মালেমগী AIDS নুমিৎ লাকপদা কেন্দ্রগী হকশেল অমসুং য়াইফ য়ুম্বাল মন্ত্রী, শ্রী জগত প্রকাশ নাদ্দানা 2024গী মালেমগী AIDS নুমিৎকী থৌরম হৌদোকখ্রে। ঙসি মধ্য প্রদেশকী ইন্দোরদা লৈবা দেবী অহিলয়া বিশ্ববিদ্যালয় ওদিতোরিয়মদা মধ্য প্রদেশকী মুখ্য মন্ত্রী মোহন যাদবনা ৱা ঙাংখ্রে। চহি অসিগী থীম, "তাক দি রাইৎ পাথ" অসিনা মীপুম খুদিংমক্কী, মরুওইনা HIV/AIDSগা শাগোন্নদুনা হিংলিবা নত্ত্রগা শোকহল্লবা মীওইশিংগীদমক, চপ মান্নবা হকশিং, ইকাই খুম্নবা অমসুং হেল্থকেয়রগী খুদোংচাবশিং ফংহনবগী মরুওইবা অদুদা মীৎয়েং থম্লি।

ৱার্ল্দ AIDS দে 2024গী থিম, "তেক দি রাইৎস পাথ"গা মরী লৈননা, শ্রী জে.পি. নাদ্দানা হায়খি, "ৱার্ল্দ AIDS দে অসি ঐখোয় পুম্নমক্না AIDSগী মায়োক্তা পুন্না লান্থেংমিন্নরি হায়না অমুক হন্না ফোংদোক্নবা তাঞ্জা অমনি অমসুং লায়না অসিগী মায়োক্তা লান্থেংনখিবা অমসুং মখোয়গী নুংশিজবা মীওইশিংসু লৈখিদ্রবা মীওইশিংবু নীংশিংবা অমসুং অমুক হন্না কত্থোকপগী তাঞ্জা অমনি।"

কেন্দ্রগী মন্ত্রীনা নেস্নেল AIDS অমসুং STD কন্ত্রোল প্রোগ্রামগী হৌজিক চৎথরিবা ফেজ Vগী মতাংদা পল্লদুনা, HIV/AIDS থেংনবদা সরকারগী অচেৎপা এপ্রোচকী মতাংদা পনখি। মহাক্না NACOঅমসুং স্তেৎ AIDS কন্ত্রোল সোসাইতীশিংনা কন্না হোৎনরিবশিংগী মতাংদা পনখি। মসিনা চহি কয়াদগী ভারত্তা HIV লাইচৎকী চাং নেম্না লৈহন্দুনা লৈবাক অসিদা 2023দা অনৌবা ইনফেক্সনশিং অসি 2010গা য়েংনবদা চাদা 44 হেন্না হন্থহনখি অমসুং AIDSকা মরী লৈনবা শিবা 79% হন্থহনখি।

কেন্দ্রগী হকশেল মন্ত্রীনা AIDSকী মায়োক্তা লান্থেংনবদা মীয়াম্না ঙাক্না চৎকদবা মরুওইবা লমজিং-লমতাক অহুমদা মীৎয়েং থমখি। অহানবদা, মহাক্না HIV/AIDS ইনফেক্সনশিং থীংনবা চেকশিন থৌরাং লৌখৎপগী মরুওইবা অদু পনখি। মীওইশিংনা ভাইরস অসি সেকচুএল ইন্তরকোর্সকী খুত্থাংদা নত্তনা অতোপ্পা লম্বীশিংদগীসু শন্দোকপা য়াই হায়না মহাক্না পনখি। অনিশুবদা, অনাবা কয়াদগী ঙাকথোক্নবগীদমক্তা, মতিক চাবা ন্যুত্রিসন, এক্সর্সাইস অমসুং তুম্বা য়াওনা অফবা পুন্সি মহিং ঙাক্না চৎপগী তঙাইফদবা অদু মহাক্না ফোংদোকখি। মসিগী মথক্তা, মহাক্না খুঙ্গংগী মীফমশিং, স্কুল পর্ফোমেন্সশিং অমসুং এজুকেস্নেল কেম্পেনশিংগুম্বা তোঙান তোঙানবা ইনিসিএতিবশিংগী খুত্থাংদা এৱেরনেস হেনগৎহনবা অমসুং স্তেরিওতাইপশিং অসি লান্থেংনবগী মরুওইবা অদু পনখি। মহাক্না ওথোরিতীশিংদা মখোয়গী AIDS লাকশিন্নবা হোৎনরিবশিং অদুগী ইফেক্তিবিতী য়েংশিন্নবা অমসুং অশোইবা লৈবশিং অদু কোকহন্নবা হায়খি।

