কেন্দ্রগী খুঙ্গং চাউখৎ-থৌরাং অমদি লৌউ-শিংউ অমসুং লৌমীশিংগী য়াইফ-থৌরাং মন্ত্রী শ্রী শিবরাজ সিংহ চৌহাননা ঙরাং ন্যু দিল্লীগী রং ভবন ওদিতোরিয়মদা জেন্দর বেজ ভাইওলেন্সকী মায়োক্তা নেস্নেল কেম্পেন অমা ওইরিবা 'নয়ী চেৎনা পহল বদলাভ কী'গী অহুমশুবা ইদিসন হৌদোকখ্রে। মহাক্কী ৱারোল পীরদুনা শ্রী চৌহাননা হায়খি মদুদি সরকারনা নুপীশিংগী শেন্মিৎলোন অমসুং খুন্নাইগী চাউখৎ-থৌরাংগীদমক থৌরাং কয়া লৌখৎলি। মহাক্না অকনবা ৱাফম থমখি মদুদি জেন্দরদা য়ুম্ফম ওইবা হিংসা অসি খুঙ্গংগী লমশিংদা লেপ্তনা থোকপা ইসু ওইবা খক্তা নত্তনা সহরগী লমদসু থেংনরি। কেন্দ্রগী নুপী অমসুং অঙাংশিংগী চাউখৎ থৌরাংগী মন্ত্রী শ্রীমতী অন্নপুর্ন দেবীনা থৌরম অদুদা শরুক য়াবগা লোয়ননা মহাক্না হায়খি মদুদি ঐখোয়গী অপুনবা খোঙথাংশিংগী খুত্থাংদা নুপী খুদিংমক্না ইজৎ লৈনা, ইকাই খুম্নবা অমসুং মশাদা থাজবা থম্বা পুন্সি অমা হিংহনগনি।

শ্রী চৌহাননা রাজ্য 13দা অনৌবা জেন্দর রিসোর্স সেন্তর (GRC) 227 শঙ্গাখি। সেন্তরশিং অসিনা জেন্দরদা য়ুম্ফম ওইবা হিংসা মায়োক্নরিবা মীওইশিংদা ইনফোর্মেসন ফংনবা, থৌদোকশিং রিপোর্ত তৌনবা অমসুং লিগেল এসিস্তেন্স ফংনবা সেফ স্পেসশিং পীরি। GRC অমমম্না সপ্পোর্ত নেৎৱার্ক অমদা মরুওইবা লিঙ্ক অমা ওইনা মথৌ তৌই, মসিদা সর্ভাইভরশিংনা মখোয়গী এক্সপরিয়েন্সশিং ফোংদোক্নবগীদমক ভেলিদেৎ অমসুং এম্পাৱর তৌরিবা অদু ফাওবা ঙমগনি।

জেন্দর বেজ ভাইওলেন্স (GBV) গী মায়োক্তা পুন্না থবক পায়খৎপগী তঙাইফদবা অদু পল্লদুনা চেৎনা 3.0দা কেন্দ্রগী মন্ত্রী শ্রীমতি অন্নপুর্ন দেবীনা #abkoibahananahi কেম্পেন  হৌদোকখ্রে। মহাক্না ভারত সরকারগী SHG নুপী করোর 10 অমসুং নুপীশিংদা মীৎয়েং থম্লিবা স্কিম 49গী থৌদাং, জেন্দর ইক্বেলিতি প্রমোৎ তৌবা অমসুং 24x7 নেস্নেল হেল্প লাইনশিং, ৱান-স্তোপ সেন্তরশিং অমসুং ফাস্ত-ত্রেক জস্তিস ইনিসিএতিবশিংগী খুত্থাংদা সর্ভাইভরশিংদা মতেং পীনবগী মতাংদা পনখি। শ্রীমতী দেবীনা হায়খি মদুদি GBV মুত্থৎকদবনি, অমসুং নুপী খুদিংমক্তা ইকোনোমিক, সোসিএল, অমসুং পোলিতিকেল ইনক্লুজনগীদমক্তা চপ মান্নবা খুদোংচাবা ফংহনগদবনি।

খুঙ্গং চাউখৎ-থৌরাং অমসুং কম্ম্যুনিকেসনগী রাজ্য মন্ত্রী, দা. চন্দ্রশেখর পেমসানি অমসুং খুঙ্গং চাউখৎ-থৌরাংগী রাজ্য মন্ত্রী, শ্রী কমলেশ পশৱাননসু জেন্দর বেজ ভাইওলেন্স লোইশিন্নবা খুন্নাই পুম্নমক্কী ওইবা থৌওং মথৌ তাবগী মতাংদা অকনবা ৱাফম থমখি।

