অফবা মওংগী অহোংবা হায়বসি মতম পুম্নমক্তা তারম্না ওক্নৈ, মরুওইনা মদুনা পুন্সি কয়াদা অওন্বা পুরক্লবদি‍। ভারতনা অসিগুম্বা শিংথানিংঙাই ওইরবা ত্রান্সফোর্মেসন কয়া পায়খত্তুনা মাগী মীয়ামবু অকি অখং লৈতনা, ইকায়খুম্নবা ঙাক্না অমদি হেন্না ফবা পুন্সি মহিং অমদা হিংনবগী মায়কৈদা মমায় চুম্নলি‍। খোঙচৎ অসিবু তোপ তোপ্পা ওইহল্লিবসি মাগী পুম্নমক কোনশিন্বা অমদি থোং মান্নবদা মীৎয়েঙ থম্লিবা মচৎ অসিননি‍। ভারতকুম্বা চাউরবা অমদি খেন্নবনা থনবা, চাওখৎ থৌরাংগী থবকশিং মনুং হঞ্জিন্বা মফমশিংদা য়ৌশিন্বদা শিংনবা কয়া তত্তনা থেংনবা লৈবাক অসিদা অওন্বগা নুংশিৎনা কাচিন কোয়া থুংনা শিত্তুনা কনাগুম্বা অমত্তা মনিংদা লৈথহৌদনবা হোৎনরি‍‍। য়াইফ-থৌরাংগী স্কীম অমদি থৌশিলশিংনা ভারত মচাশিংবু ভিক্সিত ভারত – চাওখৎপা ভারত অমা ফংনবা তান্নবদা অমত্তা ওইনা পুনশিহল্লি‍।

ত্রান্সফোর্মেসসন অসিগী খ্বায়দগী ইথিল পীবা ঙম্বা মশক অমা হায়রগদি তম্বা ঙমদবা ফীভমদগী মরা চেৎপা, মরুওইনা য়ুমলৈ কৈরৈদা, পুরকপা অসিনি‍। খুঙ্গংদা লৈবা ভারত মচা মিলিয়ন কয়াগীদমক্তদি মতিক চাদবা য়ুম-কৈ হায়বসি মতম অমদা তশেং তশেংবা ৱাফম অমা ওইরমদুনা, ইমুং কয়াবু তমথিবা নোং-চিংগী ফীভম, খুন্নাইদগী তোঙান্না তাবা, অমদি খুদোংথিবা হেক্তা নংবা য়াবা ফীভম মায়োক্নহল্লম্মি‍। প্রধান মন্ত্রী অৱাস য়োজনা গ্রামিন (PMAY-G) না লৈফম চাফমখক্তা নত্তনা চাউথোকচবা, শাফবা, অমদি মশাগী ওইবগী ইহুল পীরিবা পক্কাগী য়ুম ফংহন্দুনা পুন্সি কয়াদা অনৌবা য়াওল পুরক্লি‍।

মসিগী ইথিল অসি, প্রোজেক্ত অসিনা তত্তনা লোজিস্তিকেল অমদি জিওগ্রাফিকেল শিংনবশিং থেংনরিবা নগালেন্দগী মনুং হঞ্জিন্বা চীংশিংদা উবা ফংলি‍। মফমসিদা, PMAY-G না হান্ননা য়ুম ৪৮,৮২৬ সেংসন তৌখ্রে অমদি য়ুম ১৯,৩০০ শাবা লোইদুনা, তঙাই ফদনা লৈফম চাফমগীদমক ৱারম্বা ইমুং কয়াগী পুন্সিদা অওন্বা পুরকখ্রে‍। অকন্বা নুংগী য়ুম্বী অমদি কাংথক হারগা শাবা য়ুমশিং অসিনা মতম কুইনা চৎপদা নত্তনা রেজিলিএন্স অমদি রিনিউৱেলগী খুদম ওইনসু লেপ্লি‍। মওং মতৌ অসিনা লৈনিল কাবা অমদি শুম চাবদগী ঙাকথোক্তুনা মতম শাংনা চৎহল্লি‍। হায়রিবা য়ুমশিং অসিদা চঙলবা ইমুংশিংগী মফমদদি, মীৎকুপ অদু মপাঙ্গল হাপ্পগী পুংফম্নি; অনিংবা অপাম্বশিং মরা তাদুনা মশা মরেং ফন্দোকফম্নি‍। স্কীম অসিগী মীৎয়েঙনা চাওখৎ থৌরাংগী থবকশিং পুম্নমক কোনশিন্দুনা মীওই কয়াগী মপাঙ্গল হাপ্তুনা মখোয়বু লৈবাক্কী খোঙজেলদা থৌদাং য়াহন্বা ঙম্বা ভারত অমগী পান্দম থম্লি‍।

