ইন্দিয়া – রসিয়া ইন্তর গভর্নমেন্তেল কম্মিসন ওন মিলিতরী এন্দ মিলিতরী-তেক্নিকেল কোওপরেসন (IRIGC-M&MTC) গী মখাদা পাঙথোকপা ৱর্কিং গ্রুপ ওন মিলিতরী কোওপরেসনগী মরিশুবা মীফম মোস্কো, রসিয়াদা মায় পাক্না লোইশিনখ্রে‍। মীফম অদুনা মতম শাংনা পন্দুনা লৈরক্লবা লৈবাক অনিগী মরক্কী স্ত্রেতেজিক পার্ত্নরসিপ খুমাঙ চাওশিলহন্বদা মশক থোকপা মাইলস্তোন অমা ওইরি‍।

মীফম অদু লেফ্তনেন্ত জেনেরেল জে.পি. মেথিউ, চীফ ওফ ইন্তিগ্রেতেদ দিফেন্স স্তাফনা ভারতকী মহুৎ শিল্লগা, অমদি লেফ্তনেন্ত জেনেরেল দিলেব্সকী ইগোর নিকোলেবিচ, দিপুতী চীফ ওফ দি মেন ওপরেস্নেল দাইরেক্তোরেত ওফ দিন জেনরেল স্তাফ ওফ দি রসিয়ন ফেদরেসন আর্ম্দ ফোর্সেস অনিনা পুন্না থৌরম মপু ওইমিন্নদুনা পাঙথোকখিবনি‍। ৱর্কিং গ্রুপ অদুনা স্ত্রেতেজিক ইন্তরেস্তকী লমশিংদা মখা তানা ৱাখল লৌশিং তাথোক তাশিন তৌনবা অমদি তেংবাংনবগী মরুওইবা ফোঙদোক্নখি‍। লান্মী অনিগী মরক্তা ওপরেস্নেল সীনর্জী মখা তানা মপুং ফাহন্নবা জোইন্ত এক্সরসাইজকী থবক থৌওংশিং হেনগৎহন্নবা ৱাফমসু য়ানখি‍। লৈবাক অনিমক্না কংফাল, নোংথক অমদি সমুদ্রগী মফমশিংদা মশিং য়াম্লবা জোইন্ত এক্সরসাইজ পাঙথোকমিন্নখ্রে‍। INDRA, AVIA INDRA অমসুং INDRA NAVY গুম্বা এক্সরসাইজশিংনা খ্বায়দগী ফবা থৌওংশিং তাথোক তাশিন তৌনবা, জোইন্ত ওপরেস্নেল তেকতিক্স দ্রিল অমদি প্রোসিজর রিফাইন তৌনবা, অমদি নাকল অনিমক্না ৱাখল তামিন্নবা হেনগৎহন্নবা মরুওইবা ফম্পাক অমা ওইরি‍।

দিক্লারেসন ওন দি ইন্দি-রসিয়া স্ত্রেতেজিক পার্ত্নরসিপ ২০০০ দা খুৎয়েক পীনখিবনি, মসি ২০১০ দা স্পিসিএল এন্দ প্রিভিলেজ স্ত্রেতেজিক পার্ত্নরসিপকী থাক্তা ওনখৎলকখিবনি‍। ইন্দিয়া-রসিয়া দিফেন্স কোওপরেসনগী মরুওইবা ফোরম অমা ওইরিবা ৱর্কিং গ্রুপ অসিনা হৌজিক লৈরিবা মিলিতরী এঙ্গেজমেন্তশিং য়েংশিন্নবা অমদি ওল্লক্লিবা সিক্যুরিতীগী শিংনবশিং থেংননবা খুৎশম্ননা চৎমিন্ননবগী অনৌবা হীরমশিং খঙদোক্নবা ফম্পাক অমা পীরি‍।

*****