#IFFIWood, 27 नोव्‍हेंबर 2024

आयज लेगीत तो सदां भशेन आपलें काम करपाक व्यस्त आशिल्लो. मनोजाक केन्नाच स्वताचेर कॅमेरो घेवप आवडना !

‘पी फॉर पापराझी’ फाटल्यान आशिल्ल्या पंगडान मिडियाक संबोधीत करतना, अणभवी  पापराझीचें केंद्रीय पात्र साकारपी  मनोज ह्या कार्यावळीच्या व्हर्लांत सांपडलो. त्याच खिणाक तो 55व्या भारतीय आंतरराष्ट्रीय चित्रपट महोत्सवांत मास्टरक्लासा खातीर  पाविल्ल्या फामाद  संगीत दिग्दर्शक ए.आर. रेहमानाक पळोवपाक इत्सुक आशिल्लो. ह्या देखाव्यान चित्रपटाच्या केंद्रीय विशयाक आस्पावन घेतिले : लायमलायटाचो उपभोग घेतना ताचो  फाटलाव करपाचो विरोधाभास.

‘पी फॉर पापराझी’ आनी ‘बाही – ट्रेसिंग माय एन्सेस्टर्स’ ह्या सिनेमाच्या दिग्दर्शकांनी आयज गोंयांत जाल्ले 55वे इफ्फीत पत्रकार परिशदेंत उलोवप केलें.

‘पी फॉर पापराझी’ ह्या सिनेमाच्यो दिग्दर्शक दिव्या हेमंत खरनारे हांणी पत्रकार परिशदेंत उलयतना सांगलें की, पापराझीच्या जिवितांत आनी तांच्या जिविता भोंवतणी घुंवपी अराजक आनी उन्मादांत तांकां रूची आसा. “म्हाका लोकांच्या जिवितांत नदर मारपाची आवड आशिल्ली, जे दुसऱ्यांच्या जिवितांत नदर मारतात आनी कॅमेरो तांचेकडे  वळ्ळ्यार तांकां कितें जाता” अशें दिग्दर्शकान सांगलें. भुरगेपणांत ताका खबरांपत्रांनी ग्लॅमर विभागा कडेन कसो ओडून घेतिलो  आनी व्हड जातकच पापराझीन हे खीण बंदिस्त करपाक वापरिल्ल्या पद्दतीं कडेन ताका चड आवड निर्माण जाली अशें ताणें सांगलें. तशेंच तांणी तांच्या  जीणेचो अधिक संतुलित दृष्टिकोन मांडपाची  इत्सा लेगीत उक्तायली, कारण प्रसार माध्यमां चडशे फावट तांका  एक-आयामी रितीन चित्रीत  करतात.

प्रसार माध्यमां कडेन संवाद सादतना ‘बाही – ट्रेसिंग माय एन्सेस्टर्स’ ची दिग्दर्शक रचिता गोरोवाला हिणें हरिद्वारांतल्या तीर्थ पुरोहित नांवान पुरोहितांच्या एका खाशेल्या पंगडान नोंद दवरपाची परंपरा चालीक  लायल्या हाचे चित्रण ह्या सिनेमांत आसा अशे सांगले. बाहीस अशें म्हण्टात त्या ह्या पवित्र नोंदींनी शेंकड्यांनी वर्सां कुटुंबांच्या पूर्वजांच्या इतिहासाची राखण केल्या. ह्या परंपरेच्या संस्कारांत आनी आचरणांत हो चित्रपट खोलायेन वयता  पूण ताचें मुखेल लक्ष अनंतकाळांतल्या गहन  तत्वगिन्यानाचेर आसा अशें रचितान विस्तारान सांगलें. बाहीस व्हांवपी गंगेकडेन गुंथिल्ले आसून ते जिणेच्या कालबाह्य सातत्याचें प्रतीक आसा. एका प्रस्नाक जाप दितना दिग्दर्शकान उक्तायलें की ही कथा विस्तारान संशोधनांतल्यान आनी हरिद्वाराच्या गिरेस्त सांस्कृतीक आनी आध्यात्मिक दायजाच्या खोलायेन संशोधनांतल्यान जल्माक आयल्या.

फिम्सा विशीं

'बाहीस ' - म्हज्या पूर्वजांचो सोद घेवप

सार

शेंकड्यांनी वर्सां हरिद्वाराच्या भितरल्या संवसारांत आंगठो, स्वाक्षरी आनी हातबरपाच्यो नोंदी हांकां लागून कुटुंबांक आपल्या पूर्वजांच्या मूळचो नकासो तयार करपाक मेळ्ळा. बाहीस ह्या नांवान वळखतात ते हे नोंदी फकत तीर्थ पुरोहित ह्या नांवान वळखतात त्या पंडितांची पिळगी सांबाळटात. गंगाचे देगेर आशिल्ल्या एका ल्हानशा कुडींत मनीसपणाची ल्हारां घट्ट ग्रंथांतल्यान तिगोवन दवरला.

कलाकार आनी वांगडी :

दिग्दर्शक: रचिता गोरोवाला

निर्मातो: बीबीपी स्टुडिओ व्हर्च्युअल भारत

पटकथा लेखक : रचिता गोरोवाला

सिनेमाटोग्राफर: सुदीप एलामोन

संपादक: सयान देबनाथ, क्रिस्टी सेबास्टियन

‘पी फॉर पापराझी’ 

सार

"झिलमिलपी लायटी आनी गर्देच्या अराजका मदीं नेपाळांतलो प्रस्थापित पापराझी मनोज चड सनसनाटी फोटो काडपाच्या सर्तींत आपल्या वांगड्या फोटोग्राफरांआड सर्त करता. ताचो वर्सांचो अणभव आनी बोनी कपूर सावन आलिया भट्ट मेरेनच्या नामनेच्या व्यक्तीं कडेन संबंद आसून लेगीत,  मनोज आपल्या भावाची भलायकी इबाडिल्ल्या खर वास्तवाक तोंड दिता. मनोज मुंबयत दिस रात मेहनत करता. ह्या वेळार  ताच्या सेलिब्रिटीं कडेन जावपी भेटीतल्यान मनरिजवण उद्देगाच्या चकचकीत आनी ग्लॅमराची झलक ताका पळोवपाक मेळटा पूण नामने फाटल्यान आशिल्ली मनीस बाजूय उजवाडाक येता.

कॅमेऱ्याच्या दर एका क्लिकाचेर मनोज आपल्या वेवसायांतल्या नैतीक दुविधां कडेन आनी तुळेंत लटकत आशिल्ल्या भावाच्या नशिबाच्या वजना आड झगडटा. भावाच्या उपचारा खातीर जाय आशिल्लो निधी मेळोवपाक मनोजाचे संबंद आनी जिद्द पुरो जातली काय ताका जिवीत उरपा खातीर एकसुरे झुजाक तोंड दिवचें पडटलें?”

कलाकार आनी वांगडी :

दिग्दर्शक: दिव्या खरनारे

निर्मातो: राजीव मेहरोत्रा

पटकथा लेखक: दिग्दर्शक: दिव्या खरनारे

सिनेमाटोग्राफर: दिव्या खरनारे, पुष्कर सरनायक

संपादक: प्रणव पाटील

* * *

PIB IFFI CAST AND CREW | Subhash/Utkarsha/Darshana | IFFI 55