শ্রী নাদ্দানা HIV পোজিতিব ওইবা মীওইশিংবু মীওইবগী ওইবা মীৎয়েং অমগা লোয়ননা লায়েংবগী মরুওইবা অদু ফোংদোকখি। মীপুম খুদিংমক্না ইকাই খুম্নরবা পুন্সি অমগী হক লৈ হায়না পল্লদুনা মহাক্না মীপুম খুদিংমক্তা HIVগা লান্থেংনরিবা মীওইশিংবু মেনস্ত্রিমদা য়াওহন্নবা তকশিনখি। মহাক্না হায়খি, "অরানবা থাজবশিংগী ওন্ন-তৈনবদা HIVগা শাগোন্নরিবা মীওই অমা হেক্তনা ঙসিদি পুন্সি শাংনা হিংবা ঙম্মি অমসুং HIV ইনফেক্সন য়াওদনা হকচাং ফবা অঙাং অমা পোকপা ঙম্মি।"

অসিগুম্বা লাইনা-লাইচৎশিং অসি য়াম্না চেকশিন্না অমসুং কত্থোকপগা লোয়ননা থেংনবগীদমক হেল্থ ৱার্করশিংবু থাগৎপা ফোংদোক্লদুনা, শ্রী নাদ্দানা হায়খি মদুদি মখোয়না মতম পুম্নমক্তা লায়না অসিনা নারবা মীওইশিংদা এক্সপোজ তৌরবসু মখোয়গী থবকশিং অসি মখা তানা চত্থরি অমসুং মখোয়বু ঙাকথোকপগী তঙাইফদবা অদুদা অকনবা ৱাফম থমখি।

কেন্দ্রগী মন্ত্রীনা ভারতনা AIDSকী মায়োক্তা লান্থেংনবদা থেংনরিবা অশাংবা লান্থেং অদু পনখি। মহাক্না হায়খি, "AIDSকী হিদাক লৈত্রিঙৈ মতমদগী হৌরগা, হিদাক-লাংথকশিংগী মমল য়াম্না ৱাংবা অমসুং হৌজিক্তি মালেমদা HIV হীদাক-লাংথকশিংগী নেৎ সপ্লাই তৌরিবা লৈবাক অমা ওইরকপা ফাওবদা, ভারতনা AIDSকী মায়োক্তা লান্থেংনবদা য়াম্না চাউনা খুমাং চাউশিল্লে।" মহাক্না হায়খি মদুদি ঙসিদি ভারতনা AIDS লাকশিন্নবা লুচিংবা অমা ওইরি। মসিনা খ্বাইদগী মমল হোংবা অমসুং ইফেক্তিব ওইবা হিদাক-লাংথকশিং পুথোক্লি অমসুং মখোয়শিং অসি খ্বাইদগী মথৌ তারিবা মীওইশিংদা ফংহল্লি। কেন্দ্র সরকারনা AIDS পেসেন্তশিংগীদমক লেম্না হীদাক-লাংথকশিং পীরি হায়নসু মহাক্না ফোংদোকখি।

