‘ایرو انڈیا- 2025’ کا 15 واں ایڈیشن 10 سے 14 فروری 2025 تک ایئر فورس اسٹیشن، یلہنکا، بنگلورو (کرناٹک) میں منعقد ہوگا۔

نمائش دیکھنے کے لیے میڈیا اہلکاروں کے لیے رجسٹریشن شروع ہو گیا ہے اور اسے ایرو انڈیا - 2025 کی ویب سائٹ (www.aeroindia.gov.in> رجسٹریشن> میڈیا رجسٹریشن لنک https://www.aeroindia.gov.in/registration/) پر آن لائن کیا جانا ہے۔ غیر ملکی صحافی جو اس تقریب کی کوریج کرنا چاہتے ہیں ان کے پاس ایک درست ‘جے ویزا’ ہونا ضروری ہے۔ رجسٹریشن 05 جنوری 2025 کو بند ہو جائے گا۔

جو لوگ رجسٹر کرنا چاہتے ہیں ان کے پاس درج ذیل دستاویزات ہونی چاہئیں:

(i) ایک درست میڈیا شناختی کارڈ نمبر، پی آئی بی/اسٹیٹ ایکریڈیشن کارڈ نمبر، اگر تسلیم شدہ ہے، اور اگر نہیں، تو حکومت سے جاری کردہ فوٹو شناختی کارڈ نمبر (ایک ایم بی سے کم یا برابر)

(ii) ایک خود کی تصویر ( 512 کے بی سے کم یا برابر)

پانچ روزہ ایونٹ، جس کے پہلے 3 دن کاروباری دن ہوں گے، جس میں  ایرو اسپیس اور دفاعی شعبے کی ایک بڑی تجارتی نمائش کے ساتھ ساتھ ہندوستانی فضائیہ اور دیگر شرکاء کی طرف سے فضائی نمائشیں بھی شامل ہوں گی۔ عالمی رہنماؤں اور ایرو اسپیس انڈسٹری کے بڑے کھلاڑیوں کے علاوہ، شو میں دنیا بھر سے تھنک ٹینک شرکت کریں گے۔ ایرو انڈیا ہوابازی کی صنعت میں معلومات، خیالات اور نئی پیش رفت کے تبادلے کا ایک منفرد موقع فراہم کرے گا۔ گھریلو ہوا بازی کی صنعت کو تقویت دینے کے علاوہ، اس سے میک ان انڈیا کو مزید فروغ ملے گا۔

ایرو انڈیا 2023 میں27 سے زیادہ ممالک کے مندوبین اور 809 سے زیادہ نمائش کنندگان نے شرکت کی ہے۔

********

ش ح۔ش ۔ت ۔اش ق

 (U: 3177)