म्हायती आनी वितरावणी मंत्रालय
‘आदुजीविथम’ हें जिवीत आनी आशेचो एक प्रेरणादायक वृत्तांत; इफ्फीत मेळिल्ल्या व्हड प्रतिसादा खातीर मानले उपकार : इफ्फी 2024 त दिग्दर्शक ब्लेसी
‘थानुप्प’ आधुनीक युगांतल्या जोडप्यां मदल्या वांझपणाच्या आव्हानांची काणी सांगता : दिग्दर्शक सफदर मेरवा
#IFFIWood, 28 नोव्हेंबर 2024
एक लवचीकपण आनी आशावादाची प्रेरणादायक कथा, जी केरळ गांवांतल्या साद्या जिवितांतल्यान पयसुल्ल्या देशांतल्या बंधनांचे संघर्श सोंसत आशिल्ल्या बदलाचे चित्रण करता . दुसरो वांझपणाच्या म्हत्वाच्या समाजीक चिंतेंत खोलायेन वता, जी जिणे पद्दतींतल्या बदलांक लागून आनी हवामानाच्या परिणामाक लागून समकालीन जोडप्यांचेर परिणाम करता. गोंयांत जाल्ल्या 55व्या भारतीय आंतरराष्ट्रीय चित्रपट महोत्सवांत आदुजीविथम आनी थानुप्प ह्या दोन उल्लेखनीय मल्याळम चित्रपटांनी प्रेक्षकांक मोहित केले .
आयज जाल्ले पत्रकार परिशदेंत ह्या दोनूय चित्रपटांचे कलाकार आनी वंगड्यानी प्रसार माध्यमांक संबोधीत करून सृजनशील प्रक्रियेची आनी तांच्या कृतींनी सोदून काडिल्ल्या खोलायेन विशयांची अंतर्दृष्टी सांगली.
'आदुजीविथम' : जिवीत उरपाची आनी आशेची कथा
प्रशंसीत चित्रपट निर्मातो ब्लेसी हाणें दिग्दर्शीत केल्ली ‘आदुजीविथम’ ही बेन्यामिनाच्या बेस्टसेलिंग कादंबरीचेर आदारिल्ली एक दुख्खात तिगून उरपाची स्थिती दाखोवपी कथा आसा . बरे जिणेच्या सोदांत केरळांतलें कुटुंब सोडून मध्य उदेंतांत वचपी नजीब बोकड्यांच्या फार्मात गुलाम जावन उरता अशी काणी हो चित्रपट दाखयता. आपली वळख पयस केल्लो नजीब आपली भावना तिगोवन दवरपा खातीर सगळ्या अडचणीं आड झुजता, फार्मातल्या बोकड्यां-उंटां कडेन ताणें तयार केल्ल्या बंधनांतल्यान ताका सांत्वन मेळटा.
ब्लेसीन आपल्या संबोधनांत ह्या काणयेचो ताचेर जाल्लो खोलायेन परिणाम सांगलो आनी कल्पना करपा सारके कश्ट सोंसपी नजीब ही कथा जायत्या जाणांक तोंड दिवपी संघर्शांचें प्रतिबिंब कशी आसा हाचेर भर दिलो. इफ्फींत ह्या सिनेमाक मेळिल्ल्या व्हड प्रतिसादा खातीर ताणें उपकार मानले आनी ही फकत जिवीत उरपाची न्हय, तर आशेची काणी अशें म्हणलें.
हकीम हे केंद्रीय पात्रांतलें एक पात्र करपी गोकुल के.आर हांणी हे भुमिके खातीर जाय आशिल्ल्या तीव्र शारिरीक आनी मानसीक रुपांतरां विशीं सांगले . “ह्या सिनेमांखातीर व्ह प्रतिबद्धतेची आवश्यकता आशिल्ली , कारण म्हज्या आनी नजीबाच्या पात्राक दोगांयक अफाट दुख्ख भोगचें पडटा . ह्या कश्टांचें चित्रण करप हें एक आव्हान आशिल्लें, पूण चित्रपटाच्या प्रामाणीकपणाक ते गरजेचें आशिल्लें अशें तांणी स्पश्ट केलें.
'थानुप्प': वांझपण आनी समाजीक कलंक हांचो अभ्यास
रागेश नारायणन हाणें दिग्दर्शित केल्ल्या थानुप्पांत बदलत्या जिणे पद्दतीक आनी पर्यावरणीय घटकांक लागून आधुनीक जोडप्यां मदीं चडांत चड प्रमाणांत दिसपी वांझपणाच्या तात्पुरत्या प्रस्नाचेर उजवाड घालता . एक सुरम्य गांवांत रावपी प्रधीश आनी ट्रीसा ह्या तरणाट्या जोडप्याच्या संघर्शांत ह्या सिनेमांत खोलायेन भर दिला. तांच्या वांझपणा विशीं जाप सोदपाचो तांचो सोद गॉसिप, निर्णय आनी ते रावतात त्याच समाजान तांच्या गुप्ततायेचेर घुरी घालप हाका लागून गुंतागुंतीचें जाता.
