدڈی اے نیوٹرلائزیشن دیا گیا تھا۔ اس کی وجہ سے 1,81,805 افراد مستفید ہوں گے جن پر کل اضافی خرچ  631 کروڑ روپئے سالانہ خرچ آئے گا۔ اس پر اکتوبر 2023 سے عمل کیا جارہا ہے۔

5. بینک سے مستعفی ہونے والوں کے لیے پنشن کا متبادل:

بینک سےمستعفی ہونے والوں کو پنشن کا انتخاب کرنے کا اختیار فراہم کیا گیا تھا جو دوسری صورت میں پنشن اسکیم میں شامل ہونے کے اہل تھے۔ اس قدم سے بینک سے ریٹائر ہونے والے تقریباً 3198  افراداور کنبوں کو فائدہ پہنچے گا۔ اس کاکل اضافی خرچ 135 کروڑ روپئےسالانہ ہے۔

6. اسٹاف ویلفیئر فنڈ (ایس ڈبلیو ایف):

اسٹاف ویلفیئر فنڈ(ایس ڈبلیو ایف)سرکاری شعبے کے بینکوں کی طرف سے سرکاری شعبے کے بینکوں کے کام کرنے والے اور ریٹائرڈ اہلکاروں کی فلاح و بہبود سے متعلق سرگرمیوں (صحت سے متعلق اخراجات، کینٹین کے کھیلوں اور ثقافتی سرگرمیوں پر سبسڈی، تعلیم سے متعلق مالی امداد وغیرہ) کے لیے مختص فنڈ ہے۔ سالانہ اخراجات کی زیادہ سے زیادہ حد میں اضافہ کر کے ایس ڈبلیو ایف کو تقویت ملی۔ 2012 میں آخری بار نظر ثانی شدہ حد، 2024 تک سرکاری شعبے کے بینکوں میں ملازمین اور ریٹائر ہونے والوں کی تعداد اور سرکاری شعبے کے بینکوں کے بزنس مکس میں تبدیلی کو مدنظر رکھتے ہوئے مکمل طور پر نظر ثانی کی گئی تھی۔ نظر ثانی کے بعد، تمام 12 سرکاری شعبے کے بینکوں کے لیے ایس ڈبلیو ایف کی مشترکہ زیادہ سے زیادہ سالانہ اخراجات کی حد 540 کروڑ سے بڑھ کر 845 کروڑ ہو گئی ہے۔ اس اضافے سے تمام 12 سرکاری شعبے کے بینکوں کے ریٹائرڈ ملازمین سمیت 15 لاکھ عملے کو فائدہ پہنچے گا۔

****

ش ح۔ا س ۔ف ر

Urdu No. 3901