2030 ফাওবদা সস্তেনেবল দিবেলপমেন্ত গোলশিং (SDGশিং) ফংনবগীদমক ভারত সরকারনা অচেৎপা ৱাফম থম্লদুনা শ্রী নদ্দানা হায়খি মদুদি ভারত্তা অনৌবা HIV কেস মশিং অসি 2010দগী 44% হন্থরে। মসি মালেমগী ওইনা 39% হন্থবগী চাংদগী হেন্না ৱাংই। AIDSনা মরম ওইদুনা শিবা মীগী মশিংসু 79% হন্থরে।

মহাক্না হায়খি মদুদি ভারতনা AIDS থেংননবা 90-90-90গী পান্দম অমা লৌখৎলে, মসিদা লৈবাক অসিদা AIDSকী কেস 90% থেংননবা পান্দম, এন্তিরিত্রোভাইরেল থেরাপী (ART)গা লোয়ননা মীওইশিংগী 90% লায়েংবা অমসুং ভাইরেল লোদ সপ্রেস তৌবা 90% য়ৌবা য়াওরি। মহাক্না হায়খি মদুদি তুংদা পান্দম অসি 95-95-95 ফাওবা হেনগৎহনখি। মসিগী মনুংদা 81%গী মীওইশিংদা AIDS থেংনরে, 88%দা ART পীরি অমসুং থেংনখিবা মীওইশিংগী 97%গী ভাইরেল লোদ অদু হন্থহনখ্রে।

থৌরম অদুদা শ্রী নদদানা মধ্য প্রদেশ সরকারবু হেল্থকেয়র সেক্তরদা চাউনা খুমাং চাউশিল্লকপগীদমক থাগৎপা ফোংদোকখি। মমাংদা, মহাক্না NACOনা শিনবা একজিবিসন অমা য়েংখি অমসুং মফম অদুদা লাকপা মীহুৎশিং অমসুং ওফিসিএলশিংগা ৱারী শানখি।

মধ্য প্রদেশকী মুখ্য মন্ত্রী, দা. মোহন য়াদবনা AIDS লাকশিন্নবা সরকারনা হোৎনরিবা অসিগী কান্নবা খুন্নাইগী খ্বাইদগী শোথবা কাংলুপকী মীওইশিংনা ফংলিবা অসিদা নুংঙাইবা ফোংদোকখি। মহাক্না হায়খি, "ইকাই খুম্নরবা প্রধান মন্ত্রী, শ্রী নরেন্দ্র মোদীগী লুচিং মখাদা ভারতনা কোভিদ-19গী লাইচৎ অসি মায় পাক্না লাকশিনখ্রে অমসুং 2030 ফাওবদা AIDS য়াওনা লাইচৎনা শন্দোরকপা অনাবা কয়া মুত্থৎনবা পান্দমদা থবক তৌরি।"

নেস্নেল মেদিকেল কাউন্সিলগী গাইদলাইনশিং হোংদোকপগা লোয়ননা অনৌবা মেদিকেল কোলেজশিং হাংদোকপগী থৌওং অসি হেন্না স্ত্রীমলাইন তৌরে অমসুং ত্রান্সপরেন্ত ওইরে হায়না দা য়াদবনা ফোংদোকখি।

মধ্য প্রদেশতা মেদিকেল ইনফ্রাস্ত্রকচর মপাঙ্গল কনখৎহন্নবা, দা. য়াদবনা হায়খি। মমাংদা মধ্য প্রদেশতা মেদিকেল কোলেজ মঙা খক্তমক লৈরম্বা অদুগা ঙসিদি রাজ্য অসিদা মেদিকেল কোলেজ 31 লৈরে হায়না শ্রী য়াদবনা অকনবা ৱাফম থমখি। মহাক্না মসিমসু পনখি মদুদি মথংগী চহি অনিদা রাজ্য অসিদা মেদিকেল কোলেজ 50 মথৌ তৌহনগনি।