संपादक सफदर मेर्वा हांणी स्पश्ट केलें की हो चित्रपट चडशे फावट लिपून उरपी समाजीक प्रस्नाचो धाडसी संशोधन अशे म्हणू येता . “वांझपणा हो एक गंभीर वैयक्तीक आनी संवेदनशील प्रस्न आसून ताका जायत्या जोडप्यांक तोंड दिवचें पडटा. थानुप्पांत आमी ह्या वास्तवाचेर उजवाड घालतात, जिणे पद्दतींत बदल आनी हवामानांतल्या बदलांचो लोकांच्या जिविताचेर कसो परिणाम जावंक शकता तें दाखयता. ही फकत काणी न्हय, तर सहानुभूती आनी समजूतीचो उलो अशें तांणी सांगलें. मेरवान सांगलें की हो सिनेमा तांच्या एका इश्टाचे खरे काणयेचेर आदारीत आसा.
जोडप्यान अणभवल्ल्या भावनीक अस्थिरतायेचें वास्तवीक चित्रण केल्ल्यान, तशेंच तांच्या संघर्शाक आनीक गुंतागुंतीचें करपी समाजीक दबाव हाका लागून ह्या सिनेमाचें आकर्शक कथन आनीक वाडटा.
फिल्मा विशीं
‘आदुजीविथम’
इंडिया | 2023 | मलयाळम | 172 | कलर
सार :
बेन्यामीनाचे ह्याच नांवाचे कादंबरीचेर आदारिल्ली ‘आदुजीविथम’ ही नजीब, जो बऱ्या जिविता खातीर केरळांत आपलें कुटुंब सोडून मध्य उदेंतांत वता. ताचे बदला ताका आशा आनी अस्मिताय सोडून बोकड्यांच्या फार्मात कश्ट करचे पडटा . ह्या हृदयस्पर्शी काणयेंत ताच्या कुटुंबांपसूनआनी भाशेंपसून पयस गेल्ल्या खर परिस्थितींत ताणें जिवीत उरपाचें चित्रण केलां. बोकड्यो आनी उंट हांचे कडेन आशिल्ल्या एका खाशेल्या बंधना वरवीं नजीब आपली भावना जिवी दवरता. तीन वर्सां उपरांत तो अनपेक्षीत आदारान आपले भिरांकूळ परिस्थितींतल्यान सुटता. हे पात्र जायत्या मनशांच्या संघर्शांचें प्रतिबिंबीत करपी एका मनशाच्या दुख्खाचेर भर दिता.
कलाकार आनी वांगडी
दिग्दर्शक : ब्लेसी
निर्मातो: व्हिज्युअल रोमान्स
सिनेमाटोग्राफर: सुनील के.एस.
संपादक: ए श्रीकर प्रसाद
पटकथा: ब्लेसी
कलाकार: पृथ्वीराज सुकुमारन, के.आर.गोकुल, अमला पॉल, जिमी जीन लुईस, शोभा मोहन, तालिब अल बालुशी, रिक अबी
‘थानुप्प’
कलर | 109 मिण्टां | मलयाळम | 2023
सार :
थानुप्पांत प्रधीश आनी ट्रीसा तरणाटे जोडपें एका सैमीक गांवांत स्थायीक जातात आनी न्हंय विशीं वारंवार चवकशी करून रोखडेंच दुबाव निर्माण करतात. प्रधीश हांचीं गुप्त रातचीं कामां आनी ट्रीसा वांगडा आशिल्ले अंतरंग खीण दुराचार करपी गांवकारी पळयतात . लीक जाल्ल्या व्हिडियोक लागून तांकां थंयच्यान भायर सरचे पडटा , ताका लागून तांचो इश्ट प्रकाशन संतोशाक मजती खातीर आपयता. संतोष ह्या जोडप्या विशीं एक धक्को दिवपी सत्य उक्ते करता, सगळ्यांक स्तब्ध करता. गुप्ततायेचेर आक्रमण आनी समाजीक निर्णय हांचे परिणाम सोदून समाजीक प्रस्नांविशी अखंड वचनबद्धतेन हो चित्रपट हाताळटा.
कलाकार आनी वांगडी
दिग्दर्शक: रागेश नारायणन
निर्मातो: काशी सिनेमाज
सिनेमाटोग्राफर: मणिकंदन पी एस
संपादक: सफदर मेर्वा
पटकथा लेखक : रागेश नारायणन
कलाकार: निधीश, जिबिया
* * *
PIB IFFI CAST AND CREW | Subhash/Utkarsha/Darshana | IFFI 55
(Release ID: 2078809)
Visitor Counter : 3