‘એરો ઈન્ડિયા 2025’ ની 15મી આવૃત્તિ 10થી 14 ફેબ્રુઆરી 2025 દરમિયાન એરફોર્સ સ્ટેશન, યેલાહંકા, બેંગલુરુ (કર્ણાટક) ખાતે યોજાશે.

પ્રદર્શનની મુલાકાત લેવા માટે મીડિયા કર્મચારીઓ માટે નોંધણી શરૂ થઈ ગઈ છે અને એરો ઈન્ડિયા 2025 વેબસાઈટ (www.aeroindia.gov.in > નોંધણી > મીડિયા નોંધણી લિંક https://www.aeroindia.gov.in/registration/ media-authentication-form) પર ઓનલાઈન કરવાનું રહેશે. જે વિદેશી પત્રકારો આ કાર્યક્રમને કવર કરવા ઇચ્છે છે તેમની પાસે માન્ય 'J વિઝા' હોવા જરૂરી છે. નોંધણી 05 જાન્યુઆરી 2025ના રોજ બંધ થશે.

જેઓ નોંધણી કરાવવા ઈચ્છે છે તેમની પાસે નીચે આપેલા દસ્તાવજો હોવા જરૂરી છે:-

(i) માન્ય મીડિયા ઓળખ કાર્ડ નંબર, જો માન્યતા પ્રાપ્ત હોય તો PIB/રાજ્ય માન્યતા કાર્ડ નંબર, અને જો ન હોય તો સરકારે જારી કરેલ ફોટો આઈડી કાર્ડ નંબર (≤ 1 MB)

(ii) પોતાનો ફોટોગ્રાફ.(≤ 512 Kb.)

પાંચ-દિવસીય ઇવેન્ટમાં પ્રથમ ત્રણ દિવસ વ્યવસાયિક દિવસો રહેશે, જેમાં એરોસ્પેસ અને સંરક્ષણ ક્ષેત્રના મુખ્ય વેપાર પ્રદર્શન તેમજ ભારતીય વાયુસેના અને અન્ય સહભાગીઓના હવાઈ પ્રદર્શનને રજૂ કરવામાં આવશે. વૈશ્વિક નેતાઓ અને એરોસ્પેસ ઉદ્યોગની મોટી વ્યક્તિઓ ઉપરાંત, આ શોમાં વિશ્વભરના થિંક-ટેન્કની પણ સહભાગિતા જોવા મળશે. એરો ઈન્ડિયા ઉડ્ડયન ઉદ્યોગમાં માહિતી, વિચારો અને નવા વિકાસના આદાન-પ્રદાન માટે અનન્ય તક પૂરી પાડશે. સ્થાનિક ઉડ્ડયન ઉદ્યોગને પ્રોત્સાહન આપવા ઉપરાંત, તે મેક ઇન ઇન્ડિયાના કારણને આગળ વધારશે.

એરો ઇન્ડિયા 2023માં 27થી વધુ દેશોના પ્રતિનિધિઓ અને 809થી વધુ પ્રદર્શકોએ ભાગ લીધો હતો.

AP/IJ/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com