খুঙ্গং চাউখৎ-থৌরাংগী সেক্রেতরী শ্রী শৈলেশ কুমার সিংহনা 'নয়ী চেৎনা 2.0’ কেম্পেনগী ইনসাইৎশিং অদু পনখি। মসিনা মীওই করোর 6 হেনবদা য়ৌখি, কম্ম্যুনিতীনা লুচিংবা থবক থৌরম লাখ 9 হেনবগী খুত্থাংদা জেন্দর বেজ ভাইওলেন্সকী মায়োক্তা ৱারী শানখি অমসুং থবক পায়খৎখি হায়না মহাক্না পনখি। মায় পাকপগী মওং অসিদা, 'নয়ী চেৎনা 3.0'না 'এক সাথ এক আয়াজ - হিনসা কে খিলাফ' হায়বা পাউজেল অসিগা লোয়ননা অপুনবা থবক পায়খৎনবা হায়রি। মসিগী পান্দমদি  হোল-ওফ-সোসাইতী অঞসুং হোল-ওফ-গবর্নমেন্ত এপ্রোচ শীজিন্নদুনা অপুনবা খোঙথাংশিংগী খুত্থাংদা শাফবা, ইনক্লুসিব স্পেসশিং শেমগৎপা অমসুং থোং মান্নদবা লৈহনবা ওইহনবনি।

খুঙ্গং চাউখৎ-থৌরাং মন্ত্রালয়গী মখাদা দীনদয়াল অন্ত্যোদয়া য়োজনা - নেস্নেল রুরেল লাইবলিহুদস মিসন (DAY-NRLM) না শীনবা থা অমগী কেম্পেন অসি 2024গী দিসেম্বর 23 ফাওবা ভারতকী রাজ্য অমসুং য়ুনিয়ন তেরিতোরী পুম্নমক্তা চৎথগনি। DAY-NRLMগী পাক চাউরবা SHG নেৎৱার্কনা লুচিংদুনা পায়খৎলিবা থৌরাং অসিনা জন অন্দোলনগী ৱাখল্লোনবু মপুং ফাহল্লি।

হৌদোকপগী থৌরম অদুদা নুপী অমসুং অঙাংশিংগী চাউখৎ-থৌরাংগী মন্ত্রালয়, স্কুল এজুকেসন অমসুং লিতরেসীগী বিভাগ, গৃহ মন্ত্রালয়, পঞ্চায়তী রাজ মন্ত্রালয়, সোসিএল জস্তিস অমসুং এম্পাৱরমেন্ত মন্ত্রালয়, য়ুথ এফিয়র্স অমসুং স্পোর্তস মন্ত্রালয়, ইনফোর্মেসন অমসুং ব্রোদকাস্তিং মন্ত্রালয় অমসুং জস্তিস দিপার্তমেন্তনা খুৎয়েক পীনবা ইন্তর-মিনিস্ত্রীএল জোইন্ত এদভাইজরী অমসু ফোংখি।এদভাইজরী অসিনা জেন্দর বেজ ভাইওলেন্স মুত্থৎনবা কোলাবোরেতিব মিনিস্ত্রী/দিপার্তমেন্ত খুদিংমক্কী পাঙ্গল ঈজিন্নদুনা "হোল-ওফ-গবর্নমেন্ত" এপ্রোচকী স্পিরিৎ অদু উৎলি।

ঝারখন্দ, পুদুচেরী অমসুং মধ্য প্রদেশকী জেন্দর চেম্পিয়ন অহুম্না ভিক্তিম অমা ওইবদগী লুচিংবা অমা ওইরকপগী মখোয়গী এক্সপরিয়েন্সশিং অদু শেয়র তৌখি।

'নয়ী চেৎনা 3.0'গী পান্দমশিংগী মনুংদা জেন্দর বেজ ভাইওলেন্সকী মওং পুম্নমক্কী মতাংদা এৱেরনেস হেনগৎহনবা, কম্ম্যুনিতীশিংবু ৱা ঙাংনবা অমসুং থবক লৌখৎনবা থৌগৎপা, মতম চানা তেংবাং পীনবগীদমক্তা সপ্পোর্ত সিস্তেমশিং ফংহনবা অমসুং হিংসাগী মায়োক্তা ৱারেপ লৌনবা লোকেল ইন্সতিত্যুসনশিংদা শক্তি পীবা য়াওরি।

থৌরম অদুদা ভারত সরকারগী তোঙান তোঙানবা মন্ত্রালয়শিং/ দিপার্তমেন্তশিং, স্তেত রুরেল লাইবলিহুদ মিসনগী মীহুৎশিং, ভারত শীনবা থুংদগী সেল্ফ হেল্প গ্রুপশিংগী নুপীশিং, অঙ্গনৱাদি ৱার্করশিং অমসুং পার্তনর সিভিল সোসাইতী ওর্গনাইজেসনশিং শরুক য়াখি।

*****