#IFFIWood, 27 नोव्‍हेंबर 2024

55व्या भारतीय आंतरराष्ट्रीय चित्रपट महोत्सव [इफ्फी] 2024 च्या आंतरराष्ट्रीय सर्तीच्या वर्गांतल्या परीक्षकानी  (जूरी) आयज गोंयांत प्रसार माध्यमांक संबोधीत केलें. अंदूंच्या महोत्सवांत  उत्कृश्ट चित्रपट, उत्कृश्ट दिग्दर्शक, उत्कृश्ट अभिनेतो (दादलो), उत्कृश्ट अभिनेतो  (बायल) आनी खाशेले जूरी पुरस्कार अशा मुखेल विभागांनी विजेते वेंचून काडपाची जापसालदारकी  प्रतिश्ठीत गोल्डन पीकॉक जुरींकडे आसा. नामनेचो भारतीय चित्रपट निर्मातो आशुतोष गोवारीकर हाच्या फुडारपणा खाला आशिल्ल्या जूरींत आंतरराष्ट्रीय चित्रपट तज्ञांचो एक विशिश्ट पॅनल आसा.

जूरी पॅनेलांत फुडले वांगडी आसात: 

1. अँथनी चेन- सिंगापूरचो दिग्दर्शक 
2. एलिझाबेथ कार्लसन, ब्रिटीश अमेरिकन निर्माती
3. फ्रान बोर्गिया, स्पॅनिश निर्मातो
4. जिल बिलॉक, ऑस्ट्रेलियन चित्रपट संपादक

प्रतिश्ठीत गोल्डन पीकॉक पुरस्कार विजेत्याक महोत्सवातलय  सर्वोच्च सन्मानासयत  40 लाख रुपया इनाम मेळटलें. हे प्रतिश्ठीत सर्ती खातीर वट्ट १५ चित्रपट (१२ आंतरराष्ट्रीय आनी ३ भारतीय चित्रपट) वेंचून काडल्यात, जे संस्कृताय आनी सिनेमा कलेच्या गिरेस्त विविधतायेचें प्रतिनिधित्व करतात.

जूरी अध्यक्ष आशुतोष गोवारीकर हांणी गोंयचें जिवंत वातावरण आनी उत्सव लागींच्यान अणभवपाची संद मेळिल्ल्यान खोशी उक्तायली. ताणें जूरी वांगड्या मदल्या खाशेल्या इश्टागतीचेर भर दिलो आनी तांणी चित्रपटांतल्या तांच्या सामायिक अभिरुचीविशी  नमूद केलें . निवड प्रक्रिया तंत्रीक कुशळटाये परस फुडें वता आनी भावनीक अनुनाद, प्रामाणीकता आनी सृजनशीलताय हांचेर लक्ष केंद्रीत करता अशें तांणी स्पश्ट केलें. उत्कृष्ट चित्रपट नवो दृष्टीकोन  दिता, प्रेक्षकांक वेगवेगळ्या संस्कृताये कडेन संलग्न जावन शिकपाक आनी विकसित जावपाक सक्षम करता हाचेर गोवारीकरान भर दिलो.

चित्रपटांची तुळा करप कठीण आसलें तरी उरिल्ल्या चित्रपटांतल्यान वेगळो दिसपी चित्रपट वेंचून काडप हे  पुरस्काराचे  स्वरूप  अशें गोवारीकर हांणी नदरेक हाडलें. जूरी मदल्या भावपूर्ण संवादांचो उल्लेख करत, तांच्या वेगवेगळ्या नदरेक लागून खास करून चित्रपटांतले संस्कृतीक फरक आनी भावनीक आंग सोदून काडटना चर्चा अदिक व्यापक जाली अशेंय तांणी सांगळे. 

एलिझाबेथ कार्लसन हिणें शिमो हुंपपी कथा सांगपाचें म्हत्व उक्तें केले. उत्तम कथांनी आनी कल्पनांमदी राजकी मर्यादेची पर्वा करिनासतना शिमो हुंपपाची तांक आसता अशें तांणी नदरेक हाडलें. जुलूमा आड वैयक्तीक जैतांचो दृष्टिकोन दिवपी चित्रपटांच्या भावनीक आनी संस्कृतीक प्रतिध्वनीचेर ताणें भर दिलो. पयलेच खेपे वा दुसरे खेपे दिग्दर्शन करपी दिग्दर्शकांच्या सिनेमांत, खासा  करून बायलां विशींच्या चित्रपटांत अविश्वसनीय वाड जाल्या, हो संवसारीक चित्रपट उद्देगांतलो एक बळिश्ट आनी सकारात्मक बदल अशें कार्लसनान हांणी  मत उक्तायले.

