#IFFIWood, 28 नोव्‍हेंबर 2024

 

आयज गोंयांत जाल्ल्या 55व्या आंतरराष्ट्रीय चित्रपट महोत्सवाच्या भव्य समारोप सुवाळ्यांत नामनेचे ऑस्ट्रेलियन दिग्दर्शक फिलीप नॉयस हांका सिनेमांतल्या उत्कृश्टताये खातीर प्रतिश्ठीत सत्यजीत रे सत्यजीत रे जीणेगौरव पुरस्कारान भोवमान केलो.

1978 वर्सा मुंबयंत सिनेमा पळोवपाचो पयलो अणभव उगडास करून ह्या दिग्गज चित्रपट निर्मात्यान आपल्या भाशणांत भारतीय प्रेक्षकांचे  काळजा थावन उपकार मानले. “कितलो अणभव आशिल्लो तो पयलेच खेपे सिनेमा पळयता अशें दिसलें भारतीय प्रेक्षक हेर खंयच्याय सिनेमा परस वेगळे आसात –भारतीय सिनेमाचो अफाट प्रभाव मान्य करून नॉयसान सांगलें, भारत दर वर्सा फिचर फिल्मांचो संवसारांतलो सगळ्यांत व्हडलो निर्मातो आसा अशें म्हळे.

चित्रपट निर्मातो सत्यजीत रेचो उगडास करून नोयसान सांगलें, ऑस्ट्रेलियांत वाडून आमी सगळ्यांक सत्यजीत रे हांच्या वावरांतल्यान प्रेरणा मेळ्ळी. ताची पद्दत हांवें म्हज्या वावरांत आपणायल्या, खास करून कास्टिंग करतना. “रे सारकें, म्हज्या सिनेमा खातीर म्हाका इंडिजनस ऑस्ट्रेलियन कलाकार मेळूंक नाशिल्ले तेन्ना हांवें फकत स्वता आसूं येता अशा खऱ्या लोकांक कास्ट करपाचो यत्न केलो.”

ताणें रे हांचे खोलायेन उपकार मानले आनी म्हणलें, ऑस्ट्रेलियन सिनेमाच्या संवसारांत आमी फिल्म निर्मातो सत्यजीत रे हांकां खंयच्याय पुरस्कारा परस चड ऋणी आसात. ताचो प्रभाव आमकां मार्गदर्शन आनी प्रेरणा दिता.”

सिनेमाच्या फुडाराचेर चिंतन करतना नोयसान फिल्म निर्मितीच्या विकसीत जावपी स्वरुपा विशीं आपले विचार सांगले. “आमी परत एक फावट सत्यजीत रे हाच्या सिनेमा तत्वगिन्यानाचेर वचूंक जाय: उणें म्हळयार  चड. जशें जशें तंत्रगिन्यानाची उदरगत जाता तशी तशी आमीय विकसीत जावंक जाय. सिनेमा ल्हान आसूं आनी कल्पना व्हड आसूं. सिनेमाचो फुडार होच अशें म्हाका दिसता”, अशें तांणी स्पश्ट केलें.

तशेंच इफ्फी फेस्टिवलाचे दिग्दर्शक शेखर कपूराची जागतीक सिनेमांतल्या अफाट योगदाना खातीर नोयसान तोखणाय केली आनी संवसारभरांतल्या फिल्म निर्मात्यां खातीर ताका एक प्रेरणा अशें वर्णन केलें.

फिलीप नॉयस हो नामनेचो पुरस्कार फावो जाल्लो ऑस्ट्रेलियन दिग्दर्शक. असामान्य कथाकथन आनी सस्पेन्सफुल, संस्कृतीक रितीन प्रतिध्वनीत चित्रपट तयार करपाच्या निपुणते खातीर ताची नामना आसा. नॉयसाच्या फिल्मोग्राफींत पॅट्रियट गेम्स, क्लियर अँड प्रेजेंट डेंजर, सॉल्ट, द सेंट, द बोन कलेक्टर आनी हेर जायते चित्रपट आसात. हॅरिसन फोर्ड, निकोल किडमन, एंजेलीना जोली, डेन्झेल वॉशिंग्टन आनी मायकल केन ह्या नामनेच्या कलाकारां कडेन ताणें केल्ल्या सहकार्यान सिनेमाचेर टिकपी परिणाम रेखांकित केला.

नोयेसाक ऑस्ट्रेलियन आनी आंतरराष्ट्रीय सिनेमाचेर ताच्या प्रभावाचो भोवमान करपी एएसीटीए पुरस्कार आनी प्रतिश्ठीत लॉंगफोर्ड लायल लायफटायम अचीवमेंट पुरस्कार अशे जायते पुरस्कार मेळ्ळ्यात. हॅरिसन फोर्ड, निकोल किडमन, एंजेलीना जोली, डेन्झेल वॉशिंग्टन आनी मायकल केन ह्या नामनेच्या कलाकारां वांगडा ताणें केल्ल्या सिनेमाचेर ताचो टिकपी परिणाम रेखांकित केलो.

इफ्फीन स्थापन केल्लो आंतरराष्ट्रीय भोवमान, प्रतिश्ठीत सत्यजीत रे सत्यजीत रे जीणे गौरव पुरस्कार, जो हाचे आदीं मार्टीन स्कॉर्सेझ, बर्नार्डो बेर्टोलुची, दिलीप कुमार, कार्लोस सौरा, क्रिस्टोफ ज़ानुसी, वोंग कार-वाई आनी मायकल डग्लस ह्या दिग्गजांक दिल्लो, ज्या व्यक्तींचो भोवमान जाता, जांणी आपलें खाशेलें योगदान सिनेमाच्या मळार समृध्द केला.

 

* * *

PIB IFFI CAST AND CREW | Subhash/Manali/Darshana | IFFI 55

(Release ID: 2078804) Visitor Counter : 5