কম্মর্স অমসুং ইন্দস্ত্রীগী কেন্দ্র মন্ত্রী শ্রী পিয়ুস গোয়লগা য়ুরোপিয়প কম্মিন দেলিগেসনগী ওস্ত্রিয়া, বেলজিয়ম, বলগেরিয়া,, চেক রিপব্লিক, এস্তোনিয়া, ইতলী, আইরলেন্দ, লাতভিয়া, লিথুনিয়া, মাল্তা, পোলেন্দ, পোর্তুগল, রোমানিয়া, স্লোবাক রিপব্লিক, স্পেন, অমসুং স্বিদেনগী এম্বেসেদরশিংগা ৱারী শানখ্রে‍। উনবা অদুদা কম্মর্স অমসুং ইন্দস্ত্রীগী রাজ্য মন্ত্রী শ্রী জিতিন প্রসাদ, কম্মর্স সেক্রেতরী, সেক্রেতরী, DPIIT অমসুং অতৈ মকোক থোংবা ওফিসিএলশিংসু শরুক য়াখি‍।

ভারত অমসুং EU গী মরক্তা নকশিন্নবা হেনগৎলক্লিবা অমসুং ৱাংখৎলক্লিবা ত্রেদশিংগী মরমদা ৱারী শানরদুনা, শ্রী পিয়ুস গোয়লনা নাকল অনিমক্না খল মান্নবা, পান্দম চাউবা, মপুং ফাবা অমসুং নাকল অনিমক্তা কান্নগদবা ফ্রী ত্রেদ এগ্রীমেন্ত (FTA) লৈহন্নবা হোৎনমিন্নরি হায়খি‍। FTA নেগোসিএসন অসি, রাউন্দ ৯ লক কুপ্না খন্নরবা মতুংদা, অমনা অমগী ইহুল খঙনরগা লল্লোন ইতিক্কী মীৎয়েঙদা ৱাহন্থোক লৈবা দীল অমা পুরক্নবা রাজনিতীগী লমজিং মথজ্ঞৌ তারক্লে হায়খি‍। হীরমসিদা তুং কোইগদবা মওংদা খন্নবা খুদিংমক্তা কম্মন বত দিফরেন্সিএতেদ রেস্পোন্সিবিলিতী (CBDR) গী পরমশিং ঙাক্কদবনি অমদি অসিগুম্বা থৌরাংশিং পায়খৎপা মতমদা চাওখৎ থৌরাংগী খেন্নবা লম্বীশিংদা মীৎয়েঙ থমগদবনি হায়না মন্ত্রীনা মখা তাখি‍। ভারতকী শেন্মিৎলোন অসি চহিদা ৭-৮% চাউখৎলক্তুনা মথঙগী চহি খরসিদা মালেমগী অহুমশুবা খ্বায়দগী চাউবা শেন্মিৎলোন ওইরক্কনি হায়না পানরি‍। মদুগী তুংদা, খোঙলৈ থুনা অমদি পাক চাউনা খুমাঙ চাওশিল্লকপনা ভারতকী GDP বু ২০৪৭ ফাওবদা $35 ত্রিলিয়নগী পন্দোল লোমহন্বদা মতেং পাংগনি‍। লোকশিন্দ্রিবা পাক চাউরবা শেন্মিৎলোনগী মতিংবু শকখঙলদুনা, য়ুরোপিয়নগী মায়কৈদগী শেন্মিৎলোন অনি অসি পুনশিন্বনা অমদি সপ্লাই চেন্দা রেজিলিএন্স পুরকপনা নাকল অনিমক্তা চাউনা কান্নহনগনি হায়বা ৱাফম থমখি‍। ৱারী শানখিবা অদুদা ইন্দিয়া-EU ত্রেদ এন্দ তেক্নোলোজী কাউন্সিলগী লৈরিবা খোঙজেল খন্ননবা তাঞ্জা অমসু পীখি‍। য়ুনাইতেদ স্তেতসকী মথঙদা ভারতনা EU গা অসিগুম্বা মেকানিজম লৈনব অমত্তা ঙায়রবা লৈবাক্নি‍।

ভারতকা EU গা পোৎ-চৈগী নাকল অনিগী ওইবা ত্রেদ অসি ২০২৩-২৪ দা USD 137.41 বিলিয়ন ওইরম্বগা লোয়ননা, ভারতকী পোৎলমশিংগী খ্বায়দগী চাউবা ত্রেদিং পার্ত্নর ওইরি‍। মসিগী মথক্তা, সর্ভিসেসকী লমদা নাকল অনিগী ওইবা ত্রেদ অসি, ২০২৩ দা, US$ 51.45 বিলিয়ন ওইরম্মি‍। EU গা লৈনরিবা ত্রেদ এগ্রীমেন্ত অসিনা ভারতপু মাগী গুদ্স অমসুং সর্ভিস এক্সপোর্ত পাকথোক চাউথোকহন্বা অমদি মখল শুহন্বদা মতেঙ পাংবগা লোয়ননা, ভেল্যু চেনবু সিক্যুর ওইহন্বা ঙমগনি‍। ভারতনা মাগী মালেমগী ত্রেদকী মার্কেত শেয়র হেনগৎহন্নবা মালেমগী অচৌবা শেন্মিৎলোনশিংগা খল মান্নবা এগ্রীমেন্তশিং পুরক্নবা থৌরাং য়াৎলি‍।

***