অদুবু ত্রান্সফোর্মেসন অসি লৈনবা য়ুম অমখক লৈরগা লোইবদি নত্তে‍। PMAY-G না মাগী থবক থৌরম পায়খৎপা মতমদা লমদমদুগী মীয়াম্বু শরুক য়াহন্দুনা ভারতকী খুঙ্গং শিন্বা থুংনা শেন্মিৎলোনগী মপাঙ্গলসু হাপ্লি‍। নগালেন্দদা, বেনিফিসরীশিংনা স্কিল অমদি মরোমদোম লেপচনবগী ফীভম শেমগৎপগা লোয়ননা য়ুম শাবগী শেঞ্জং হন্থহন্নবা ৱা অমদি অয়াংবা কনক্রিৎনচিংবা লমদমদুদা ফংবা মচাকশিং শীজিন্নরি‍।

PMAY-G না হান্নগী চৎনবী অমসুং মতমসিগী চৎনরিবা মওং মতৌগী মরক্তা মরী শমজিন্নহন্দুনা চাওখৎ খোঙজেলনা নাৎকী শক্তমশিংবুসু ইকায়খুম্নহল্লি‍। নগালেন্দদা, স্কীম অসিগী মখাদা শারিবা য়ুমশিং অসিদা লমদম অদুগী হান্নদগী চৎনরকপা য়ুমশারোলগা লোয়ননা মতমসিগী চৎনরিবা মওং মতৌনা লৈরিবা মফমদুগী শক্তমগা মওং মরিল নাইনা পুনশিন্দুনা চৎপগী মমি তারি‍। ৱাগী ফক্লোংশিংনা ফক্লাং অমদি সীলিংদা লৈতেংদুনা, অদুগা CGI মনাশিংনা য়ুমথক কুপ্তুনা চৎনবীগা ফংস্নেলিতীগা পুনশিল্লি‍। য়ুমশিং অসি নীংথিনা শীজিন্নবা য়াবতা নত্তনা; মখোয়সি চাওখৎপা পুরকপদা মতৌ করম্না লমদমদুগী চৎনবীবু ইকায়খুম্নবা অমদি পুনশিন্বা য়াবগে হায়বা উৎলি‍।

তশেংনমক, PMAY-G অসি পুন্সি কয়াদা অওন্বা পুরকপগী ৱাফম্নি, অমদি অসুম্না তৌদুনা ভারতপুসু অওন্বা পুরকপসিদা য়াওহল্লি‍। শাফবা অমদি অকি অখং লৈতবা য়ুম ফংবগা লোয়ননা, ইমুং কয়ানা মহৈ মশিং, হকশেল, পুন্সি হিংনবা লম্বীদা মায় ওনশিন্বা ঙমহন্দুনা চারোল শুরোল নুংঙাই য়াইফনা থম্লম্নবা লম্বী য়াৎলি‍। নগালেন্দদা, পুরক্লিবা অওন্বা অসি ময়েক শেংনা উবা ফংলি‍। ইমুংশিং অদুনা মখোয়গী অনৌবা য়ুমদা খোঙ থাংজিন্বা মতমদা হেন্না তরং তরংবা তুংলমচৎ অমগী মঙলান কয়াগা লোয়ননদুনা চঙখিবদা, স্কীম অসি মায় পাকপনা নুংঙাই য়াইফবা পুরকপগী শক্তম উবা ফংলি‍। মসি মীপুম খুদিংনা চাওখৎ লম্বীগী স্তেকহোল্দর অমমম ওইরিবা অমদি মঙলান খুদিংগী য়ুম্ফম অমমম লৈরিবাব – হোংলক্লিবা ভারত অমগী স্পিরিতনি‍।

 

রিফরেন্সশিং

https://pmayg.nic.in/netiay/PBIDashboard/PMAYGDashboard.aspx

https://static.pib.gov.in/WriteReadData/specificdocs/documents/2024/nov/doc20241119437801.pdf

PMAY গী মায় পাকপগী ৱারীশিং

******

(Release ID: 2079136) Visitor Counter : 18