2024গী দিসেম্বর 1দা ইন্দোর, মধ্য প্রদেশকী দেবী অহিল্যা বিশ্বাবিদ্যালয় ওদিতোরিয়মদা 2024গী ৱর্ল্দ এদস দেগী থৌরমদা কেন্দ্রগী হকশেল অমসুং য়াইফ-য়ুম্বালগী মন্ত্রী, শ্রী জগৎ প্রকাশ নাদ্দানা অথোইবা মীথুংলেন ওইনা, থৌরম অসিগী গেস্ত ওফ ওনর ওইরিবা মধ্য প্রদেশকী মুখ্য মন্ত্রী, মোহন য়াদবগা লোয়ননা শরুক য়াগনি।

2024গী দিসেম্বর 1দা ৱর্ল্দ এদস দে 2024গী থৌরম পাংথোক্নবা শেম-শারিঙৈদা মধ্য প্রদেশনা HIV/AIDSগী মায়োক্তা ভারতনা হোৎনরিবা অসিদা সেন্তর স্তেজ লৌগনি।

য়ুনাইতেদ নেসন্স প্রোগ্রাম ওন HIV/AIDS (UNAIDS) গী থিম, "তেক দি রাইৎস পাথ"গা লোয়ননা, ৱর্ল্দ এদস দে অসিনা HIV/AIDSনা শোকহল্লবা মীওইশিংদা এৱেরনেস পীবা অমসুং হকশিংদা য়ুম্ফম ওইবা এপ্রোচদগী লাইয়েং পীবা অমসুং হন্থনা য়েংবদা মরু ওইবা মীৎয়েং থমগনি। ভারত সরকারগী হকশেল অমসুং য়াইফ য়ুম্বাল মন্ত্রালয়(MoHFW)গী মখাদা লৈবা নেস্নেল এদস কন্ত্রোল ওর্গনাইজেসন (NACO) না 1992দগী দিসেম্বর 1দা চহি খুদিংগী ৱর্ল্দ এদস দে পাংথোক্লি। কম্ম্যুনিতীশিং, নহাশিং, বেনিফিসরীশিং, অমসুং তোঙান তোঙানবা ওর্গনাইজেসনশিং পুনশিন্নদুনা, হায়রিবা থৌরমশিং অসিনা 2030 ফাওবদা HIV/AIDS মুত্থৎনবা মালেমগী পান্দমদা মায় ওনশিন্নবা হোৎনবদা থেংনরিবা খুদোংচাদবশিং অমসুং খুমাং চাউশিল্লকপশিংদা মতেং পাংনবা হোৎনরি।

চহি অসিদা প্রোগ্রাম অসিদা NACOনা লৌখৎপা দিজিতেল ইকোসিস্তেম, কম্ম্যুনিতী এঙ্গেজমেন্ত, কেম্পেন-বেজ এপ্রোচকী খুত্থাংদা ফংলকপা মাBপাকপা অমসুং বেনিফিসরীশিংনা খুৎনা শাবা পোৎলম কয়া অমা উৎলিবা ইন্নোবেতিব একজিবিসনগুম্বা মরুওইবা প্রোগ্রামমেতিক কম্পোনেন্তশিং উৎলিবা ইথিল পীবা থবকশিং য়াওরগনি।

থৌরম অদুদা NACOগী থিমগী ঈশৈসু লোঞ্চ তৌগনি, মসিগী অশেংবা শৈশকপশিং - দেব নেগী, মোকো কোজা অমসুং আগসিগী লাইব পর্ফোমেন্সকী খুত্থাংদা ঈশৈ শক্লগনি। মসিগী মথক্তা, ওর্গনাইজেসন অসিগী মিসন মখা তানা য়ৌহন্নবা মরুওইবা রিসোর্সশিংগা লোয়ননা বেনিফিসরীশিংদগী ইথিল পীবা ৱারীশিং অসিনা NACOগী থৌরাংশিংনা অহোংবা পুরকপগী ইথিল অদু উৎলগনি।

থৌরম অসিনা মখাগী দোক্যুমেন্তশিং ফোংবা অমসুং লোঞ্চ তৌবসু উবা ফংগনি:

1. SANKALAK 6শুবা ইদিসন
2. ইন্দিয়া HIV এস্তিমেৎস 2023 – তেক্নিকেল রিপোর্ত
3. কোফী তেবল বুক (ইন্তেন্সিফাইদ IEC কেম্পেন)
4. প্রিভেন্সন প্রোগ্রেস অপদেৎ 2023-2024 (মরিশুবা ইদিসন)
5. রিসর্চ কম্পেন্দিয়ম ভোল্যুম II

থৌরম অসিনা লৈবাক শীনবা থুংনা লাইব স্ত্রিম অমা তৌদুনা মীয়াম্বু শরুক য়াবদা পুক্নিং থৌগৎতুনা পোলিসী মেকরশিং, সরকারগী মীহুৎশিং, সিবিল সোসাইতী, কম্ম্যুনিতীশিং, নহাশিং অমসুং দিবেলপমেন্ত পার্তনরশিং য়াওনা তোঙান তোঙানবা স্তেকহোল্দরশিং পুনশিনগনি। মসিনা হেল্থকেয়রদা ইক্বিতী পুরক্নবা অমসুং লাইচৎ অসিগী মায়োক্তা পুন্না থবক পায়খৎনবা পুক্নিং থৌগৎলগনি।

মধ্য প্রদেশকী উপ মুখ্য মন্ত্রী শ্রী রাজেন্দ্র শুক্লা অমসুং শ্রী জগদীশ দেবদা; মধ্য প্রদেশকী ৱাতর রিসোর্সকী মন্ত্রীমন্দলগী মন্ত্রী শ্রী তুলসিরাম সিলাৱত; পব্লিক হেল্থ অমসুং মেদিকেল এজুকেসনগী রাজ্য মন্ত্রী, মধ্য প্রদেশকী এম.পি.(লোক সভা) শ্রী নরেন্দ্র শিবাজী পতেল; ইন্দোর ম্যুনিসিপাল কোর্পোরেসনগী মেয়র; কেন্দ্রগী হকশেলগী সেক্রেতরী, শ্রীমতি পুন্য সলিল শ্রীবাস্তব অমসুং অতোপ্পা শক্নাইরবা মীথুংলেনশিংসু থৌরম অসিদা শরুক য়াগনি।

****