2030গী SDGগী পান্দমদগী চহি অনিগী মমাংদা 2028 ফাওবদা মীয়ামগী হকশেলগী খুদোংথিবা অমা ওইনা AIDS মুত্থৎনবা পান্দম থম্লিবা অসি ফংনবা মধ্য প্রদেশনা পান্দম থম্লি হায়না দা. য়াদবনা মখা তানা ফোংদোকখি। সরকারনা "লিব এন্দ লেৎ লিব"গী ৱাখল্লোনগা লোয়ননা থবক তৌরি হায়না পল্লদুনা মহাক্না হায়খি মদুদি আয়ুশ্মান ভারত ভে ভন্দনা য়োজনাগী লমদা অমসুং IMR অমসুং অরাপ্পা মফমশিংদা হকশেলগী সর্ভিসশিং ফংহনবা অসিনচিংবা হকশেলগী ইন্দিকেতরশিংদা মধ্য প্রদেশনা মাংজিল থারি।

বেকগ্রাউন্দ:

য়ুনাইতেদ নেসন্স প্রোগ্রাম ওন HIV/AIDS (UNAIDS) গী থিম, "তেক দি রাইৎস পাথ"গা লোয়ননা, ৱর্ল্দ এদস দে অসিনা HIV/AIDSনা শোকহল্লবা মীওইশিংদা এৱেরনেস পীবা অমসুং হকশিংদা য়ুম্ফম ওইবা এপ্রোচদগী লাইয়েং পীবা অমসুং হন্থনা য়েংবদা মরু ওইবা মীৎয়েং থমগনি। ভারত সরকারগী হকশেল অমসুং য়াইফ য়ুম্বাল মন্ত্রালয়(MoHFW)গী মখাদা লৈবা নেস্নেল এদস কন্ত্রোল ওর্গনাইজেসন (NACO) না 1992দগী দিসেম্বর 1দা চহি খুদিংগী ৱর্ল্দ এদস দে পাংথোক্লি। কম্ম্যুনিতীশিং, নহাশিং, বেনিফিসরীশিং, অমসুং তোঙান তোঙানবা ওর্গনাইজেসনশিং পুনশিন্নদুনা, হায়রিবা থৌরমশিং অসিনা 2030 ফাওবদা HIV/AIDS মুত্থৎনবা মালেমগী পান্দমদা মায় ওনশিন্নবা হোৎনবদা থেংনরিবা খুদোংচাদবশিং অমসুং খুমাং চাউশিল্লকপশিংদা মতেং পাংনবা হোৎনরি।

চহি অসিদা প্রোগ্রাম অসিদা NACOনা লৌখৎপা দিজিতেল ইকোসিস্তেম, কম্ম্যুনিতী এঙ্গেজমেন্ত, কেম্পেন-বেজ এপ্রোচকী খুত্থাংদা ফংলকপা মাBপাকপা অমসুং বেনিফিসরীশিংনা খুৎনা শাবা পোৎলম কয়া অমা উৎলিবা ইন্নোবেতিব একজিবিসনগুম্বা মরুওইবা প্রোগ্রামমেতিক কম্পোনেন্তশিং উৎলিবা ইথিল পীবা থবকশিং য়াওরি।

থৌরম অদুদা NACOগী থিমগী ঈশৈসু লোঞ্চ তৌগনি, মসিগী অশেংবা শৈশকপশিং - দেব নেগী, মোকো কোজা অমসুং আগসিগী লাইব পর্ফোমেন্সকী খুত্থাংদা ঈশৈ শক্লগনি।

