ভারতকী TB মুত্থৎনবা হোৎনবদা য়াম্নমক মরুওইবা তাঙ্কক অমা ওইরিবা অসিদা, ঙসি হরিয়ানাগী পঞ্চকুলাদা কেন্দ্রগী হকশেল অমসুং য়াইফ-য়ুম্বাল মন্ত্রী, শ্রী জগৎ প্রকাশ নাদ্দানা, হরিয়ানাগী মুখ্য মন্ত্রী, শ্রী নায়ব সিংহ সাইনি অমসুং হরিয়ানাগী হকশেল মন্ত্রী, শ্রীমতি আর্তি সিংহ রাও য়াওবা থৌরম অমদা TB মুত্থৎনবা নুমিৎ 100নিগী অকনবা কেম্পেন হৌদোকখ্রে। কেন্দ্রগী হকশেল অমসুং য়াইফ-য়ুম্বালগী রাজ্য মন্ত্রী, শ্রী প্রতাপরাও য়াদব অমসুং শ্রীমতী অনুপ্রিয়া পতেলসু থৌরম অসিদা ভর্চুএল ওইনা শরুক য়াখি। লৈবাক অসিগী জিলা 347তা পায়খৎকদৌরিবা কেম্পেন অসিগী পান্দমদি TB কেসশিং খঙদোকপা অমসুং লায়েংবা, মরুওইনা রিস্ক লৈবা কাংলুপশিংদা,  অমসুং TBনা মরম ওইদুনা শিবা মীগী মশীং হন্থহনবনি।

থৌরম অদুদা ৱা ঙাংলদুনা, কেন্দ্রগী হকশেল মন্ত্রীনা TB মুক্ত ভারত (TB ফ্রী ইন্দিয়া) গী পান্দমদা অনৌবা ইথিল অমা পীনবগী পান্দমদা কেম্পেন অসি হৌদোক্লে হায়না ফোংদোকখি। মসি নুমিৎ 100নিগী অকনবা কেম্পেন অমা ওইগনি হায়না পল্লদুনা মহাক্না হায়খি মদুদি খ্বাইদগী শোকহল্লবা জিলা 347দা TBগী অনাবশিং অথুবা মতমদা থেংননবা অমসুং লায়েংনবা হোৎনগনি।

শ্রী নাদ্দানা লৈবাক অসিনা TBগী মায়োক্তা লান্থেংনবদা থেংনখিবা অৱাবা অদু পনখি। “মতম অমদা TB অসি ‘স্লো দেথ’ অমা ওইনা লৌনরমখি অমসুং TB নাবা ইমুংগী মীওইশিং ফাওবা মদু শন্দোকপা থিংনবা তোখাইনা থমলমখি। 1962দগী হৌদুনা, TBগী মায়োক্তা কেম্পেন কয়া অমা পাংথোকখ্রে, অদুবু, অদুবু 2018দা ইকাই খুম্নরবা প্রধান মন্ত্রীনা সস্তেনেবল দিবেলপমেন্ত গোলশিংগী 2030গী দেদলাইনগী মমাংদা TB অসি মুথৎনবা ভিজন অমা শেমখি”।

কেন্দ্রগী হকশেল মন্ত্রীনা হায়খি মদুদি TB  সর্ভিসশিং অসি পেসেন্ত-ফ্রেন্দলী অমসুং দিসেন্ত্রেলাইজ তৌনবা অনৌবা থৌরাং কয়া লৌখৎলি। ঙসিদি লৈবাক শীনবা থুংনা লৈরিবা আয়ুশ্মান আরোগ্য মন্দির লাখ 1.7 হেনবগী নেৎৱার্কনা মরম ওইদুনা TB ঙন্না খঙদোকপা ঙম্লে। মহাক্না হায়খি মদুদি সরকারনা দাইগ্নোস্তিক সর্ভিসশিং অসি 2014দা লেবোরেতরী 120দগী ঙসিদি লেবোরেতরী 8,293 দা হেনগৎতুনা য়াম্না চাউনা হেনগৎহনখ্রে। “কেন্দ্র সরকারনা দ্রগ সেন্সিতিব TBগী দেলি রেজিমেন অমা হৌদোকখ্রে। মসিদা অনৌবা অতেনবা অমসুং হেন্না কান্নবা রেজিমেন অমা য়াওরি। মসিনা TBগী লাইয়েংগী মায় পাকপগী চাং অসি 87%দা হেনগৎহনখ্রে” হায়না মহাক্না মখা তাখি।