आपल्या एका सिनेमाक इफ्फीत आयसीएफटी युनेस्को गांधी पदक मेळिल्ल्या भोवमानाचो उगडास करून अँथनी चेन हांणी ह्या महोत्सवा कडेन आपलो वैयक्तीक संबंद सांगलो. फिल्म निर्मितीच्या आव्हानांचेर उक्तेपणान उलयताना  तांणी ह्या प्रवासाचें वर्णन केलें. ताणें म्हणलें की "तांतूत कीतलेशेच फांवट आत्मसंशय येतालो आनी सतत वेगवेगळे प्रस्न वयर येताले, तरी लेगीत उत्कृष्ट सिनेमांनी  प्रेक्षकां कडेन एक सार्वत्रिक भावनीक संबंद तयार करपाची तांक आसा. "आपलेखातीर म्हळ्यार  अँथनी चेन खातीर सिनेमा म्हणल्यार लेखक, दिग्दर्शक आनी संपादक हांचे मदीं एक गतीशील, जिवंत संवाद. चित्रीकरण आनी संपादनाच्या वेळार पटकथा सतत विकसीत जायत आसा", अशें सांगून ताणें आपलो मुद्दो रेखांकित केलो.

फ्रान बोर्जिया हांणी  जूरी वांगड्या मदीं जाल्ले गिरेस्त चर्चाची तोखणाय केली आनी संवसारभरांतले चित्रपट पळोवन तांकां वेगवेगळीं संस्कृताय आनी दृष्टीकोन पळोवपाची आनी शिकपाची संद मेळटा अशें नमूद  केलें. ताणें चित्रपटांच्या विविधतायेचेर भर दिलो. ह्यो कथा खोलायेन भावार्थ दिवपी वैयक्तीक कथा ते व्यापक समाजीक प्रस्नांचे प्रतिबिंब आशिल्ल्यो अशें फ्रान हांणी सांगले . 

हे पत्रकार परिशदेचें संचालन धर्मेंद्र तिवारी हांणी केलें:

55व्या ‘इफ्फी’ च्या प्रतिश्ठीत गोल्डन पीकॉक पुरस्कारा खातीर फुडले चित्रपट सर्त करतात: 

1. फिअर अँड ट्रेम्बलिंग – दिग्दर्शक  – मनिजेह हेकमत, फैज़ अजीजखानी

2. गुलिझार – दिग्दर्शक - बेल्किस बेरॅक

3. होली काउ  - दिग्दर्शक - लुईस कुर्वोझियर

4. आय एम  नेवेन्का -  दिग्दर्शक -  आयसीअर बोलेन

5. पॅनोप्‍टीकॉन – दिग्दर्शक  – जॉर्ज सिखारुलायड्जे

6. पियर्स – दिग्दर्शक – नेलिसिआ लो

7. रेड पाथ – दिग्दर्शक  – लॉत्‍फी ऍचौर

8. शेफर्ड्स – दिग्दर्शक - सोफी देरास्पे

9. द न्यू इयर दॅट नेव्हर केम – दिग्दर्शक - बोगदान मुरेसानु

10. टॉ‍क्सिक – दिग्दर्शक  –  सॉले ब्लियुवेट

11. व्हेवज्  - दिग्दर्शक -  जिरेइ माडल

12. हू डू आय बीलॉंग टू – दिग्दर्शक  - मरियम जूबेउर  

13. आर्टिकल 370 – दिग्दर्शक  – आदित्य सुहास जांभळे 

14. रावसाहेब -  दिग्दर्शक - निखिल महाजन

15. द गोट लाइफ – दिग्दर्शक  - ब्लेसी

ह्या चित्रपटांनी संवसारभरांतल्या विंगड विंगड दृष्टीकोनांचें प्रतिबिंब दिसता. जुरींनी चित्रपटांची निवड फकत तांची अद्वितीय कलात्मक दृष्टी , संस्कृतीक प्रासंगिकता खातीर न्हय तर तांच्या निर्मितीच्या भावनिक खोलायेक लागून केल्या . महोत्सवा विशीं आनी प्रतिश्ठीत गोल्डन पीकॉक सर्तींतल्या चित्रपटांची चड म्हायती खातीर उपकार करून सकयल दिल्ल्या संकेतथळाक भेट दिवची: (https://pib.gov.in/PressReleaseIframePage.aspx?PRID=2073053)

* * *

PIB IFFI CAST AND CREW | Subhash/Utkarsha/Darshana | IFFI 55