মসিগী মথক্তা, ওর্গনাইজেসন অসিগী মিসন মখা তানা য়ৌহন্নবা মরুওইবা রিসোর্সশিংগা লোয়ননা বেনিফিসরীশিংদগী ইথিল পীবা ৱারীশিং অসিনা NACOগী থৌরাংশিংনা অহোংবা পুরকপগী ইথিল অদু উৎলি। মসিনা হেন্না ফবা মালেম অমা শেমগৎনবগীদমক পুন্না থবক তৌমিন্নবা পুক্নিং থৌগৎপা মালেম অমা উবা ফংই। মসিদা ইম্পাথি, ইক্বেলিতী অমসুং রেসিলিয়েন্সকী মপুং ওইবা ভেল্যুশিং অদু উৎলি। ঈশৈ অসিনা মালেমগী AIDS নুমিৎকী থিমগা মান্নবা মওংদা মীপুম খুদিংমক্না নুংশিবা নৎত্রগা খেৎনবা লৈতনা হিংবা ঙম্বা তুংলমচৎ অমগীদমক পুন্না থবক তৌমিন্ননবা মীওইশিংবু পুক্নিং থৌগৎনবা পান্দম থম্লি।

মসিগী মথক্তা, কেন্দ্রগী হকশেল মন্ত্রীনা নেস্নেল AIDS কন্ত্রোল প্রোগ্রাম (NACP) গী HIV/AIDSনা হকথেংননা শোকহল্লবা বেনিফিসরী অনিবু ইকায় খুম্নবা উৎখি। মখোয়না লায়না অসি থেংননবা হোৎনবদা চাউনা খুমাং চাউশিল্লকপগী মতাংদা মখোয়গী মশাগী ওইবা খোঙচৎশিং অদু শন্দোক্না তাকখি। মখোয়গী ৱারীশিং অসিনা মখোয়গী রেসিলিয়েন্স অমসুং এম্পাৱরমেন্তকী মরুওইবা থৌদাং ওইরিবা লায়েং, সপোর্ত অমসুং এৱারনেসকী খুদোংচাবা লৌবগী মরুওইবা থৌদাং অদু পনখি।

থৌরম অসিনা মখাগী দোক্যুমেন্তশিং ফোংবা অমসুং লোঞ্চ তৌবসু উবা ফংখি:

1. SANKALAK 6শুবা ইদিসন
2. ইন্দিয়া HIV এস্তিমেৎস 2023 – তেক্নিকেল রিপোর্ত
3. কোফী তেবল বুক (ইন্তেন্সিফাইদ IEC কেম্পেন)
4. প্রিভেন্সন প্রোগ্রেস অপদেৎ 2023-2024 (মরিশুবা ইদিসন)
5. রিসর্চ কম্পেন্দিয়ম ভোল্যুম II

থৌরম অসিনা লৈবাক শীনবা থুংনা লাইব স্ত্রিম অমা তৌদুনা মীয়াম্বু শরুক য়াবদা পুক্নিং থৌগৎতুনা পোলিসী মেকরশিং, সরকারগী মীহুৎশিং, সিবিল সোসাইতী, কম্ম্যুনিতীশিং, নহাশিং অমসুং দিবেলপমেন্ত পার্তনরশিং য়াওনা তোঙান তোঙানবা স্তেকহোল্দরশিং পুনশিনখি। মসিনা হেল্থকেয়রদা ইক্বিতী পুরক্নবা অমসুং লাইচৎ অসিগী মায়োক্তা পুন্না থবক পায়খৎনবা পুক্নিং থৌগৎখি।

ৱার্ল্দ AIDS দে 2024গী রিলিজশিংগী শমলপ্পা ৱারোল:

1. SANKALAK 6শুবা ইদিসন : 'SANKALAK' অসি নেস্নেল AIDS অমসুং STD কন্ত্রোল প্রোগ্রামগী এভিদেন্স দাইরেক্ত ওইবা ফ্লেগশিপ রিপোর্তনি। ঙসি রিলিজ তৌরিবা SANKALAKকী 6শুবা ইদিসন অসিনা 2023-2024দা নেস্নেল AIDS অমসুং STD দোক্যুমেন্ত অসিনা প্রিভেন্সন-দিতেক্সন-ত্রিৎমেন্ত দোমেনশিংগী প্রোগ্রামমেতিক এস্পেক্তশিংগী দেতা ওভরভ্যু পীরি অমসুং ভারতকী রাজ্য অমসুং য়ুনিয়ন তেরিতোরী খুদিংমক্তা অথুবা মতমদা মীৎয়েং চঙগদবা অকক্নবা লমশিং অদু শন্দোক্না তাক্লি।