শ্রী নাদ্দানা হায়খি মদুদি TB নাবা মীওই করোর 1.17 হেনবদা দাইরেক্ত বেনিফিৎ ত্রান্সফরগী খুত্থাংদা লুপা করোর 3,338রোম ওইবা নি-ক্ষয় সপ্পোর্ত পীখ্রে। মহাক্না হায়খি মদুদি সরকারনা ইকুই কুইদ্রিঙৈদা নি-ক্ষয় পোশনগী শেনফম লুপা 500দগী লুপা 1000দা হেনগৎহনখ্রে অমসুং TBগী অনাবশিংগীদমক ন্যুত্রিসন সপোর্তকীদমক ইনর্জী বুস্তরশিং হাপচিনখ্রে।

শ্রী নাদ্দানা হায়খি মদুদি সরকারনা হৌজিক্তি প্রাইবেৎ প্রেক্তিসনরশিংদসু অনৌবা TBগী পেসেন্ত অমহেক্তবু খঙহনবদা তঙাইফদবা ওইহল্লে মসিনা মখোয়গী লায়েং অদু খুদক্তা ফোলো অপ তৌবা ঙমহল্লি।। মহাক্না হায়খি, "মসি অপীকপা খোঙথাং অমা ওইনা উবা য়াই অদুবু মসিনা প্রাইবেৎ সেক্তরদা TBগী নোতিফিকেসনগী চাং অসি শরুক 8 হেনগৎহনখ্রে।"

মহাক্না মসিসু পনখি মদুদি ভারত্তা TBগী চাং হন্থরকপগী চাং অসি 2015দা 8.3%দগী ঙসিদি 17.7%দা শরুক অনি হেনগৎখ্রে। মসি মালেমগী চাংচৎতগী য়াম্না হেল্লি। মহাক্না হায়খি মদুদি হৌখিবা চহি 10দা ভারত্তা TBনা মরম ওইদুনা শিবা মীগী মশীংসু চাদা 21.4 হন্থরে।

কেন্দ্রগী হকশেল মন্ত্রীনা মহাক্কী ৱারোল লোইশিনবদা স্তেকহোল্দর পুম্নমকপু TB মুথৎপদা মখোয়গী ফিরেপ অমুক হন্না ফোংদোক্নবা পুক্নিং থৌগৎলদুনা ৱারোল পীবা লোইশিনখি।

থৌরম অদুদা ৱা ঙাংলদুনা, শ্রী নয়াব সিংহ সাইনিনা হরিয়ানাদগী অকনবা নুমিৎ 100গী TBগী কেম্পেন হৌদোকপদা নুংঙাইবা ফোংদোকখি। মহাক্না হায়খি মদুদি হরিয়ানা অসিনা ভারত্তা TBগী মায়োক্তা লান্থেংনবদা মরুওইবা থৌদাং অমা লৌনবা হোৎনগনি। মহাক্না হায়খি মদুদি ভারতনা TBগী মায়োক্তা জন ভাগিদারী, নি-ক্ষয় পোশন য়োজনা, ফিৎ ইন্দিয়া অমসুং খেলো ইন্দিয়াগুম্বা মালেম পুম্বনা থাগৎলিবা মায় পাক্লবা কেম্পেনশিংগী খুত্থাংদা লান্থেংলি।

শ্রী নায়াবনা হায়খি মদুদি সরকারনা TB মুথৎনবা তেস্ত, ত্রেক, ত্রীৎ অমসুং তেক্নোলোজীগী “4T” দা থবক তৌরি। মহাক্না হায়খি মদুদি হৌখিবা চহি 10দা তেস্তিং হেনগৎহনবনা TBগী অনৌবা কেসশিং থেংনহনখ্রে অমসুং মখোয়শিং অসি লেম্না লায়েংলি। মহাক্না মীপুম খুদিংমক্তা ত্যুবরগী অনৌবা কেস খুদিংগী দেতা অসি নি-ক্ষয় পোর্তেলদা অপলোদ তৌনবা হায়খি। মসিনা TBগী অনাবশিংদা মতম চানা পাউ ফংহল্লি। মহাক্না হায়খি মদুদি সরকারনা TB মুথৎনবা হোৎনবদা NGOশিং অমসুং সিবিল সোসাইতীগা লোয়ননা থবক তৌমিন্নরি।

