கோவாவில் நடைபெற்ற 55-வது இந்திய சர்வதேச திரைப்பட விழாவின் ​ (ஐ.எஃப்.எஃப்.ஐ) நிறைவு விழாவில் திரைப்படத்துறையில் சிறந்து விளங்கியதற்காக ஆஸ்திரேலிய இயக்குநர் ஃபிலிப் நொய்ஸுக்கு சத்யஜித் ரே வாழ்நாள் சாதனையாளர் விருது வழங்கப்பட்டது.

தனது ஏற்புரையில், புகழ்பெற்ற திரைப்படத் இயக்குநர், 1978-இல் மும்பையில் திரைப்படத்தைப் பார்த்த தனது முதல் அனுபவத்தை நினைவு கூர்ந்தார். "என்ன ஒரு அனுபவம் அது! முதன்முறையாகத் திரைப்படம் பார்ப்பது போன்ற உணர்வு ஏற்பட்டது. இந்திய பார்வையாளர்கள் மற்றவர்களைப் போலல்லாமல், படத்தின் உணர்ச்சியில் முழுமையாக மூழ்கியிருக்கிறார்கள், அவர்கள் அதன் ஒரு பகுதியாக விளங்குகிறார்கள். இந்திய ரசிகர்களுக்கு நிகர் யாருமில்லை" என்று நொய்ஸ் நெகிழ்ச்சியுடன் கூறினார் . இந்திய திரைப்படங்களின் மகத்தான செல்வாக்கை நொய்ஸ் பாராட்டினார், ஒவ்வொரு ஆண்டும் உலகிலேயே அதிக எண்ணிக்கையில்  திரைப்படங்களை உருவாக்கும் நாடாக இந்தியா உள்ளது என்று குறிப்பிட்டார்.

புகழ்பெற்ற திரைப்பட இயக்குநர் சத்யஜித் ரேயை நினைவு கூர்ந்த நொய்ஸ், "ஆஸ்திரேலியாவில் வளர்ந்த நாங்கள் அனைவரும் சத்யஜித் ரேயின் படைப்புகளால் ஈர்க்கப்பட்டோம். எனது சொந்த படைப்புகளில், அவரது அணுகுமுறையைப் பின்பற்றியுள்ளேன். ரேயைப் போலவே, எனது படங்களுக்கு பழங்குடி ஆஸ்திரேலிய நடிகர்களைக் கண்டுபிடிக்க முடியாதபோது, நான் வெறுமனே அவர்களாகவே இருக்கக்கூடிய உண்மையான நபர்களை நடிக்க வைத்தேன்.”

"எந்தவொரு விருதுக்கும் அப்பாற்பட்ட சத்யஜித் ரேவுக்கு ஆஸ்திரேலிய திரைப்பட உலகில், திரைப்பட இயக்குநர்களாகிய நாங்கள் கடன்பட்டுள்ளோம். அவரது செல்வாக்கு தொடர்ந்து நம்மை வழிநடத்தி உத்வேகம் அளிக்கிறது" என்றார்.

மேலும் விவரங்களுக்கு இந்த செய்திக்குறிப்பை ஆங்கிலத்தில் இங்கே காணவும்: https://pib.gov.in/PressReleasePage.aspx?PRID=2078715

***

(Release ID: 2078715)

TS/BR/KR