2. ইন্দিয়া HIV এস্তিমেৎস 2023 – তেক্নিকেল রিপোর্ত: প্রোগ্রাম অসিগী মখাদা HIV বোর্দকী এস্তিমেসন অসি মালেমগী ওইনা রিকমেন্দ তৌরবা সোফৱেয়র শিজিন্নদুনা অমসুং অকনবা সাইন্তিফিক মেথদশিং ঙাক্না চহি খুদিংগী পাংথোক্লি। HIV এস্তিমেৎস 2023না ভারত্তা HIVগী লাইচৎ শন্দোরকপগী চাং অমসুং ত্রেন্দগী অনৌবা প্রমান পীরি। মসি HIVগী মরুওইবা পেরামিতরশিং হায়বদি HIVগী চাং, ইন্সিদেন্স, AIDSগা মরী লৈনবা শিবগী চাং অমসুং HIVগী ভর্তিকেল ত্রান্সমিসন মুত্থৎপগী মতাংদা পীরি। মসিগী রিপোর্ত অসিনা খ্বাইদগী নৌবা রাউন্দগী “HIV এস্তিমেসন 2023” গী মেথদ অমসুং ফিভমশিং উৎলি।

• III. কোফী তেবল বুক (ইন্তেন্সিফাইদ IEC কেম্পেন): ইন্তেনসিফাইদ IEC কেম্পেন (IIC) অসি NACOঅমসুং লৈবাক শিনবা থুংনা স্তেত AIDS কন্ত্রোল সোসাইতীশিংনা (SACS) পায়খৎপা খোঙথাং অমনি। মালেমগী নহারোলগী নুমিৎকা মরী লৈননা ওগস্ত 12, 2024দা হৌদোকখিবা কেম্পেন অসিগী মরুওইবা পান্দমদি মীয়ামগী মরক্তা HIV অমসুং STIগী মরমদা খঙবা হেনগৎহনবা, সেফ প্রেক্তিসশিং প্রোমোৎ তৌবা, স্তিগমা অমসুং দিস্ক্রিমিনেসন হন্থহনবা অমসুং HIV/STI সর্ভিসশিংগী দিমান্দ শেমগৎপনি।

IIC দা খুঙ্গংগী থাক্তা মীফমশিং, ফোল্ক পর্ফোমেন্সশিং, স্কুল আউতরিচ প্রোগ্রামশিং, কোলেজ এৱেরনেস ইনিসিয়েতিবশিং, সোসিএল মীদিয়া এঙ্গেজমেন্ত, স্লম ইন্তরভেন্সনশিং অমসুং দোর তু দোর কেম্পেনশিং য়াওনা তোঙান তোঙানবা থবক থৌরমশিং য়াওখি। মসিগী পাক চাউবা কেম্পেন অসিনা পাক শন্না মীয়ামদা খঙহনখি অমসুং হেল্থ সিস্তেম, ফ্রন্তলাইন হেল্থ ৱার্করশিং, পঞ্চায়ৎ মেম্বরশিং অমসুং নহাশিংবু HIV/AIDSকা মরী লৈনবা অশোই-অঙামশিং হন্থহন্নবা অমসুং খঙহন্নবা হোৎনবদা মায় পাক্না শরুক য়াহনখি। মসিগী মথক্তা, কেম্পেন অসিদা মুখ্য মন্ত্রীশিং, হকশেল মন্ত্রীশিং, শক্নাইরবা মীহুৎশিং অমসুং সোসিএল ইনফ্লুয়েন্সরশিং য়াওনা রাজ্যগী লুচিংবশিংসু শরুক য়াখি। কোফি তেবল লাইরিক অসিনা ইন্তেনসিফাইদ IEC কেম্পেনগী মখাদা পায়খৎলিবা মরুওইবা থবকশিং অমসুং মায় পাকপশিংবু ময়েক শেংনা উৎনবা অমসুং রেকোর্দ তৌনবা পান্দম থম্লি।