কেন্দ্রগী হকশেলগী সেক্রেতরী, শ্রীমতি পুন্যা সলাইলা শ্রীবাস্তবনা সরকারনা হিদাক-লাংথক নৎত্রগা কঞ্জুমেবলশিংগী অৱাৎপা লৈহন্দনবা হোৎনগনি হায়না থাজবা পীখি। মহাক্না সিভিল সোসাইতীগী শরুক পুম্নমকপু কেম্পেন অসি মায় পাকহনবদা থৌদাং লৌনবা আপিল তৌখি।

হৌদোকপগী থৌরম অদুদা, শ্রী নাদ্দানা অনৌবা দ্রগ সেন্সিতিব TB রেজিমেন BPaLM হায়রিবা গাইদলাইনশিং অসি হিদাক-লাংথক থেংনবা ত্যুবরক্সিগা লান্থেংনরিবা পেসেন্তশিংদা হেন্না ফবা মহৈ-মশিং ফংহল্লিবা এদভান্স ত্রিৎমেন্ত অসিগী এদমিনিস্ত্রেসন স্তেন্দার্দাইজ তৌনবা অমসুং স্ত্রীমলাইন তৌনবা শেমগৎপনি। মসিগী মথক্তা, মহাক্না কম্প্রিহেন্সিব কন্সেপ্ত নোৎ অমসুং তোঙান তোঙানবা রিজনেল লোলশিংদা ইনফোর্মেসন, এজুকেসন অমসুং কম্ম্যুনিকেসন (IEC) রিসোর্সশিং য়াওনা কেম্পেনগী পোৎলমশিং লোঞ্চ তৌখি।  থৌরম অদুদা কেন্দ্রগী হকশেল মন্ত্রীনা TB চেম্পিয়নশিং অমসুং নি-ক্ষয় মিত্রশিংবুসু ইকায় খুম্নবা উৎখি অমসুং চানবা পোৎলমশিং য়েন্থোকখি।

লৈবাক শিনবা থুংনা অনাবশিং থিদোকপা অমসুং লায়েংনবা মোবাইল ভেনশিং হরিয়ানাদগী ঙসি “নি-ক্ষয় ভাহান”সু লোঞ্চ তৌখ্রে।

বেকগ্রাউন্দ:

কেম্পেন অসিনা হকশেল অমসুং য়াইফ য়ুম্বাল মন্ত্রালয়গী নেস্নেল TB ইলিমিনেসন প্রোগ্রাম (NTEP) গী মখাদা ত্যুবরক্যুলোসিস (TB) গী নোতিফিকেসন অমসুং ভারত্তা শিবগী চাং হেনগৎলকপগী শিংনবশিং অসি থেংনদুনা ত্যুবরক্যুলোসিস লোইশিন্নবা ভারত সরকারগী অচেৎপা ফিরেপ অদু উৎলি। থৌরম অদুদা সরকারগী অতৈ মকোক থোংবা মীওইশিং, কেন্দ্রগী হকশেল মন্ত্রালয়গী ওফিসিএলশিং, হরিয়ানা রাজ্য সরকার অমসুং সিভিল সোসাইতীগী মীহুৎশিং শরুক য়াখি।

