ਪ੍ਰਧਾਨ ਮੰਤਰੀ ਕਿਸਾਨ ਸੰਪਦਾ ਯੋਜਨਾ (ਪੀਐੱਮਕੇਐੱਸਵਾਈ) ਦੀ ਕੰਪੋਨੈਂਟ ਸਕੀਮ –ਏਕੀਕ੍ਰਿਤ ਕੋਲਡ ਚੇਨ ਅਤੇ ਵੈਲਿਊ ਐਡੀਸ਼ਨ ਇਨਫ੍ਰਾਸਟ੍ਰਕਚਰ (ਕੋਲਡ ਚੇਨ ਸਕੀਮ) ਦੇ ਤਹਿਤ ਇਸ ਦੀ ਸਥਾਪਨਾ (2008) ਤੋਂ ਲੈ ਕੇ ਅੱਜ ਤੱਕ (31.10.2024) ਕੁੱਲ 399 ਕੋਲਡ ਚੇਨ ਪ੍ਰੋਜੈਕਟਾਂ ਨੂੰ ਮਨਜ਼ੂਰੀ ਦੇ ਦਿੱਤੀ ਗਈ ਹੈ। ਇਨ੍ਹਾਂ ਵਿੱਚੋਂ 284 ਕੋਲਡ ਚੇਨ ਪ੍ਰੋਜੈਕਟਸ ਪੂਰੇ ਹੋ ਚੁੱਕੇ ਹਨ ਅਤੇ ਉਨ੍ਹਾਂ ਦੇ ਵਣਜ ਸੰਚਾਲਨ (commercial operations) ਸ਼ੁਰੂ ਹੋ ਚੁੱਕੇ ਹਨ। 

ਕੋਲਡ ਚੇਨ ਸਕੀਮ ਮੰਗ ਅਧਾਰਿਤ ਹੈ ਅਤੇ ਇਸ ਯੋਜਨਾ ਦੇ ਤਹਿਤ ਸਮੇਂ-ਸਮੇਂ ’ਤੇ ਮੰਤਰਾਲੇ ਦੀ ਵੈੱਬਸਾਈਟ ‘ਤੇ ਦਿਲਚਸਪੀ ਦਾ ਪ੍ਰਗਟਾਵਾ (Expression of Interests (EoIs) ਜਾਰੀ ਕਰਕੇ ਧਨ ਦੀ ਉਪਲਬਧਤਾ ਦੇ ਅਧਾਰ ’ਤੇ ਦੁਰਗਮ ਖੇਤਰਾਂ ਸਹਿਤ ਪੂਰੇ ਦੇਸ਼ ਵਿੱਚ ਪ੍ਰਸਤਾਵਾਂ ਦੀ ਮੰਗ ਕੀਤੀ ਜਾਂਦੀ ਹੈ ਅਤੇ ਇਸ ਦੇ ਵਿਆਪਕ ਪ੍ਰਚਾਰ ਦੇ ਲਈ, ਇਸ ਨੂੰ ਪੱਤਰ ਸੂਚਨਾ ਦਫ਼ਤਰ ਅਤੇ ਪ੍ਰਮੁੱਖ ਰਾਸ਼ਟਰੀ ਅਤੇ ਖੇਤਰੀ ਸਮਾਚਾਰ ਪੱਤਰਾਂ ਦੇ ਜ਼ਰੀਏ ਪ੍ਰਸਾਰਿਤ ਕੀਤਾ ਜਾਂਦਾ ਹੈ। ਛੋਟੇ ਕਿਸਾਨਾਂ ਸਮੇਤ ਕੋਈ ਵੀ ਵਿਅਕਤੀ ਅਤੇ ਨਾਲ ਹੀ ਐੱਫਪੀਓ/ਐੱਫਪੀਸੀ/ਐੱਨਜੀਓ/ਪੀਐੱਸਯੂ/ਫਰਮ/ਕੰਪਨੀਆਂ ਆਦਿ ਜਿਹੀ ਸੰਸਥਾ/ਸੰਗਠਨ ਇਸ ਯੋਜਨਾ ਦੇ ਤਹਿਤ ਲਾਭ ਉਠਾਉਣ ਦੇ ਯੋਗ ਹਨ। ਇਸ ਯੋਜਨਾ ਦੀ ਸ਼ੁਰੂਆਤ ਨਾਲ ਹੁਣ ਤੱਕ 2366.85 ਕਰੋੜ ਰੁਪਏ ਦੀ ਰਾਸ਼ੀ ਵੰਡੀ ਗਈ ਹੈ। ਹੁਣ ਤੱਕ ਮਨਜ਼ੂਰਸ਼ੁਦਾ ਕੋਲਡ ਚੇਨ ਪ੍ਰੋਜੈਕਟਾਂ ਦਾ ਪ੍ਰੋਜੈਕਟ ਲਾਗੂਕਰਨ ਏਜੰਸੀਆਂ ਨੂੰ ਗ੍ਰਾਂਟ-ਇਨ-ਏਡ/ਸਬਸਿਡੀ ਦਾ ਰਾਜਵਾਰ ਵੇਰਵਾ ਅਟੈਚਮੈਂਟ (ਨੱਥੀ) ਵਿੱਚ ਦਿੱਤਾ ਗਿਆ ਹੈ। 

ਇਹ ਜਾਣਕਾਰੀ ਕੇਂਦਰੀ ਫੂਡ ਪ੍ਰੋਸੈੱਸਿੰਗ ਇੰਡਸਟਰੀਜ਼ ਰਾਜ ਮੰਤਰੀ ਸ਼੍ਰੀ ਰਵਨੀਤ ਸਿੰਘ ਬਿੱਟੂ ਨੇ ਰਾਜ ਸਭਾ ਵਿੱਚ ਇੱਕ ਲਿਖਤੀ ਜਵਾਬ ਵਿੱਚ ਦਿੱਤੀ। 

ਅਟੈਚਮੈਂਟ ਦੇ ਲਈ ਇੱਥੇ ਕਲਿੱਕ ਕਰੋ

                                                      *****

ਐੱਸਟੀਕੇ

ANNEXURE

ਅਟੈਚਮੈਂਟ

ਪੀਐੱਮਕੇਐੱਸਵਾਈ ਦੀ ਕੋਲਡ ਚੇਨ ਸਕੀਮ ਦੇ ਤਹਿਤ ਹੁਣ ਤੱਕ ਦੀ ਗ੍ਰਾਂਟ-ਇਨ-ਏਡ/ਸਬਸਿਡੀ ਦਾ ਰਾਜਵਾਰ ਵੇਰਵਾ: -

********