• IV. প্রিভেন্সন প্রোগ্রেস অপদেৎ 2023-2024 (মরিশুবা ইদিসন): 2023-24 ফাওবগী প্রিভেন্সন প্রোগ্রেস অপদেৎ অসিদা, NACOনা NACP ফেজ Vগী মখাদা 2023-24গী মনুংদা প্রিজন পোপুলেসন, ব্রিজ পোপুলেসন, অমসুং অতোপ্পা রিস্ক লৈবা অমসুং খুদোংচাদবা পোপুলেসনশিং য়াওনা HRGশিংদা পীরিবা মরুওইবা প্রিভেন্সন এক্তিবিতীশিং অমসুং সর্ভিসশিংগী প্রোগ্রেস অপদেৎ তৌনবা পান্দম থম্মি।

5. রিসর্চ কম্পেন্দিয়ম ভোল্যুম II: স্তেৎ-স্পিসিফিক স্তদীশিংদগী লৌশিং অমসুং প্রমান পুথোক্নবগীদমক, NACOনা মরুওইবা ফিভমশিং অমসুং রিকমেন্দেসনশিং শন্দোক্না তাক্লিবা রিসর্চ কম্পেন্দিয়মগী ভোল্যুম II পুথোক্লি। রিসর্চ কম্পেন্দিয়ম ভোল্যুম II অসিনা রাজ্যশিংনা ফাইনান্সিএল ইয়র 2022-23দা পাংথোকখিবা স্তদীশিংদগী ফংলকপা ইভিদেন্সশিং অসি সাইন্তিফিক কম্ম্যুনিতী, পোলিসী মেকরশিং, প্রোগ্রাম মেনেজরশিং, কম্ম্যুনিতীশিং, লায়রবা অমসুং লাপথোক্লবা কাংলুপশিং য়াওনা মরুওইবা স্তেকহোল্দরশিংগা শরুক য়ামিন্নবা পান্দম থম্লি। মসিদা 2022-23দা পাংথোকখিবা স্তদীশিংদা য়ুম্ফম ওইদুনা এবস্ত্রেক্ত 65দগী ইনসাইৎশিং অমসুং রিকমেন্দেসনশিং য়াওরি।

মধ্য প্রদেশকী উপ মুখ্য মন্ত্রী শ্রী রাজেন্দ্র শুক্লা অমসুং শ্রী জগদীশ দেবদা; মধ্য প্রদেশকী ৱাতর রিসোর্সকী মন্ত্রীমন্দলগী মন্ত্রী শ্রী তুলসিরাম সিলাৱত; পব্লিক হেল্থ অমসুং মেদিকেল এজুকেসনগী রাজ্য মন্ত্রী, মধ্য প্রদেশকী এম.পি.(লোক সভা) শ্রী নরেন্দ্র শিবাজী পতেল; ইন্দোর ম্যুনিসিপাল কোর্পোরেসনগী মেয়র, শ্রী পুশ্যামিত্রা ভার্গব; কেন্দ্রগী হকশেলগী সেক্রেতরী, শ্রীমতি পুন্য সলিল শ্রীবাস্তব অমসুং কেন্দ্রগী হকশেল মন্ত্রালয়গী এদিস্নেল সেক্রেতরী শ্রীমতি হেলাকি ঝিমোমি; WHOগী ভারতকী মীহুৎ দা, রোদেরিকো ঐচ ওফ্রিন অমসুং অতোপ্পা শক্নাইরবা মীথুংলেনশিংসু থৌরম অসিদা শরুক য়াখি।

****