জিওগ্রাফীশিং শিনবা থুংবদা তোঙান-তোঙানবা থাক্কী শিংনবশিং অসি য়েংলগা, NTEP না কেম্পেন অসি পায়খৎনবা স্ত্রেতিফাইদ এপ্রোচ অমা দিজাইন তৌখি। রাজ্য/UT 33দা লৈরিবা জিলা 347 অসি লৈবাক অসিগী চাংচৎকা চাংদম্নবদা শিবা মীগী চাং, TBগী একজামিনেসন রেৎ, অমসুং লাইনা-লাইচৎ অসি নাবগী চাং অসিগুম্বা ইন্দিকেতরশিংদা য়ুম্ফম ওইদুনা খনগৎখ্রে। কেম্পেন অসিনা লৈবাক শিনবা থুংনা TBগী আউতকমশিং ফগৎহন্নবা প্রোগ্রামমেতিক্কী থবকশিং মপাঙ্গল কনখৎহন্নবা শেম-শারি।

কেম্পেন অসিগী পান্দমদি দাইগ্নোসিস অমসুং লাইয়েং হৌদোকপদা থেংথবা হন্থহন্নবা এদভান্স স্ক্রীনিং অমসুং দাইগ্নোস্তিক তেক্নোলোজীশিং শীজিন্নদুনা কেস থিদোকপগী খোঙজং হেনগৎহনবনি। অমরোমদা, TBনা মরম ওইদুনা শিবগী চাং হন্থহন্নবা, প্রোগ্রাম অসিনা রিস্ক ৱাংবা অনাবশিংদা অখন্নবা কেয়র ফংহন্নবা দিফরেন্সিএতেদ TB কেয়র অমসুং নি-ক্ষয় পোশন য়োজনাগী খুত্থাংদা ন্যুত্রিসনেল সপোর্ত হেনগৎহন্নবা অনৌবা থৌরাং কয়া পায়খৎকনি।

কেম্পেন অসিগী মরুওইবা ৱাফম খরগী মনুংদা মোবাইল অলত্রাপোর্তেবল, AI-এনেবল এক্স-রে য়ুনিৎশিং অমসুং মোলিক্যুলর তেস্তশিং মরুওইনা অরাপ্পা মফমশিংদা মীওইশিংদা এদভান্স দাইগ্নোস্তিক্স হেন্না নকশিন্নবা পুরক্নবগীদমক শীজিন্নগনি। TBগী লাইওং উৎলকপা ঙম্বা মীওইশিং স্ক্রিনিং তৌবগী মথক্তা, NTEPনা TBগী লাইওং উৎলবসু নৎত্রগা উৎত্রবসু, TBগী রিস্ক লৈবা কাংলুপ খুদিংমক স্ক্রিনিং তৌগনি। মসিনা লেন্সেৎ অমসুং সব-নেস্নেল TB প্রিভেলেন্স সর্ভেশিংদা ফংলকপা অনৌবা ফাইন্দিংশিং খন্নরি। NPYগী মখাদা থা খুদিংগী তেংবাং পীনবগী হৌখিবা লাউথোকপশিং অসি হৌজিক লৈরিবা থা খুদিংগী লুপা 500দগী থা খুদিংগী লুপা 1000দা TBগী পেসেন্ত পুম্নমক্কী ওইনা হেনগৎলকপা অমসুং PMTBMBA গী পাকথোক চাউথোকপা অসি TBগী পেসেন্তশিংগী ইমুং মনুংগী কন্তেক্ত পুম্নমক কোনশিন্নবা, কেম্পেন অসিনা TBগী লাইয়েং অমসুং থীংনবা পাম্বৈ অমা ওইনা ন্যুত্রিসনেল সপোর্তকী পাকথোক চাউথোকপা ফংহনগনি। অরোইবদা, প্রোগ্রাম অসিনা আয়ুশ্মান আরোগ্য মন্দিরগী পাক চাউবা শক্তম অদু শীজিন্নগনি। মসিগী খুত্থাংদা TBগী সর্ভিসশিং অসি দিসেন্ত্রেলাইজ তৌদুনা, ক্বালিতী লৈবা কেয়র অসি মীওইশিংগী য়ুমদা হেন্না নকশিলহল্লগনি।

থৌরম অদুদা কেন্দ্রগী হকশেল মন্ত্রালয়গী এদিস্নেল সেক্রেতরী, শ্রীমতী অরাধনা পতনাইক, অমসুং কেন্দ্রগী হকশেল মন্ত্রালয় অমসুং হরিয়ানা সরকারগী মকোক থোংবা ওফিসরশিংসু শরুক য়াখি।

****